番茄師兄

今日午餐時段1315左右兩位入座好好彩有位，不過要搭枱，但食左無耐隔離枱都食完走了。不過搭枱其實唔緊要，最可怕係食到1325之後明明有其他吉嘅2人枱佢都要安排2位嘅坐我地隔離。都算，佢仲係咁要收我未食嘅野，最搞笑係淨係問我，又唔見佢咁主動收其他人。不過野食方面係ok嘅叫左100%純和牛漢堡扒蛋包飯 $96日式吉列豚番茄湯讚岐烏冬 $84不過提醒返只收現金！！！唔知係淨係今日先係咁嘅服務態度定點，不過午餐呢個價唔算平又唔算貴，都比返少少服務會好啲。其實只要做多少少人地就會食得開心好多，好過多左一個black list 你嘅人。…查看更多

基本上每個禮拜都會嚟幾次，但近來轉的餐單實在太失望了，以往所有嘅選擇大部份都冇晒，仲要逼我哋食一隻唔好食嘅烏冬，以往有米粉同埋拉麵或者係公仔麵，就算以往可以加錢牛丸都冇埋，雞扒冇埋，牛腩冇埋，已經不是我們熟悉的蕃茄師兄了，而且新的菜單，那隻烏冬，硬得出奇，可以講係難食。同行人的芝士焗飯亦都冇埋，轉咗一啲古靈精怪嘅漢堡餐，其實呢一間餐廳咁樣轉呢個餐單法，佢嘅核心價值經已冇咗，佢嘅出色就係一個蕃茄湯底，而家轉到不倫不類，已經不是以往的蕃茄師兄，這樣的菜單，估計不會再去了。…查看更多

一直係番茄師兄熟客，蕃茄湯烏冬係世一，最鐘意加炒蛋咁食。但今日去發覺轉左餐牌，由散叫變左做套餐。因為佢個蕃茄湯加炒蛋都好飽肚，之前單點一個烏冬就已經好飽，變左做套餐其實真心食唔晒。其實我都明轉套餐係想加價，我寧可你直接加價，好過逼我要埋唔想要既野。另外新餐牌少左好多餸菜，騸牯牛冇左，雞扒冇左，牛臉頰又冇左，其實而家個list真係唔係好好揀得落手，最後揀左雞胸，但出黎個樣好似人地即食雞胸咁，隔離枱都話似即食雞胸翻熱，同埋d香料就咁睇好似發霉咁，賣相真係唔得。一直都都好支持番茄師兄既理念同食物，希望老闆可以做番以前既水準…查看更多

失望透頂🤥轉咗menu之後大失去原本嘅番茄特色好失望，轉左Menu之後得返蛋包飯同埋蕃茄烏冬可以揀。原本食蕃茄師兄最出名就係要食佢嘅蕃茄湯底+配搭唔同嘅餸+面底（米線/米粉/公仔麵等等）。而家如果想食蕃茄湯底，返烏冬或者椰菜花飯可以揀，個椰菜花飯好少同蕃茄湯底完全唔夾。真系唔明點解要轉menu, 一心係中環嚟到食lunch真係好失望💔轉左Menu之後價錢都貴咗一個餐要$96。 希望老闆可以出返之前個Menu等食客有多啲選擇🙏🏻🙏🏻…查看更多

諗著食蕃茄麵，但原來蕃茄師兄依家冇番茄麵，食左個雞胸蛋包飯，雞胸幾好食，味道可以，但個汁同飯都唔熱，感覺好似預制菜。餐牌只有飯和烏冬（但今日中午1點烏冬都已沽清），沒有麵，覺得有點失望。…查看更多

平時好多機會黎灣仔，原來係內街開左蕃茄師兄都唔知添。今日同個朋友黎食，睇下水準keep唔keep 到先。叫左個牛臉頰加滑蛋米粉，68再加5蚊，算係甘。牛臉頰有4大塊，食落非常腍，再加上少許牛根，口感一流。味道係比較清淡，主要食牛本身既肉味。但其實完全唔洗擔心唔夠味，因為湯底夠，加埋一齊吃剛剛好。滑蛋5蚊黎講好抵食，值得叫。最重要既係佢個湯底，非常濃郁既蕃茄味，質感比較厚實，似每一啖都吃緊蕃茄容甘樣，好正。另外都試左佢既豆漿，甜度唔高感覺好健康！整體黎講好好味，一定再黎。…查看更多

