甜記餃子

营业中

休息中

每次經過都要坐低食返碗！咁啱個friend喺加拿大返嚟就帶佢嚟見識下。我就例牌叫忌廉南瓜雞肉湯餃配蕃茄薯仔湯十隻（$48），個friend就叫咗檸檬葉杏鮑菇雞湯餃（$52）。水準keep住✨✨✨✨試咗隻檸檬葉杏鮑菇雞，個味都幾特別，鍾唔鍾意就好depends啦🤣

係旺角唔知食咩，就行入冷巷望下。見呢間店裝修都新新底，決定試下。等位/入座：平日下午六點鐘，入面都差唔多坐滿。 三個人啱啱好有位， 唔洗等。環境：雖然坐滿，但空間感唔會話太迫。裝修有少許Cafe feel 加台式餐廳，牆身都印左畫。 自助式斟水。 食物： 醉豬手，$50。 平時食醉雞食得多，今次試下佢豬手。除左煮得乾淨外，無咩特別。 可能都同佢豬皮仲好厚嘅原因，酒味唔係好入到豬皮。 少失望。 但又未去到白雲豬手完全無酒嘅。 煎餃（粟米芝士雞+洋蔥牛），8隻 $48。兩款都好食。 我私心覺得粟米芝士好食啲，一黎佢焦黃色外皮，感覺就好有食慾。 不過你要預左入面芝士唔係melting cheese，係有啲厚煙韌果款。 我本人都鐘意呢種厚實餡又有汁嘅餃子，有滿足感又唔會太乾。 湯餃（菜芯豬+韮黃雞），8隻$44。 個人感覺佢湯餃無咁吸引我，不過不失。湯底係蕃蕃茄薯仔湯，唔重味精嘅。總結：我會建議先食下煎餃，睇下啱啱你口味。醉豬手就可以唔洗叫，唔平份量唔大又唔係好食。

西洋菜豬肉煎餃全隻都是西洋菜，只有幾粒像芝麻般細的瘦肉，但無肉味，應該叫做素西洋菜餃，好搵笨！👿👎🏻👎🏻😡收幾十元一碗，真係發過豬頭！！！永無下次幫襯，難怪港人千山萬水北上搵嘢食。

-個雞湯冇咩味，甜記最有特色就係個🍅蕃茄湯底，四款餃子入面我最鍾意南瓜忌廉雞肉餃🤤🥟，好似飲緊南瓜湯一樣，其次就係粟米芝士雞肉餃，夠哂口感☺️，不過好多人都話甜記最近質素下降，例如啲餃味煮熟-。10隻湯餃子 | $46粟米芝士雞肉餃韭黃雞肉餃雞湯。10隻湯餃子 | $46白菜豬肉餃南瓜忌廉雞肉餃茄湯-👅【甜記餃子 Tin Kee Dumpling Restaurant】📍旺角通菜街2Q-2Z號鴻輝大廈地下2號舖📍太子砵蘭街450-454號HQ大廈地下C-D號舖📍長沙灣福華街593-595號麗新商業中心1樓108A號舖📍荃灣蕙荃路22-66號綠楊坊2樓S25-26號舖🕑星期一至五 11:30 - 22:00 星期六至日 12:00 - 22:00

叫左南瓜雞湯餃子 完全感受唔到直衝天靈蓋嘅南瓜味再者 豬肉餃係完全失敗 豬冇豬味 完全冇平時嘅豬油香味京蔥羊煎餃過得去啦 不過都係唔夠鮮味 作為一間餃子店 主力嘅嘢都算唔上及格更別說湯麵 真心冇誠意不過念在價錢還算公度 只能講唔駛試…

拎完籌之後等咗好耐，入到去嗌嘢食嘅時候話冇煎餃子，問佢係唔係冇晒餃子之後，佢話係呀煎唔切。煎唔切又唔早啲講？等咗咁耐就係諗住入去食煎餃子，搞到嘥晒啲時間企喺出面等。即刻走人。

