瑞士咖啡室

$48下午茶港式漢堡都OK，分量少，味道不過不失麵包鬆軟，熱辣辣，甜甜地原來熱杏霜有得轉煉奶，好飲！第一次見呢隻杯係高身！好靚門口姐姐態度一般侍應叔叔就好好禮貌同笑容…查看更多

同友人一齊嗌咗瑞士汁雞翼撈公仔麵，兩隻雞翼酸嘅，之後第三隻一咬好大陣臭腳味 坐對面都聞到，廚師員工竟然可以話係好正常 覺得無問題 我笑左出聲 真心好臭一定係壞了！人生第一次食到臭雞翼 同酸的瑞士汁 而且所有員工嘅態度都好冷淡 一係當聽唔到睇唔到 一係就話係咁架啦冇問題 冇人諗住去解決或者改善埋單66蚊一位 當買個教訓 永久blacklist。其後我同朋友都有唔舒服肚痛。我在此呼籲大家小心中伏，我絕對唔係咩打手 而係真心好無奈。…查看更多

人生第一篇openrice食評俾左呢個Kam野🙂唔出對唔住自己話說今日lunch time想食d local野又唔想行到街市咁遠，係中環真係唔知有咩茶記ok，求其揀間朋友就指左呢野，話唔洗排隊。我幾年前食過一次，記得係間唔好食但又未到難食既野。入到去坐低冇耐，個侍應仲一野勁大力將QR code單掉落枱，開完個網有得揀lunch ABCD但又冇講係咩item，問有冇menu但原來要自己搵柱上面塊白板睇。揀唔到食咩唯有最穩陣既瑞士雞翼餐，諗住難食極有個譜。瑞士汁唔ok似鼓汁都算，心諗是但啦預左，點知我食到第3隻雞翼feel到酸酸地，食左一半唔食啦，吉第4隻未擺入口已經聞到臭味😵‍💫😵‍💫🤮🤢係腳臭咁誇張，俾朋友聞佢都認同，仲話其實佢d雞翼都有酸味但冇臭咁誇張。於是我同侍應講隻雞翼好臭，佢話拎去廚房檢查俾人聞下，然後個reply係廚師聞唔到有味🙂勁，offer我食其他野，但因為都差唔多放完lunch hour我就話唔洗，佢再問要唔要俾返隻雞翼我，我話但你其他雞翼都係酸，佢就話唔會wor雞翼新鮮即日整😀😀然後就走開左。到我地出去埋單，收銀員工除左有long face，張單係收足正價。兩個雞翼撈公連凍飲餐盛惠$132！絕對唔明點解咁多人黎食又貴又難食既餐廳，食譚仔都開心好多…查看更多

我同同事講話想食茶餐廳，佢介紹我嚟。簡直俾人呃咗咁。叫咗個沙嗲牛肉麵餐。揀咗出前一丁加$4。揀咗煮林d。嚟到嘅時候d面硬，沙嗲牛冇乜沙嗲汁。問過侍應嘅時候佢又唔答我係咪公仔麵定出前一丁。啲出前一丁根本唔似出前一丁似公仔麵。招牌沙嗲牛一啲都唔好食。沙嗲汁都唔香，牛肉又韌，面底就唔使講啦 - 難食。炒蛋都唔滑。多士烘咗底囉。奶茶茶好澀。$61嘅常餐。好失望。唔會有下次。真係唔明白點解咁多人嚟食。我隔籬嗰個男人食嗰個沙嗲牛腸餐一樣咁難食。…查看更多

