甜記餃子

营业中

休息中

甜記餃子 (太子) @tinkeedumplings 📍：太子砵蘭街450-454號HQ大廈地下C-D號舖🚗：太子地鐵D出口 步行1分鐘📞：+852 4614-9740💲：~HKD60/head for lunchFood quality✔️：10隻湯餃配茄湯 （京葱羊肉餃、南瓜忌廉雞肉餃)👌🏼：10隻煎餃子(粟米芝士雞肉餃、菜芯豬肉餃)、熱豆漿總結：😋一間喺長沙灣打出名堂係區內餃子🥟名店 喺太子呢個餃子爭霸地都想佔一值位 新店裝修就走新穎日系路線 同舊舖畀人嘅感覺有段距離 不過食物質素都保持到 推薦嘅😋個人偏愛食煎餃多過湯餃 但呢度係難得令我覺得湯餃出色啲 同埋湯餃會發脹睇落大粒足料啲🤣有12款選擇 雙拼單拼同價 除咗傳統豬肉餃嘅選項外 呢度都有提供啲新式選擇如京葱羊肉餃同南瓜忌廉雞肉餃等😋湯底有得揀雞湯或番茄🍅薯仔湯 茄湯都幾足料 家庭嘅味道 唔係茄膏而真係食到一塊一塊嘅鮮番茄 京葱羊肉餃出色過南瓜忌廉雞肉餃 京葱好清新 不過羊肉我覺得未必太夾 好似都係豬肉正啲 不過都好食🥰😋南瓜忌廉雞肉餃就相對冇咁驚艷 不過都好食😋其實佢最好食唔係餃子 而係任拎唔嬲嘅辣菜脯 非常辣但醃得好入味嘅辣

今日同老公去開太子，有啲掛住甜記餃子，見喺附近所以就行咗過嚟，平時星期六日都仲要排隊嘅，今日平日好多空位～呢間舖頭裝修係以木系裝修為主，有少少文青風嘅感覺～今次我叫咗雙拼煎餃，一半係椰菜雲耳冬菇豬肉煎餃，一般係忌廉南瓜煎餃～雖然同樣都係熱辣辣煎出嚟，但今次感覺佢退步咗，成隻餃子好似細咗，而且煎得冇以前咁好食，有少少煎過龍既感覺，有少少失望。忌廉南瓜餃子好似冇乜忌廉咁，同上次食爭好遠。而我老公叫左韭菜餃，都係普普通通。

太子甜記的質素真是每況越下，如非必要下次都不會再吃。晚飯叫了甜記外賣，本來是韮菜豬肉及椰菜冬菇雙拼。拿外賣時，發現韮菜豬肉餃的外皮全部破損，餃子溶溶爛爛。向店員查詢，則表示當天的韮菜餃因不明原因，以致外皮易爛。真心想問店長，為何明知成品如此，不可以店員更換及篩選完好的給顧客，要顧客自己做篩查？最後店員提出願意重做，就換上了南瓜忌廉餃。但打開外賣，外賣筷子發霉。椰菜冬菇餃的餃子皮是沒有以往的彈性，反而是吃到極重粉及黏嘴，似是未全隻煮好就放入盒。甜記真是越做越差😞

一向很喜歡💕吃餃子，近期因為帶孩子去太子學習，所以就多咗去太子，之前去搵間咖啡店，一路行嘅時候見到有一間好靚嘅舖頭，見到原來係間餃子店，原來現在嘅餃子店已經一改茶餐廳系的感覺，所以就快快記下。睇其他食評，說要等好耐，所以我就搵一啲下午時段去，我大概2:30左右到餐廳，餐廳冇什麼人，員工們都正在努力包餃子，所以可以任選位置坐下，餐廳的環境很舒服，好企理。餃子的種類也非常豐富，有傳統的，也有新派的。我叫咗一個雙拼湯餃子，粟米芝士雞肉餃和香芹芫荽豬肉餃拼🥟拼蕃茄湯底。粟米芝士雞肉餃～睇食評，大部份人都會推薦，所以叫了這款，餃子皮薄，雞肉飽滿配上香甜粟米，但就缺芝士味。香芹芫荽豬肉餃～有時候覺得還是傳統餃子好味😋，豬肉🐷沒有腥味，配上香芹和芫荽，非常美味❤️！整體用餐感受也很好，埋單$48，但有一個舒適的地方享受美味的餃子🥟，性單比高，期待下次再去。

