生記粥店

新蒲崗呢間位於衍慶街既生記粥店，店舖不大，但吸引了好多街坊嚟食碗粥做早餐。早餐時段到店，差唔多坐滿食客，搵個位坐低睇下個餐牌，粥既種類都十分之多既選擇，最後決定點咗碗魚片艇仔粥同埋一碟牛肉腸。碗粥既份量適中，但好多粥料，粥底好夠味，唔錯，牛肉腸個皮十分之滑，份量唔多，但牛肉餡就冇乜味，要蘸豉油食。[米饭]口味：🥚🥚🥚🥚[薄荷]环境：🥚🥚🥚[服务铃]服务：🥚🥚🥚🥚[糖果]性价比：🥚🥚🥚🥚…查看更多

今日好想食粥，順路經過嚟咗呢間生記食，試吓好唔好味，因為添好運執咗。入到嚟嗌咗兩碗碎牛，加炒麵，再加炸兩。等緊嘅時候已經不停見到好多街坊或者附近返工嘅人嚟買外賣。當中就見到啲老夥計不停同啲老街坊打招呼👋🏻講笑話，真係覺得好有人情味。啲嘢嚟到嘅時候個粥底真係好綿同埋有米味。(今日新聞仲講緊日本搶購大米，真係要好好珍惜米。）個炸兩條油炸鬼仲係少少暖同脆卜卜。炒麵就食返細路仔食嘅味道。我覺得下次都會再嚟，臨走嘅時候嗰啲夥計自己又喺度鬧下交，真係覺得人真係會老，呢班夥計日日傾吓偈鬧吓交，咁樣又可能過咗佢哋嘅大半生。走嘅時候就買咗個鹹肉糭外賣。因為聽日龍舟節🐉。試吓好唔好味。✨人情味係咩味㗎，咪就係鬧下交同埋講吓笑話囉。💫…查看更多

揾食肥華食粥口味異於常人，鍾意較稀粥底嘅粥，所以新蒲崗呢間粥店所做嘅粥底就合晒肥華心水，被肥華譽為食粥嘅首選之才，3月9日肥華心血來潮想食壹餐熱辣辣，又啱口味嘅生滾料粥做午餐，於是就同靚媽到此店開餐，今日肥華就選擇咗碗祇售$31嘅白粥底及第粥，此店呢款生滾粥售價偏低，但真材實料，及第粥應有配料，豬潤，豬心，豬肚，豬粉腸，豬肉丸一應俱全，加上食材新鮮並無將貨就價，係一碗低食又好食嘅A+級評分粥品。至於肥華為靚媽柯打嗰碗$38有味粥底嘅生滾滑牛豬腰粥，用料和味道亦喺高水準之作，但個有味粥底較杰所以旅祗獲肥華A級評分。而今餐兩個售$12配角此店名物炸兩腸粉及 白滑齋腸水準依然，再加上嗰杯$8啱晒肥華口味超甜荳䊢，呢個午膳粥餐近乎完美。⭐️⭐️⭐️⭐️⭐️👍🏻👍🏻👍🏻👍🏻👍🏻…查看更多

新蒲崗傳統粥舖，食懷舊糖水 + 炸兩。芝麻糊（$12），比較糊身，少少芝麻味。炸兩（$12），即叫即製，需時約十分鐘，腸粉皮薄且滑，油炸鬼依然微脆，味道不錯。枱面有齊三色醬同芝麻。…查看更多

咁啱同媽咪去開新蒲崗所以就去食好耐無食的生記粥店的，不過佢一點也沒有失去它原有的特色。入到店內，就能感受到濃濃的人情味，好多街訪坊食。儘管近來物價上漲，但生記的價格依然仲係好親民，絕對是物有所值，呢家香港地真係唔易食到咁平的野，即使係粥都係咁話。我地點了一碗皮蛋瘦肉粥。一口下去，溫潤的粥底配上彈牙的皮蛋和滑嫩的瘦肉，實在是回味無窮。香氣四溢，令人胃口大開。仲有一份炒鴛鴦，即是炒麵加炒米，兩種不同的麵條完美融合，口感豐富層次分明，我比較鍾意炒麵，比較有口感和入味。最後，仲有一份香酥可口的炸兩，腸炒皮真係真心讚，入面油炸鬼都仲好脆，令呢餐午餐非常圓滿。…查看更多

每當揾食肥華想食個，平民百姓嘅粥品腸粉早餐，首選一定係呢間在新蒲崗已開業多年嘅粥品店，因肥華已有一段頗長時間，没有到此店品嚐一碗，白粥底，走花生嘅艇仔粥和混醬腸粉及荳漿，在1月1O日肥華終於按捺不住，孤身一人到此粥品店，食齊呢三款早晨美食，而此個平民粥品早餐亦無令肥華失望，避咗味精嘅白粥底艇仔粥，料多味清淡，混醬腸粉加芝麻惹味非常，再加一杯甜度啱晒肥華呎度嘅荳䊢，呢個平民街坊價早餐，肥華非常滿意💯👍👍👍…查看更多

老街坊多年前食過，印象唔差。今日叫外賣，叫碗艇仔粥，起初樓面大嬸扮聽唔到我講嘢，反而問我後面果位要咩我以為佢眼花或是者有d撞聾，因為之前有個朋友已經同我講過佢成日都聽錯，落錯單仲要態度非常之差。幾經辛苦終於可以溝通到，拿咗外賣返屋企食，食完完全唔值，更加受氣，唔會再幫襯了。…查看更多

