生原創(蛋包飯)

喺元朗開咗咁多年第一次嚟呢間餐廳食飯。今日係星期日中午時間，一入餐廳就有位坐唔需要排隊。裝修好有日本風格，用黑膠碟嚟播歌，非常有感覺。講返個飯先，今次點咗個牛舌蛋包飯，有幾個醬汁可以選擇，今次選擇咗咖喱汁，咖喱汁唔太鹹呢個配搭唔錯。翻食指數…查看更多

飯太濕了、炸豬排好柴、白汁0k、唔好食唔難唔底食無驚喜.因為飯太濕而影響整體口感，好似湯飯咁.我個人唔太中意,唔明白點解要加錢先有流心蛋皮、正常是一塊全熟蛋皮.…查看更多

話說有日我妹好想食蛋包飯，佢話元朗教育路有間好好味的蛋包飯想試下。就帶左我係呢間生原創蛋包飯店。餐廳環境真係好特別，滿滿的日式風格掛滿左好多日系懷舊風的飾物，包括留聲機，黑膠碟唱片等等。最有特色就係黏滿有表情的雞蛋圖畫，真係好得意。餐單有好多唔同顏色的蛋包飯選擇，餐牌中英日文都有指示，如果唔明都有張圖案俾客人睇。我地揀左澳洲和牛蛋包飯，仲加18元指定流心蛋，另外揀左三文魚🍣煙肉🥓紅菜頭蛋包飯。蛋包飯仲可以㨂三種汁（茄汁、咖哩汁同忌廉芝士白汁）侍應都幾好，佢會即下幫你切開個蛋包飯同埋落埋香料，個流心蛋切開個下真係好靚好吸引，啲蛋仲滑嘟嘟，裡面仲有好多蛋汁。紅菜頭個蛋包飯都幾特別，成個蛋紅卜卜都幾吸引眼球👀流心蛋澳洲和牛包飯啲飯都幾多牛肉粒，味道都唔錯，調味岩岩好，啲飯粒都分明。三文魚🍣煙肉🥓紅菜頭蛋包飯都好多三文魚粒，個飯都幾香，不過有少少可惜個點飯的調味有少少偏鹹，食完都有啲口渴要飲多杯水。侍應都幾好會得閒過黎添返水杯啲水。總體而言，餐廳整體環境都唔錯，音樂都好Chill,食物整體質素都Ok。有機會再黎👍🏻…查看更多

店内温馨嘅灯光同埋日式嘅布置非常吸睛，氛围啱啱好，適合三两好友小聚閒聊👭。我哋最後揀咗咗個咖喱炸豬扒蛋包飯+鰻魚蛋包飯👀👅講咗蛋包先，金黄誘人，滑嫩唔破，包住满满當當嘅米饭，簡直喺強迫症患者的福音😍 而咖喱炸豬扒，外皮酥脆嘅，叫合格。咖喱麻麻，如圖所見有麵團之餘咖喱味淡。🍖🍛不過呢間蛋包飯量足，男仔係食得飽嘅。總括嚟講：三粒星🌟🌟🌟雖然不過不失，不過特別嘅蛋包飯，打卡嚟講一試無妨💯#元朗美食探店# #咖喱炸豬扒蛋包飯# #蛋包飯專門店# #美食打卡地# #不過不失的美味# #飽肚又滿足# #美食博主推荐#香港美食 …查看更多

外表好睇，但冇乜味， 成碟嘢得個番茄汁有味，食完好似冇食過野咁。上面綠色嗰啲嘢 有啲腥唔知系乜嘢。服務態度去過第一次個男人態度極之差，好大力咁閂門，放個飯落嚟食得唔安樂，好似想隨時趕你走咁。 搞到唔敢再去，之後見到評論有人話個女人嘅服務態度唔錯，之後就去咗一次，想試多次系乜嘢味，但個女人態度其實都系一擔擔，就系唔系幾想理你咁...勁奇怪環境其實幾好的，有日本昭和嘅感覺，但系個服務態度真系完敗...…查看更多

蛋包飯流心蛋做得出色🍳飯粒分明亦有上色🍚配搭的醬汁也不錯，我們分別配了白汁和茄汁🤞🏻我們叫的是吉列魚柳和吉列豬扒，這個就稍為可以改善，豬扒頗鞋同薄，魚柳略為細件。午餐價錢以蛋包飯來說是不錯☺️環境亦好有日本居酒屋的感覺，旁邊更有黑膠唱片在播懷舊英文金曲。之前喺港島有三間分店，而家得返元朗呢一間。🥺位置處於教育路最末端，元朗警署後面。…查看更多

