甜聚雪花冰甜品屋

营业中

休息中

試咗呢間甜品店嘅幾款甜品，覺得佢嘅中式甜品好出色，當然西式甜品亦都好好食！👍🌟🌟🌟蛋白杏仁茶係我人生中飲過最好味嘅蛋白杏仁茶的頭三名！杏仁茶係用石磨盤去手工即磨，所以杏仁茶好順滑！！而且好足料，豐富杏仁味，唔苦，好清香！！🌟🌟🌟大良燉鮮奶係我食過奶味最濃郁的燉鮮奶😭😭會再嚟食！！🌟芒果腸粉外層香滑，皮薄肉厚，啖啖香甜芒果肉。芒果醬唔會過份甜膩，食得開心！🌟心太軟配雲呢拿雪糕切開心太軟的一刻，朱古力醬好似火山熔岩流出嚟，真係好治癒❤️❤️朱古力心太軟的微苦，同雲呢拿雪糕的甜，口感豐富濃郁，冷熱結合，好有層次感！🌟楊枝甘露滿滿既西米露、芒果粒同柚子，足料嘅甜品！所有比例啱啱好，甜度適中。⭐️蜂蜜冬瓜茶天然嘅蜂蜜味道，帶一點甜，如果有多啲飲品選擇就更好😝

琴日落左一整天黃雨，今日天氣陰陰涼涼但停左雨，便同朋友出街行下。到左花園街買左盆香草，見時間尚早未夠鐘食晚飯，就去左甜品舖。先望了隔離的松x，唔太吸引就到了甜聚😆甜聚外觀有點老舊，甜品款式也是傳統型。朋友話幫襯小店點都有驚喜過連鎖店，又啱喎，一於試下佢。⭐雪糕榴蓮奶凍先來的榴蓮奶凍，外觀簡潔，就是榴蓮奶凍上放了榴蓮雪糕。入口有驚喜，奶凍香滑散發著淡淡榴蓮味，勁好食喎😍⭐海燕椰皇榴蓮凍作為一個榴蓮同椰皇控，二話不說就揀呢樣🤤睇餐牌已經好吸引，上到枱更甚，好香榴蓮味呀。榴蓮肉勁正，下層的椰子水清潤，仲有甜甜地嘅椰果粒同爽口的海燕，海燕吸左椰子水咬落爆汁，成個椰皇甜品都勁好食😍⭐芒果班㦸仲有芒果班㦸，煙韌的班㦸皮包著香甜芒果肉，仲有勁多忌廉，朋友話食得好滿足，佢至愛忌廉🤭⭐心太軟最後係心太軟，即叫即焗熱辣辣，雖然唔爆漿但都好流心呀，朱古力味極濃，微甜唔膩，旁邊仲有雲呢拿雪糕，又係勁好食喎🤤賣相雖然唔算係吸睛打卡類型，但味道真係無敵，全部都係勁好食！實力派甜品店😆唔怪得不斷有食客入黎啦，好受歡迎喎。

甜聚雪花冰甜品屋 (太子)太子花園街211A號地舖1. 海燕椰皇曲奇味雪糕凍糖： 海燕椰皇曲奇味雪糕凍糖是一種獨特的甜點，結合了曲奇餅乾、雪糕和凍糖的美味。這款甜點有著濃郁的椰子香氣和香脆的曲奇口感，讓人一口咬下就能感受到豐富的層次感。雪糕的口感柔滑，與曲奇的酥脆形成了絕妙的對比，而凍糖的甜度則為整個甜點增添了一絲獨特的風味。綜合來說，海燕椰皇曲奇味雪糕凍糖是一款令人愉悅的甜品，適合在炎炎夏日享用。2. 紅豆黑糖豆腐花： 紅豆黑糖豆腐花是一道傳統的中式甜品，結合了豆腐花、紅豆和黑糖的口味。這道甜品的豆腐花口感滑嫩，帶有淡淡的豆香，豆腐花的質感極為細膩。紅豆加入了一絲口感，同時為整個甜品增添了一抹豐富的顏色。而黑糖的香甜則為這道甜品帶來了濃郁的味道。3. 楊枝甘露： 楊枝甘露是一款流行於港式茶餐廳的冰品，以其清爽的口感和豐富的果味而受到喜愛。這道甜品主要由椰漿、芒果、西米和糖水組成。椰漿為甜品帶來了濃郁的椰香，而芒果則帶來了鮮甜的果味。西米的加入增添了甜品的口感層次，使其更加有趣。

一碗糖水外賣，等左15分鐘 ，一拎上手就知唔對路，個外賣碗咁迷你，居然得1／3碗！姐係2淡湯！即刻拎返入去同呀姐講，佢居然話不漏左d薑水，叫我係出面再等。然後等多陣拎出黎，今次勉強有2／3。。。費是再同佢晒口水。。。冇下次ps. d番薯有2舊黑黑地...

