番茄18

以前係我食堂，無論係路德國舊店（樓下冰室）定大窩口都食過好多好多次，但真心食物質素有啲退步咗。1,明顯換咗第二種雞蛋，以前食厚蛋治係驚為天人咁好食，因為雞蛋好香又夠厚，宜家變咗只係普通蛋治，冇蛋味又薄咗。2,以前麻辣牛腩飯加炒底超好食（可能因為以前用嘅雞蛋好食）宜家變咗做白飯底，價錢冇變，已經唔會再食。3,麻辣蕃茄湯通粉，以前一路食開大辣，突然有一次叫大辣佢俾樽辣椒油叫我自己落？！請問嗰樽係麻辣辣椒油？4,佢啲瑞士雞翼/髀係好食，但近呢一兩年唔知做咩，成日都有啲唔入味，連顏色都未上到就出比人，攪到次次都要開盲盒咁，心很累，講真價錢唔算平，一個撈公仔麵餐$6x，都要俾返同樣嘅質素人先得，希望真係可以改善一下。…查看更多

是日外賣自取，2個餐Total$120，見到有八達通機：「八達通呀唔該」，職員指向隔離嘅字樣「外賣只限現金」，心諗外賣同堂食都係生意姐，點解堂食可以用八達通，外賣就一定要用現金，仲要得張手寫單，電腦單都冇，姐係冇入到電腦喇！究竟係員工自己袋錢？定係逃稅？ 嘢食又唔係好食，憑咩咁串？ 胡椒豬肚雞米線 冇胡椒味，仲要，兜米線裡面有條毛…查看更多

佢係唯一一間令到我可以專登喺元朗揸車車出荃灣食嘅一間冰室。強烈要求你喺元朗開一間。🤣🤣🤣🤣因為食勻元朗咁多冰室都冇一間可以好食過你🤣🤣🤣🤣你得三間分店實在太過少🙇🏼‍♀️🙇🏼‍♀️🙇🏼‍♀️…查看更多

嗰日發現左一間荃灣既隱藏寶藏美食，喜歡吃蕃茄的朋友要注意啦！蕃茄18係主打蕃茄湯底既餐廳，性價比非常高，而且份量很多，我見每個人基本上都係嗌一碗蕃茄湯既粉麵，再加配一些小食，真係又開胃又有驚喜！湯底有蕃茄粒，蕃茄味十分濃郁，唔會太酸或者假蕃茄味，滑蛋都啱啱好，簡直完美的配搭。而份小食就嗌咗大汗豬扒，炸得幾香，仲有啲辣粉點綴。餐廳裝修以懷舊香港風為主，好多唔同既招牌，充滿港味。總括來講，蕃茄18既食物性價比高，而價錢合理，上菜速度都算幾快，係值得一試嘅餐廳。…查看更多

蕃茄牛肉滑蛋通粉，色澤誘人，紅潤的蕃茄湯底配上嫩滑的牛肉片，再加上金黃的滑蛋交織，令人食指大動。通粉煮得恰到好處，彈牙有嚼勁。湯底酸甜適中，蕃茄的天然鮮味與牛肉的濃郁香氣完美融合，滑蛋的加入更添一絲綿密口感。牛肉片醃製入味，口感嫩滑，與滑蛋的柔軟相得益彰。每一口通粉都飽吸湯汁，酸甜鮮香在口中綻放。這碗通粉無論是味道還是口感都令人滿意，是一道簡單卻不失美味的家常料理。套餐還配上一杯香味濃鬱，美味可口的椰汁冰，很滿足！極力推薦…查看更多

番茄味夠濃！性價比之選 而且份量非常足夠 ！滑蛋熟成度不錯 可以配搭一款小食 今次選了蕃茄滑蛋配豬頸肉 豬頸肉軟硬度也適中。今餐配特飲可半價 有華田脆脆 龍眼冰 菠蘿冰可以選擇等等 也可以作為糧尾之選…查看更多

裝修懷舊風，吃的是現代味道。蕃茄湯底、麻辣湯底喺香港絕對唔係陌生嘅湯底，呢兩個湯底撈埋一齊冇違和感。介紹翻呢個叫麻辣蕃茄湯底，下午茶餐牌嘅選擇。蕃茄湯底味道濃郁，味道富有層次感，各種味道都平均刺激味蕾，麻辣嘅味道冇搶走蕃茄酸味仲帶點甜味、辣味、好在麻辣的感覺不太重，還有點香草味，不過香草味應該來自豬扒醃料味道😂豬扒厚度中等，沒有切開，咁啱呢舊豬扒孤位比較多，要好小心咬開。湯底比較杰身，米線滑脫脫的，整體唔錯。…查看更多

食過好多間蕃茄湯都失望，估唔到呢間唔錯！嗌咗蕃茄湯滑蛋米線配瑞士汁雞翼，紅豆冰重蕃茄味，冇嗰浸假蕃茄味，有粒粒蕃茄，湯底唔太稀又唔太傑，質地適中滑蛋夠滑但略嫌唔夠蛋味唔係一夾就散既粗米線瑞士汁雞翼好入味，係全隻唔係雞中翼紅豆冰就失色咗啲，冇乜味，紅豆唔靚環境光猛，望落乾淨，卡位有啲逼😂 枱有水杯同水壺可以自己斟我覺得幾好店員服務都ok，有禮，唔係十問九唔應唔係住附近，下次黎荃灣會encore👍🏾…查看更多

今次試咗胡椒豬肚雞米線，味道真係好正！湯底清甜，胡椒香味濃郁，令人食得暖心。豬肚煮得軟腍，雞肉鮮嫩，米線滑爽入味，吸收咗湯汁，口感極佳。配菜新鮮，增添咗層次感，整碗米線十分滿足。環境舒適，服務態度好，係一個享受地道美食嘅好地方，值得推介！…查看更多

