甘味讚岐手打烏冬

营业中

休息中

同朋友去鑽石山睇戲，睇之前就黎左呢間店食烏冬，叫左個壽司併盤併讚岐手打烏冬。一個lunch set既可以食到烏冬又有壽司食，都好抵食。呢到嘅烏冬好彈牙，湯底亦好濃郁，一直好鍾意食呢到嘅烏冬。個壽司併盤亦好豐富，有8件壽司，仲有唔同嘅口味。

諗住睇戲前食d野,點知中灑伏。。。。食個蕃茄湯,又酸又冇味,d烏冬完全唔彈牙,個牛扒又韌又冇味,個比目魚,又梅又唔香(呢份應該好難整得難食),生蝦既肉都係梅既。。。仲有,門口叫飛安排,真係失敗,係咁入兩位(係一黎就可入座),四位就係出面呆等左半粒鐘,由一開始得我地同前面3位,真係唔知點培訓。一定唔會再食!

很喜歡到鑽石山荷里活廣場睇戲，上星期六睇完戲之後太夜，商場裏的餐廳很多也差不多關門了， 所以我就匆匆忙忙入了甘味吃晚餐。雖然甘味都就嚟關門，但店員也好親切地為我落單，我點了咖哩雞扒釜飯$64，燒牛肉釜飯$64，八爪魚餅沙律泡菜$40。 上菜的速度非常之快，當然我們也快快吃， 因為唔想阻住店員們收工。咖哩雞扒釜飯和燒牛肉釜飯， 雖然味道普通，但向這一個鐘數有湯， 有沙律，個飯還是熱辣辣的已經很感恩了。反而八爪魚餅沙律泡菜味道很好， 八爪魚餅熱辣辣， 沙律菜很新鮮，配上千島醬很好味。當我吃飯的時候留意到店員們用心地為餐廳打掃得很乾淨，這是值得一讚的。

原本打算到九龍城午飯，落雨濕濕，還是選擇室內商場。所以，來到鑽石山荷里活廣場。廣場內，每間食肆都要排隊。｢甘味｣外面排隊的人最少，所以就揀這裏吧。Honey選擇了鐵板燒牛肉鮮茄湯烏冬：茄湯很濃，烏冬很滑。但是，牛肉就沒有鐵板燒的油香味。我選擇了油甘魚鮮茄烏冬：油甘魚的剛煎起，有魚油香，外脆內嫩，好味。我們又叫了鱈魚餅沙律：沙律菜新鮮，沒有水汪汪。千島醬味道甜甜酸酸，好開胃。煎餃子：一般。加$10可配飲品，我們選擇柑桔蜜，好味。整體來說，不過不失。

下午茶突然間想吃一碗熱騰騰的烏冬一行三人叫了兩碗烏冬跟兩個小吃====主食類====番茄比目魚讚岐手打烏冬湯底有大大的蕃茄很濃郁很好喝再吃一條烏冬 噢！彈!彈!彈!果然彈牙!讚岐手打烏冬果然名不虛傳👏👏👏👏為了保持比目魚的脆度，所以跟烏冬分開上的。比目魚煎得甘香酥脆，外脆內滑。大家都搶著吃。推薦度:4分❤❤❤❤麻辣鍋雞肉串讚岐手打烏冬一聽名字就知道是很fusion 的感覺裡面有魚糕，糖心雞蛋，雞串， 雞腎串，雞軟骨串湯底很有中式的麻辣湯味，糖心雞蛋很軟綿，蛋味濃郁❤❤烏冬依舊好吃有彈性，真的超愛這個烏冬!唯一美中不足是3條雞串都直接放在湯裡，味道完全被湯底蓋過，吃不出味道。推薦度:3.5分❤❤❤====小吃類====炸雞軟骨份量不太多，可是夠脆推薦度:4分❤❤❤❤吉烈甘栗餅本來想叫吉烈煙肉菠菜餅，可是都賣光了😭於是友人叫了這個甘栗餅，本身作為咸味星人的我，對於甜甜星的東西真的沒有抱太大的期待。不過，這個有驚喜噢！炸得香脆可口，而且應該是新鮮炸起，有燙口。裡面有一粒粒大大小小的甘栗跟蓉，口感有層次!讚!推薦度:4分❤❤❤❤總括而言，這次對於整體食物的質素都有好高的評價，值得再來第二次

已經幫襯過好多次甘味，每次食飯時間都總係排長龍，個人覺得佢嘅烏冬雖然唔係話最好味，但都有一定水準，會令我繼續幫襯!每次都總會叫呢個牛扒蕃茄烏冬，因為鍾意食蕃茄烏冬，而咁多款餸入面又以呢個牛扒比較吸引，牛扒唔韌，個醬汁都好好味!第一次食呢個比目魚便當，比目魚本身無乜調味，但加埋櫻花蝦一齊食就啱啱好，咸咸地，真係唔錯!呢一款小食都通常會叫，八爪魚餅加埋沙拉醬，無得輸!不過加咗價之後感覺都係偏貴，間唔中食吓都ok 嘅!

