瓜破菓子店 (Life@KCC)

大前日（18-10-2025 Sat），原本諗住朝早留完肚後，同老公去一輪（https://www.openrice.com/zh/hongkong/r-%E4%B8%80%E8%BC%AA-%E8%8D%83%E7%81%A3-%E6%97%A5%E6%9C%AC%E8%8F%9C-r842320）食晏後，分道揚鑣，我去馬莎買嘢，老公就去同朋友整嘢，但由於朝早食咗木村（https://www.openrice.com/zh/hongkong/r-%E6%9C%A8%E6%9D%91%E9%BA%B5%E5%8C%85%E5%B1%8B-%E8%8D%83%E7%81%A3-%E6%B8%AF%E5%BC%8F-r881900）嘅麵包仍飽，於是放棄先，不如嚟上次去入素（https://www.openrice.com/zh/hongkong/r-%E5%85%A5%E7%B4%A0-%E8%91%B5%E6%B6%8C-%E6%B8%AF%E5%BC%8F-%E7%B4%A0%E9%A3%9F-r727029），經過想食好耐，兼原來有正餐食嘅呢間。我哋避過peak lunch time早少少嚟，嚟到見到一列可坐5位嘅枱full ful地，剩底中間兩個位時就有啲失望，點知行入去，轉個彎睇到，重有一列對住扶手電梯嘅5個位嘅長枱未有人坐，咁就坐呢張啦，坐低後，店員即刻好積極咁招呼我哋，介紹我哋menu，叫主食，飲品可享半價，甜品（細）有九折；叫甜品唔記得飲品享有咩優惠，佢話咁樣會抵啲，重叫我可以出去睇有咩甜品先。咁我睇埋影咗相至慢慢研究，花多眼亂嘅甜品賣相精緻，返埋位再研究，由於仍飽，我問店員係咪淨要沙律都享有優惠？佢答係，話沙律份量都好多，可以唔加$10.00要埋烏冬，咁我哋就決定要一個烏冬同一個沙律加配飲品同甜品啦，店只叫我哋可以落咗主食嘅單先，飲品同甜品可後加，好的。最後我哋要咗：2. $48.00嘅醬油雞胸沙律端上嚟真係好大碗，見到有糖心日本蛋，車厘茄，溫室青瓜同水耕沙律菜，配焙煎芝麻醬。先食醬油雞胸，味道唔鹹，雞胸亦唔係嚡；糖心日本蛋係全熟，味道正常；沙律菜新鮮甜美，焙煎芝麻醬都正常冇問題。5分1. $78.00嘅慢煮熬製鴨胸湯烏冬配慢煮鴨胸呢個等一段時間至到嚟，睇見湯汁係分開上，老公食先，佢話啲湯汁唔係好熱，叫我當沾麵試啖先。好的，嗯，湯汁係暖暖地，我覺得鹹咗啲，同好似冇乜鴨味，讚岐烏冬係彈牙。之後我食沙律至繼續食佢，鴨胸都正常冇問題。4分3. 半價$21.00嘅凍玄米拿鐵玄米味道有但唔濃，亦飲到鮮奶嘅味道。3分4. 半價$22.50嘅伯爵氣泡茶呢個伯爵茶味道唔多覺，似飲甜梳打水。0.1分5. 九折$43.20嘅W呢個係甘夏蜜柑，流心芝士，半熟芝士同高知柚子組成。睇見面上有一件高知柚子，食落，覺得成個唔太甜，滲出淡淡柑嘅味道，一下唔記得係流心芝士同半熟芝士，但口感似慕絲多啲，新鮮嘅高知柚子有啲澀係正常吧。而佢係好凍，可能我哋叫店員端上嚟叫得太遲，未解到凍。5分6. 九折$43.20嘅禪呢個造型似石頭，我就諗起留白（https://www.openrice.com/zh/hongkong/r-%E7%95%99%E7%99%BD-%E8%8D%83%E7%81%A3-%E8%A5%BF%E5%BC%8F-all-day-breakfast-r559396），上次幫趁時都有食嘅石（食評係2025年5月28日提交嘅呢篇：https://www.openrice.com/zh/hongkong/review/y-%E6%9C%89%E9%A9%9A%E5%96%9C-e6058865），而係白味噌雲尼拿慕絲，白朱古力焦糖忌廉，棒子脆脆同原味海棉蛋糕組成。呢個一食就係一個甜字，食唔到白味噌嘅味道，棒子脆脆都已經唔脆。1分…查看更多