之前經過好多次都冇幫襯，今日見人少少入嚟試吓🙈，一入門口就覺得好經典日本居酒屋嘅感覺同好周圍都好多蛋嘅裝飾，睇咗個Menu一陣都諗到食咩、跟住我就膽粗粗問吓個唔知係店員定係老闆嘅男仔有冇啲咩好推介（申利；因為佢紋晒身好似好惡咁所以睇咗好耐都唔敢叫佢🙊）唔知係咪因為比較人少嘅關係，佢都幾有耐心咁推薦（果然人不可以貌相🙈）睇我想食肉類定係海鮮類同係咪素食者，最後叫咗個墨汁嘅蛋包飯、一杯特飲同幾串串燒埋單$300都唔使，下次有機會一定會再幫襯…查看更多

朋友約咗入元朗食日本嘢，我初頭仲以為食蛋包飯，原來唔止蛋包飯，仲有日本串燒、魚生刺身、日本料理，根本就係日本居酒屋。後來先知道人哋個招牌寫明係居酒屋😂😂😂。店裏面裝修好日式居酒屋feel，有好多唔同嘅小擺設，店主應該花咗好多思。呢隻雞蛋 ... 我鍾意😊。呢面係影音區，會播下日本歌，電視會播下大廚之前電視台同雜誌做過嘅訪問 ... 華師傅原來都有名氣架喎。朋友先點咗雞泡魚乾同枝豆，雞泡魚乾整熱咗較為軟身都幾好味，送酒一流。枝豆我就冇食啦。呢一碟叫水雲。🤔我之前好似未食過，原來係凍食嘅，店員提醒要攪勻先食，冰冰凍、酸酸哋，先醒醒胃👍三五知己難得一聚，當然要搵飲兩杯啦😊 今次揀咗獺祭，容易入口、幾好味。日式炸雞，炸得幾乾身，肉質仍然好滑口，正👍土佐豆腐，熱辣辣，豆腐嘅味都幾香。朋友點咗兩條原條魚刺身。一條係鱸魚、另一條係鯛魚。兩條我都鍾意食😊白白哋呢條係鱸魚，鱸魚肉質比較有咬口，魚味濃少少。紅色呢條係鯛魚。鯛魚比較爽口，魚味較為清。呢味係無骨芝士雞腿，係我其中一個推介，無骨雞腿，肉質好嫩滑，裏面仲有芝士，配搭得好好。串燒叫咗幾款，有牛舌、雞肉、燒雞皮，好味。燒牛舌都幾考功夫，牛舌燒得好林、又乾身、香口，好好味😋。燒雞皮更向後好似食薯片咁，唔會覺得肥膩。燒雞肉，外脆內軟。雞肉𥚃面仲好Juice。大家食咗幾串串燒，見咁好味，追加左墨魚咀同雞軟骨，仲有燒飯團。燒飯團揀咗兩隻味，分別係明太子、木魚飯團。我食咗明太子，食到外面嘅飯焦、咬開𥚃面明太子好香喎。呢個係朋友點嘅，上枱時我仲以為係炸紫蘇葉，原來冇咁簡單 ... 炸紫蘇葉𥚃面有蟹膏，食落口蟹膏味好濃好香，呢個係另一推介。縱觀來講呢間係一間日本餐廳令我喜出望外，好好食嘅日本餐廳，比起尖沙咀、銅鑼灣嘅日本餐廳好食，性價比又超高。下次一定要再嚟食真正嘅蛋包飯😂😂😂…查看更多

好耐無食，之前有個女店員好好，今次食，個男唔知係店員定老闆，好似成村人得罪佢咁，本身態度差，落完單收走餐牌大大力掟餐牌，過咗一陣食物到咗，食到一半嘅時候，有個男客人入嚟自己坐底，想落單叫男店員，個男店員一開口就質問嗰客係咪入嚟嘅時候無閂返個趟門，跟住同嗰客講，你閂返嗰門先，閂咗先埋嚟同你落單。當然嗰客梗係走咗。跟住走咗入嚟睇返啲食評，都見到有人話服務態度差，今日親身領教過，無下次，如果唔信，可以試吓。…查看更多