小編今日來到上環一間懷舊冰室「瑞士咖啡室」，冰室保留了傳統港式茶餐廳特色，店內有吊風扇和格仔階磚地板，牆上掛舊相和海報等🧡 餐廳主打瑞士雞髀、菠蘿包、常餐、焗飯、肉醬意粉等美食，推介大家來感受懷舊港式茶餐廳美食的地方🙌🏻 「瑞士雞脾撈公仔麵常餐」火腿加太陽蛋，選配菠蘿包）絕對是港式茶餐廳的經典組合👏🏼 瑞士雞脾經過甜醬油燜煮，外皮油亮誘人，肉質嫩滑多汁，甜中帶鹹的醬汁一流🍗 撈公仔麵恰到好處，口感Q彈，搭配火腿和太陽蛋🍳 菠蘿包外皮酥脆內鬆軟，微甜的菠蘿皮與鹹香瑞士汁撈公仔麵，完美的常餐組合🍍 🍽 ：瑞士雞脾撈公仔麵常餐（火腿加太陽蛋，選配菠蘿包） 👅好味指數：8.25/10 💰消費：HK$63📍 地址：瑞士咖啡室 (中環) 中環利源西街12號地舖…查看更多

中環食嘢樣樣都貴，真係要捐窿捐罅，先搵到啲平靚正嘅食物。最鍾意去瑞士咖啡室，裝修係行冰室風格，樓高兩層，所以唔返時間就算有人龍，基本上10分鐘以內都入得。午餐嚟講，有經典嘅常餐，亦有每日轉款嘅飯面系列。佢嘅焗豬扒飯唔錯，係炒飯底，粒粒分明，亦都配上幾件厚切豬扒。蕃茄醬調味適中，不過略嫌醬汁比較多，食落嘅感覺似撈飯多過焗飯。午餐$65 ，仲包埋熱飲一杯，奶茶茶底好濃，仲可以揀煉奶底添。整體嚟講份量好足，男女食都夠飽！…查看更多

今日同同事食lunch,路經利源西街，於是去經典茶餐廳瑞士冰室，冰室門口排了長龍，但約等8分鐘左右就可以入坐，我點了全日早餐，個餐非常豐富，有雞扒、薯餅、炒蛋、火腿、碎蛋牛角包和沙律菜，雞扒香脆，但可惜薯餅淋左少少，其他野食都ok😋…查看更多

尋日去食下午茶，叫左吉列豬扒薯條及奶茶，首先，傳菜不是直接送食物去我枱，而係係下一級樓梯遞D野食俾我，我都唔介意，點知，奶茶內有一死烏蠅浮現，我同店真的講，一句對不起也沒有，只係話：換俾佢lor , 仲要等好耐先有杯新奶茶，如此態度，是否不值得再光顧？大家評下理！…查看更多

作為中環打工仔，要搵平靚正嘅午餐係必須嘅，今次介紹瑞士😋😋其實我已經食左無數咁多次必食推介瑞士雞翼公仔麵🍜佢地既瑞士雞翼真係好好食😋我仲會加錢飲埋樽裝朱古力奶🤭🤭兒時茶餐廳嘅味道返晒嚟…查看更多

好懷舊既一間咖啡室 入面有兩層 坐得都比較闊落 不過繁忙時間就要搭下枱叫左2個All Day Breakfast 一個🌟炸魚柳 牛角包一個🌟煎雞扒 多士2個All Day Breakfast都配左薯餅 炒蛋同沙律菜唔好以為份量好小 其實都好夠食👍🏻炸魚柳食落無雪味 牛角包又好鬆軟而煎雞扒 個皮煎到脆卜卜 d肉起有肉汁另外叫左個常餐🌟沙嗲牛麵 配 菠蘿包 煎蛋 漢堡扒今次加左$4食岀前一丁 牛肉幾好食唔會韌 美中不足係煎蛋無得揀太陽蛋😩 All Day Breakfast $60 包熱飲常餐只係$58 包熱飲呢個價錢係中環黎講 真係好抵食喇！…查看更多

