生記鮮魚湯米線 (已結業)

晏晝一點半嚟到生記魚湯米線，門口依然人頭湧湧，好多人等外賣，好在堂食唔使等位。叫左個魚滑魚湯米線，先嚟飲一啖鮮味嘅奶白色魚湯，完全唔覺得有腥味，但胡椒粉味都幾重。魚滑好新鮮，入面仲有少量蔥同陳皮調味，總共有成八舊咁多🤤，食晒成碗都真係幾飽。米線入面亦有少量椰菜同埋芽菜做配料，感覺好健康。米線略嫌碎咗少少，亦有少部份米線未煮透。小插曲：喺食米線期間，聽到有個客投訴個店員抹枱抹得好求其，店員態度都幾差，唔想幫佢再抹，仲同個客嘈左幾句🤦🏻‍♀️…查看更多

鮮香魚湯米線 大碗又好食😋上環有一間鮮魚湯米線🐟連店名都叫生記鮮魚湯米線😎當然一定要試下有幾好食😏👉🏻招牌雜錦魚湯米線($60)一款入面有5款餸 分別有魚片頭 魚腐 魚滑 腩肉同豉油雞翼 仲有生菜送🥬每款餸都有2件✌🏻不過因為有腩肉同雞翼既關係湯底比較油 同有雞翼汁既味道米線比較淋身 鍾意食淋米線就岩曬👍🏻米線份量比較多 每款餸都有5件既關係男仔lunch黎食都可以食得飽🫃🏻👅回味指數:8.5/10 一碗大大碗 仲有5餸既米線都係$60🌝性價比高又好食 美中不足係腩肉既汁遮蓋左魚香🐽下次要試清楚魚湯就要叫d清淡d既餸🐒…查看更多

是日午餐！買左韭菜餃鹵水雞翼米線，韭菜餃味道一般，反而鹵水雞翼幾入味，好食！湯底就無乜魚味亦唔覺濃，如果以魚湯為主打既咁就真係有D失望！買既時候都人頭湧湧，好在都幾快手，好快就拎到外賣！…查看更多

睇過呢度食評唔差就諗住試吓叫咗豬頸肉魚湯米線like咗社交平台兩點後仲可以送兩件魚腐不過阿姐態度好有問題問佢係咪會送魚腐佢就好不滿咁答：「咁你㩒咗未吖！？」唔想送就唔好寫出嚟啦碗米線又唔係好食過人豬頸肉又硬又乾好食都話串得起吖何況完全唔覺好食唯一好嘅地方係唔使等，幾分鐘就有野食而魚腐就其實係魚肉或者見係送就求其執兩舊野畀我就算到畀錢走人都一句「唔該」/「多謝」都冇想畀人鬧或入嚟受罪就要嚟試下啦…查看更多

呢日去左上環走走 時間大概4點鐘早餐午餐未食既我打算睇下上環有咩好食行左入d巷仔 見到有間鮮魚湯米線就入左去坐低環境一眼睇哂 5-6張圓檯我入去既時間就4點幾人流都唔算好多餐牌～選擇都ok~呢到應該係主打魚湯～所以我最後就叫左個蠔仔肉碎魚湯泡飯+凍檸茶成為$59蚊凍檸茶 個茶味好濃 蠔仔魚湯泡飯呢 食落口好普通唔似係魚湯味 好似係打冷食個d蠔仔粥既味道呢碗野都多姜片 蠔仔唔多 所以比三粒星 太普通有機會再試下米線 我諗如果叫米線應該魚湯會比較重d……查看更多

