生隆餅家

最近我在生隆餅家買了紅豆糕，真是太好吃了！這款紅豆糕的口感非常柔軟，咬下去的時候，能感受到紅豆的細膩和香甜。每一口都充滿了濃郁的豆香，讓人心情大好。特別喜歡它的甜度，剛剛好，不會太膩，吃完後還想再來一塊！而且這家店臨近中秋節，看到他們的月餅陳列得琳瑯滿目，各種口味都有，讓我忍不住想嘗試。紅豆糕簡直是和月餅的完美搭配，茶點時間來一塊紅豆糕，真的特別享受。另外，紅豆糕的顏色也很吸引，淡淡的紅色讓人看了就有食慾。生隆餅家的手藝一向都很好，這次的紅豆糕讓我更加期待他們的月餅了！總之，這款紅豆糕讓我感到非常滿足，真心推薦給大家，尤其是中秋節快到了，這絕對是宴客的好選擇！…查看更多

生隆餅家是深受大眾歡迎的中式糕餅店其中之一，黃金時間購物都要排隊先買到。今次買了黃糖糕及糯米糍。黃糖糕以黃糖製成，比白糖糕多了一種焦糖甜香味，味道也較濃，香甜軟糯，鬆軟且富有彈性。(急不及待食了1粒才醒起要拍照)糯米糍也是這店的招牌糕點，糯米皮柔滑，口感煙韌且富有嚼勁，內餡充滿香濃花生碎粒、清甜椰絲及適量砂糖，三種餡料的完美配搭，為整粒糯米糍帶來層次分明的味道。…查看更多

。花生糯米糍 $25一盒有六粒，正常size～外皮軟糯得嚟唔會黏口，厚薄度適中，對於鐘意食糯米皮嘅人嚟講，呢個比例非常滿意👏 入面揀咗花生餡，佢仲有啲椰絲，整體甜度唔高。花生碎屬於粗粒嗰類，味唔算好濃，但有啲粗粒口感幾好，唔會太膩～如果鍾意軟糯口感又唔太甜嘅中式小食，呢個都幾值得一試！…查看更多

買咗白糖糕、砵仔糕、芝麻卷，全部都唔會好甜。芝麻卷滑溜煙韌，有芝麻香；砵仔糕紅豆又多又大粒，一盒有兩款，椰汁和黃糖，軟硬度適中，口感煙韌👍🏻白糖糕有輕微酸味，口感爽滑，內裡一絲絲蜂巢狀。…查看更多

試過好幾間出名嘅傳統糕餅店, 最後選定呢間, 因為真心做得好味, 不是只有名氣, 砵仔糕甜度適中, 口感不會太削, 光酥餅唔黐口, 難得, 糯米糍個皮煙韌度剛好, 不會太削, 特別鍾意豆沙餡, 甜店做得非常好…查看更多

自從搬離深水埗都會經常跨區返嚟幫襯嘅餅店，比同區其它餅店我覺得這間最好和價錢吾貴。最喜歡砵仔糕，白糖糕，芝麻糕，牛耳仔，光酥餅，馬仔等等。特別係白糖糕質地軟糯冇酸味，好多有得賣嘅餅店都做得吾好食。食咗好多年都保持到水準好難得所以要寫幾隻字嚟表揚下這間店。…查看更多

傳統的糕點，買少見少，來到深水埗，今次嚟試吓生隆既糕點分別買了迷你砵仔糕、芝麻卷同西樵大餅我買咗兩隻色都有，迷你砵仔糕一盒有8粒，細細粒，方便多人分享，食落紅豆都幾多，口感偏彈性那種，唔會過甜👍芝麻卷食落軟滑，唔會過甜，如果芝麻味濃些會更好西樵大餅食落香甜酥軟，唔會有臭粉味，懷舊嘅味道🤗…查看更多

中秋必定要食傳統月餅我就最鐘意蛋黃愈多黃愈鐘意而生隆既四黃月餅最得我心❤️除左蛋黃出油之名佢地既蓮蓉餡唔會過甜今年第一次試紅豆月餅原來都幾好食紅豆餡好棉 搭埋蛋黃都幾襯除左月餅佢地既糕點都幾正由其係芝麻卷 好香…查看更多

中秋團圓的懷舊小食 - 豬籠餅因為中秋節，想搵豬籠餅送俾小朋友，以前係長輩送俾小朋友食！呢間餅店無論裝修同味道都好有傳統節日氣氛！ 係店舖入面，有砵仔糕，紅豆紅豆糕，芝麻糕，糯米糍，發糕，紅包，雞屎滕等等。。。。。。全部都好吸引！試左幾間傳統餅店，我覺得呢間最正宗！這款豬籠餅外皮酥脆，令人回味無窮！以前係長輩送俾小朋友食！而家好多地方都用新頴包裝，設計多變，但傳統的透明塑料包裝，搭配金色印刷，仍然勾起一份懷舊感。每一口都帶著濃濃的香氣，咬下去時，外脆內軟的口感讓人感受到一種幸福的滿足。…查看更多

