珍意泰國菜館 (已結業)

由細食到大， 有d不捨得，趁住佢結業前再食一次。泰式黃金炸蛋其實即係蝦膠包皮蛋，皮蛋微微溶化帶流心，加上外層香脆爽彈既蝦滑， 好有口感，小朋友好鍾意食。泰式滷水無骨豬手必食！豬手肉軟嫩多汁，豬手完全吸收哂滷汁既香味，令人食指大動。 而且份量十足， 最後要打包拎走。泰式suki炒粉絲泰式經典菜之一，以粉絲配海鮮及菜炒埋一齊，味道酸辣微甜，食落惹味，令人回味無窮。最後叫左杯泰式奶茶，奶茶食落香濃順滑，香味獨特，有別港式奶茶。…查看更多

人生第一次喺Openrice寫食評，竟然係比我幫襯咗過百次既餐廳差評🫠其實筲箕灣真係無咩好食，呢間泰菜幾年前頂住“黃店”既光環，所以我呢幾年都真係幫襯過好多次。今日weekend就落街食珍意既泰式香烤雞扒飯+凍泰奶🧋食食下先發現雞扒唔熟。。。然後我就同個店員呀姐講返😑佢一臉無奈咁望住一臉無奈既我：咁你想點？喂大佬，d雞肉唔熟點食呀🤯🤯🤯見佢唔識處理，我就同佢講：不如你叫其他同事過黎我再問下佢跟住佢就收走咗我碟飯，好似話幫我換過碟（好後悔反應唔切我無影到相！！！！！跟住等咗陣有個男店員話唔好意思，幫你換過碟我話我唔要啦，就落去counter打算講返件事落到去，肥肥地光頭個廚房大叔就躁底好似話唔要碟飯又嘥野（喂師傅，食物最重要係食品安全，好唔好食都真係其次。。。）跟住有另一個男店員就好串咁話”求其打個折囉“，我就真心嬲咗，點解可以好似覺得自己作為一間餐廳，d野未煮熟就比客食係完全無問題？？然後呢，就有咗呢個“九折”既優惠。哇我真係多謝你，咁皇恩浩蕩，我一定係比唔起$58先雞蛋裏挑骨頭啦😀個光頭廚房佬就一直好串咁叉晒腰望住我，係，我好驚佢唔知會唔會突然攞刀攻擊我，我就比咗$52佢。廚房咁多武器，最近又咁多痴線佬我一個女人都會驚㗎嘛🙃到我返轉頭拎返張單諗住留個record，佢都仲係叉住腰挨住張枱望住我真心連$52都唔想比，唔係比唔起，係條氣真係唔順跟住喺社交媒體網站見到佢地就快執笠，真心想講：好行唔送。可能少咁一個熟客仔對你地黎講唔係咩事，先咁樣解決問題。唔理你咩立場，D野食有安全衛生問題就係最大問題，希望你地他朝如果真係有機會再搞餐廳，好好改善下。 肚開始唔係好舒服，有咩事我一定追究，執笠都追究。…查看更多

香葉辣椒肉碎煎蛋飯 - $58}佢係全個筲箕灣最好味嘅泰國嘢，成日都要到冇咗先至識得珍惜，喺筲箕灣工作六年，原來珍意同我一樣都係六年前喺呢度開業，陪伴我渡過呢六年！11月20日終於要同佢說再見了，呢個星期成班同事每一日都去支持！星期六日唔使返工，暫時要停一停了，星期一，真正要向你說再見！美味程度：😋😋😋😋😋😋😋😋😋😋😋環境指數：🎇🎇🎇🎇🎇🎇🎇🎇🎇🎇🎇番食機會：🦍🦍🦍🦍🦍🦍🦍🦍🦍🦍🦍📍 #珍意泰國菜館 (筲箕灣)筲箕灣筲箕灣東大街39號地舖…查看更多

今日和同事一起到筲箕灣東大街吃lunch，逢星期三東大街有幾間食肆都休息，所以好多間食肆都要排隊，最後我們去了珍意食泰國菜，只排了一回兒就有位了。今天我們吃了海南雞飯，雜會湯粉，再加兩杯咸檸雪碧，感覺非常滿足，食物味道也佳。…查看更多

筲箕灣東大街出名多嘢食！😬😎😋星期日下午就同家人來試試。秘製海南雞飯是招牌菜，一定要試！雞夠滑、好有咬口、仲起曬骨、湯也好濃！🤗😋😍泰式鮮蝦炒金邊粉有芽菜、豆腐乾、花生碎、蝦、十分豐富，酸酸甜甜好惹味呀！😎😍👍招牌鹹豬肉炒飯好大碟、炒得好香口、好好味！😋😛泰式牛丸粉好大碗！牛丸好彈牙！🤗😎😍…查看更多

泰式香芒糯米飯這道糯米飯的外觀非常吸引人👀。它以芒果的鮮豔黃色為底,搭配著白色的糯米飯,形成了一個色彩鮮明的對比。這種視覺效果讓人一看就有食慾😋。口感方面,糯米飯的質地非常綿軟,入口即化🤤。它與芒果的結合非常完美,芒果的酸甜味和糯米的黏性相互融合,帶來了豐富的口感層次。此外,椰奶的香甜味道為整道甜點增添了一絲濃郁的風味💕。這道甜點的價格為$55，雖然有點貴💰，但考慮到它的精緻製作和使用的高品質材料，這個價格是合理的。而且，這道甜點的份量也相當足夠，可以滿足食客的飢餓感。總的來說，泰色香芒糯米飯是一道令人愉悅的甜點選擇，口感豐富，絕對值得一試！😋👍…查看更多

