瑰花甜戀愛甜品屋

有晚有朋友過尼探我, 諗住落黃金個附近食糖水。如果深水埗食糖水, 我諗好多人都會去個十字路口個兩間(我都唔例外), 朋友向橫街泊好車, 發現左依間「新野」, 於是就試下。店內環境同氣氛唔錯, 感覺好似走左樓上cafe+漫畫屋咁, 店內燈光都幾warm, 而且坐位有一排排漫畫坐低之後, 侍應就遞左個用木板做封面既餐牌, 其實都係依家食甜品都會有既大路野: 梳乎里, 心太軟, 腸粉涼粉, 傳統既芝麻糊西米露都有。我同朋友都係朱古力控, 我就叫左個朱古力芭菲, 朋友就叫左朱古力冰露。等緊個時, 除左影下相, 仲可以睇下漫畫。等下等下, 原本無咩人既餐廳, 都開始有不同既客人進場, 有年輕人, 亦有一家大細。等左一陣, 朱古力芭菲登場~~其實芭菲唔係食過好多次, 所以內裏應該有咩同一定要有咩都無咩研究。至少依次經驗, 我覺得無中伏既感覺。雪糕唔會一尼到已經要趕住食, 但又唔會硬到成舊磚咁, 用匙羹點插極都插唔入。布甸粒口感OK, 軟軟錦錦。Cream唔會食到一半已經覺得膩, 而且感覺有D質感, 我個人幾鐘意。最後仲有D麥片脆脆, 感覺好滿足。朋友個冰露就無偷食啦(因為我個杯仲大過佢個杯), 佢食完後都覺得唔差. 下次有機會既, 我地都會再尼試下。…查看更多

走到一堆堆男人中間的深水土步, 天氣悶熱, 人多心煩, 一心買完需要的東西便徹退, 可是友人卻拖我走往福華街的內街, 說有地方可以透透氣, 還以為是茶餐廳之類的麻甩佬落腳點, 焗促的橫街內卻原來是另有天地; 可能週末關係, 人有點多, 不過等了十分鐘也可以入座; 士多啤梨奶凍- 很清新的口感, 士多啤梨沒有其他店那種剛從冰箱取出來的冷凍感, 不過沒有想到是沒有 dressing的, 一下子失色了不少心太軟 拌 朱古力雪糕 - 流心效果還可以, 不過不知道是不是太多客關係, 等候的時間實在有點長, 下次應該叫別的甜品, 尤其是在週末的日子…查看更多

我絕對唔係打手... 我都未試過食嘢係嬲到要出po鬧.. 我本身打算放上facebook鬧完就算，但我啲朋友叫我放上嚟等其他人唔好受害... 初初我見出面menu有介紹甜品，而且幾吸引，我望入間嘢望好似幾好所以我同男朋友就去幫襯... 入去嗰陣係有兩個女仔喺度表演.. 唱得好唔好聽都係其次，但支咪係大聲到我同我男朋友完全聽唔到對方講嘢... 我哋兩個人只係叫一份雞扒司華力腸鐵板餐配薯菜照燒汁同一杯椰汁紫米冰，杯嘢嚟到勁淡，啲冰仲多過啲紫米，都算... 個鐵板餐等咗我差不多半個鐘，中間仲要追咗兩次... 嚟到之後明明叫咗燒汁又冇俾，成張枱仲要冇义，我男朋友走去問個侍應：「唔該，我冇义用.. 」條友似開玩笑但態度好寸咁答：「我知我廢！」就咁行開咗，之後問佢拎返照燒汁態度仲要更差！到食落去嗰下仲嬲，啲嘢食嚟到樣樣有一大半都燶！點樣食呀？？好快食完呢啲咁嘅嘢連甜品都唔想叫... keep住聽兩把雞仔聲唱歌已經覺得好煩，啲嘢食遲仲要燶到咁，啲態度又惡劣.... 以後唔會再去呢間嘢...…查看更多