——事情發生經過——2025年3月19號，禮拜三晚上8點38分打電話問「堂食幾點last order」電話回答「搭9，last痾」8點43到達，兩個職員即刻撲出嚟攔住我「先生先生過左last order 時間」我答「我幾分鐘之前打電話黎問幾點last order」職員答「呃，5分鐘已經截單」我答「你同事電話同我講搭9 last order喎」職員面面相覷，黑曬面，答「家陣得外賣」我答「你同事係電話同我講我堂食last order係8點45分，我先專門過來」3個職員面都燶晒，好似俾人犯法俾人斷正咁，答「咁你想食咩」此時，旁邊的廚房傳出一把聲「家陣44分，仲有一分鐘」3年後第二次幫襯，餐牌d字寫乜都未睇清楚，唯有非常匆忙地求其完成落單坐低兩分鐘，煮好擺係我面前，卻係一個外賣紙碗職員好似好唔好意思咁講「唔好意思，師傅用錯碗」——感受——其實我係銅鑼灣時代廣場個頭，有非常多選擇，專門過去，係有心支持都明白有last order 時間限制，所以專門打電話問清楚都係食個麵，點解職員要講大話，仲要反反覆覆其實咁唔想做/咁趕住收工，可以唔撈，或者直接d 一句，我唔做你生意兩分鐘煮好嘅米線，有十條係未完全煮熟，說好的用心製作？都明白可能趕住收工，唔想洗多個碗，所以比紙碗我成個過程，職員D眼神非常不友善，我用15分鐘快速食完一碗啱煮好嘅好熱好熱米線，用最快速度離開這個不友善的地方斷斷續續用了半個多小時去寫這些文字，因為真係唔明白點解可以差到咁唔好同我講咩香港餐廳係出名有特別服務態度，你可以係電話個陣就同我講已經過左last order時間，大家都開心希望大家都唔需要好似我咁，食碗麵，都要俾人呃，仲要黑面，再用個紙碗食d未煮熟嘅米線祝生意興隆…查看更多

番茄師兄主打番茄湯底配各式麵食，平時食開深水埗嗰間，原來灣仔都開咗！今次照舊嗌返「麻香瑞士汁雞中翼麵」，不過就加配炒滑蛋～🍜 麻香瑞士汁雞中翼麵（$54）雞中翼以瑞士汁做調味base，再加上佢哋嘅「麻の一滴」，嗰陣麻香食落好上癮。不過，對比起之前喺深水埗食開嗰陣香，呢度似乎落得輕手咗，個麻味唔係好出🤔 好彩每張枱都有一樽，可以畀你任落😂😂 但個人建議落幾滴就夠，落太多會搶晒蕃茄湯味！另外，個人覺得要掛湯，最正就係揀拉麵😝 雖然我係烏冬派，但嚟呢度都一定會嗌日式拉麵😍 至於炒滑蛋口感滑溜，同湯底好夾，建議連湯食～整體評價番茄師兄雖然以番茄湯見稱，但佢呢個「麻の一滴」都同樣吸引！每枱都有一樽，就算唔係嗌麻香雞中翼，都一樣試到㗎，食得辣嘅朋友記得要加😋 價錢上都算合理，不過lunch hour都幾多人，唔怕排隊都可以考慮嚟試吓～…查看更多

灣仔lunch飯堂⭐️好食又經濟之選🙌位於灣仔嘅一條巷仔，位置上可能比較難搵，嚟親呢度通常都係叫蕃茄湯滑牛加炒滑蛋日式拉麵❣️今次就叫秘製雞扒雞扒煎得香而唔乾，大大件都好唔錯👍喜歡呢度份量夠，午餐食得飽湯底偏甜同濃稠，唔係好重蕃茄酸味拉麵質地其實冇特別，但同湯底又出奇哋好夾所以特別鍾意叫拉麵推介加埋粟米粒都好夾㗎嘢飲加咗檸檬冬瓜茶，就實在太甜啦叫返凍豆漿會穩陣好多另外加錢加咗兩粒牛油煎帶子，帶子都唔太細粒，另外都有其他小食。平時食開嘅滑牛同滑蛋依然係最愛🙌食極唔厭🙌缺點係午飯時間要排隊😂📍番茄師兄 …查看更多

