甜聚雪花冰甜品屋

营业中

休息中

行到花墟竟然得2間糖水鋪，點知誤打誤撞入左甜聚！唉，簡直難食我只係叫左個最簡單的黑糖薑汁豆腐花，先講豆腐花，我真係從來未見過咁老既老豆花，好難做到有洞洞，又老又鞋，十足係街市買既未煮熟既豆腐一樣！而且石膏粉太多有點苦！至於薑汁糖水無黑糖味，無糖但又辣，奇奇怪怪！🥴最好唔好試

2018.10.18甜聚經常在花墟出沒，總會想找個地方坐下來休息，食個甜品就最relax。夏天吃冰，秋天就來個養生糖水吧。平日自己都會做糖水，核桃糊、腰果露、紅豆沙、渣咋，都handle 得到，但杏仁茶真的考起我，功夫很多，所以還是在外吃，樂得輕鬆。這店的「養顏蛋白杏仁茶」，功效如何我不知道，不過味道不錯，濃度剛好，對於我來說稍稍甜了點，蛋白花均勻，一直吃到底還有。我吃熱的，吃完人都溫暖了，可以繼續工作，happy working day!

🍬糖不甩 $22本嚟嗰糯米糍整得幾好食，但...👎🏼唔明點解依家啲人好鍾意將啲「糖不甩」唔用花生碎🥜，轉用黑芝麻代替🤦🏻‍♀️根本就完全唔係嗰回事~唔好食❌🤷🏻‍♀️芒果仙草 $32賣相不好...芒果得幾條放上面，根本就係涼粉唔係仙草😤最抵好多冰沙又完全冇味😟燉鮮奶 $28🥛燉得太老了，邊都離晒位👎🏼 唔夠滑呀...唉中規中矩的小店， 共食了 $802個人食咗3様嘢：加埋80蚊都算平啦😬但仍然好多人去食...都要等位！👫👭👬

旺角太子夜生活多，所以糖水店都特別多！今之途徑一間，見隔離個間好大眾化所以口痕想試新嘢🤣🤣🤣🤣不過呢間店啲黑糖都幾甜，薑又覺得重手咗少少！所以我覺得大家如果想揀以上兩樣要考慮好先🙈🙈🙈🙈但推介佢哋嘅芋圓，平時係台灣已經好鐘意食！基本上係糖水店我見到都會食，想比較下係咪真係分別咁大同台灣！呢間我覺得口味上最接近台灣嘅芋圓所以特別推介比大家！ 大概9點幾就開始多人，所以大家食就預早啲去啦

喺隔離阿南雞煲食完晚飯，朋友都想去下場就係食糖水，於是就喺旁邊果兩間糖水，揀咗食呢一間。啱啱好有一大班人走咗唔使排隊，叫咗個大良燉鮮奶食，幾嫩滑的口感，有去香嘅牛奶味，不過溫度稍嫌不足，上到嚟已經有少少凍哂，如果再熱啲就好啦！其他甜品都唔錯，鋪頭都多選擇，有芋圓、刨冰之類，應有盡有，朋友話佢哋嗰款係屋企都可以整到，我諗呢啲係叫做屋企嘅味道掛

位於太子酒吧街附近，附近有幾間甜品店。星期六晚上12時左右經過，見未關門便想進去嚐一口甜^^欣賞呢間野部分餐牌係手工製作，就是喜歡這份小店的味道，但男朋友就覺得兒戲左d(唉～～你呢d電腦人，唔明我地呢d唔識用AI做餐牌既辛酸>.<睇云成個餐牌價錢都係20至50左右，太子區來說算是平常合理。有仙草系列、西米露系列、豆腐花系列、紫薯芋圓系列、紫米露系列。特別留意到有雙雄系列好！就試下叫一個雙雄黎會一會你！原來係芋圓及紅豆做底，再加上成碗花奶，OMG!成碗花奶咪好肥？哈哈，食左先算啦！欣賞紅豆大大粒圓軲轆，不會煮過龍。一啖食落去有口感之餘又唔會過硬，讚！紅豆成本偏貴雖然要$40，但係紅豆份量十足收費合理。反而芋圓有少少失望，分量方面亦算足夠，亦配有3款芋圓，但喜歡食硬野既我都覺得太硬了，沒有了應有的煙韌口感，少少扣分。