食評：禪蛋糕這款蛋糕的第一層是白味噌雲呢拿慕絲。而伴隨而來的白朱古力焦糖忌廉。其精心的味道搭配與獨特的口感設計，讓人意識到甜點並不是只是簡單的享受。這款蛋糕十分特別。😋😋…查看更多

又是忙碌一天，提供三小時客戶咨詢，再去傾合作協議，跟住做一宗近乎無息定期。已5時許，是時間寵下自己，來個脆脆咖啡和好Fancy的花蛋糕。見到心情已好了一半，開動時驚喜發現焦糖脆面，化解了心中疲累，舒心解愁。…查看更多

曾經同事買過細細件既cake又幾好味。母親節暨仔仔生日，想買個特別d既蛋糕。即刻提前2日預訂蛋糕🍵揀選左 茶cha 蛋糕：《京都宇治抹茶慕絲 x十勝紅豆慕絲 x 抹茶白豆茸x白雪麻糬》抹茶豆茸，茶味交織，隱身於竹林之下。茶之進化，以抹茶豆茸清雅脫俗般展現眼前，把層次推進，拼湊出豐富層次的抹茶歌劇院。🌟主打京都宇治抹茶慕絲、十勝紅豆慕絲、抹茶白豆茸、雪麻糬四重層次。🌟外型拉紋似竹林咁，加咗隻蜜蜂🐝係同櫻花🌸裝飾，賣相超kawaii 🌟 茶香與豆香融合，蛋糕綿密，紅豆香甜，加上煙韌麻糬，口感豐富又唔會太甜。🌟 適合我地9人分享，份量剛好，共度特別的日子，少少甜又唔漏，食得又睇得，打卡一流！蛋糕是電話WhatsApp 預訂的，已於2-3日前網上付款(預先付款+自取有95折優優）而當日係指定時間取蛋糕，去到已經在counter 呆等左5分鐘,職員先出來counter幫忙協助，之後又等多5分鐘讓同事核對收據。因電話預訂時無提及朱古力牌，現場要額外收費，又等多5分鐘職員收現金。蛋糕是好味的，只係人手安排及服務水準有待改善。…查看更多

这次中午路过葵兴，见到这家装修带点日式小清新风格的乌冬面店「瓜破菓子店」，决定进去试一试。点了「白・豆乳胡麻汤 鹿儿岛豚肉乌冬」，$58 一碗，价格在商场来说算合理。汤底是豆乳+胡麻的组合，入口顺滑带微微豆香，胡麻味不会过浓，整体属于清爽系，适合夏天。乌冬是粗身带嚼劲的类型，口感烟韧，挂汤能力不错，不会煮到过腍。主角鹿儿岛豚肉煎得香口，边位微焦，油脂唔多，肉质偏嫩，唔会嚡口。生菜新鲜爽脆，配搭意外地和谐。溏心蛋处理得尚算到位，蛋黄中心略流，味道中规中矩。餐具摆盘都好有心思，用木盘托住整碗面，有点日式轻食店 vibe，打卡也可以。店铺位置在 life@KCC 商场内，有室内同半户外座位，环境宽敞唔逼人，适合静静吃碗面放空一下。服务员态度礼貌，整体体验舒适，出品稳定，系会想再回来试其他汤底的类型。推荐比钟意轻盈系日式乌冬的朋友～…查看更多