香港愈來愈多餃子鋪，呢間相信大家都唔會陌生😂之前成日要排隊，開左多間分店之後人龍終於少左👍🏻有追電視劇嘅可能都覺呢間分店咁熟口面嘅🤭雖然無神秘餃食，都想嚟食吓😝味道還可以，個人覺得荃灣餃子屋好味啲🫢但呢間勝在環境較舒服😬仲有介紹每款餃子適合咩體質嘅人同卡路里幾多，啱哂想食得健康嘅人👍🏻1. 韭菜豬肉拼西洋菜豬肉餃 （$44/8隻）有得揀番茄薯仔湯/雞湯，試咗番茄薯仔湯，特別啲🍅湯偏酸，幾開胃，但番茄粒同薯仔都係得好少😅韭菜餃好味過西洋菜餃，韭菜新鮮，西洋菜就有少少渣🫢兩款餃肉汁都多😋另外試咗椰菜冬菇雲耳豬肉餃，呢款好推薦，椰菜鮮甜，雲耳爽口，冬菇好香，加埋豬肉食落有層次🤤菜脯稍為辣左啲，但撈湯食都可以嘅😂

突然想食餃子，就去食甜記餃子，其中一樣我最鍾意的餃子就係粟米芝士雞，皮薄餡料多，揀左湯餃子麵$46，有五隻餃子，好多餃子選擇，湯底我就係蕃茄薯仔湯，酸酸地嘅蕃茄味幾開胃，麵要左米線，配上佢哋自家製的辣菜脯，好食👍👍😋😋飲品叫咗洛神花茶$12，正常，有啲偏淡。老公叫左白菜豬肉餃子，入面啲白菜切到好大粒，有口感，有咬口，豆腐正常發揮。

本身都聽過呢間嘢好出名又多分店見到menu 好多選擇又有晒營養成分所以都幾期待當日叫咗兩碗分別係雞湯同蕃茄薯仔湯其中一碗懷疑係廚房漏單，等咗半個鐘都唔見有問一問之後 佢地應該就拿拿林煮之後嚟到錯湯，換返之後錯餃子餡加加埋埋由落單到食，就等咗一個鐘一碗餃子都可以整三次先正確仲要又唔係繁忙時間啲職員仲要一啲表示都無，唔好意思都無句見到我地默默等就當問題？即刻煮返就當解決咗？本身好食都等到變唔好食真係理解唔到同一張單都可以miss咗

有時好食，蕃茄薯仔湯夠濃，餃子夠新鮮。有時（幾乎每3次有1次）難食，蕃茄薯仔湯無薯仔，餃子唔新鮮+好似煮過左龍，皮爛曬。蕃茄薯仔湯底一啲都保持唔到水準，濃淡味次次都唔同，次次都買六合彩咁… 淡到粉粉紅色水咁都試過。試過有一次芝士粟米餃有怪味。員工好忙，講一句野都好麻煩左佢地咁…可以服務態度正常少少，客人第一句問野唔好咁嫌棄，問第二句先再嫌棄都唔遲。希望非繁忙時間可以調較下冷氣，風又太太太太大又太凍。

❣️店舖於食飯時間都好多人排隊，如果趕時間要留意預留時間❣️我曾多次光顧甜記餃子，他們的湯餃和煎餃都非常好吃。每個人的口味不同，所以個人偏愛湯餃，因為煎餃通常比較油膩🫣❣️對於湯餃而言，我個人特別喜愛他們的蕃茄薯仔湯底。❣️甜記餃子的餃子屬於皮簿型，意思是餃子皮相對其他一般餃子較薄。這種類型的餃子能夠更好地展現餡料的風味。此外，他們的餡料選擇也非常多樣，滿足了各種口味的需求。❣️由於我與朋友多次光顧，幾乎試過了所有的味道，我可以說，暫時沒有品嚐到有伏味的，可以安心嘗試❣️此外，他們提供的辣菜脯非常惹味。如果您喜歡辣味的，我推薦您一試。

