甘露甜品

呢一間甘露甜品隱藏咗喺土瓜灣一個比較少人去嘅小巷，呢一間甜品開得比較夜，作為宵夜係一個非常溫暖嘅選擇，佢嘅門面好簡陋，同埋睇嚟比較古老，但係老闆娘充滿人情味。魚蛋牛肚牛什$23三款串燒夾埋一齊先$23 ，性價比好高，魚蛋係陳皮魚蛋，因為本人唔係太鍾意食陳皮，所以就不作評價，覺得串燒嘅醬汁好惹味，每一嚿都好掛汁，而且好入味，食落去鹹鹹地，除咗牛什之外，其他嘅醬汁都唔會太鹹，牛肚好有口感，咬落去煙煙韌韌，但係覺得牛什嘅口感有啲奇怪，食落去有少少漏，但整體上味道都係OK嘅合桃露$27成個合桃露都整得好滑，暖暖哋，喺冬天飲令人感到無比溫暖，咬落去有少少合桃嘅脆脆口感，飲落去合桃味好濃，令合桃愛好者超級開心，成件事感覺好真材實料同好用心麻蓉湯圓$22$22有5粒對得住個價錢，但覺得個皮食落好麵粉，唔單只係味道，仲要連質感都係有啲粉粉地，入邊嘅芝麻餡餡就發揮得正正常常，整體上有少少失望整體嚟講成間嘢適合鍾意老式小店嘅我，作為宵夜亦都係一個唔錯嘅選擇…查看更多

呢間野 我唔會再去，首先坐低枱面已經好污糟，但入到去都算照食，然後呀姐隻手掂完錢執完垃圾，用手直接掂食物，都已經覺得0衛生，然後態度又唔好，只係想將食物分開裝 咁要加錢可以出聲，但唔係直接話一係要一係唔要… 咁都係問問，唔駛咁？又無講明唔好分開裝？講明左我有問題，同埋唔裝就話啲醬一係要一係唔要？其實無咩生意，你都應該有好啲態度留住客，當然唔係話要做親戚做朋友，但好來好去一句都唔緊要？ 呢種小店，係而家年代要好好珍惜，難得唔係連鎖，但用咁既態度同咁污糟環境，唔會再去幫襯…查看更多

店內貼滿大時代同爸爸劇照，足見糖水店見證多年變遷，仍屹立不倒。紅豆沙綠豆沙係煲到溶晒，唔會再見到一粒粒豆。  人人喜好不同，但我喜歡呢種風格。 尤其是天熱時一碗冰凍綠豆沙，十分消暑。喳喳係店鋪招牌之作，用多種豆長時間煲成非常足料。豆煲得好淋，而且配搭起來整體味道不錯。此外，燉疍同冰凍腐竹意米都係至愛。沙爹醬十分惹味，配撘陳皮魚疍、牛柏葉、魷魚、東風螺等等都好正。自家鮮蝦雲吞和水餃都足料飽滿，糖水小食以外既好選擇。老闆娘好好人，人情味爆燈。…查看更多

呢間糖水店之前睇影片分享平台已好多人介話好食，今日終於一試，叫咗芝麻糊和出名話多豆既喳咋，芝麻糊一向唔係我至愛，但一食碗喳咋就......好有驚喜，好好食，真係好多料，多料之餘真係好好食，D豆淋度剛剛好，真心推介第一次嚟要食喳咋另外再叫咗陳皮魚蛋、燒賣和豬皮，個沙嗲汁好有細路係街邊食咖哩魚蛋味果種味，都好食，而燒賣和豬皮一般啦，都係喳咋好食…查看更多

見媒體介紹，話係傳統小店，經過土瓜灣就嚟支持下， 的個睇個門面裝修就已經覺得係好傳統嘅嗰種舖頭😂餐牌選擇亦都係好正路， 唔會有好多花臣gimmick嘢魚肉生菜 ，份量、口感都正常，重胡椒味，同時都重味精味，冇乜特別記憶點合桃露，幾濃厚嘅，不過都係偏甜少少。樣樣嘢都係average冇特別出色，環境都係一般傳統餐廳咁啦，比較細同埋位於位之間比較close服務都係正常冇特別熱情冇特別差冇乜翻兜嘅意欲，唔使專登嚟食，經過可以一試…查看更多