好難食，未試過咁難食嘅餃子唔明點解咁多人會排隊？皮好厚. 厚過恐龍皮韭菜有異味好明顯唔新鮮. 芝士同肉味完全吾夾蕃茄湯底好似水溝咁樣完全冇味喺超級市場買嘅餃子都好食過佢

完全唔明點解咁多人排隊。叫份煎餃，每隻都係爛嘅 係每一隻！ 真係無野好講。皮乾到爆。。。。無汁水 。。無乜味。 。。真係唔知點解多人食。。。第一粒已經知出事 唔會再幫襯。

外賣過兩次 真係每次都係食一半就掉了 因為個雲吞皮好似返煲多次咁淋 完全冇雲吞皮嘅爽滑質感 餡料太實 味道好奇怪 真係唔會有第三次😵‍💫真係唔明白點解會有人去排隊食 我身邊都有好多朋友光顧過這間甜記餃子店 他們都話唔好食 我發現食物要求高的人是不會覺得甜記餃子店好味深水埗好多餃子店俾它好食多了

完全諗唔明點解 會有咁多人排隊湯餃 個湯完全唔掂 唔係老火湯黎你當佢雞精+水 係1個好淡既味精湯湯餃未去到好難食 但唔係好食 一般超市質素煎餃 炸到勁乾 粟米芝士餃 煎餃黎講應該係最唔會伏既野但佢個芝士同個粟米 又乾又硬食過最難食既粟米芝士餃其他你地當超市質素醉雞係比雞髀位 但完全係冇酒味簡單講 酒還酒雞還雞…………

都是老顧客，但今天真失望。依排日日都凍，親早點食埋個晚餐回家。點了芫荽同豆角湯餃，食完加多碗麵。依到真係要讚吓甜記。(想健康點食湯餃，但男仔又怕唔夠飽，可以加多碗麵才$16,兩隻味也不用加錢，真的良心)。出都個D好，一係十隻餃，一係5隻餃湯麵。我食依兩款都硬係差一點點，兩頭唔到岸感。今日湯餃一食落去，唔夠熱透。湯也唔夠熱，我淋會唔會出唔一切凍咗，但淋淋吓應該唔係。出唔切湯凍，餃心應該仲熱。但我個碗係餃唔夠熱透，湯也唔夠熱。好明顯有問題，不過算啦，應該無問題既，怕就怕煮唔夠肚屙姐。主角泥啦，食完餃之前，加多碗麵。都唔係第一次，應該唔會有問題。泥到第一二三口都食到有硬物，似魷魚干既感覺。我吐出泥睇吓發生咩事，可能係D麵干咗掛。但第一次係依間店發生，以前都無感既情況。我就夾係張纸巾上，示意服務員有事，過泥一下。短髮戴眼鏡阿姐姐剛好有野做緊，我話你做埋野先過泥。我比佢睇麵心白色個面。我話：頭先D餃子已經熱唔透，依D麵中間白色硬硬地。佢話：我地整定，係感個wow。不話佢都係有攞番入去換個新既。出到泥有熱咗有進步，但每幾少口還是會有硬麵既情況。食多幾口都飽，放低便埋單走人。圖片已經係第二碗麵既情況

終於試到收藏咗好耐嘅「甜記餃子」同四個friend下午茶時間去唔使等位朋友話湯麵唔好食，所以叫咗雙拼湯餃8隻 ($44)▶️ 檸檬葉杏鮑菇雞第一次見嘅口味一食已經食得出香檸檬葉香，非常有泰式冬陰功風味😮雞肉比豬肉軟腍，味道上冇分別個人覺得幾特別，但係都有少少唔慣🙈▶️ 椰菜冬菇雲耳豬比較傳統嘅口味，但做得出色入面超多餡料，椰菜雲耳好脆口調味都啱啱好🥟整體餃子大粒😋外皮質感OK，唔會易散湯底揀咗雞湯，另外可揀薯仔蕃茄湯湯底比較普通，係幾清淡值得欣賞係佢個自家製辣菜脯❤️‍🔥又惹味又爽脆，我同朋友都狂落狂食😂-餃子口味選擇多，大粒足料環境還可以，係坐得迫少少不過服務有待改善🙂性價比OK，唔收服務費，平均$50/人

