甘露甜品

呢一间甘露甜品隐藏咗喺土瓜湾一个比较少人去嘅小巷，呢一间甜品开得比较夜，作为宵夜系一个非常温暖嘅选择，佢嘅门面好简陋，同埋睇嚟比较古老，但系老板娘充满人情味。鱼蛋牛肚牛什$23三款串烧夹埋一齐先$23 ，性价比好高，鱼蛋系陈皮鱼蛋，因为本人唔系太钟意食陈皮，所以就不作评价，觉得串烧嘅酱汁好惹味，每一嚿都好挂汁，而且好入味，食落去咸咸地，除咗牛什之外，其他嘅酱汁都唔会太咸，牛肚好有口感，咬落去烟烟韧韧，但系觉得牛什嘅口感有啲奇怪，食落去有少少漏，但整体上味道都系OK嘅合桃露$27成个合桃露都整得好滑，暖暖哋，喺冬天饮令人感到无比温暖，咬落去有少少合桃嘅脆脆口感，饮落去合桃味好浓，令合桃爱好者超级开心，成件事感觉好真材实料同好用心麻蓉汤圆$22$22有5粒对得住个价钱，但觉得个皮食落好面粉，唔单只系味道，仲要连质感都系有啲粉粉地，入边嘅芝麻馅馅就发挥得正正常常，整体上有少少失望整体嚟讲成间嘢适合钟意老式小店嘅我，作为宵夜亦都系一个唔错嘅选择…查看更多

呢间野 我唔会再去，首先坐低枱面已经好污糟，但入到去都算照食，然后呀姐只手掂完钱执完垃圾，用手直接掂食物，都已经觉得0卫生，然后态度又唔好，只系想将食物分开装 咁要加钱可以出声，但唔系直接话一系要一系唔要… 咁都系问问，唔驶咁？又无讲明唔好分开装？讲明左我有问题，同埋唔装就话啲酱一系要一系唔要？其实无咩生意，你都应该有好啲态度留住客，当然唔系话要做亲戚做朋友，但好来好去一句都唔紧要？ 呢种小店，系而家年代要好好珍惜，难得唔系连锁，但用咁既态度同咁污糟环境，唔会再去帮衬…查看更多

店内贴满大时代同爸爸剧照，足见糖水店见证多年变迁，仍屹立不倒。红豆沙绿豆沙系煲到溶晒，唔会再见到一粒粒豆。  人人喜好不同，但我喜欢呢种风格。 尤其是天热时一碗冰冻绿豆沙，十分消暑。喳喳系店铺招牌之作，用多种豆长时间煲成非常足料。豆煲得好淋，而且配搭起来整体味道不错。此外，炖疍同冰冻腐竹意米都系至爱。沙爹酱十分惹味，配撘陈皮鱼疍、牛柏叶、鱿鱼、东风螺等等都好正。自家鲜虾云吞和水饺都足料饱满，糖水小食以外既好选择。老板娘好好人，人情味爆灯。…查看更多

呢间糖水店之前睇影片分享平台已好多人介话好食，今日终于一试，叫咗芝麻糊和出名话多豆既喳咋，芝麻糊一向唔系我至爱，但一食碗喳咋就......好有惊喜，好好食，真系好多料，多料之余真系好好食，D豆淋度刚刚好，真心推介第一次嚟要食喳咋另外再叫咗陈皮鱼蛋、烧卖和猪皮，个沙嗲汁好有细路系街边食咖哩鱼蛋味果种味，都好食，而烧卖和猪皮一般啦，都系喳咋好食…查看更多

见媒体介绍，话系传统小店，经过土瓜湾就嚟支持下， 的个睇个门面装修就已经觉得系好传统嘅𠮶种舖头😂餐牌选择亦都系好正路， 唔会有好多花臣gimmick嘢鱼肉生菜 ，份量、口感都正常，重胡椒味，同时都重味精味，冇乜特别记忆点合桃露，几浓厚嘅，不过都系偏甜少少。样样嘢都系average冇特别出色，环境都系一般传统餐厅咁啦，比较细同埋位于位之间比较close服务都系正常冇特别热情冇特别差冇乜翻兜嘅意欲，唔使专登嚟食，经过可以一试…查看更多