甘露甜品 @kam_lo_dessert 📍：土瓜灣美景街50號地舖🚗：土瓜灣地鐵A2出口 步行7分鐘📞：+852 2363-3835💲：~HKD20-30/head for dessertsFood quality✔️：馬來亞喳喳👌🏼：腐竹薏米水 、香滑芝麻糊總結：😋年終時我哋三人行食完餐伏嘢後 往人群相反方向行 夜深人靜不經不覺嚟到呢間街坊甜品小店 凌晨宵夜之選 食物平實但夠抵食 足料🥹😋最正係馬來亞喳喳 同我爸煮嘅一樣咁足料 係家嘅味道👅重點係唔貴 $22only🤔薏米水同芝麻糊就正常🤔見大部分評語都話態度差 尤其係老闆娘 當晚去得老闆娘一個人營業 雖然唔係有講有笑 但傾咗一兩句態度都幾好🫨😨典型舊式甜水舖格局 褶枱褶凳完全係香港嘅象徵 衛生就中下 但真係難啲打卡🙊…查看更多

首先他家的沙爹，本人非常欣賞，因為佢哋夜收，所以有時OT 完都會入去食個麵/魚蛋燒賣/生菜魚肉等通常兒子主理時一般都表現正常👍🏻。醬都大方地落咁先有味道嗎。但媽媽就會…嗯！都明白，應該有街坊會有同感吧！今晚10點幾，好後悔入左去食腸粉，破壞左我十數年的好印象。😌腸粉-每條都硬的入不了口😮‍💨，我必須強調是每條。如果有一兩條會體諒。好難受！我成碟留番俾佢。善意回饋，回覆：是這樣的。咁即係唔會改。所以覺得要寫這個post 失望之極！忘記影相！希望佢哋睇到post,會改善。其實真的很想撐小店…查看更多

夜晚九點幾經過買個甜品🥣Takeaway 外賣拎返屋企整熱佢食，紅豆沙唔好食，又水汪汪，又冇味... 🫥🫥🫥 好啦，咁都算... 😑😑😑 點知，碗喳昨整熱咗之後成碗都係酸嘅🤢🤢🤢連啲豆都酸嘅... 🤮🤮🤮 有冇搞錯？ 究竟啲糖水擺咗幾耐？係咪隔夜番煲再賣！？點解可以咁都賣出嚟俾人食？ 💭💭💭🤨🤨🤨 真心搞唔掂... 過分到要寫食評... 希望唔好再有人有咁嘅經歷⋯⋯Absolutely terrible! Please don't buy desserts from there 🙏🏻🙏🏻🙏🏻…查看更多

好後悔冇睇食評就過咗去買糖水，點知中咗大伏，食過最難食嘅糖水，叫左西米露，水到一個點，係西米水。西米裏面有浸怪味又淋，有一陣油益味。食咗一啖完全接受唔到。怕我再食會對西米露有陰影。如果可以比負分我會比負分。…查看更多

滿心期待去試依間好多網路紅人推薦嘅糖水舖，點知中左個大伏，好後悔冇睇review走去食，未食過咁難食嘅芝麻糊，成碗水汪汪，有種難以形容嘅苦澀味，好少浪費食物，但食咗四分一真係冇辦法食落去，我驚自此會對芝麻水有陰影。椰汁西米露，淡謀謀，西米淋到泥漿咁🤯🤯🤯甘露不可一不可再…查看更多

踏入呢間小店，豔陽下有種市井小民嘅熱鬧。今日食嘅係三寶—蟹肉粥、煎蠔餅同鮮蝦腸粉。揸筷一試，心頭小日子嘅感覺湧上心頭！蟹肉粥流溜溜嘅，每一啖都食到蟹肉的鮮香，口口生津；煎蠔餅外層香脆得嚟，打邊爐一樣，入面嘅蠔鮮味道貼切得滯，真係正！腸粉啲皮吹張口氣都見得散，咬落去嘅時候，滑溜溜嘅口感同鮮蝦嘅騷味，啱晒口味！甜品份嘅豆腐花細細一碗，鲜滑得來又唔會太甜膩; 當冰凍嘅豆腐花入口即融，平民味道，心靈滿足。🥣🦪🍤 如果你鍾意嘅話，這間絕對可以點多幾碗，夾唔倒辛苦錢，每一啖都係尋常百姓嘅家常味。試過，必定令你回味無窮！…查看更多