用餐日期：2023/11/29用餐時段：下午茶用餐費用(每人）：$59餐廳環境：環境整潔乾淨 冷氣足 室內檯與檯之間較近 人多時可能要搭檯 服務：服務員服務態度好 點菜上菜都快味道：點了宇治金時棉花冰+黑馬王子綿花冰1: 宇治金時棉花冰$60- 抹茶味綿花冰+紅豆椰果配料 綿冰頂有煉奶醬 綿花冰份量足 綿冰刨得一片片綿密細緻 外觀似一片片薄片層層疊疊在一起 賣相好 抹茶味足 不甜 和紅豆甜味很配 椰果也爽脆 綿花冰入口即溶 味道好 食到最後一口都沒怎溶 推薦 2: 黑馬王子綿花冰$58-朱古力味綿花冰+香蕉椰果啫喱配料 綿冰頂有細小綿花糖粒+朱古力醬 綿冰刨得一片片綿密細緻 外觀似一片片薄片層層疊疊疊在一起 賣相好 朱古力味道濃郁 不過甜 同香蕉椰果啫喱一齊食味道好 綿花冰入口即溶 食到最後一口都沒怎溶 推薦總結：這家老闆娘人品很好 我們大約3點到 2個人本想坐門口2人位 但她叫我們坐入邊較大座位 也可坐下點餐 點餐上餐速度快 綿花冰做的綿密細緻 賣相好 份量足 味道好 是值得推薦的好綿花冰店。提示：這家是下午3時才開門 我們沒注意開門時間早到了只好在附近走了幾圈等😆

叫左個糖不甩點知上到黎係咁嘅樣都真係第一次見。Menu 上嘅圖完全唔係呢個樣。雖然話圖片只供參考啫，但都唔係咁樣呃人嘅。仲同我講出面啲糖不甩都係咁。真係想問佢到底知唔知咩係糖不甩🙄

食完飯同朋友喺附近搵糖水食，由於時間尚早，應該冇乜人咁早食糖水，所以成間舖都冇乜人，坐得幾舒服。餐牌上面都幾多選擇，由雪糕到棉花冰到豆腐花到傳統中式糖水都有，但係因為天氣轉涼，加上少左食凍野，都係揀返啲中式傳統糖水。我揀咗芝麻糊，朋友揀咗熱嘅香芋丸子豆腐花。個芝麻糊還可以，冇乜芝麻味，但都算幾滑，而且唔會太甜，因為好驚食啲甜到漏嘅糖水。朋友食嘅香芋丸子豆腐花唔錯，d丸子夠煙韌，配香滑豆腐花嘅口感不錯。

很久沒有在香港遇見這麼細心的老闆娘，因為正值吃什麼都想吐的week 10, 我都不敢吃太冰太刺激太膩的東西。跟我媽散完步後，決定叫個燉木瓜雪耳糖水食。雪耳燉到起膠，十分易入口，木瓜也棉棉的很適合我。紅豆沙本身是有點太甜的，經過媽媽跟老闆娘說完，他們立馬稀釋到沒太甜的程度，十分貼心。臨走時買了一碗合桃露杏仁茶外帶，這個超香！我很喜歡這種港式甜品店很有人情味的配搭，老闆娘讓我試食了少少黑糖薑湯芋圓，十分夠薑！

同屋企人食完飯後，來到太子這間剉冰甜品店食甜品，有意外驚喜。⚜️黑糖紅豆剉冰 $50紅豆的份量很多。雖然剉冰用上了黑糖，但唔算很甜。而且份量很多，算係好飽肚兼抵食👍⚜️紫薯芋圓豆腐花 $34芋圓爽口彈牙。豆腐花豆味很濃，而且很滑身。=======總結=======埋單$85（即每人約$29 ）。甜品很大份。我地叫2個甜品3個人分，份量剛剛好。而且甜品的性價比很高。天氣熱辣辣，食碗涼透心的好味甜品，令人幸福感滿載。💜