真係第一次喺度評語 估唔到係要寫負評見佢兩點有下午茶諗住入去食個米線平時記得佢啲米線質素都好好我已經掃咗安心出行 個姐姐勁大聲問我掃左安心出行未 勁似喝狗 我話掃咗 佢話咁過嚟掃針卡啦 咁我擺個電話喺佢個部手機下面 擺咗好耐定左喺度都掃唔到 我就同佢講話你部機掃唔到喎 你可唔可以拎出嚟俾我掃呀？個姐姐勁大聲話你定定地掃唔得嘅！你咁樣當然掃唔到喇！嘩！真係人生中第一次未食嘢已經俾人鬧到一面屁谷氣即刻走 我直程同佢講話你態度好差囉！真係以後都唔會再嚟食！…查看更多

試完生記牛腩，又試左粥鋪，今次試埋生記米線。呢間主打魚湯，有得叫招牌雜錦，梗係直接叫呢個，可以試多d 餸，有雞翼，炸魚球，魚肉，魚蛋片，腩片。一黎到試下個湯先，都ok, 但係唔係想像中咁濃，如果鐘意清清地既就梗晒，因為我比較重口味，同想像有d d 落差。魚蛋片，炸魚球，魚肉都好食，食得出足料。$57 係呢頭既價錢算合理，都算大碗，唔會食完唔夠果隻。鐘意魚湯既可以一試，但你話係咪好好食，又講唔上，間中想食清d 可以再試。…查看更多

侍應落錯單又話客人自己點錯，同客人理論態度強硬，完全無聽客人講，唔講以為係度審判個客人。另外洗洗下廁所就出黎出餐比客人，好唔衛生，very bad experience. Sigh. …查看更多

喺附近做嘢所以求其入咗一間，啲姐姐態度惡劣考試唔優做咁，魚湯冇乜魚味，味道偏清淡，配料偏小，食物冇咩特別，唔係話咁值得入嚟先，冇咩事都唔好入嚟俾人鬧 😔😔😔…查看更多

呢間魚湯米線店都已經係上環立足多年，幾年前都已經食過幾次，長期都要排隊。適逢經過上環就拜訪一下，出奇地堂食嘅人數唔太多，大部分都係等緊外賣，好好彩唔使排就可以入座。佢有幾款套餐係for lunch 嘅，會包野飲(e.g. 汽水)，大約50~55一個餐左右，如果叫lunch set以外嘅就要俾8蚊加野飲，因為本身都諗住飲下佢個魚湯，所以就冇揀set lunch。叫咗個招牌雜錦魚湯米線($55)，配料有滷豬腩肉，鯪魚肉，炸魚腐，雞翼等，呢個好適合懶人揀，唔可以一次過試曬佢d招牌野。雞翼好大隻，同腩肉一樣滷得好入味，而鯪魚球同魚腐都大大舊而且彈牙爽口。不過扣分位就係個魚湯，以前魚湯好濃，但呢次感覺就好似淡咗一倍咁，有d失望，所以可能因為咁而少咗人排隊。總括黎講呢個價食魚湯米線都算抵嘅，經過可以一試。…查看更多

上環篇-第二季首先呢間都幾有爭議性 請自行判斷有啲話藍 有啲話黃因為天后生記粥品有侍應講咗啲嘢但又有個人跳出嚟話前熟客幫佢澄清而我印象中 運動初期嘅時候有個自稱係老闆個仔話佢老竇係黃真係難分真與假 但有殺錯無放過嘅關係暫時當佢係黃呢間都可以算係飯堂次次都叫炸雞翼菜飯同豬頸肉菜飯而家仲有whatsapp點餐再自取添 方便打工一族見好多人食魚湯米線 好好味咁前排豬頸肉冇貨就食咗一次金菇肥牛魚湯米線肥牛味手冚晒魚湯味😅 又搞到啲湯好油之後又貴又無嘢飲又有啲伏 就冇再食而家有啲全日米線餐 包埋嘢飲 好似抵食啲大家都可以try try但我都係選擇食返菜飯 尤其是豬頸肉返返貨😍豬頸肉菜飯 (包凍熱飲品) $53 🙆🏿‍♀️佢菜飯同餸係分開上豬頸肉回歸之後仲加咗泰式辣醬真係好夾🤤只要嗰日佢啲椒鹽唔好失手 撒得太多由份量都味道 基本上冇得輸但反而凍奶茶凍檸茶嗰啲就普普通通炸雞翼菜飯 (包凍熱飲品) $49 🙆🏿‍♀️呢個係另一個必叫嘅菜飯炸雞翼足足有四隻 仲要隻隻有返咁上下大隻唔會俾啲發育不良嘅你炸粉唔會好厚 而雞翼亦唔會太重味仲要呢個由第一次食已經有配泰式辣醬但有少少美中不足係雞翼好難點到個醬❎加一服務費…查看更多