🍜💚 今日在 葵興 Life@KCC 掃街，被「瓜破菓子店」門外的手繪菜牌吸引。店內主力外賣＋少量吧枱／露台座，簡約木系設計配綠植，感覺像大阪巷口小店。白‧豆乳胡麻湯烏冬（鹿兒島豚肉）$58湯底以熊本無糖豆乳打底，加入自家炒胡麻醬及昆布高湯，色澤奶白卻相當輕盈；入口先是豆乳甘甜，隨後胡麻堅果香與昆布鮮味層疊，喝到底仍不覺口乾。烏冬選用讚岐風粗麵，外滑內彈，能牢牢掛湯；上枱仍保持 7 分熟口感。鹿兒島豚腩肉先慢煮後香煎，肥瘦相間、表面微焦，油香被豆乳湯吸收後更加圓潤；半隻溏心蛋以淡醬油輕醃，蛋白入味、蛋黃呈流心狀。最驚喜是鋪滿碗邊的羅馬生菜，冰涼爽脆，與熱湯形成溫度對比，也平衡了豚肉油脂。面層再灑紫菜碎與蔥花，增添海味與微辛香。份量方面，烏冬約 180 g，對一般女生已足飽；如食量大可加 $10 增麵或配上他們的炸物。店家提供免費冰煎茶，自取區亦備昆布鹽、七味粉等可自行調味。服務與環境：午市 1 點後人流分散，點餐至取餐約 8 分鐘。外帶碗及內用瓷碗分流，外用露台座位約 12 席，午後微風不覺悶熱。店員主動巡枱回收餐具，友善度有驚喜。總結：以 HK$58 便可享用質感豆乳湯＋鹿兒島豚肉，CP 值高於一般商場烏冬店；清爽湯底亦適合夏天。推薦給在葵興工廈區尋找快靚正午餐的朋友；甜品控可加購他們的抹茶巴斯克或季節水果大福。下次會挑戰味噌咖哩湯烏冬，再分享！👍…查看更多

去到KCC呢度真係好多食店~ 但見到這家小店好像不錯~ 所以就試一下~等了約5分鐘的位子~ 小店只有大約10個位子~餐牌上有幾款烏冬主食及多款飲品配搭~ 最後我點了溜 - 冷烏冬，博多雞  及 和三盆糖 薄脆咖啡溜 - 冷烏冬，博多雞 烏冬採用讚岐手打烏冬~ 而佢地係處理烏冬手法令到烏冬的質感剛剛好~ 不會「過龍」又不至於「未熟」。使用了九條蔥，九條蔥是日本有代表性的蔥的品種之一但我吃完後也忘了是不是沒有放，還是我吃了也忘了XD生菜都很新鮮，未至於是放了很久的感覺。博多雞方面，個人來說有點過咸的調味，以致到雞味失去了這個有點扣分，但聽聞他們的甜品是超班的! 所以我決定之後會再去多一次，想試甜品及吃一份有湯頭的烏冬!這家小店真的可以多給一次機會，畢竟這天太趕，所以下次再想去多試一次! 和三盆糖 薄脆咖啡 / $22 (烏冬餐飲品半價)和三盆糖貴為日本砂糖的最高級別 的糖類，是日本特有的手工細砂糖 小店用這款糖去燒成這杯焦糖面~ 焦香的薄脆像法式燉蛋的表面，用以匙羹破開，你就會品嚐到泡沫咖啡，焦糖脆面同咖啡一齊飲，焦香同甜味同時入口，超正!我一定會再來多次~ 我好想試一下他們出品的甜品!!! …查看更多

呢到原來唔只食甜品，可以黎食lunch 讚岐手打烏冬 。已經食緊第4定第5次，個烏冬湯底出色，豚肉更加出色，必推薦鹿兒島豚肉烏冬 。湯底就因人而異，因為我唔食辣，無試過辣味，試過芝士湯烏冬，但我最愛都係「錦「同「白」，即白醬油湯底 同 豆乳胡麻湯底 。可以望下佢份量都唔少，都好多塊豚肉，又厚又juicy，又好味，唔鞋唔硬，林林地，真係唔差 。仲要配好多生菜，成件事好健康好fresh，配埋糖心蛋，一定飽肚 。真心推薦！唯一唔好係唔太多室內位置，繁忙時間需要等候，或者唔怕熱，可以坐室外，比較多位 。…查看更多

聽講呢間小店前身係蛋糕網店去到一邊counter 見到擺左好多精緻既蛋糕另一邊吧台 就可以堂食堂食食物種類唔多隨左蛋糕、野飲就只有烏冬今冷就叫左個鏗魚湯雞肉烏冬menu上寫烏冬配有九條蔥不過食完都搵唔到一條既？雞扒件都算多 雖然唔太入味 有d好似預製擺左一段時間咁 但肉都算嫩口烏冬份量都幾夠係有口感彈牙既爭carousell配上鏗魚湯清清地不過d生菜既菜葉尾就發現有d開始顏色變黑 可能擺左幾日 開始唔新鮮 成間店雖然唔太多位但得一個女仔做哂樓面收銀廚房水吧同呢一邊蛋糕 真係有d吃力有時呢邊點完菜 佢又要走黎走去收碗洗碗再出菜如果加多一個人手可能會好d…查看更多

