生記粥店

新蒲岗呢间位于衍庆街既生记粥店，店舖不大，但吸引了好多街坊嚟食碗粥做早餐。早餐时段到店，差唔多坐满食客，揾个位坐低睇下个餐牌，粥既种类都十分之多既选择，最后决定点咗碗鱼片艇仔粥同埋一碟牛肉肠。碗粥既份量适中，但好多粥料，粥底好够味，唔错，牛肉肠个皮十分之滑，份量唔多，但牛肉馅就冇乜味，要蘸豉油食。[米饭]口味：🥚🥚🥚🥚[薄荷]环境：🥚🥚🥚[服务铃]服务：🥚🥚🥚🥚[糖果]性价比：🥚🥚🥚🥚…查看更多

今日好想食粥，顺路经过嚟咗呢间生记食，试吓好唔好味，因为添好运执咗。入到嚟嗌咗两碗碎牛，加炒面，再加炸两。等紧嘅时候已经不停见到好多街坊或者附近返工嘅人嚟买外卖。当中就见到啲老伙计不停同啲老街坊打招呼👋🏻讲笑话，真系觉得好有人情味。啲嘢嚟到嘅时候个粥底真系好绵同埋有米味。(今日新闻仲讲紧日本抢购大米，真系要好好珍惜米。）个炸两条油炸鬼仲系少少暖同脆卜卜。炒面就食返细路仔食嘅味道。我觉得下次都会再嚟，临走嘅时候𠮶啲伙计自己又喺度闹下交，真系觉得人真系会老，呢班伙计日日倾吓偈闹吓交，咁样又可能过咗佢哋嘅大半生。走嘅时候就买咗个咸肉糭外卖。因为听日龙舟节🐉。试吓好唔好味。✨人情味系咩味㗎，咪就系闹下交同埋讲吓笑话啰。💫…查看更多

揾食肥华食粥口味异于常人，钟意较稀粥底嘅粥，所以新蒲岗呢间粥店所做嘅粥底就合晒肥华心水，被肥华誉为食粥嘅首选之才，3月9日肥华心血来潮想食壹餐热辣辣，又啱口味嘅生滚料粥做午餐，于是就同靓妈到此店开餐，今日肥华就选择咗碗祇售$31嘅白粥底及第粥，此店呢款生滚粥售价偏低，但真材实料，及第粥应有配料，猪润，猪心，猪肚，猪粉肠，猪肉丸一应俱全，加上食材新鲜并无将货就价，系一碗低食又好食嘅A+级评分粥品。至于肥华为靓妈柯打𠮶碗$38有味粥底嘅生滚滑牛猪腰粥，用料和味道亦喺高水准之作，但个有味粥底较杰所以旅祗获肥华A级评分。而今餐两个售$12配角此店名物炸两肠粉及 白滑斋肠水准依然，再加上𠮶杯$8啱晒肥华口味超甜荳䊢，呢个午膳粥餐近乎完美。⭐️⭐️⭐️⭐️⭐️👍🏻👍🏻👍🏻👍🏻👍🏻…查看更多

新蒲岗传统粥舖，食怀旧糖水 + 炸两。芝麻糊（$12），比较糊身，少少芝麻味。炸两（$12），即叫即制，需时约十分钟，肠粉皮薄且滑，油炸鬼依然微脆，味道不错。枱面有齐三色酱同芝麻。…查看更多

咁啱同妈咪去开新蒲岗所以就去食好耐无食的生记粥店的，不过佢一点也没有失去它原有的特色。入到店内，就能感受到浓浓的人情味，好多街访坊食。尽管近来物价上涨，但生记的价格依然仲系好亲民，绝对是物有所值，呢家香港地真系唔易食到咁平的野，即使系粥都系咁话。我地点了一碗皮蛋瘦肉粥。一口下去，温润的粥底配上弹牙的皮蛋和滑嫩的瘦肉，实在是回味无穷。香气四溢，令人胃口大开。仲有一份炒鸳鸯，即是炒面加炒米，两种不同的面条完美融合，口感丰富层次分明，我比较钟意炒面，比较有口感和入味。最后，仲有一份香酥可口的炸两，肠炒皮真系真心赞，入面油炸鬼都仲好脆，令呢餐午餐非常圆满。…查看更多