幫襯咗幾年 基本上每星期有兩日幫襯！ 以前食物質素同魚湯底確係無敵， 但阿姐既服務同態度真係從來都不敢恭維！ 但由於在附近返工，每天食晏選擇都唔算多， 所以食物質素好，阿姐惡同態度差一事就忍了， 反正我只是打個電話叫外賣同拎外賣。 但其實每次都要忍受被阿姐鬧、態度差同惡死！ 不過近幾個月食物質素每況愈下，而且湯底已經變了調， 不過礙於附近沒有太多選，所以偶爾還是會幫襯。 不過經過今天，我們發誓，生記”以後不了”！它就像附近很多本來做得不錯的店一樣，從我們的很喜歡並經常光顧的店，因為某些原因被我們列入”以後不了”的名單中。試過好幾次都是阿姐自己聽錯而攪錯order等事情，每次都算了！ 但今次又是一樣！ 自己沒聽清楚，攪錯了，還要罵人！ 每天每個客都罵。 每天都西聲西面，阿姐其實你累不累？ 咁唔喜歡你的工作，其實你可以選擇唔做！ 點解我地買個外賣要咁受氣？！祝貴店繼續生意興隆！…查看更多

位於上環的生記鮮魚湯米線，午飯時間總是人頭湧湧，招牌魚湯果然沒有不讓大家失望，奶白色湯頭，魚肉味重，不會太鹹。湯中有碎碎魚肉和魚皮，證明真材實料！除了魚湯，魚腐口感紮實又彈牙，都是必點之選，不過魚腐僅得兩顆。辣椒油是生記自家製的，與魚腐是絕配！…查看更多

啱啱搬來附近，如果唔係飲食男女介紹，我都唔知有間咁嘅嘢。我叫咗個腩肉先魚湯米線。聽講話佢哋係用40斤魚熬湯。我試過應該係真。因為佢個湯真係好鮮。我加多少少胡椒，更加好味。佢啲米線特別軟身，同出邊食開嘅米線有啲唔同。我反而幾鍾意依種冧身嘅米線。最重要嘅係佢啲腩肉。真係冇偷工減料，真係好大嚿腩肉，仲要係勁多舊。我見佢嗰啲湯好似好油膩，我諗係因為我叫咗腩肉，啲油係由腩肉出嚟嘅，因為我見坐對面嗰個人個碗湯好清，無乜油。$44碗真係抵到爛…查看更多

睇左介紹，魚湯奶白色，好似唔錯，幾吸引，決定去試下😝😝😝本身鍾意蕃茄湯🍅🍅🍅，見到有鮮茄魚湯底揀，配牛肉，轉湯飯🍅🐂🍲 😋蕃茄湯既顏色睇得出唔係用茄膏整，顏色好自然，應該真係用成個蕃茄煮出黎個種，帶少少酸，加埋魚湯既鮮甜，越食越開胃😆😆😆牛肉係中式滑牛肉個種，大約有10片左右，每片都好大塊，好足料，有牛味而且唔un，應該新鮮貨唔係雪藏野，不過有幾片厚左啲啲😅總體上唔錯，用心的一間小店，唔似連鎖店個啲無靈魂既出品，希望店主繼續努力，會再幫襯你，加油！💪💪💪…查看更多