由於外面好多嘅糖水舖價錢已經越嚟越貴，越嚟越唔抵食...所以我都寧願去返啲唔係連鎖式嘅糖水舖～😤一黎會多番啲中式嘅糖水～冇搞咁多花臣😪二來價錢都親民啲～正常少少！ 今次見到呢間糖水舖就入咗去啦～～點左個紫薯芋圓豆腐花，啲芋圓似急凍果隻～不過都唔差嘅，佢紫色既芋圓係真係好香紫薯味～👍🏻豆腐花就普普通通🤔比較粗😕但係好香豆味～佢嘅價錢係$30...所以我都冇咁多要求🤓覺得整體上都算係OK嘅～😛

喺附近食完嘢之後，個肚都仲未飽，仲有空位又唔想食鹹嘢想食啲甜嘢，心思思。🤣行過呢間舖頭企咗喺門口度睇佢哋menu嘅時候, feel到陣陣嘅涼意，咁熱嘅天氣，好啦，一於決定嚟食個甜品啦。😁😁首先姐姐既服務真係好好㗎，令你有家既感覺。😃雖然地方比較狹窄，唔算坐得舒服，都係呢個價錢食到咁大碗，咁足料同家既感覺，咁好嘅服務真係唔錯㗎😗😗不過佢真係好大碗，所以都要啲時間先食得哂。。。好彩呢個時間都唔算好多人可以慢慢食😁

之前男小編同同學食晚餐之後就嚟咗食糖水😚食咗好耐依加先記得po添🤣#紫薯芋圓椰汁鮮草 ($34)😋好味指數：(7/10)都幾大碗份量都幾多😱鮮草其實就姐涼粉果啲💁🏻‍♂撈椰汁一齊食甜甜地都唔錯😗芋圓食落去就q彈有咬口😚味道就還可以甜甜地咁🤔#大良燉鮮奶 ($27)😋好味指數：(6/10)普普通通嘅燉奶🍼奶味都幾香嘅，食落去都尚算滑😚

係附近食完飯 緊係要搵返間甜品為個晚餐畫上完美既句號喇<3咁岩見到都幾多人食 鋪面企理 唔諗喇 就食你喇😋首先我地4個人都係叫有芒果既甜品真係不得不推介 好甜 係芒果本身果種甜味唔似出面有D會浸糖水 仲要大大粒 大大碗 份量十足😍😍😍芒果腸粉~腸粉好夠薄好滑正~!紫米露 甜味岩岩好 粒粒分明唔會煮到好結 勁中意呢幾碗都係仙草黎好有咬口 芋圓好香口感好夾 而個榴槤球 真係成球榴槤肉絕不欺場 小店用料十足 價錢唔貴 值得推介

月頭同朋友喺附近食完晚飯，天氣涼涼地，中式糖水癮起，接連兩日食。原本諗住行去海記食個合桃糊，點知行行下殺出一間甜聚，咁就唔洗煩，又即管一試。印象我有食過呢間野，食過雪花冰，質素也是一般不過我食中式野，又可以俾次機會啦。餐牌選擇都幾多，一行四人各自點左一款，價錢就唔貴，人均廿零蚊，三十蚊內。我同男朋友一如既往，點左芝麻糊同合桃露。芝麻糊 $24 + 花生湯丸 $8/2粒芝麻糊呈深灰色，大部分人話係開粉，咁人地冇寫手磨、生磨、石磨呢啲字眼嘅。即時翻熱，熱過龍喎，好似沸水一百度咁放唔到入口…質地唔會好厚，帶一點點稠度，順滑冇口感，芝麻味有，唔是特別濃郁。追加嘅湯丸都非常普通，細粒，糯米皮偏濕笠。生磨香脆補腎合桃露 $28合桃露色水較深，賣相幾接近海記，面頭都灑左合桃碎，做合桃露加肉眼可見嘅合桃碎係明智之舉。加左合桃粒口感豐富啲，即使本身糖水底唔係好重合桃味，只要連埋粒粒食，點都會更加香。質地算厚，食落都順滑，同海記真係好似。蓮子百合紅豆沙 $22 +湯丸 $8/2粒朋友點嘅紅豆沙唔合格，質地好稀，唔見沙銀杏薏米腐竹雞蛋糖水 $25食左四碗糖水，朋友的兩碗！都不在水準，我地呢兩碗亦只係還可以。

