畔溪尚粵館

襯假期同家人去畔溪飲茶，聽講呢間酒樓都幾出名，有名人飯堂之稱，唔知真定假。雖然佢啲點心唔平，但都係合理水平。我哋點咗幾款點心，有：「畔溪蝦餃皇」，得2隻，但都算好大粒，味道都正常，皮算薄，蝦肉都夠脆，可以一試。「翡翠豆苗餃」，皮比較厚，我睇過人地影出嚟係好薄，厚到睇唔到個餡，唔知係咪比錯嘢我，見係餃嘅形狀就照食。「菜乾鹹豬骨粥」，本身我幾鍾意食菜乾粥，但係佢加上呢個豬骨，成件事就變成咗更鹹，佢個名係冇改錯。「蜜味叉燒包」，正常味道嘅叉燒包，唔會有特別嘅驚喜。有個炸嘅餃冇食到，同埋最後上菜嘅腸粉食咗但唔記得影，皮太厚，最後食咗啲蝦就算。食咗咁多樣嘢，感覺佢啲點心好一般般，唔知當年啲名人口味咁一般？定係搬咗嚟之後啲質素下降咗？就不得而知。…查看更多

我預約晚上7點， 我7點去到， 無位， 等到7點15分， 我超嬲， 要我爸媽老人家等， 阿經理仲要屈我地遲到， 真係嬲到無朋友， 我一次係到打食評， 我做左40幾年人， 第一次面見d 咁無禮貌的知客，真係好嬲好嬲…查看更多

東港城早前都有幾間茶樓，競爭激烈。而家得返畔溪，佢啲下午茶、午餐、晚餐10年如1日。尤其是下午茶，千篇一律完全冇改進 。我是一個退休嘅長者希望有啲變化，希望他能改善。…查看更多

1.     XO蛋黃醬脆蝦球 $168 ❤❤❤❤蝦球配搭蛋黃醬，增添了幾分濃郁口感，蝦球上配以XO醬，帶有少許辣味，但價格稍高。2.    南海鮮沙薑雞（半隻）$108❤❤❤雞肉一般，沙薑反而是亮點，味道較香，亦不會有過咸的口感，如對雞肉要求不高的你，可以一嘗。❤愈多愈推薦(最多5❤)龍豬情侶評價：整體來說，這間中菜酒樓表現穩定，菜式水準達標，附有甜品贈送，然而，價格略高，且環境和服務方面還有提升空間。若您需於坑口找一間便利的中菜餐廳，這裡算是不錯的選擇。推薦指數：：7/10好味指數：6/10環境指數：7/10服務指數：7/10餐廳︰畔溪尚粵館地址︰將軍澳坑口重華路8號東港城2樓235號舖…查看更多

又係同屋企人飲茶嘅時候,因為多人通常會book定,明明book好但去到話冇booking😨都咪話唔嬲嬲🐷好在我早左到即刻即時噤飛佢話有枱盡快比我...之後真係好彩都算快比到大枱我🫡我哋又係好中意叫到一枱點心🤣同埋酒樓一貫作風勁快一次過上好多點心係冇位放😂今次另外叫咗鴛鴦飯家人好中意食,火鴨絲炆米就麻麻哋,我覺得啲點心味道都keep到唔差,鯪魚餅同蘿蔔絲酥熱辣辣食好正,叉燒都係大家讚😍（不過又有落錯單情況😅可以留意下)…查看更多

酒席給予的房間濶落，上菜侍應的服務很貼心，我杯茶飲到一半以下便幫我再斟，龍蝦彈牙，仲有個魚翅係每人一個燉盅下面有火加熱，很別緻，再加上每人一份用刀义品嘗的鮑魚花膠扣鵝掌，好淋好入味，江南百花雞更是一絕，成隻雞去骨切件釀蝦膠炸香，幾有特式，好吃！水餃伊麵好爽。蛋白瑤柱炒飯老人家贊不絕口。整體表現係我食咁多間酒樓當中招呼服務最好。要比個贊！…查看更多

通常過時過節,家人便會聚埋一齊去飲茶,近幾次都來了這裡,因為大集團的已没新鮮感每次我們都叫十多人套餐又或是廿多籠點心,上枱時真的很壯觀,因為酒樓上菜速度何其快,吃飯好似同員工上菜比賽咁,佢不斷疊高我們就一路清咁😅雖然係好有效率,但每次我都覺得會消化不良咁講返食物,質素味道都幾好,上次叫咗碟星洲炒米又幾香口好味,家人都讚有時啲蒸餃就蒸過頭太淋了,但整體上都ok 都應該有機會再回來嘅,因為員工嘅服務都比較好但安排坐位可以再好啲,如比較多人可安排比較大張啲嘅枱給客人…查看更多