甘露甜品最正嘅一定係街頭小食🤪🤪沙嗲魚蛋係甘露甜品嘅招牌小食之一。每一粒魚蛋都經過特別調味同炸製，內裡嘅魚蛋肉質鮮嫩多汁，帶有微微的辣味同香料香氣，完美地平衡咗口感同風味。另一款必試嘅小食係沙嗲魷魚。佢哋將新鮮嘅魷魚切成條狀，再經過特別嘅醃製同炸製過程，令魷魚肉質更加嫩滑，同時保持住鮮美嘅口感。沙嗲魷魚帶有獨特嘅香辣味道，每一口都能夠品嚐到魷魚肉嘅鮮美同沙嗲醬嘅香辣調味，絕對是一款讓人回味無窮嘅小食。最後，不得不提嘅就係秘製嘅沙嗲汁。呢個汁係甘露甜品獨家配方，由多種香料同調味料混合而成😍😍沙嗲汁帶有濃郁嘅香辣味道，能夠增添魚蛋同魷魚嘅風味同層次感。你可以將沙嗲汁輕輕地淋在魚蛋同魷魚上面，令味道更加豐富。呢個秘製沙嗲汁絕對係「甘露甜品」小食系列嘅一大亮點😋😋😋…查看更多

《親民價的街坊糖水小店😙》係土瓜灣行過經過見到一間平價糖水舖，就入去試一試，坐低見到啲相原來好多藝人都食過！老闆娘好友善，服務幾好！1. 鮮奶燉雞蛋 ($23)味道正常，甜度適中，幾香蛋味。🌟 評分: 7/102. 香滑芝麻糊 ($20)好濃芝麻味，甜度啱啱好，食落口都幾滑，而且唔漏。🌟 評分: 8/10🎖️整體評分🎖️❤️ 味道: 7.5/10🧡 環境: 6/10💛 服務: 8/10💙 性價比: 9/10✨甘露甜品 (土瓜灣)📍土瓜灣美景街 50 號#hkoverfood_土瓜環…查看更多

見到影片分享網站成日介紹呢間糖水舖，見到介紹好想走去試，點知中伏到貼晒地。1点開舖，老闆娘話其他嘢未熱，要等一等，不過芝麻糊啱啱個仔整好，俾三碗你哋食吖 (後尾先知道原來係要收錢😅）從來無食過咁難食嘅芝麻糊，好似係黑色嘅白膠漿嘅物體。再叫影片分享網站介紹嘅秘製沙嗲汁，無味道嘅沙嗲汁，係得個樣好似好正，果皮魚蛋硬到好似粒波子，並不像出邊的果皮魚蛋，原來又係中伏。叫一份簡單嘅腸粉，麻醬同甜醬都係稀度好似水咁，甜醬溝稀到不是紅色。但老闆娘話夜晚排晒隊，我見其他客人來到，似係影相打卡多過真係想試佢哋嘅嘢食，要支持小店經營，但最基本食物真係要有質素和好吃，先能夠支持，這樣的盲撐…….又唔係咁想囉！…查看更多

🤑合計人均：$30 -50土瓜灣舊區要重建，係香港住咁耐真係未去過。撞正落大雨，但都食到2間超想試既餐廳，真係好幸福! 下次一定會再去行埋牛棚試埋其他正野😋🏠環境 ： 環境都係小店，都好乾淨企理。🍳食物： 台式仙草芋丸或者pancake梳乎厘好似容易搵過中式糖水，仲要係傳統中式糖水鋪，呢間1983年開業至今已經40年歷史。想試椰汁芋頭西米露，但晏晝2點幾已經賣哂😫 另外老闆娘真係好有活力好nice咁招呼我地🥹💥喳咋 $21糖度適中超多豆，勁飽肚。兩個字，傳統。💥燉蛋 $23蛋香夠滑熱辣辣。💥21蚊3串咖哩陳皮魚蛋、牛柏葉、螺肉，好入味，一邊食糖水一邊食小食，好過癮!😋✨價錢 : 超抵又好味，去土瓜灣一定要留肚食呢間!…查看更多