這裡的環境舒適，裝修擺設都是適合文青的地方。可以在這叫上一杯咖啡，或是一款甜品，在這裡邊聽歌邊吃，享受一個休閒的下午。運氣好的話，可能會遇上駐唱的歌手，上一次來的時候我遇上了，不知道會不會換人。另外這裡有不少的漫畫書放在店裏，客人可以借來看看。這裡有些角落是一個或兩個人的座位，想一個人來享受安靜的時刻也可以，也可以叫上十個八個知己好友來聚餐，有些桌子可以合併的，而且除了甜品飲料外，這裡還有正餐可選，餓了可以叫上一個飽肚的餐。…查看更多

用左噤耐open rice, 第一次寫食評。 因為真係覺得食得好唔 Gur。等左d 食物差唔多有成半個鐘，要催佢先至話而家整俾你。至於d 甜品，唔可以話難食ge, 但真係好一般好一般。另外，charge 左個音樂表演費， 加一咪加一lor ( 雖然我真係未食過要收加一的糖水鋪）。 你寫得音樂表演費，就請專業少少吧。又或者唔好有駐場，寧靜少少俾人傾下計重好。到走個時，就聽到另一檯客好燥噤話等左d 食物好耐！ 其實上一次黎食都冇噤差，呢次真係好失望，同食得好唔愉快。如果睇到其他comments 先，就可以避免了...呢個價錢。。 質素。。SSP 重有好多更好選擇。。。…查看更多

暫且不評論食物水準如何,好一般我都算。問題係張單度音樂表演費 - 總數的10%有位駐場歌手,姑且唔評論唱成點但態度完全唔專業,唱幾句又停下同d店員吹水自high,個喇叭大聲到連客人對話都有困難。微調 - 點解零頭可以直接四捨五入? 究竟憑咩?完全冇基本要有嘅服務都夠膽死咁做?第一次留言,呢種事真係不吐不快。…查看更多

今晚與女友經過深水埗，見呢間餐廳有人自彈自唱，幾有氣氛，所以入去一試。坐下時點了一個墨魚汁意粉，諗住試下好唔好食，誰知落單時，竟然話"已經無咗呢個意粉"(心諗咁你仲印餐牌，仲有埋相，玩咩)之後女友點了個蛋包飯，我叫了個煙肉磨菇飯，仲有杯意米水。坐咗一陣，先來一杯意米水，不飲由自可，一飲即扯火。(咩呢架！咁淡嘅，D意米仲粒粒蒲面，仲以為係發泡膠)跟住來了兩個餐，我食咗幾淡，同女友講，碟飯好似無煙肉喎，(叫咗待應問，佢話唔知厨房野，之後就行開咗，無再跟進)最後，食完埋單，女友同佢講咗句，你地做食肆唔可以咁，你要同厨房講番，以免下一個客有同樣情況，我見個待應無回應，就知道佢唔會講，所以才寫此貼文，希望佢哋有改善啦。PS.唔知係咪今日跑馬，所以厨房搞成咁，希望係我想多了啦。…查看更多

我很喜歡吃甜品…基乎可以甜品當正餐…以前住深水埗偶爾路經…它剛開業…那時候是一間很有特色的甜品店…喜歡寧靜悠閒感覺…同出面其他地方比好唔同…招呼都好好…但搬離左ssp之後就無再嚟過…今日路經再之次重臨…發現佢同隔離米飯主題餐廳合作…即係我個人都會去隔離餐廳食…可能甜品店難維持生計吧…但店面播d好嘈ge歌…餐牌淨俾飯餐我睇…唔問都唔俾甜品餐牌我…我點朱古力雪糕配朱古力窩夫…點知變左綠茶雪糕…個人嚟講只喜歡飲綠茶…對綠茶甜品係零興趣…即係你無朱古力雪糕都問下我要唔要其他味…你俾個綠茶味俾我想點==對呢間瑰花甜已經失望…唔會再嚟…查看更多