坐位少少，份量唔大，但好岩女仔或唔大食嘅人食係岩岩好！我叫豬黎食，好彈牙得黎又易咬，所以都有驚喜，另外叫杯有氣茶又好好飲喎！個店員雖然戴左口罩，但感覺後生又靚仔吖、怕怕醜醜咁！…查看更多

呢間已經唔係第一次嚟，之以前只有蛋糕同嘢飲，依家都出埋烏冬，咁梗係要試下佢嘅烏冬啦，叫咗杯嘢飲，一杯係玄米拿鐵，一杯係培茶拿鐵，然之後就叫咗一碗白•豆乳胡麻湯•鹿兒島豚肉烏冬，估唔到一間嘢飲嘅甜品店，都可以煮到一個咁特別嘅烏冬，溏心蛋入味，鹿兒島豚肉厚切，唔柴，肉質彈牙，湯有黃豆同埋芝麻嘅香，烏冬質感煙煙靭靭，每條烏冬都吸咗胡麻湯，食落去味道都幾豐富。再配埋玄米拿鐵，好滿足，玄米拿鐵入邊還有一粒粒嘅玄米，一啖落去玄米味超出。值得。…查看更多

葵興返工周圍搵食。。。堅唔為意原來有一間細細間public area 的日式烏冬店初頭以為掙係賣cake （D cake 睇落都唔錯，下次可以試下）總共得8個位不過有四個位會有商場風吹住，感覺麻麻但食物很有誠意每杯野飲都係用具磨出黎飲落去己經feel 到該誠意，雖然lunch加廿幾蚊 不過真心物超所值講返食物- 主打烏冬，我叫左碗"雪"最吸引我既係個湯底。。。一定要先飲一淡感覺又清新，份量剛剛好$58 真心好抵…查看更多

👧🏻Wodafoodie in Kwai Chung由網店開到實體店實屬不簡單，呢間和風甜點店主打各款日式菓子同蛋糕，各款甜點色彩鮮艷，賣相精緻，估唔到最近仲出左熱食烏冬，平日lunch可以過黎試下🤩✨ 🍜紅 $58和-柚子唐辛子湯烏冬（辣）。博多雞（讚岐手打烏冬 x新鮮蔬菜x條葱x糖心日本蛋，慢煮鰹魚湯x柚子唐辛子）呢個辣味烏冬辣度偏低，平常人應該都食到～雞扒份量好多又厚切，烏冬好滑，特別在個湯底加左柚子酸酸地，好特別😳✨ 🌰豊 Yutaka $52熊本栗慕絲 x  和栗忌廉 x  朱古力忌廉 x 和栗 x 涉皮栗  x 蜜鶯豆呢間d cake 太精緻所以一次叫左兩件😆 呢件cake係一食入口就停唔到口既味道！🤩黃色既mousse cake 配上大過cake一倍既栗子忌廉，忌廉綿密，栗子🌰味非常香濃，好鍾意！✨💚B $48柚子忌廉 x 南山園玄米慕絲 x  榛子脆脆
綠色會以為係抹茶，其實用左玄米茶～淡淡既茶香加上酸酸的柚子，食落好清新😋📍 瓜破菓子店 (Life@KCC) (葵涌)葵涌葵昌路72-76號Life@KCC 4樓409號舖…查看更多

上網見瓜破做緊12週年優惠，打算去門市買個蛋糕食吓去到驚喜發現出咗新產品-日式烏冬Menu 上面一共有4款烏冬，分別係。溜。和-冷烏冬。錦。和-白醬油烏冬。白。和-豆乳胡麻湯烏冬。雪。和-北海道芝士湯烏冬每一款都相當吸引，最後選擇咗。雪。和-北海道芝士湯烏冬(讚岐手打烏冬x 新鮮蔬菜x九條蔥x糖心日本蛋x博多雞x慢煮鰹魚湯x北海道芝士醬)（三州三河味醂使用）（luxe忌廉芝士使用)不得不提嘅係嗰芝士湯十分之濃郁，每啖都充滿芝士嘅香氣，超級滿足…查看更多

响附近返工，一直都好鐘意佢哋嘅蛋糕。今日去訂蛋糕時發現佢哋而家新推出咗烏冬。同同事一人點咗一份，我呢碗係白醬油湯底，湯底睇落好清，但係好夠味。仲可以半價加埋飲品，我飲咗杯玄米茶拿鐵，係店員即場打發茶底沖製，好香嘅茶味，有淡淡嘅烤茶香，值得一試。…查看更多