甜記餃子

晚市時間三個人去食，等位嘅時候只要有二人枱走就即刻放兩個人入去，三個人要等店內唯一兩張四人枱，無腦安排。叫咗8隻湯餃，至少有一半嘅皮都係爛，蕃茄湯底淡而無味，蕃茄同薯仔完全見唔到，連蕃茄皮都冇。。？越嚟越偷工減料，唔知加咗幾多水煲出嚟😂 唔講以為清水湯底😂笑死。。真係越嚟越差🤮 加上收銀嗰西口西面🤮搞不 掂。真係態度又差嘢食難食，點解可以越做越衰？？？見到個西女人都無胃口了。…查看更多

之前每個月點都會有一兩日黎幫襯呢間食餃子，最近幾個月少左黎，我終於明點解open rice有咁多差評，個侍應啲態真係唔好。話說今日我照常等帶位入座，坐低左掃完code叫餐等緊嘅時候，有個戴眼鏡扎辮嘅呀嬸走過黎話我：你啱啱坐係度㗎？ 我地要食飯呀！而家食飯時間，你可唔可以坐去第二個位！ 我真係覺得莫名奇妙，明明係你地啲職員叫我坐過嚟。其實要我調位真係冇問題，但唔洗屈左先，可以好語氣少少囉。警世，9號枱呢個皇帝位真係俾你都唔好坐！容乜易無啦啦食個飯都要俾人話。我搬左去隔離枱坐之後先棟返個員工食飯標誌出黎，既然係咁不如直接封死呢個位啦！…查看更多

難怪咁多惡評，本人每星期都去一次，今次在2025年7月17日13:30分去用膳，一向都是用膳50分鐘的。今次未到14:00時，就有職員第一次提示夠鐘，前後3分鐘內提示二次，最後一次，語氣兇狠大聲：【夠鐘喇，我要食飯㗎。】恐怖。我即時結賬走。食物都比前差了，我來消費的。…查看更多

今日中午一點三個人去排隊攞飛等食，等咗半個鐘先有位，都算，間野一個人出就放一個人入去，或者兩個兩個，睇住遲過我地嘅人入曬去都未到我地，把鬼火！可唔可以合理少少參考等位時間安排座位？幾好食都無用啦，開餐前已經一肚火！無下次！…查看更多

今日專程出去旺角諗住食甜記餃子。去到門口竟然冇人排隊、心在諗會否是假期關係。當我食第一啖餃子發現啲餃子皮比起以前厚咗、蕃茄湯淡味、今日點咗芝士雞肉餃及豆角豬肉餃。芝士雞肉個餡好硬、估計雪咗好耐。豆角豬肉餃個餡還可以。我估計自己應該唔會再去吃…查看更多

每次經過都要坐低食返碗！咁啱個friend喺加拿大返嚟就帶佢嚟見識下。我就例牌叫忌廉南瓜雞肉湯餃配蕃茄薯仔湯十隻（$48），個friend就叫咗檸檬葉杏鮑菇雞湯餃（$52）。水準keep住✨✨✨✨試咗隻檸檬葉杏鮑菇雞，個味都幾特別，鍾唔鍾意就好depends啦🤣…查看更多

係旺角唔知食咩，就行入冷巷望下。見呢間店裝修都新新底，決定試下。等位/入座：平日下午六點鐘，入面都差唔多坐滿。 三個人啱啱好有位， 唔洗等。環境：雖然坐滿，但空間感唔會話太迫。裝修有少許Cafe feel 加台式餐廳，牆身都印左畫。 自助式斟水。 食物： 醉豬手，$50。 平時食醉雞食得多，今次試下佢豬手。除左煮得乾淨外，無咩特別。 可能都同佢豬皮仲好厚嘅原因，酒味唔係好入到豬皮。 少失望。 但又未去到白雲豬手完全無酒嘅。 煎餃（粟米芝士雞+洋蔥牛），8隻 $48。兩款都好食。 我私心覺得粟米芝士好食啲，一黎佢焦黃色外皮，感覺就好有食慾。 不過你要預左入面芝士唔係melting cheese，係有啲厚煙韌果款。 我本人都鐘意呢種厚實餡又有汁嘅餃子，有滿足感又唔會太乾。 湯餃（菜芯豬+韮黃雞），8隻$44。 個人感覺佢湯餃無咁吸引我，不過不失。湯底係蕃蕃茄薯仔湯，唔重味精嘅。總結：我會建議先食下煎餃，睇下啱啱你口味。醉豬手就可以唔洗叫，唔平份量唔大又唔係好食。 …查看更多