食物本身只係一般，但最大問題竟然有一位疑似是经理級老人更換完枱布後，竟然將原本的枱布用自己對腳躋著枱布上，來回好幾似在地上抹水漬，這太赫人😱！! 以後都不敢去光顧！…查看更多

東港城嘅一間酒樓，下午12：45都要等5-10張枱先有得入。價位唔低，小點都$20.8起跳，而且好多點心以小點招來，但係標明 2 件。。。真心唔平瑤柱豆苗腸粉豆苗非豆苗，係翡翠苗，而且偏老有筋，瑤柱味唔出，唔太食到瑤柱嘅存在雞紥正常發揮，餡料豐滿，油膩度可接受，有芋頭、魚肚、雞件同火腿腐皮卷一份兩件，又係食水深，酒樓點心一向都三至四件，而且佢餡料少咖喱蒸土魷咖喱味香濃惹味，而且少見外面有售，土魷份量多，爽彈，醬汁就偏太黏稠，凍啲就變返一舊糕嘅樣貌薑葱牛栢葉份量足，味道好，牛栢葉爽粉果 - 皮厚，味道正常糯米飯 - 用細籠直接蒸完上枱，輕微荷葉香，糯米飯軟糯唔爛，而且色水均勻，唔會偏鹹，做得出色沙姜豬腳仔沙姜另上，但係豬腳仔本身已經帶點沙姜味，唔用都可以。另外豬腳仔肉質好淋滑似煲完湯😂非常好味…查看更多

十月一日到畔溪尚粵館下午茶，位於將軍澳重華路8號東港城2樓235號舖。 大約兩點幾到達，都要等一段時間三點鐘才能入座，估唔到咁多人喎！下午茶🥢 ～ 牛肉腸粉$19.8、蘋果叉燒酥$19.8、蟹籽燒賣皇$17.8、 蘿蔔絲鯪魚餅$17.8、 蜜糖雞蛋散$14.8 、 雪菜牛鬆炆米$78。 ▫️牛肉腸粉 ～ 味道普通， 牛肉餡料偏少。 ▫️蟹籽燒賣皇 ～ 肉質鬆化，幾好味。 ▫️蘿蔔絲鯪魚餅 ～ 食唔到蘿蔔絲，鯪魚餅比較油。 ▫️蜜糖雞蛋散 ～ 蜜糖唔夠。▫️雪菜牛鬆炆米 ～ 味道偏淡，但幾大碟。 ▫️蘋果叉燒酥 ～ 賣相唔突出，但叉燒酥做得香酥美味。 個人感覺整體味道普通， 不過下午茶時段都開幾耐，平時飲茶多數三點半已經落場，反而畔溪尚粵館仲有好多客， 唔使食到趕頭趕命。 🏷️溫馨提示～ 整個用餐體驗均屬個人分享意見， 只作參考😊。 …查看更多

我好少寫食評，但今晚對這間酒樓極失望，希望此文讓酒樓反思下，係咪以量少、價格相對其他餐便宜，以欺騙街坊光顧二人餐是有良心的做法？還是應該以正常的質量給予顧客，讓顧客覺得名符其實，開心再光顧好呢？事緣看到有個二人餐（星期日加30元，共398元）今晚8:00叫餐，沒有燒腩仔，叫我們改切雞或叉燒。另外，沒有飄香荷葉飯，我們唯有要兩個雞煨麵。這兩點也罷，明白星期日人多，沒有想吃的都不要緊，名符其實便可。首先來了兩個青紅蘿蔔湯（沒拍照），然後來了一個無乜雞肉的涼拌青瓜伴切雞，讓大家看看，是一份只有四小件無乜肉的雞（另有一件雞翼尖，我哋不吃），侍應遞來時，我們也很愕然。不過，我們以為之後的籠仔古法蒸龍躉件是正常做吧，應該會夠飽。怎料是用兩隻豉油碟裝上的龍躉及兩件豆腐卜，一些木耳。我們想：飯是有寫Q版，但這個龍仔無寫Q版，原來平時的籠仔同今日的籠仔係有分別的，一個餐只有四件無肉雞、四件魚、四隻鮑魚，這真是一個值398元的二人餐？（加一後，加茶芥後係470元的餐啊！）最正常是鮑魚了。至於Q版青菜雞煨麵，都知道個碗會小，這個我哋見到Q版二字是預計到，起碼酒樓無欺騙顧客之嫌，但⋯⋯啲雞幾乎粒粒大概1cm長闊度。為何畔溪明明係九龍塘以前著名的酒樓，今日會給予這樣的貨給顧客，而且在餐牌沒指明連籠仔都係Q版？如果我哋預計這餐的量，連一個細食的女孩，都不足以果腹，我哋兩公婆不會叫這個餐吧！是餐牌誤導顧客之嫌啊！後來，我們連甜品都沒吃，實在等不了。只想說：今次用膳極失望，一間食肆豈能用這不義之做法，欺騙顧客光顧？每一個機構都應該有社會責任，對顧客負責吧！希望畔溪以正當手法營商，這樣才不致令顧客失望。…查看更多