本人唔可以講係熟客，但係係老街坊，每次想食粥都會幫襯佢。但係今次去買感到好失望，我叫兩碗粥同炒麵炸兩，已講明兩碗粥，要魚片粥，粉腸粥，兩碗粥，炸兩，炒麵。我講完個伙記轉達我已覺有問題，再同伙記講多次係兩碗粥，中途仲有少少磨擦，但唔影響到我買嘢食。但係拎到返屋企之後，打開左，變左成一碗魚片粉腸粥，艇仔粥，我由頭到尾都無叫過嘅粥，因本人唔食牛肉，好多粥鋪都會加牛肉嘅，所以本人絕少會食，就算食都會叫走牛肉。今次令本人食唔到一碗粥，仲要浪費左呢碗艇仔粥，致我損失$$算少，但唔夠食事大同時要將魚片同粉腸粥分開做兩碗食⋯⋯對此本人感到非常失望，相信短時間內我都唔會再幫襯啦！…查看更多

在新蒲崗，一條錦榮街附近，就有三間，相同類型粥品店，在此營業，可知競爭性有幾大，而我揾食肥華，三間粥品店都嚐試過，卻偏偏鍾情，位於街頭轉灣位的，生記粥品店，論價錢其實三家粥品店，上落不大，但論味道始终覺得，以生記最佳，加上此店伙記，對顧客要求亦到位，如有味粥要白粥底，多䓤，少䓤，多花生，少花生，嘅呢類要求，亦有求必應，所以在此店食一個，粥品，腸粉，加一杯甜度恰可的豆漿，係一個非常平，靚，正，的選擇。…查看更多

話哂都食呢間野食左好多年 雖然搬走左 但係去開呢區都會食佢個紅豆沙同油炸鬼今次真係超失望 雖然佢出名平但係質素係不嬲唔差本身諗住買5碗紅豆沙5碗綠豆沙外賣但係佢話無綠豆沙 紅豆沙有小量 咁我地就話要淨係要紅豆沙，翻到屋企倒出泥發現佢係紅豆水🤯🤯相信佢係為左賺足5碗錢而溝水 我寧願佢直接同我講賣哂算🤬🤬🤬…查看更多

以地道廣東人的口味，早上來一碗熱騰騰的生滾粥，再配上一條油炸鬼或豬腸粉，這一頓早餐，馬上給你無窮精力。今早在這家生記粥店，就把我的童年回憶，全部找回來，油炸鬼，豬腸粉都是現做現賣，價錢呢？也是街坊價錢，認真實惠，比起那些連瑣經營的粥麵店，性價比要高得多呢…查看更多

太耐冇食粥, 記起好幾個月前食過生記, 味道唔錯又抵食! 今日放假就特登再去幫襯!果然質素係難以保持, 服務比之前更差!Order左個豬紅艇、凍豆漿、炸兩, total $34豬紅艇 粥底比之前稀左好多, 魷魚只有幼幼的3,4條, 還好有薑絲吊下味, 豬皮份量相對多d一向平時食開既炸兩都係即叫即炸, 唔知係咪當日人多關係, 入面既油炸鬼唔係即炸, 唔脆兼好硬!凍豆漿 還好,唔太甜, 有淡淡豆香。服務質素就keep住差, 入座後想order野食, 叫到破喉先有人黎問要咩。檯面冇芝麻問佢有冇,完全扮聽唔到, 隔離檯唔識既都睇唔過眼話呢度d服務係咁…….雖然話平, 做街坊生意都唔該比下禮貌啦!望有改善!…查看更多

今日返工前想食粥做早餐，因為買外賣想環保些，於是拎保溫壺及盒去買。我買了齋腸粉及豬紅艇仔粥，腸粉算滑，但只是有少許硬身。粥方面，粥底入味，豬紅爽滑，艇仔嘅分量都唔少，整體好好味。食了一頓豐富早餐。…查看更多

今日落新蒲崗上堂, 中午時間就去附近搵食, 見到呢間粥店格局企理, 價錢亦唔貴, 就入去食個lunch啦!食物選擇都幾多, 廚房開揚, 可以望到店員處理食物, 見到幾衛生, 食得都安心d不過落order既職員就唔多有禮, 問想食咩好似兇神惡殺, 不露半點笑容, 想order三樣野, 未講完, 佢已經轉身走左。 不過餐廳冇加一, 唔可以期待有好既服務質素! 叫左個---豬紅艇 $17又真係幾足料, 粥熱辣辣, 有瘦肉、碎牛、魷魚絲、豬紅、少少薑絲、花生、魚片。粥底幾棉, 魚片咬落有彈性, 材料豐富, 呢個價的確抵!另外叫多碟-------炸兩 $9woo! 即叫即包, 入面既油炸鬼脆ga! 滑滑腸粉包住脆油炸鬼, 加埋芝麻醬同甜醬, 正啊!!…查看更多

魚片艇仔粥😎$17艇仔粥😛$14蘿蔔糕😬$9炸兩🤤$9今日想清淡D，唯有落樓下食碗粥，暖暖個胃😎我幾鍾意呢間D麻醬，夠濃夠香，配埋炸兩，真係好正😋粥夠綿😏蘿蔔糕又足料😎價錢又唔貴👍…查看更多