呢間餐廳嘅招牌胡椒豬肚雞湯米線真係好正！湯底煮得夠味，胡椒香氣十足，飲落去暖心又開胃，豬肚煮得軟滑，完全冇腥味，啖啖都好入味。米線方面，煮得啱啱好，吸收咗湯汁再加上幾片香菜，整體口感幾好。呢間蕃茄18嘅環境都幾舒適，服務方面都幾好如果你鍾意食湯，想試下有特色嘅米線，呢碗胡椒豬肚雞湯米線絕對值得一試，無論係午餐定係晚餐，呢間餐廳都係個唔錯既選擇…查看更多

同朋友去食 佢嗌左個大汗豬扒麻辣米線點知佢一移動碗米線 成碗倒瀉咗啲店員即刻走來第一句係關心我地有冇焫親然後叫我哋坐去第二張枱比紙巾我地慢慢清潔自己然後幫我哋清潔個位全程都冇怨言我哋本身諗住嗌多個餐但個店員走埋嚟同我哋講唔使嗌會上返一碗俾我哋香港而家好少有餐廳服務態度咁好而且個麻辣米線都好好食圖中嗰碗係佢後來再上俾我哋已經食咗幾啖先記得影而我就嗌咗個花膠雞湯米線花膠有成三四大嚿 好足料個雞都有好多 雞好滑一定會再幫襯…查看更多

必試！麻辣蕃茄湯底麻辣食得多蕃茄湯也食得多，夾埋除咗瀨尿牛丸之外，原來麻辣蕃茄湯都可以夾埋。蕃茄湯夠濃，加埋麻辣，味道出奇地夾，酸甜同辣味交襲舌尖，真係開胃又有驚喜！最令人驚喜嘅係加埋個炒蛋，口感綿滑，配合埋蕃茄麻辣湯味道，真係好特別同好夾。如果你鍾意麻辣同蕃茄嘅，絕對唔可以錯過呢個選擇！一定要試下！…查看更多

🍅蕃茄濃湯 🐮鮮牛肉 🍗🥫炸雞翼濃蕃茄湯通粉看店名就知道主打是蕃茄湯底，蕃茄湯當然要配通粉/米粉。蕃茄湯底十分濃郁和熱氣騰騰，這樣的蕃茄湯通粉吃了；包含一隻熟蛋，淨在湯裡，掛上湯汁，湯汁有一點點偏甜，個人更愛偏酸的；鮮牛肉不硬，也沒有太多的鬆肉粉；炸雞翼後上，即點即炸，是舊式沾上咖哩粉炸粉的味道，好久沒吃過了。🧀🐷🍞芝士煎蛋豬扒包應該要寫厚豬扒，豬醃過，勁厚，但唔會煎得太乾，充滿肉汁；夾上芝士煎蛋生菜及沙律醬，滋味無窮。…查看更多

招牌蕃茄湯叉燒米線$4️⃣2️⃣🍅蕃茄湯底味道濃郁，仲有蕃茄粒，唔怪得係招牌👍🏻不過叉燒就切得太薄，味道一般牛乳炒蛋🥚都炒得幾滑牛油厚多士🥪塊麵包似冇乜烘過痕跡😅熱奶茶茶味香濃…查看更多

雖然行過好幾次大欖郊野公園，但民安隊圓墩營就未到過，因為要搞小組活動，所以，同老婆預行一次。咁起步前就梗喺食餐飽飽嘅早餐先起步啦，為方便搭車，就晌荃灣嘅「番茄18」搞掂。店內嘅裝修一睇就知打正懷舊旗號，當然，裝修新簇，喺偽懷舊，不過，睇番啲招牌呀、拉閘呀、霓虹燈呀……對我嚟講非常有感覺。不過始終喺茶記格局，座位喺有啲逼。早餐選擇非常多元化，由A至M共13款，定價$31到$43，正所謂豐儉由人，咁當然呢度主打就喺佢哋嘅蕃茄湯系列啦，餐牌更有一角列出蕃茄有咩好處，例如含有豐富嘅維他命、礦物質，又有抗氧化、降低高血壓……等等功效。B. 招牌蕃茄叉燒湯通粉 $40小弟就梗喺揀佢哋嘅招牌蕃茄湯通粉啦，招牌即喺招牌，單喺睇個蕃茄湯底嘅色澤已感覺好對辦，飲落真喺酸香鮮活，嗰陣蕃茄味香濃得嚟好自然，絕對唔似喺搵茄膏開沖嗰一類，另外啲叉燒都唔錯，幾鬆化；牛乳炒蛋夠嫩滑，有蛋香；牛油厚多士送嚟仲喺熱烘烘，已經收貨啦。佢哋嘅熱奶茶，飲落都算唔錯，茶底幾芳香，茶奶比例亦都啱啱好。E. 雪菜雞扒煎蛋上海麵 $40老婆就揀過上海麵，佢話好一段日子都無食過上海麵。無論個通粉，還是上海麵，都非常之大碗。啲雪菜無過山鹹，雞扒亦都好大件，又厚身，咬落肉質嫩滑，不過佢就略嫌煎得較燶，但佢佢本身都唔食雞皮，所以無乜所謂，啲上海麵亦都好滑溜，雖然唔肯定個湯底喺乜，但似乎似喺清雞湯，頗香濃，配埋一杯濃郁嘅熱杏霜，佢話呢個早餐好滿足。因為今餐都喺快閃早餐，所以，影相方面無乜特別預備，求其搵手機影幾張，故此，比平常嘅食評寫得簡單啲，無咁詳盡！…查看更多