瑞記咖啡

营业中

休息中

成日聽佢既樽仔奶茶係好出名好好飲，果然聞名不如見面，樽仔奶茶真係好香濃、好滑!!!! 茶味濃得黎又有奶香味，最重要既係佢係唔加冰，成個樽直接雪到凍冰冰，禁就無溝淡到奶茶!!一個字~~爽!!!!!!另外仲叫左咸牛肉蛋包。個包好好食，熱辣辣外脆內軟!仲加左D牛油好香口!!! 個人真心鍾意咸牛肉炒蛋, 個包夾住香滑嘅蛋牛加蔥， 食落好正又唔會太咸!!當中仲有D青蔥碎, 另到上個包再升級左一個LEVEL. 每一啖都可以吃到麵包同餡，好正~~女仔黎黎講兩樣野加埋份量夠晒飽。 因為都出名, LUNCH 時間比較多人，但係因為瑞記係上環街市頂層嘅熟食區，人客流轉速度都好快!所以都唔怕會等好耐!

每次約人食好西，如地點係去上環，都會有好多選擇，友人一般會選擇高檔，或特色小店，茶檔就耍手檸頭，但我其實只要好食，吾駛排長龍就可以。今日自己一人要去上環做野，大好機會去試下呢間茶記。早餐無set,單點包或麵，飲品。叫左旦牛包，樽仔奶茶。熱辣辣外脆內軟嘅包，夾住香滑嘅旦牛加蔥，配滑滑凍奶茶，包份量夠飽，奶茶如有走甜就更完美。雖然茶檔，位於街市樓上，坐摺枱摺櫈，但我個人好喜歡呢d港式氣氛， 茶檔只有2個人，但好快手都吾駛等好耐!

相信唔少人聽過‘瑞記咖啡’呢個大名，香港地，有好多懷舊控，好鐘意懷舊嘢、復古嘢，蕃薯妹都唔例外，對懷舊風情嘅小店情有獨鍾。瑞記其實響蕃薯妹上班嘅地方附近，今次襯老闆出差，跟同事嚟咗朝聖店仔細細，食客滿滿。瑞記位於上環街市頂層嘅熟食區，裝修簡陋，卻滿滿舊香港風味。單單係一個手寫嘅餐牌，已經足以令蕃薯妹影咗10分鐘響上環嘅食肆嚟講，價錢已經好親民。樽仔咖啡 $15 你問我個咖啡係咪好香濃、好滑，我真係覺得唔係特別香滑，但係飲緊嘅係香港人情味。蛋牛麵 $32滑牛好滑，煎蛋係燶邊蛋，蛋黃差不多全熟，如果蛋黃係流心會更完美。 麵係出前一丁，煮得啱啱好唔會太淋。西多士 $26瑞記招牌菜 - 西多士，兩片麵包炸到外脆內軟，中間並無夾花生醬或咖央醬，就只單單加咗牛油同煉奶，但係出奇地好味火腿炒蛋 $18外表平平無奇嘅火腿炒蛋，原來都好好味！裡面嘅蛋汁未熟透，好滑漏。推薦俾大家，值得一試

今日來歎翻個下午茶，聽聞瑞記噶多士奶茶好出名，今日一於試試！奶茶噶比列剛剛好，茶味濃小小，味道香濃，本身自己就中意茶味濃一點的奶茶，所以瑞記噶奶茶很適合我，然後點左一份西多士，西多士口感香脆，加埋滴煉奶一齊食，好正！下次一定再來！

本身在中環工作 返工返工悶悶地 心思思搭叮叮去上環食瑞記😋 大熱天時無咩胃口食飯！所以一坐低就叫叫西多士 凍奶茶😆（平時我只會飲咖啡架咋）西多士：老闆兩面沾滿蛋液 半煎方式 配花生醬同鍊奶😍 西多邊邊位超脆 中間軟綿香甜 我五分鐘即K.O一份！凍奶茶用汽水樽上 好濃滑 茶同奶balence 得岩岩好 甜度適中 好飲過好多連鎖店😋總括而言 黎瑞記食西多 飲奶茶 成個人又開心 又滿足🥳 中上環返工的小丸子上🍞

