甜夢園

今次的確失望了大家可以睇返我之前都俾咗好多次好評佢之前的確好好食係我同其他朋友嘅lunch 飯堂希望老闆睇到呢篇嘢之後可以改善一下過段時間再去食希望你會變好猶如清水一般的西瓜汁我睇返我之前嘅推介相片西瓜汁並唔會好似咁嘅顏色而且同服務員講咗話西瓜好似冇味佢再重新整一杯之後亦都冇分別芒果汁就還好不過都真係淡咗好多好失望。。。雞扒腸粉腸粉一如以往好食但雞扒已經不是即刻煎上台只係微暖嘅溫度清淡無味的撈麵圖片大家可以自己體會吧。。。咖喱汁亦都係唔同咗味道同之前相似，不過油膩咗好多。。由於真係頂唔順佢啲嘢飲叫咗杯新鮮椰青水只可以讚吓呢杯新鮮椰青水的確係新鮮椰青…查看更多

今日帶屋企人黎食lunch見佢出咗煲仔飯屋企人鍾意食所以帶佢嚟試吓臘味煲仔飯👍🏼👍🏼👍🏼新出品煲仔飯即叫即煮的，所以等候時間比較長建議如果食煲仔飯，一坐低就要即刻落單一上枱煲仔飯香氣撲鼻而且煲仔飯入面仲有飯焦撈埋佢啲豉油好鬼正而且臘味仲會滲晒啲油出嚟成個飯都係臘味味道個餐好豐富除咗有一煲煲仔飯仲有一碟菜同埋一碗老火湯煲仔飯配的湯個湯煲得好清甜蓮藕爽口拉絲啲肉入面仲有軟骨香煎雞扒黃薑飯略嫌黃薑飯薑味不夠有少少失望平時啲雞扒會係熱辣辣上枱呢兩塊雞扒都唔係太夠熱希望店家能夠改善味道上沒有太大問題的…查看更多

由於太平太抵食喇Lunch諗唔到食咩就又走咗過黎上次自己食左雞髀今次就試吓雞扒🤣🤣🤣香煎雞扒配香辣炒腸粉👍🏼👍🏼👍🏼塊雞扒勁巨大食到佢應該係用蒜蓉醃過煎到好香口醃得好入味炒腸粉，雖然鑊氣唔係好夠但味道搭救味道微辣朋友同我都係嗌咗一樣嘅嘢🤣🤣🤣咖喱汁黑椒汁👍🏼👍🏼👍🏼叫咗配兩款汁可以點吓雞扒咖喱味香濃，食到咖喱嘅香料味不過略嫌多咗少少油黑椒汁鹹香調味做得唔錯唯一係少咗黑椒嘅香氣兩杯足料飲品飲得出係用新鮮生果打出嚟仲要係配埋個餐…查看更多

大埔很少甜品店,食飽晚飯散步行過見到新開左間甜品店,睇一下就比佢個堂食震撼價$28雪燕燉椰王吸引左,即刻睇下有冇咩條款喇,係冇既,只要係堂食就有呢個優惠價喇即刻睇下其他甜品既價錢,望落都可以問左每日限量50個既雪燕燉椰王仲有,就入去了,佢QR code落單既,叫左雪燕燉椰王 同 芒果鮮奶麻薯綿綿冰雪燕燉椰王,雪燕舖面份量都不少,椰奶夠滑好味,椰肉都燉到夠淋好易食到芒果鮮奶麻薯綿綿冰,芒果甜,麻薯都好食,綿綿冰當然就消暑一流喇…查看更多

送完小朋友返學唔知食咩好經過見到佢個餐牌又幾抵食即刻入去試吓記憶中佢好似唔係開咗好耐餐廳入面都好多座位過左lunchtime 去食都唔需要等位甜品店嚟講佢嘅座位都算幾多雞扒撈麵👍🏼👍🏼👍🏼撈麵有加咗自己嘅醬料類似辣牛肉醬味道不錯雞扒勁大塊好香口入味雞髀炒腸粉👍🏼👍🏼👍🏼極之巨大雞髀腸粉新鮮炸雞軟骨👍🏼👍🏼👍🏼呢個必嗌！！！好食到犯規個調味好好食再加上佢嘅脆漿炸得十分十分好酥脆香口甜品不太甜食得出係手工造價錢抵到爛午餐、下午茶仲包埋飲品不過下次去再試埋其他食物先…查看更多