花生糯米糍（$25）有花生餡/豆沙餡，糯米糍就梗係襯花生多啲啦。一盒有六粒，正常size，可以一口一個。糯米粉皮軟糯，餡料除咗花生，仲有椰絲，唔係好甜，花生味唔算濃。芝麻糕（$6）本來想買「菲林卷」，但至少兩條起，見到隔離有芝麻糕，咁就啱嘞。芝麻味是有的，亦香，但未算好濃味，而且唔算好甜。紅豆糕（$6）諗住落單嘅時候，見到紅豆糕新出，忍唔住買埋。勁多紅豆，成個底舖到密密麻麻，咬落好實在，同樣不是好甜。砵仔糕（$6）睇睇吓見到，又好似好耐無食過，一於買埋你啦。紅豆粒適量，咬落都好實在，少少甜，小時候的味道。…查看更多

買少見少既傳統糕點.同區另一間糕點老店結業 今次黎試下生隆既糕點🙌🏻見到門外好多人 要排隊 但都流轉得好快🙌🏻 大多都係買糕點 蒸蛋糕同皮蛋酥.｜迷你砵仔糕 $18一盒有8個 細細個可以share 又唔貴 抵食❤️ 可以揀有豆無豆 雙色 白色/啡色口感軟滑得黎有彈性 紅豆都幾多🤭 市面上有太多砵仔糕一係好粉/好實/好冧🥹 呢個砵仔糕口感好好 好食！.｜芝麻糕 $6大大塊都係$6 厚度大概7-8cm 口感軟糯 但我會比較鐘意厚身啲 咬落會有口感啲…查看更多

途經深水埗生隆餅家，見舖外熱鬧選購，一於買包光蘇餅回家當下午茶餅食。生隆的光蘇餅頗受歡迎，一包內有四件，質保十天，但不用一天，我們已享用完，餅質甜度適中，一啖啖金童年餅食回憶湧現。…查看更多

係深水埗菜市場和排檔裡，是香港傳統懷舊餅家，好多懷舊糕點，試左💰糯米糍 花生/豆沙 $25盒皮薄爆餡，一咬落去花生椰絲餡爆出黎，甜度適中，25蚊有6粒抵食，如果有更多味道選擇就好。…查看更多

🇭🇰Hong Kong - Sham Shui Po 📍生隆餅家芝麻糕花生糯米糍_____________________________細細個每次係深水埗都去坤記買砵仔糕同白糖糕食，好可惜坤記已經無繼續做。之後發現好多人都介紹生隆餅家，今日去開就去買嚟下！下午五點幾去到，人頭湧湧插針都插唔入，係周圍徘徊咗一陣之後就衝去姐姐前面「唔該！一盒花生糯米糍、一舊芝麻糕、一袋光酥餅」速戰速決。好可惜我最愛嘅白糖糕賣晒。芝麻糕淡淡嘅芝麻香，但如果再濃啲芝麻味會更好食。最出名嘅花生糯米糍，呢個真係絕對會再去買！外皮厚度啱啱好，唔會太厚又唔會太薄，因為個人偏外食糯米皮所以唔中意太薄嘅皮。外皮好香糯亦都有淡淡嘅甜味。而內餡有花生或者豆沙，花生唔會碎到好似粉咁會有啲粗粒，增加咗個口感，而入邊唔會撈咗大量砂糖，配合埋甜甜嘅外皮，甜度啱啱好。📍 深水埗北河街66號地舖…查看更多

生隆餅店係一間傳統中式糕點餅店，到了中秋節就有月餅賣，又係食月餅嘅時候，餅店月餅每日新鮮出爐，選擇都幾多，最欣賞可以單個買，試多的味，喜歡食邊款再嚟買過，揀埋四個可以入禮盒，唔要盒仲可以減10蚊。蛋黄綠豆蓉月餅嘅皮好薄，餡好似綠豆餅嘅綠豆蓉，蛋黃有油水，咸咸甜甜，味道麻麻，試一次都還好。陳皮紅豆沙月月餅嘅皮好薄，餡中有粒粒陳皮碎，豆沙蓉夠香滑，陳皮嘅甘味會慢慢咁出嚟，同豆沙蓉互相融合，口感軟滑香甜。…查看更多