去開鑽石山轉車，順便喺度食埋晚餐，行咗三層，見到呢間甘味讚岐烏冬，見冇咩人等，裝潢又幾得意，決定入去試一試。睇餐牌其實唔算貴，除咗烏冬之外，仲有好多小食，連刺身壽司手卷甚至海膽都有。今晚諗住是但食飽就算，只係叫咗兩碗烏冬，分別係燒雞番茄烏冬，同埋巨蟹柳親子烏冬。蟹柳烏冬嘅蟹柳的而且確夠巨型，但佢剪開咗咬落去好淋Pat Pat 一堆野咁嘅質感。配上一堆蟹子，無咩味的，咬落去係唔識爆汁個種，仲有滑蛋浸住喺啲湯底裏面，而湯底甜甜地，有洋蔥味。燒雞番茄烏冬，湯底偏酸，但番茄味足夠，稀稀地唔太杰，燒雞燒得乾乾地。最後想講下主角烏冬，質感其實唔似讚岐烏冬，比較淋身，無咩口感

最近好想食下日本野, 見到荷里活廣場有間甘味, 就入左去試喇幾年冇食過, 一於試下而家咩水準~7點鐘去到, 唔洗等好耐就有位喇~menu既選擇有好多!~三文魚刺身飯刺身夠新鮮, 飯既份量好足朋友叫左吉列豬扒讚岐手打烏冬不過個豬扒就太"鞋"太乾仲有個湯~口痕, 仲叫左兩個小食~炸雞軟骨佢個賣相好似M記D 脆香雞翼XD!除左雞軟骨之外仲有D 肉, 所以都幾大舊, 又幾好食wo!紫菜炸油甘魚見到有紫菜就好想試! 味道唔錯呀Overall都不過不失, 環境舒適, 個人幾鍾意紫菜炸油甘魚! 夠哂特別~ 

小秘書有啲感冒😷 好想食碗熱烏冬暖吓個胃。可惜今日晏咗收工，本來想去超市買啲嘢返屋企煮都無時間👉🏻👈🏻 唯有落商場搵食😋 講到烏冬，我第一時間諗起「甘味」好彩屋企附近有分店，坐抵諗都唔使諗就叫咗個 #雜錦烏冬鍋 + #炸墨魚咀 🦑吊吓味。好彩廚師無令小秘書失望，熱騰騰嘅湯底浸住彈牙嘅烏冬，配料亦唔嘢少，🍤天婦羅蝦、雞肉、蟹柳、日本魚旦🍥樣樣都有啲，湯烏冬撈埋啲溫泉蛋汁一齊食，真係好鬼正！不過份量就少啲，如果我今日唔叫個 #炸墨魚咀 做小食，我諗大食嘅我一定唔夠飽啫

本身都冇expect過啲刺身海膽好好食，但冇諗過會咁樣比我又苦又成，一送上黎就已經成灘水咁，冇哂胃口。。食完一啖就知呢餐係伏。唔係最top但唔洗咁劣啊嘛。一定唔會再食

今天難得過開黎礸石山廣場，想食烏冬，就入左甘味食。 我叫左set A 壽司拼盤+烏冬，第一舊食三文魚覺得都不錯，之後再食卷物(入面包青瓜及黃色酸瓜，上面有層蟹子)，一放入口就嗅到變壞左的味道。 不知是入面的食料定係蟹子，我立即兩舊都無食度，告訴侍應。當侍應轉告廚師，廚師立即用好嬲的態度問邊個客呀? 話d食物變壞? 剛好我坐在門口聽到。我覺得用好態度告訴你們食物變壞，不是要投訴，係吾想下一位客人食到，好心提醒。

今日同朋友一齊去鑽石山食野，諗住試下依間3年前食過既烏冬鋪，點知水準真係難食到令人震驚，雖然話唔貴，但真係唔會返轉頭再食。首先我地叫左吉列豬扒烏冬、豬手烏冬同埋炸雞軟骨。1.個吉列豬扒就普普通通，但係唔熱同硬，都係唔合格。2.豬手烏冬先係極品，d肉又硬又鞋，d皮仲要有勁多毛，未食過咁難食既豬手，成碗野最好食既係日式魚旦同埋個烏冬3.炸雞軟骨係3樣入面最好食既，起碼炸得熱辣辣(要求已經好低)評分:食物:2/10態度:6/10環境:3/10性價比:3/10總分: 14/40 (唔合格)

又嚟呢到開餐，睇午餐定食個餐牌，好似加咗價喎...算啦，都係要食 lunch，試下點先。跟餐有1飲品，兩杯都係正常嘢。野菌汁牛肉飯好多汁，牛肉係肥牛嚟，正！溫泉蛋明太子三文魚炒飯，足料又大碟，好飽~

與游完水的女兒一同吃個Tea, 在非常肚餓情況下, 就憑名字揀嘢食, 諗住 "讚岐手打烏冬" 應該不會太差, 我叫了 "沖繩黑豚餃子芝子鍋燒讚岐手打烏冬", 阿女叫了 "溫泉蛋牛肉湯烏冬". 阿女碗湯烏冬只有60度 / 70度左右吧, 烏冬完全沒有Q彈, 好粉. 湯完全是味精湯, 仲要超咸, . 連超肚餓既阿女都唔想食, 我果碗湯烏冬比較熱, 約80度左右吧. 還是不理想, 再睇番張相D餃子是煎過的, 但實物是湯餃子, 我都明白實物與相片不符, 以實物為準, 但真心覺得這間完全是無良餐廳. 仲要番茄不新鮮, 有腐爛的味道.飲品叫了個青蘋果椰果梳打, 純色素糖漿飲品, 真不明白為何原價可以收$28. 超無良.

咁岩係個廣場返event 得1個鐘放飯唔想食m記 經過見到有下午茶就去左甘味叫左個最平既蕃茄湯底雞扒烏冬連加一 $63（送野飲）雖然唔係叫平 但係荷里活入面都差唔多個蕃茄湯底就不太酸 都夠蕃茄味而個雞扒我就略嫌佢有少少既咸 但其實就無其他人講到既咁乾身 不過佢層皮既口感卜卜脆 唔軟 都幾好如果有醬比我點就好lu佢地既烏冬我就覺得都係不過不失 都叫做彈牙有嚼口 但可惜既係佢冇咩點吸到湯底既味道 唔夠味佢地既服務態度都好好 雖然係繁忙時間好多人 但都冇黑口黑臉 仲幾有禮貌