放工諗住過嚟食嘢，諗唔到食咩，就決定去珍意食晚餐。呢晚叫咗三樣嘢，馬拉盞豬頸肉炒粉、泰皇咖哩炒大蜆和串燒。三樣嘢都唔錯，特別係個炒蜆，好惹味，同埋都有幾多蜆。串燒燒得幾好，唔會太燶，配上沙嗲汁，正！…查看更多

筲箕灣東大街向來出名多餐廳和美食，是區內人人皆知的食街。今次介紹的是價錢相宜份量又足的珍意泰國菜館，份量多而且價錢相宜，食完真的飽到捧著肚子走。晚市時段來到珍意，早入座所以不用等位，點了二人餐，有湯有小食有菜有炒粉麵飯，還跟兩杯飲品，套餐份量多而且價錢相宜，食完真的飽到捧著肚子走。冬蔭公鳳尾蝦湯冬蔭公味道香濃惹味，裡面有很多配料，鳳尾蝦也是出奇地多，很足料而且超有水準，非常推介！馬拉盞炒通菜份量多到幾乎吃不完，食泰國菜必定會叫馬拉盞炒通菜，因為馬拉盞實在是太惹味了，加上它獨特的味道實在令人欲罷不能！泰式炸蝦餅即叫即炸的蝦餅剛上桌時仍然熱到出煙，外脆內軟的口感，蝦膠打得非常彈牙，搭配泰式甜辣醬消除油膩感，個人非常喜歡～泰式鮮蝦炒金邊粉炒金邊粉也是香港人吃泰國菜時很常點的一道菜，配料有芽菜、豆腐乾、花生碎和蝦等，很豐富的材料，酸酸甜甜的味道十分好吃，但略嫌炒得濕了一點，如果可以炒得乾身一些會更好吃。泰式特飲二人餐還附送兩杯泰式特飲，款式都有很多可供選擇，最後點了芒果和龍眼冰，味道不過不失沒有太大特色，不過十分解渴～…查看更多

游完水好攰，唔想諗食乜嘢，叫咗個$290嘅二人餐，頭盤炸蝦餅，味道一般，炸到好多油。跟住有三揀一嘅湯，佢寫住係邊爐海鮮粉絲，聽個名覺得好正咪嗌囉，呢味餸到嘅時候令到我個人完全冇晒胃口，完全想像唔到係一煲菜瘦肉粉絲加埋一啲海鮮碎嘅嘢😿唔可以叫難食，因為佢係冇咩味道。好健康。炒通菜應該係正常掛，辣辣地，但啲菜好似老老地咁，食兩食唔想再食。跟住配一個炒飯，好似叫招牌滷肉炒飯，冇咩特色可言，飯硬硬地，冇咩特別味道。餐廳另外都冇乜配套，唔會再嚟食嘢。食咗呢一個湯之後就唔想再影相啦。飲品都係一般。…查看更多

星期六，約6點半，冇訂枱，5位，店內不是人山人海爆場那種，等咗10分鐘左右安排入座。因當時全部安外賣中，見咁多外賣，食物味道一定有質素。5人中有2個小朋友，所以叫了一個$290的2人餐，再加生菜包，蒜蓉包，白飯。2人餐：冬蔭公湯炸蝦餅馬拉盞通菜泰式金邊粉特飲2杯整體食物味道：冇任何味，只有「辣」和「好辣」，連平日食辣的工人姐姐也「姐姐不行了」飲品太多冰，冰好似唔駛錢咁。如果比較好食啲就只有炸蝦餅和生菜包的「生菜」很新鮮。服務：自行QR code落單…查看更多

這道泰式濕炒雞肉，雞肉的口感非常嫩滑，搭配上辣椒和香料的味道非常香辣，令人胃口大開。魚露的鮮味也能夠讓整道菜色更加豐富。如店裡wifi網絡可以接收得好些就更加好，因需要用QR CODE點餐。…查看更多

筲箕灣東大街_泰國菜，今日點咗“冬蔭功”有隻滿膏大頭蝦，足料、味道偏甜。“海南雞飯”比較滿意，係鮮雞，有雞味，香、滑、飯有油香。“生菜碎肉包”味道香料配搭適中，有乾葱頭，香葉不足處“有碎骨😬食時要小心。還有串燒，今日試雞肉同猪肉，都算好食，燒烤時間控制得宜，有肉汁又一乾身👍…查看更多

因為同fd係街邊食左d小食，所以只叫左2樣，應該唔好食小食😂fd一直不停講呢間芒果糯米飯好正，我都覺得勁好味❤️芒果又唔酸，又多，份量岩岩好，正👍🏻生蝦都好新鮮，下次一定試埋其他😉…查看更多

星期六晚(17/06/2023）, 叫左生菜包, 首先生菜塊比較細塊, 包唔到D肉碎, 算, 照食, 食食吓, 發現有發保膠粒, 即停, 店內上至伙記, 下至大廚, 個個紋身. 不敢開口換. 不喜勿插. 有相為證. …查看更多

見佢有青咖喱炒飯咁得意，就膽粗粗入去試下啦嚟到其實無炒過嘅，只係撈好晒，一碟過咁上者賣相一般，不過都好香，微辣材料唔多，但係飯嘅分量十足另外有超多人叫海南雞飯，都有叫一碟嚟食，雞夠滑，有咬口，湯又濃郁，係有d鹽無撈好，某d位勁鹹餐飲叫左熱檸蜜，夠晒味，絕無偷功減料…查看更多