行過去諗住試吓呢間甜品舖見佢啲圖片都唔錯，坐低嘅時候服務態度就一般嗌咗個幻彩寶寶$50好似食緊糖咁完全冇其他味，顏色好似咖喱一啲都唔吸引側邊啲爆珠，好似Gas味有啲就酸到傻，貨不對版

千祈不要中伏，朱古力冰勁淡味勁苦，沒有靈魂的冰寧願唔好食，仲話自己係雪花冰專門店😂笑死人寧願走過去隔離食松記都冇咁嬲而且阿姐態度惡劣，明明門口話收八達通，點知入到去又話八達通唔收🥲🥲🥲🥲奉勸大家千祈唔好去食價錢$58已經唔係問題但係難食先係最重要

食完晚飯仔女話想食甜品，呢間甜品店最近啱啱離開嘅餐廳，為咗方便就決定去呢度食啦。去到餐廳約晚上九時，餐廳幾乎滿座。已經唔係第一次嚟呢度食嘢，首先留意到嘅就係又加咗價，冇計啦，百物騰貴，唔加價，生意點捱得住啊！我哋屋企人一向鍾意食凍嘢，雖然天氣已經轉涼，但係我哋仍然嗌咗三個凍甜品。阿仔要咗個紅粉佳人，阿女則嗌咗個黃金戰士。兩個棉花冰都不過不失，要比較嘅話，我會講個紅粉佳人嘅士多啤梨味道會濃郁啲，我嫌黃金戰士嘅芒果味唔夠重。我自己就嗌咗個雙雄，其實係牛奶溝紅豆冰同三色圓。呢碗嘢唔算甜，落料重手，喺個飽肚夾抵食嘅甜品。唯一要彈嘅就係三色圓除咗唔同顏色，其實食落去味道冇乜大分別。找數$156，仔女埋單，算係咁啦！😬

食完飯，諗住買2個桑寄生蓮子茶番屋企飲，我仲專登同收銀姐姐講要加蛋，收銀姐姐同侍應姐姐都有重覆話，要加蛋嘅...ok，$62蚊，到我攞外賣時，侍應姐姐仲特登講，已經幫你地加左蛋，咁我就好放心咁攞住外賣走，到番到屋企打開碗糖水時，唔好講話雞蛋啦，連蓮子都冇粒，我真係O晒咀，第一次食呢個糖水係咩都冇，咁樣呃人法，真係唔好再幫親...仲要個盒（給）唔實，番到屋企已經瀉左一半...激死人！請大家不要光顧這店，一定一定一定唔好幫襯😠

喺開太子呢邊食飯想食糖水，見到呢間幾近同埋評語都唔錯話自己係雪花冰嘅專門店，咁一於試一試佢嘅雪花冰啦，個冰真係幾好嘅，不過價錢偏貴唔係好高性價比，入去淨係食過冰，係淨係食過冰冇乜其他料🤣🍴薑汁燉鮮奶 $34 (7/10)叫咗熱嘅雙皮奶都唔係好熱🥲薑汁味都好出，個奶都好滑，甜甜地呀我但奶味唔算好濃，正常！🍴宇治金時 $60 (6.5/10)雪花冰真係做到雪花個效果，嗰冰好輕盈好細滑，真係好雪花，抹茶味都幾香未算好龍濃，但都有茶味，紅豆又甜甜地正正常常，椰果都爽口嘅。但覺得$60可以再多啲料，得啲冰好多，食食下都幾單調，扣咗少少分🤣推薦指數: 6.5/10同一條街得呢間同埋松記，咁可以食呢間嘅，不過就唔使特登嚟到太子食，叫做質素都OK嘅甜品舖，但冇話特別好食！性價比都唔算特別高，味道係正常！

Went to this dessert shop in prince edward with my friend , and had an amazing experience- the store is run by a middle aged gentleman, and he customised our order to our liking - we ordered crepes and asked to have a banana put inside with chocolate sauce - and voilà- he made it for us . Was also surprised to see they were making their own jelly and taro balls in-house , the one that goes in hot almond soup . We ordered a further two more desserts - and both of them were super - i got a choco-l