勁難食！我講多次，係勁難食！本身諗住放佢一馬，唔好嘥時間寫佢負評，但係一食呢個榴槤甜品，越食越忍唔住要喺度寫低，以免大家中伏。我哋分別叫咗一個芒果班cake同埋一個「海燕椰皇榴槤凍」，兩樣嘢夾埋成舊水，諗住有返少少質素。一嚟個芒果班戟，只不過係一塊薄皮班cake上面加少少cream同一片仔芒果，同屋企整冇分別，伴碟嘅嗰三粒水果仔，實在醜樣到不堪入目。大佬嚟啦，佢哋推介嘅必食甜品「海燕椰皇榴槤凍」。上面係一球仔榴槤肉， OK嘅，同一般甜品鋪一樣。食落去就恐怖啦，唔知自己食緊啲乜嘢，係一舊冰，又唔係刨冰，類似係將啲椰王水撈埋入邊啲肉雪左做冰。中間仲有一大舊透明物體，我估呢舊就係「海燕」，以為自己食緊膠，舊嘢同啲冰一齊硬到拮唔入，打唔爛。都唔緊要，因為成舊野係冇味道，好似啲污糟水浸住舊冰咁樣，總之見到你係唔會想食！我見成＄58 ,諗住盡力食吓啦，點知真係頂唔順，放棄！臨走先的起心肝影相寫食評，朋友仲話我對間鋪頭唔公平，影得咁核突，我話：「舊嘢由頭到尾都係咁核突」！最後我哋放低左一張紅衫魚，懷着憤怒嘅心情離開。千祈千祈千祈唔好黎食！我見隔離枱啲甜品都係食咗三份一就走路，大家估到乜嘢事啦

核桃露開粉，難食。其他冰野無特別。D呀姐一路響隔離mon住你幾時放底匙羹，當你一放底佢就會9秒9立即收左你碗野。當你同朋友一齊食野，檯面無曬野，佢就會同你講可唔可以讓張檯出黎，因為出面好多人等星期六就是要自戀一下。而家食左都唔知為咩。

一直都鍾意食台灣野尤其是挫冰... 今日喺附近食完飯....見時間尚早....就過嚟食個甜品傾吓計試吓呢度嘅挫冰....呢度有2款冰....雪花冰同挫冰....因為我不嬲都唔鍾意食好似雪糕嘅雪花冰....所以都係揀返挫冰.....可惜佢挫冰嘅選擇唔多....得紅豆抹茶....兩三款生果.....同埋一個叫幻彩寶寶......幻彩寶寶個名同埋幅圖七彩顏色... 好似幾得意...就一於試吓呢個啦.....佢賣相唔錯...七彩顏色..好繽紛咁......但係嚟到我哋先發覺原來佢係有好多唔同味道嘅爆珠.... 如果鍾意食爆珠嘅話都應該幾鍾意呢個刨冰...只不過我唔鍾意食爆珠...就會覺得佢too much la....佢個冰係幾好食嘅....不過如果有其他配料選擇就更加好啦！！

去到花園街食完個晚飯想搵個糖水食下就去咗呢一間喺門口出邊就見到好似好多選擇咁不妨入去選擇一下淨係睇佢出邊嘅poster.... 都覺得幾吸引.... 又有不同嘅中式糖水.....又有新潮嘅西式果冰唔入去試吓點得環境裝修都幾特別尼盆花好靚我都好鍾意我叫左個合桃露加杏仁蛋白茶....但係口感一般唔夠香滑....而且唏廖廖我老友加嗰個蛋白杏仁茶味道都一般般主要係唔夠香滑同埋用料吾太夠不過可能鋪租太貴....所以未能夠用捉料....都可以體諒嘅