西洋菜豬肉煎餃全隻都是西洋菜，只有幾粒像芝麻般細的瘦肉，但無肉味，應該叫做素西洋菜餃，好搵笨！👿👎🏻👎🏻😡收幾十元一碗，真係發過豬頭！！！永無下次幫襯，難怪港人千山萬水北上搵嘢食。…查看更多

-個雞湯冇咩味，甜記最有特色就係個🍅蕃茄湯底，四款餃子入面我最鍾意南瓜忌廉雞肉餃🤤🥟，好似飲緊南瓜湯一樣，其次就係粟米芝士雞肉餃，夠哂口感☺️，不過好多人都話甜記最近質素下降，例如啲餃味煮熟-。10隻湯餃子 | $46粟米芝士雞肉餃韭黃雞肉餃雞湯。10隻湯餃子 | $46白菜豬肉餃南瓜忌廉雞肉餃茄湯-👅【甜記餃子 Tin Kee Dumpling Restaurant】📍旺角通菜街2Q-2Z號鴻輝大廈地下2號舖📍太子砵蘭街450-454號HQ大廈地下C-D號舖📍長沙灣福華街593-595號麗新商業中心1樓108A號舖📍荃灣蕙荃路22-66號綠楊坊2樓S25-26號舖🕑星期一至五 11:30 - 22:00 星期六至日 12:00 - 22:00…查看更多

叫左南瓜雞湯餃子 完全感受唔到直衝天靈蓋嘅南瓜味再者 豬肉餃係完全失敗 豬冇豬味 完全冇平時嘅豬油香味京蔥羊煎餃過得去啦 不過都係唔夠鮮味 作為一間餃子店 主力嘅嘢都算唔上及格更別說湯麵 真心冇誠意不過念在價錢還算公度 只能講唔駛試……查看更多

拎完籌之後等咗好耐，入到去嗌嘢食嘅時候話冇煎餃子，問佢係唔係冇晒餃子之後，佢話係呀煎唔切。煎唔切又唔早啲講？等咗咁耐就係諗住入去食煎餃子，搞到嘥晒啲時間企喺出面等。即刻走人。…查看更多

好難食，未試過咁難食嘅餃子唔明點解咁多人會排隊？皮好厚. 厚過恐龍皮韭菜有異味好明顯唔新鮮. 芝士同肉味完全吾夾蕃茄湯底好似水溝咁樣完全冇味喺超級市場買嘅餃子都好食過佢…查看更多

完全唔明點解咁多人排隊。叫份煎餃，每隻都係爛嘅 係每一隻！ 真係無野好講。皮乾到爆。。。。無汁水 。。無乜味。 。。真係唔知點解多人食。。。第一粒已經知出事 唔會再幫襯。…查看更多

外賣過兩次 真係每次都係食一半就掉了 因為個雲吞皮好似返煲多次咁淋 完全冇雲吞皮嘅爽滑質感 餡料太實 味道好奇怪 真係唔會有第三次😵‍💫真係唔明白點解會有人去排隊食 我身邊都有好多朋友光顧過這間甜記餃子店 他們都話唔好食 我發現食物要求高的人是不會覺得甜記餃子店好味深水埗好多餃子店俾它好食多了…查看更多

完全諗唔明點解 會有咁多人排隊湯餃 個湯完全唔掂 唔係老火湯黎你當佢雞精+水 係1個好淡既味精湯湯餃未去到好難食 但唔係好食 一般超市質素煎餃 炸到勁乾 粟米芝士餃 煎餃黎講應該係最唔會伏既野但佢個芝士同個粟米 又乾又硬食過最難食既粟米芝士餃其他你地當超市質素醉雞係比雞髀位 但完全係冇酒味簡單講 酒還酒雞還雞……………查看更多