見到openrice食評話呢度有特價堂食嘅雪燕燉椰皇，諗住過嚟試下，點知原來每日限量50個，賣曬就冇所以食唔到，於是改咗食一啲新派甜品，估唔到味道唔錯有驚喜，尤其是啲芋圓，食落去有台灣食到嘅芋圓嘅感覺，另外佢仲有一隻甜品用嘅河粉，個樣同粉麵河粉好似，不過個口感好滑身，同埋有少少Q彈，都幾好食。佢啲芒果都幾靚，夠熟，唔會有酸味。唯一缺點就係一定要加奶或者椰汁，兩樣我都麻麻哋，如果佢有得揀唔使加呢兩嘢就仲啱我口味。。…查看更多

新開甜品店之初嚐，味道不錯且有誠意，服務也稱心滿意，很好的體驗。甜品店當然要點甜品吧，選了堂食限定特價兩款之一的雪燕燉椰皇，$28真心是無懈可擊，椰皇清潤香滑且面層佈滿雪燕，沒有因價錢而偷工減料，值得一讚。另外還多點一個小食，竟然有炒腸粉，決定試一試，炒得乾身少油，香味撲鼻，都是不錯的出品。…查看更多

原個雪燕燉椰皇，堂食優惠$28，冇將價就貨，熱辣辣大大個，仲要勁多雪燕，媲美旺角某某老牌大酒樓嘅著名燉椰皇，每日限量50個，黃昏六點幾去幫襯竟然已經賣曬，因為我聽到之後有人再叫，侍應姐姐已經話燉椰皇賣曬，叫佢哋轉食燉木瓜，認真誇張。哋都有叫到呢個同樣做堂食特價嘅桃膠燉木瓜，都係原個上，以$28黎講，呢個燉木瓜嘅size都算大，入面嘅桃膠都唔少，都幾足料，希望佢哋堅持到咁好嘅出品，等我哋啲街坊又口福。…查看更多

今晚試咗呢一間大埔廣場新開的甜品店，一心諗住黎食佢嘅皇牌雪燕燉椰皇，點知賣晒，所以就叫咗芋圓，一碗係芋圓涼粉，另一碗係芋圓河粉，味道都唔錯。芋圓河粉嘅河粉唔係平時粉麵舖嗰D，只不過真係好似樣，但係食菬就完全兩回事，呢款甜品河粉幾好食，個質感好滑，口感唔錯。…查看更多

就係畀呢一個雪燕燉椰皇吸引咗入嚟，堂食28蚊做推廣，真係超級抵食。以28蚊呢個價錢嚟講實在係超值，燉椰皇又香又滑，雪燕嘅份量都唔少，一揭開個椰皇蓋就見到好多雪燕鋪喺面。，每日限量50個，今日真係好好彩竟然未賣晒，可以食得到。另一款糖水就揀咗比較普通嘅芒果涼粉，可以揀加椰汁或者加鮮奶，我就揀咗椰汁，因為感覺上椰汁比較香。除咗甜品之外我哋仲嗌咗一個小食，佢個炸雞軟骨份量都比想像之中多，味道係ok嘅，唔算多油。…查看更多

28蚊一個雪燕燉椰皇真係平都冇朋友，作為一間新開糖水舖嘅吸引客人招數，我就覺得非常成功，起碼吸引咗我入去試一試。個雪燕燉椰皇入面真係有好多雪燕，熱辣辣拎到埋嚟，一邊食一邊有一種好滋潤滋陰嘅感覺喺喉嚨度湧出嚟。28蚊真係太平，希望佢呢個甜品可以為佢帶來大量客人，捱到依家嚴寒嘅市道唔好執笠，因為執咗我哋就冇得食。所以除咗呢個特價嘅雪燕燉椰皇之外，我再叫多一份炸雞軟骨。基本上呢啲冇乜技巧嘅嘢味道都係差唔多，純粹支持一下。…查看更多

其實呢間糖水舖都好似開咗有一兩個月，終於的起心肝入去試下就係因為畀佢門外面呢一個特價甜品吸引咗。雪燕燉椰皇同埋椰汁桃膠燉木瓜，堂食震撼價係28蚊，冇加一，咁抵就梗係要會一會佢啦。先講個雪耳燉椰皇，椰皇size都大，唔會因為特價而揸流灘，入面嘅椰汁燉鮮奶有香有滑，而且雪耳嘅數量比想像中亦都多，我哋有口福了。椰汁桃膠燉木瓜原隻木瓜上，28蚊有咁嘅size絕對超值。入面都有幾多桃膠，一邊食桃膠一邊食木瓜特別覺得滋潤。…查看更多