餃子控又發作，收工突然好想食甜記餃子，因為好耐冇食，就算有啲攰都照排隊去食。真係次次都排長龍 ，等咗大約半個鐘，終於入座嚕 。🌟甜記嘅辣菜脯真係咁多間餃子舖入面我食過最出色，非常辣但又好過癮 。🔺韭黃雞肉餃（湯）呢款我排第1 ！好香韭黃味，口齒留香，有種「鮮」嘅味道，之後嚟食都必點！再配搭蕃茄湯底，有種好warm嘅感覺，湯底冇之前咁濃，但都有蕃茄嘅酸酸甜甜，仍然好飲！🔺南瓜忌廉雞肉餃（湯）每次嚟都必點，南瓜蓉甜甜地，食落好creamy！呢個配搭好match，好鍾意濃滑香綿嘅口感，同之前一樣都係咁好食，仲可以大大啖食，真係好滿足！🔺韭菜豬肉餃（湯）正常發揮，好多韭菜，肉相對少 ，不過我鍾意多韭菜，而餃子size岩岩好，唔會好細 。🔺京蔥羊肉+粟米芝士煎餃每次嚟都冇食煎餃，諗住試下，點知啲皮好硬又乾，好難咬開同唔酥脆，京蔥羊肉嘅餡係好食嘅，好香洋蔥味，不過冇咁juicy；粟米芝士就麻麻地，芝士硬硬地，冇芝士溶嘅口感 ，同粟米都幾夾，都係咁硬😂

今日經過旺角，到咗食飯時間，唔知食乜嘢好，見到呢間餃子店好多人排隊，價錢又唔貴，所以就入去試吓餐牌上面好多餃子嘅款式選擇，玩咗好耐，叫咗個西洋菜餃子面，餃子很飽滿，個面個份量有足夠，好多時去食餃子，食完好似冇食過咁，呢間就唔會會有呢個感覺下次做嘢出嚟旺角，如果有知道食乜嘢，應該都會繼續嚟呢個交接繼續試吓其他唔同味道嘅餃子唔知你哋又鍾意邊啲類型嘅餃子呢？食完呢一次之後，好期待再試吓其他舖頭嘅餃子係唔係一樣都可以咁出色

見就見過, 亦見過好多人排隊, 都出於好奇, 今晚睇下有無位, 不如試下, QR code落單, 款式唔係真係好多款😅只不覺有湯餃🥟亦有🥟煎餃, 變左好似好多款😄, 見到小食有醉雞🐔都想試下, 叫左香芹☘️芫茜豬肉🥟餃配🍅蕃茄薯仔🥔湯要左台灣麵🍜, 等左一陣, 醉雞先來🐔🐔, 好貼心另外比多個碗, 夾一件食下, 有d驚喜, 好重酒味😍d雞都入晒酒味, 食落幾滑😛👍, 而且件數也不少😁, 再之後送來湯麵🍜, 查實好坦白講😅賣相好一般, 飲啖蕃茄🍅薯仔🥔湯, 係有蕃茄🍅味, 但又唔係真係講到非常好飲😂, 再食台灣麵, 夾起有d係一舊, 未完全散開🤔, 其實係d湯都唔係十分夠熱😆, 再食舊餃🥟, 芹菜味道好濃, 完全搶左芫茜的味道, 但好好食, 我個人又覺得唔算係🙄不過餃算比得多, 麵份量也確實唔少😋但要去到排隊食, 我個人認為吸引度未去到🤣叫做終於試左🤪不過有機會都會試埋其他款😄