呢間係上環熟食中心出名嘅茶檔，於是我就第一次樽仔奶茶同生牛肉公仔麵，樽仔奶茶的確唔錯，茶味好濃，而且用樽仔飲感覺好懷舊，打卡一流。但係生牛肉公仔麵就真係冇乜特別啦，下次可以去試下其他。

今日上環一日遊, 行到攰攰地就緊係嘆番個港式下午茶啦～聽聞瑞記嘅樽仔奶茶同西多咁出名, 一於去試下😋 瑞記係熟食中心入面, 去到都ok多人食, 不過好快就已經有位, 叫左野食都好快嚟到😊 奶茶唔太甜同埋幾香, 佢個西多幾特別, 同平時出面茶餐廳嘅做法有少少唔同, 係用煎嘅方法而唔係炸嘅, 西多蛋味好香加埋煉奶一齊食, 好😈😈🙈🙈 有樣野幾抵讚嘅係佢會好細心幫你切埋分做幾份!👍🏻

是日行程是去大館大館前就先去醫肚跟朋友都是比較懷舊的人，所以很多時候都會找些老店這是選了位於上環市政大廈內的瑞記咖啡想來好久了，可一直抽不出時間星期六的中午時段也坐無虛席，聽說工作日人更多先來飲品，當然少不了也是名物之一的樽仔凍奶茶比一般凍奶茶好是因為沒有加冰，不怕喝到最後會變淡茶味跟奶味比例合我口味，也不太甜不過奶茶我還是覺得熱飲口感較好朋友點的唂咕，現在好多店都沒有了來這裏必食的一定是法蘭西多士根據朋友的朋友的法國老公說，這是正宗的法蘭西多士跟茶餐廳的不一樣，這裏是用煎的，口感跟用炸的不一樣個人較喜歡用煎的再配上練奶跟牛油，減肥甚麼的不存在的另一名物是蛋牛包，可惜我不吃牛，朋友又怕吃不完所以沒有點麵食我叫了餐蛋麵，朋友是餐牛麵麵是出前一丁，沒有煮過頭，還不錯

摸咗兩次門釘，終於...我終於食到，的確係名乎其實遊客必到嘅地方，佢係位於熟食中心入面，有大冷氣，坐得好寬敞，而且姐姐好好人蛋牛治$17，包底烘過，好脆好實在，咸牛肉炒蛋完全係天堂料理😍佢啲蛋炒到係較乾身嗰種，配埋啲青蔥，無限昇華另外點嗰個係西多，對比其他茶餐廳，佢個多士唔係全蛋漿炸，而係用煎嘅方法，呢個方法啲煉奶可以更充分俾多士吸收，所以每咬一啖，蛋香，多士嘅脆口，同煉奶係一嘢爆哂出嚟，好正呀😱😱😱

😌最鍾意捐窿捐罅試野食😋瑞記係上環夠晒出名啦😂😂😂今日同個朋友兩點黎到，呢啲時間唔拖唔水，成個熟食市場都唔多人，唯獨瑞記基乎滿座，兩個人係唔餓既清況下，決定叫一支樽仔奶茶及蛋牛包🤩奶茶我就唔飲既，比唔到咩意見😏朋友飲左就覺得一般，無話好好飲😂我都無再問落去。幾分鐘蛋牛包就黎啦😍新鮮整出黎熱辣辣，淨係講個包先，個包已經好有心咁烘熱左微脆，感覺係好簡單既一個包，唔係有咩化學野或牛油味好勁果類😌😌至於餡料係碎牛蛋加蔥花，蛋並唔係滑蛋，但就好屋企感覺既蔥花炒蛋😌，不過碎牛方面令我有啲失望，其實咬落去又唔覺得有牛肉既存在🤭係牛肉無味？係分量太少？🤷🏻‍♀️我唔知丫～食落去真係覺得蔥花蛋夾包🤧其實好多熟食市場都有啲隱世小店🤤🤤食物未至於係絕世美食，但往往就係香港愈來愈失去既「老」味道😌簡單食材，用心製作，價錢貼地，服務週到，老闆殷勤熱心，足以拎滿分喇👍🏻💯