喺啱啱星期日同屋企人喺嗰度食晚飯，途中仲經過新落成嘅將藍隧道，由於夜晚就冇乜車使用，所以我哋好快就去到目的地，咁我哋嗌咗六碟餸菜，好快就全部嚟齊，仲要性價比高好好食添，所以有機會都會多啲嚟呢度食晚飯呀！…查看更多

途經東港城畔溪尚粵樓，記得幾年前食過唔錯，趁機入去下午茶。疫情前差不多每個星期日也會去飲茶，想起也開心！！一眼望入去裝修幾規，亦夠光猛，可惜我們被帶到轉彎位附近，燈光比較暗(我自己不太喜歡)。坐低就已經聽到侍應說燒味只有雞了(燒鵝、燒鴨和叉燒等已售罄🤣)，雖然是下午茶時間，但都至少應該準備足夠食材吧！只見旁邊的茶客反眼反到太空🤣🤣🤣在看下午茶點心紙時，見到幾款已沒有了(包括我本來想食的粥品)，再加上沒有燒味(除了雞)，所以不算太多選擇。最後點了6個點心，都夠飽的。1. 蟹籽燒賣皇：味道可以。2. 豬扒Q版擔擔麵：雖然一早知道是Q版，但真的太細碗啦！兩三啖就食完。湯底味道可以，但實在太稀，麵條太軟。3. XO醬炒腸粉：味道可以。老公覺得不夠XO醬，可以再濃味少少。4. 四式點心拼盆(蝦餃、豆苗餃、蟹籽餃&黃金糕，各2件)這次最好味的點心！蟹籽餃有驚喜，因為加了韮黃，增加了口感及層次，喜歡！蝦餃和豆苗餃都可以。黃金糕比較差，口感比較硬，而且份量似是將一塊剪成兩小塊🤣🤣🤣5. 鮮竹牛肉球：基本上去任何酒樓必叫的食物。太林，無牛味，完！6. 四寶滑雞扎：整體都算可以。嗯⋯那塊應該是魚肚吧！第一啖是酸的，明明記得其他酒樓不是這個味道，但老公食完說沒有問題，就信他啦！嗯⋯食完腸胃無事🤣🤣🤣記得以前在浸會大學讀書時，間中有去過九龍塘畔溪(已結業)，感覺比較高級。今次再食，感覺平民化了，但又好似想在平民化中高貴一些？最近食的貴價或平價酒樓，水準也好像走了樣。嗯⋯下次食其他種類好了！香港實在有很多美食等著我！！…查看更多

同個仔去完消防博物館，搭小巴去咗坑口東港城食呢間。我哋叫左好多嘢食（無影相，因為本來無諗住出食評）1.蝦餃2.叉燒腸3. 叉燒包4. 椒鹽魷魚鬚5.燒賣6. Q版糯米飯7. 煙三文魚蟹籽炒飯8. 鳳爪7. Q版嫩雞煨面8. 鍋貼9. 蘿蔔糕老公同我都覺得d出品幾好，蘿蔔糕煎得啱啱好，椒鹽魷魚酥唔似一般酒樓炸到油淋淋，好乾身，好好食。蝦餃同叉燒包都好食過出面好多大酒樓。另外仲有個燭台熱住d水，時時刻刻飲到熱茶。街坊酒樓來講呢間算係唔錯！…查看更多

看見他們沒有更換枱布的，我檯面的枱布留着前幾手的污跡，好嘔心。睇番侍應枱枱只是更換檯面的一張長方形紙張，覆蓋面不夠大！同一塊檯布用足全日給不同人客共用，毫無衛生可言！酒樓每返枱換乾淨檯布是基本動作. 但疫情期間這間酒樓這樣污糟，真的不敢再來了！…查看更多