今日同朋友去太子，但係又唔想食得太多嘢，所以就諗起呢一間餃子啦，其實我哋之前都食過好多次，依然覺得幾好味返轉頭再幫襯。-🌟淨餃子10隻🥟 ｜$48今次叫咗南瓜忌廉雞肉餃同埋西洋菜豬肉餃。南瓜雞肉餃還可以，入面有一啲南瓜蓉同埋雞肉 ，但整體食落去嘅口感一般。我始終都係覺得傳統嘅菜餃係好食少少。呢間啲餃子🥟唔算大隻，但係個皮好薄，餡料好多。而且個湯底都有誠意，有好多新鮮蕃茄碎喺入面，食得出有蕃茄味🍅

下晝唸住搵碗麵搞下香港地獄根本冇好西點知碗麵又都幾鬼好味得黎飽得滯常餐就唔抵但出街喂 搞得👍空調小凍唔舒服 麵湯太快凍小菜建議食 好鬼正 齋啪都舒服餃子正常發揮 隨便食都正

叫咗蕃茄薯仔湯，一丁點薯仔都冇；叫職員去廚房加返，最後拎返嚟係嗰啲湯底攤凍咗嘅薯仔渣，薯仔大細仲細個手指尾指甲，都唔知喺邊度拎返嚟、合唔合乎衛生⋯食到想嘔🤮去過三四次，服務一次差過一次，之前係煮唔熟薯仔，以後唔會幫襯

每一次過黎都心諗比多次機會佢啦但換黎每一次都係失望啲餃一次比一次差我叫左10隻雙拼西洋菜+椰菜冬菇等到後入過我幾枱客上哂我都仲未有終於上左5隻冬菇叫我食住先5隻有3隻個皮都爛哂甩咗成塊皮出嚟好明顯係浸過頭店員答我唔好意思太忙我都想問廚房到底係太忙定係漏咗我單？

不嬲酷愛餃子既我☺️呢次帶個朋友去食我不嬲都勁鐘意既甜記餃子🥟 呢次去咗太子嘅分店，好彩早到左，因為唔夠一陣間就坐滿滿晒人🤣🤣⭐️醉雞麵 （$50）平時嚟呢間淨係叫餃，估佢唔到係個醉雞麵勁出色👍🏻👍🏻👍🏻我地揀左蕃茄薯仔湯底，啲雞超嫩滑好入酒味，大愛❤️❤️⭐️湯餃8隻 （$44）揀左椰菜冬菇雲耳豬肉餃同西洋菜豬肉餃兩款，皮薄餡靚，食材勁新鮮，好味到不得了呀😆😆大家記得一定要配埋菜埔，真係辣得黎口感勁豐富兩粒😝⭐️煎餃🥟8隻 （$48）揀左白菜豬肉餃同粟米芝士雞肉餃，餡多皮脆又大件，芝士🧀口感勁濃，一定唔可以錯過，食得好幸福啊🥰⭐️蝦籽蠔油菜心（$22）菜葉好新，食料選料絕對係花心思既餐廳，呢個真心大愛❤️❤️ 朋友第一次黎都話一定會encore 😝😝 🏠環境：8/10🌟味道：9/10💰性價比：9/10🙇🏻服務：8/10甜記餃子📍太子砵蘭街450-454號HQ大廈地下C-D號舖#hkfood#hkfoodie#852food#hk#甜記餃子 #甜記餃子番茄薯仔湯好正#yummy#相機食先#太子美食#香港美食#餃子

夜媽媽十點幾唔知食咩好，天氣又凍喎…行到街尾搵到呢間食餃子！最初比舖頭名呃咗以為只係食甜品或者只有甜餃子。坐低望落menu原來都係鹹嘅餃子為主，有湯餃/煎餃或者外賣都有。仲有麵食，整體就以餃子為主。我馬上點了羊肉餃和韭菜豬肉餃。羊肉夠份量，仲要少少騷味都冇，配合得非常好，食完成個大暖哂豬肉就相對普通，配合韭菜略有甜味。舖頭嘅座位設計一人錢前都完全唔會尷尬，店員好友善輕輕提醒last order時間。原來自己係差唔多last order時衝入嚟好多謝店都冇黑面，服1及3好好。餃子暖心也暖