晏晝過嚟叫咗2個常餐 瑞士雞翼麵 同埋泰式肉碎米粉兩個都係配牛角包炒蛋漢堡扒首先係牛角包 凍冰冰冇焗過 食起嚟硬掘掘其次係上咗半個鐘都未上麵 循例上問吓佢佢就話整緊 但係隔籬枱早4分鐘落單嘅都就嚟食完落單35分鐘左右啦 終於嚟咗泰式肉碎米粉🤯附上打卡食先相 完全稱唔上泰式 呢個似廚餘多啲…肉碎得嗰幾粒… 又冇泰式香葉… 辣椒有…但都係得一粒到落單40分鐘 瑞士雞翼撈麵依然未有職員經過問我食咩 我話瑞士雞翼麵跟住佢拎咗個瑞士雞翼湯麵俾我我話sorry係撈麵 佢秒速都換返個撈麵俾我原來要快係可以咁快🤯 咁點解頭先要我等40幾分鐘再評論一下個瑞士雞翼撈麵 個面好濕 瑞士汁好淡 完其實我唔係第一次食呢一間茶餐廳Lunch時間過去 但係完全唔係忙 因為好多員工都好得閒但係今日嘅體驗足以令我唔想再有下次😮‍💨…查看更多

下午茶外賣就叫得多堂食又真係第一次7：30入坐都仲有好多位8點左右已經坐到爆滿一間茶記早餐手機QR code下單有趣係飲品可以有好多選擇要求通粉可以選淋d或者無甘淋😂西冷扒配 牛乳炒滑蛋+漢堡 扒+沙律菜+牛角包蛋類做法:炒蛋包類選項:牛角包熱杏霜口味:濃D醒神由一個all day breakfast 開始牛扒都幾多筋下炒滑蛋超滑牛角包吾會太油香煎午餐肉腸仔通粉麵底選項:通粉跟配:套餐蛋類選項:雙煎蛋包類選項:齋多士口味:淋D,少烘熱鴛鴦…查看更多

轉咗meun, 問2句啫, 幾個女侍應都態度好差。有幾枱客都問仲有冇瑞士雞翼撈公仔麵餐，嗰D女侍應都係態度/面口好差咁回應。其實我哋都好有禮貌，咁樣趕舊客，中環又唔係冇第二間，祝你哋生意興隆！…查看更多

中環茶記，最出名瑞士雞翼，打工仔Lunch Hour之選🔻常餐A：瑞士雞翼公仔麵(4隻) + 火腿奄列+牛油多士 💰56 + 轉維記朱古力奶 (+💰5)見到瑞士咖啡室幾出名，lunch time走去試下，點知食完都幾失望🙁瑞士汁雞翼冇咩瑞士汁味，反而似滷水雞翼多d🤔同埋d雞翼好似煮太耐，有啲老🤨其他嘢都普普通通，公仔麵同屋企煮嘅差唔多，不過不失🤔奄列都不夠滑，同埋淨係有少得可憐嘅火腿，多士都普普通通烘過咁啦Lunch hour都幾多人排隊堂食同外賣，可能因為名氣大同好多顧客太忙嘅原因，d餐廳侍應態度都唔係幾好，同澳牛有得揮🤣但係澳牛仲好味啲🙈不過餐廳嘅裝修仲保留住舊時嘅感覺，有啲老香港電影啲feel🎬👅味道：6.5/10💡抵食：7.5/10📌環境：6.5/10…查看更多

今日食晏決定係出去餐廳坐喺度食，同事就介紹一間極具懷舊風味嘅茶餐廳，可以一個人慢慢喺度食晏，亦都咁啱有張自修室位，俾我對住個牆坐，啱晒我呢啲單拖去食嘅人今日我就嗌咗份瑞士撈公仔麵配瑞士雞翼四隻，飲凍檸茶🍋🍋呢度叫得瑞士咖啡室，咁我相信佢啲瑞士雞翼一定係有返咁上下水準嘅果然冇令我失望:)雞翼相當入味而且肉質夠晒嫩滑，公仔麵略嫌硬咗少少，但係撈埋個瑞士汁食都係相當惹味凍檸茶不過不失正常嘢！佢上餐都上得算係快嘅，啱晒打工仔食…查看更多