店長阿翼，做過廣告人做過網紅拍過微電影，但他從未放棄過成為餐廳老闆的夢想。左邊紅米飯焗飯專門店，右邊玫瑰甜品，原本各走各路的兩間店，發熱竟是由他打通兩店的廚房開始！這位老闆，他驕傲，但他宅心仁厚，他在深水埗開食肆，做過愛心飯盒，與下屬分享利潤，又同時創造平台邀請本地唱作歌手樂隊到其店內表演，食客同時也是觀眾，餐廳同時亦是樂廳，店多了特色，觀眾多了耳油，歌手又有了表演場所，可說是突破傳統食肆，食完趕你走的框框，在深水埗很難找到第二間。…查看更多

2017-04-21瑰花甜戀愛甜品屋******************窩夫好似擺左N年先拎出黎咁, 又凍（真係一啲温度都冇），又唔脆, 又韌, 好似食緊濕左水既紙皮咁。因為切唔開，所以唯有成舊叉起嚟食。（可能會有member質疑，或者話佢地平時質素都好穩定，但當晚我食到嘅窩夫真係咁，我唯有如實報告）藍精靈個顏色係幾吸引, 但食落味到一般, 偏淡。加一服務費美化為音樂表演費。未食正餐的話，可以响瑰花甜入面order隔離Red Rice嘅主食，一條龍由正餐食到落甜品。******************消費: $86優惠: /…查看更多

今日個朋友派帖係對面食完小菜諗住傾多陣就去左瑰花甜都食糖水，佢d裝修都幾靚又幾特別佢地d甜品都偏向西式，價錢對我黎講係超級抵食，佢心太軟都係三十幾四十佢地係支持廣東歌嘅朋友黎，呢個好窩心哈哈我叫左份waffle ，香蕉朱古力waffle，個waffle 硬左小小，但味道ok 朋友叫個三寶，有雪糕，有cream burlee 同焦糖布丁，好豐富啊佢地啲冰都係幾好食架仲要佢地d staff 好好人好nice，呢間甜品屋會再黎…查看更多

今晚來深水埗探朋友佢帶咗我來呢間係地鐵站附近，經常爆滿嘅餐廳呢度嘅裝修好懷舊場邊仲有好多漫畫比食客睇又有正餐又有甜品真係唔使轉場都可以滿足晒兩個願望呀！我哋喺六點前嚟到所以仲可以叫下午茶價錢真係抵呀款式都幾多因為我哋唔係好肚餓所以淨係叫咗一個茶餐之後就吹左好耐水先再叫咗兩個甜品呢個雞扒漢堡$30份量都幾大一人食半個都飽左而且佢新鮮整好，熱辣辣又煎得好味呢個甜品係我朋友揀嘅，宇治金時撈 $40有紅豆啦西米蒟蒻綠茶，幾足料喎！西米有咬口得來有啊好好味呀！我鍾意佢唔會太甜最後我再叫左個酒心朱古力心太軟伴玫瑰花乾雪糕 $46 切開真係好流心聞到好香嘅酒味，雪糕有淡淡的玫瑰花香，中和返朱古力嘅甜味， 比平時配嘅雲呢拿雪糕多左一陣清新嘅花香，係幾夾嘅！呢度越夜越熱鬧，咁多位嘅餐廳都滿座證明真係好受街坊歡迎！好多人都叫鐵板，聞到好香呀！下次可以試吓…查看更多