【元朗區】【生原創蛋包飯】去得女僕 cafe 多，對蛋包飯呢樣嘢都已經有一定嘅認識，不過淨係講食蛋包飯嘅話，女僕 cafe 就當然未必係一個最適合嘅地方。喺女僕 cafe 度主要係配合魔法先會好食，呢方面嘅話當然要提及已停業嘅 Maiddrug。咁既然 Maiddrug 暫時停業，要食蛋包飯仲有咩選擇呢？之前我寫過一間北角嘅蛋包飯，不過嗰次會寫主要因為我參加咗當時嘅「I Love Omurice 茄汁繪蛋包飯比賽」，而發生喺上年復活節期間嘅呢個比賽，我係不幸落敗嘅。嚟到呢一刻我就當然要入正題啦，朋友介紹話呢間啲蛋包飯好食，我梗係想搵資料，又好似冇乜，咁朋友車埋我去我咪去囉。間嘢喺教育路個尾度，近元朗大球場嗰邊，之前喺嗰邊食過唔錯嘅「天丼」，都知係美食雲集。朋友去咗廁所，話我係一個有四萬多人 follow 嘅 foodie 就叫咗我發辦，作為奴才嘅我冇計啦，佢話係咪係囉。我就叫個「三文魚煙肉紅菜頭蛋包飯」配「忌廉芝士白汁」同「流心蛋」，我覺得個汁同三文魚幾夾，幾好食。另外就係「秘汁鰻魚蛋包飯」配「咖喱汁」同「鰻鰻流心蛋」，呢個係真係相當邪惡，個飯滿口饅魚粒嘅時候食到啲蛋上面都有，口感豐盈，配合咖喱汁都幾夾。美中不足嘅係呢個組合雖然好食，但會冚咗蛋香，視乎你要乜。我哋飲「熱奶茶」同「coke zero」就冇咩好寫架喇，講返啲飯啦。兩者都轉咗流心蛋已經係相當出色，而比較之下鰻魚嗰個濃味啲，另一個清清哋都好好，適合唔同期望嘅顧客。用 $276 食兩個飯好似係貴，但我覺得值。。。（地址：元朗教育路119號地下10號舖）#1amfoodie #foodie #hkfoodie #thatfoodiething #hkfood #food #1ambackup #1am0633 #delicious #foodies #tasty #globaleats #tastyfood #foodpics #followforfollowback #love #eat #1am元朗區 #元朗 #朗屏 #豐年路 #生原創蛋包飯 #生原創 #蛋包飯 #三文魚煙肉紅菜頭蛋包飯 #忌廉芝士白汁 #流心蛋 #秘汁鰻魚蛋包飯 #咖喱汁 #鰻鰻流心蛋…查看更多

見間蛋包飯喺元朗開左咁多年 即管去試一試。點知伏咗，真係可一不可再，先講個蛋包飯質素真係相當普通。但個重點並唔係個食物質素，問題係間野個服務態度，用差真係唔足以形容，簡直就係劣呀。咁劣質嘅服務態度，都仲可以收加一服務費。成餐飯，由坐低到食完走，我都以為自己做錯D咩，食餐飯都食得唔開心。其實果位男職員定唔知係老細，如果唔想做，可以唔做架，唔好影響間舖頭同食客。如果大家想貼錢買難受，可以放低$100去感受下。…查看更多

×|×|×|•••中評•••|×|×|×睇佢唔出 入面環境都幾靚✓可惜太鍾意望手機都冇乜再仔細欣賞環境佈置XD 份量偏少，食完唔覺得飽味道幾唔錯，飯嘅質感幾好食都食到細片細塊嘅豚肉蛋包飯嘅雞蛋好薄 可以揀不同醬汁，我揀咗白汁。淡淡奶香，都Ok～餐廳鄰近輕鐵站 位置好方便 近元朗廣場，大家經過都可以去食啊✓…查看更多

個人覺得真係冇乜特別，食過一次都唔會再食。我叫左牛既蛋包飯，佢係炒左啲飯同牛先，咁啲飯都炒得有鑊氣既，但入面真係想搵多舊牛都冇，唔知係炒到碎曬定點啦，總之豬同牛既價錢差成10蚊左右，但就唔咪好食到牛，sad左。跟著個蛋就放面再加茄汁，成個蛋包飯就好似食緊茄汁撈飯咁，我真係食唔到牛，真係唔咪咁開心，咁可能係小本生意，經營有困難，五、六十蚊一個飯當午餐其實係可接受嘅，不過又咁講，五、六十蚊係元朗都大把選擇。…查看更多

佢開咗咁耐都未試過，今日諗住試下，晚市叫個日式豚肉蛋包飯，講真茄汁真係好正，好食過麥記嗰D，飯熟既都熱熱地，豚肉都幾多應該多於三塊，但最精彩都係個茄汁，賣相又靚（呢句真心既），入坐率一成隨時walk-in都得。…查看更多

元朗食了許多美食，有次突然經過見到，位置比較偏，真的很難才發現原來一直以來都有間蛋包飯在這，仲要開左好耐。當時下午，周圍走都唔知食咩好就試下。入到去好多選擇，最終選了一個和牛炒飯加$18配個流心蛋，網上睇片就見得多，但眼見隻蛋放在炒飯上面，之後店員一刀切落去蛋汁流曬出來，再配上個日式咖哩，真的好食！但期實價錢偏貴，即使好食都只能間中抽時間食一次，不能成日食。總結: 個飯味道好好，隻蛋又滑又正！坐得都唔錯，就係價錢偏貴，只能間中食一次，可惜…查看更多