星期五下午係灣仔要揾野食，路過門口(比較隱蔽)，終於可以來試下蕃茄師兄，叫左個麻香瑞士計雞亦烏冬蕃茄湯底，雞亦好入味，湯底很濃及香，成碗湯飲埋。再加桂園紅棗桑寄生茶，好飲又滋潤👍…查看更多

聽朋友介紹個蕃茄師兄好多次，但係每次經過都見到勁多人🐟🐟🐟🐟同埋以為淨係得蕃茄相關嘅食物🍅🍅😅😅所以一直都未有機會試今日經過見到排隊嘅人數都還好，咁就即管試吓啦原來唔係剩係得蕃茄相關嘅食物嘅，仲有蛋包飯，食物都好多元化，有蕃茄湯底或者忌廉湯底仲可以揀通粉，烏冬，公仔麵，米粉等等今次就要左墨魚卷，幾彈牙好食 我平時食得比較清淡，呢個湯底對我嚟講係比較濃，適合追求濃烈口味嘅人士加$6有飲品有桑寄生紅棗茶，幾養生👍…查看更多

當日我去番茄師兄食飯，試咗佢哋嘅秘製牛腩煎雙蛋公仔麪。首先當然要提一提佢哋嘅招牌番茄湯底，濃郁嘅蕃茄味道令人驚艷，飲落去好舒服，質地似日本濃湯拉麵咁滑順，令人回味無窮。湯底使用咗新鮮番茄同蔬菜熬製，味道層次豐富，絕對是湯底控唔可以錯過嘅選擇。而牛腩亦係呼之欲出，入口即化，味道層次豐富，肉質鮮嫩多汁，絕對是肉食愛好者嘅首選。番茄師兄作為專門店，專注於蕃茄湯底料理，價錢又親民，絕對係一個值得一試嘅美食去處。如果你係蕃茄愛好者，番茄師兄絕對係一個不能錯過嘅餐廳，必定能滿足你對美食嘅追求！…查看更多

死角位，平時冇留意佢嘅存在。星期六2:30 ，路過被蕃茄湯吸引，內進食咗個煎牛脷滑蛋米線（當然要蕃茄湯底），好味值得再嚟幫襯。仲有秘製辣醬汁同埋百里香簡直係絕配！…查看更多

好耐無黎灣仔，聽同事講蕃茄師兄係灣仔開左分店，作為蕃茄愛好者，當然要黎試下。麻香瑞士汁雞中翼，一碗有4隻都算好足料，加左5蚊要個炒滑蛋，份量好足！湯底好濃郁既蕃茄味，水準依然keep 到，唔錯！雞翼竟然係有少少辣既滷水味，估唔到又幾配搭到！吃落又香又點少辣，幾正！滑蛋就唔洗講啦，好大份又好滑，連埋個湯底吃真係好好味！但都要講下改善地方，D 鳥冬唔太好吃，有d 痴牙之餘仲好斷，如果係靚鳥冬加依個湯應該可以比到100分！埋單6x 黎講真係好平，一定再黎！…查看更多

呢一日嚟咗食蕃茄師兄，聽過好多次個名，不過嚟食都係第一次🤣 入到去見到好多學生，我諗呢度係好多學生嘅飯堂。店面唔細，我哋諗都坐到30-40個客。用手機掃code落單，選擇都唔算少，大致分為：湯麵、焗飯、蛋包飯三類。除咗蕃茄湯仲可以揀粟米忌廉湯。而我就揀咗龍脷柳蕃茄烏冬，沒加配飲品。湯底偏甜，只有小小酸，濃稠度中等，有少量蕃茄皮；烏冬雖然唔算好彈牙，但口感不差；龍脷柳嘅話就炸得有啲太Over，比較油膩🧐 整體上菜超級快，蕃茄湯底都幾開胃嘅，12:20到店唔洗等位。😙另外佢地係只收現金的，想去試既朋友仔就得帶定現金。😆…查看更多