和老婆仔在太子金都為婚禮而格價完成後一直計劃著婚禮一直隨意走不覺之下到了深水埗區突然發現這裡其實有很多餐廳除了港式茶餐廳外還有不少適合年青人的餐廳看到這間餐廳時以為是甜品店幾乎忽略了剛好有菜單掛出來才發現原來有主食看起來選擇多而且價錢合理所以便決定進內了這裡的裝潢很年輕牆上還寫著「我的少女時代」電影對白看著菜單發現食物很多元化有日式韓式港式太多種類之下一是不知點什麼好最終決定點一份54元的闊佬原條蒲燒鰻魚鐵板飯老婆仔就要了43元的韓式泡菜豚腩片鐵板飯兩份餐都加9元配特飲分別是青蘋果蘆薈綠茶以及夏日抹茶雪糕紅豆冰來到甜品店當然要試試甜品我們選了48元的焦糖火焰香蕉雪山先來的是青蘋果蘆薈綠茶雖然簡簡單單但蘆薈綠茶味很突出略嫌偏甜但幸好還有清新味道難怪簡簡單單的飲品也獲廚師推介而夏日抹茶雪糕紅豆冰就太甜了無論雪糕還是紅豆冰本來就已經很甜吃起上來太邪惡了老婆仔表示不知加了多少糖若果作為甜品還好作為飲品就不太建議主菜之一的闊佬原條蒲燒鰻魚鐵板飯送來以這個價錢能吃到原條鰻魚飯已經很滿足早已不太在乎質素吃起來雖然比不上吃過超貴那種鰻魚但醬汁調配之下也很不錯總體來說算是美味加上配的是鐵板飯很香所以還是值得推介難怪眼見每枱都有人點至於韓式泡菜豚腩片鐵板飯有點像一般常吃的鐵板飯不過吃起來泡菜味很濃但辣味卻適中可能用上不是太辣的泡菜整體感覺偏重口味愛濃味的老婆仔很欣賞最後是甜品焦糖火焰香蕉雪山賣相很特別原來店員還會澆上燒著的酒營造火焰的效果不過純粹視覺效果而已吃起來是不會燙口的原來雪山是疏乎里的質感很軟滑裡面包著朱古力雪糕和蛋糕也是很意想不到的構造感覺很美味沒想到在這裡也吃到這麼富藝術感的甜品較可惜的是原來焦糖香蕉就是放在旁邊的伴碟若能混合到甜品當中會更好以這種質素和食材若果在較旺地段一定需的花費雙倍價錢但幸好在深水埗區就可以用平價品嚐美食…查看更多

服務態度極差芒果西米露得幾粒芒果，問店員點解甘少就黑口黑臉，叫我地再揾下先，揾下???  個碗有幾大??? 另一個店員仲衰，比其他顧客撞到就講嗮粗口，人地都道左歉，洗唔洗甘惡？講到成間店都聽到嗮，好影響其他人食野。真系未見過甘差既服務態度，失望。                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                               v…查看更多

瑰花甜，聽落去也感到有絲絲甜蜜的感覺。位置於深水埗這個小區，雖感到有點格格不入，不過這裡的甜品，和主食價錢都相宜，啱哂蜜運中但卻又要為將來儲錢的小情侶。播著二千年代的流行曲，我和男朋友也不禁跟著唱，相信會播這些歌的小店也不太多。周杰倫的開不了口，特別令我有彷佛會到以前讀書的時光。男朋友點了杯mocha, 不過打錯單變左Americano, 不錯的，以凍美式咖啡來講。甜品方面，我和他各點了一個火焰雪山。這個源自香港的甜品，以打起的蛋白怖在雪糕和蛋糕上，有冰鎮的口感，而視覺上也有火熱的感覺。店員淋上點著了的甜酒，接下來就是相機食先的時候。蛋白好企身，雪糕不會溶掉，我吃的朱古力和男朋友的抹茶比較，各有特色。不過個蛋糕太乾身，一點鬆軟的感覺都沒有，睇黎都雪藏了好一段時間，這一點令我地都未能完食這個甜品，有點失望。正評是比環境，令人感到好舒服，而且兩口子來到也可以試下寫情人鎖，看看漫畫。下次可能會試其他甜品。…查看更多