其實那天我已經是吃了午餐~~有點飽飽飽飽的了~💨💨💨但我聽說這附近街市有個茶檔有賣好好味的蛋牛包、西多士、樽仔奶茶~就決定去吃一下~~不過因為真係飽飽地~我只係叫左一個蛋牛包🍔 ($14)麵包烤到是超級的香脆🥖有d邊邊位脆到有少許像多士的感覺🤗🤗🤗但有d又太燶了~要搣左dd~~😶登登登登餡料是重點啦🎉🎉🎉雞蛋🥚 + 牛肉 🐮 + 蔥 🌿 ~~滿滿的厚厚的是每一啖也可以吃到麵包和餡~~☺☺☺雞蛋不是那種超滑的炒蛋🥚反而是那種像小炒店那種菜甫蛋的那種質地~雞蛋炒得很香配上碎牛肉🐮加埋蔥花的香🌿~~一流~~🤤🤤🤤$14有咁好味的~餡又多的包~~怪不得大家會大讚這裡的食物~~😌😌😌P.S.下一次來想試埋西多士和樽仔奶茶~~😉😉😉

呢間位於上環熟食中心𥚃面的小店，早餐更係區內出咗名。1️⃣西多士 $26呢度的西多蛋香味好濃郁，佢嘅蛋漿滿佈麵包先攞去煎。牛油同煉奶嘅味道都好重，甜而不膩，做早餐就夠哂邪惡😈啦🙆🏻‍♀️美味指數:6.97/102️⃣樽仔奶茶☕️ $17樽仔奶茶冇冰係𥚃面，所以唔會溝淡本身奶茶嘅味道，不過呢到嘅奶茶就冇其他人講到咁正🙃，茶味同奶味唔夠濃。我都係鐘意喝茶餐廳果啲多d🥰🙆🏻‍♀️美味指數:5.25/103️⃣蛋牛治 $17蛋🍳同蔥一齊煎，所以非常香口惹味。咸牛肉亦都好足料，麵包的質地唔夠軟，有少少乾身。🙆🏻‍♀️美味指數:6.99/10💡整體來講，佢冇跟餐，所以早餐唔算平，不過唔算話超正，不過可以試下

黎到瑞記咖啡 當然一定要試吓佢最出名嘅樽仔奶茶 蛋牛包 同西多士！😋樽仔奶茶好有特色 奶茶會即場開屏俾你 飲落都有奶茶嘅香 唔會太甜 調教得好好👍所以一定要試吓😆 西多士煎得好香好靚 金黃色 花生醬奶油都好足夠 唔會覺得好溜 👍蛋牛包 有好足夠嘅牛肉 包皮牛肉都好新鮮 幾好食👍 同朋友一齊開心share 每人都可以試到一啲 好好食☺️雖然環境比較一般 位不多 但喺熟食檔裏都算乾淨唔使怕污糟 周邊亦設有其他餐廳 鍾意懷舊嘅朋友 覺得一定要去試吓！

Toast is crispy and with lots of jam and butter, which is my favourite. This snack bar says they serve the best milk tea in HK. As a HK local and have tastes many cups of milk tea, the smell of iced milk tea can be improved as it lacks of natural aroma of baked tea leaves. Fair to its prices.

星期六早上，工作嘅不順不如意，不想延續，食個早餐充充電。上到來，同出面平民地方一樣，都係要搭檯，今日都一樣。想嗌野，見姐姐都好難嗌得停佢，一人睇幾張檯，對幾十個客，但大家都好少炸型感覺，街坊人情生意。嗌左蛋牛治蛋唔係日本果種生生地果種，港式老煎蛋配上好多蔥，足料咸牛，麵包香軟鮮牛面牛肉同出丁一齊煲，煮得入味唔老嫩滑，麵湯有牛味，牛就無乜麵味，湯包粉落得啱啱好，一碗係對中意公仔麵嘅人係唔夠侯嘅樽仔奶茶水準依然係等得耐左少少，開頭都驚漏單，但原來整好姐姐無手無時間攞上檯姐