玻璃屋

約10年前喺FB見到人介紹佢個 椒鹽雜扒飯，覺得好好食。之後幫襯得唔算密，約兩年一次，幾乎每屆男朋友我都有帶佢哋嚟食，包括我老公。前幾日又嗌咗佢個椒鹽雜扒飯外賣。印象中之前好似唔使75，不過份量依然好大份，我一個人可以分三餐食，所以圍返都唔貴。雖然加價加咗唔少，但係我好欣賞佢會加價而唔係偷工減料，維持返個品質。出邊好多餐廳會因為唔想加價而犧牲質素/份量。之前同男朋友嚟食，都唔會嗌兩個飯，因為知道一定食唔晒，所以會嗌一份佢嘅常餐，多士沙嗲牛嗰啲，味道都唔錯。佢張凳雖然係硬板凳，但係patpat位有少少向內斜，所以坐得好舒服，呢個位我覺得好貼心。平實嘅家庭小店，希望可以繼續做落去。…查看更多

見咁多好評就去試下, 結果貼錢買難受. 🫠首先, 個椒鹽雞扒公仔麵味道不似預期, 啲雞塊食落去口感好淋, 而包住佢啲粉完全唔脆口, 個味道又唔似椒鹽, 成件事很怪, 最後如圖, 食左半碟都冇. 🫣另外就係店員, 我杯奶茶飛左隻昆蟲落去, 佢竟然只係幫我了走佢😂, 之後我叫佢換佢先換, 笑左😂, 同埋個人覺得好淡, 完全冇茶味…平時見到唔少人幫襯, 不過多數係學生, 仲以為真係好食, 我諗唔會再食第二次了.🫣🫣🫣🫣🫣🫣…查看更多

講到人情味小店 原來真係唔少 但不得不提呢間玻璃屋 經過呢間店面望落唔突出 裡面裝修亦係普通茶記裝修 但係佢D飯就一定大大碟招牌「椒鹽雞/豬扒炒飯兜亂」係必食上枱時你會碌大對眼, 因為真係好好好好好大碟, 一對情侶已經夠食, 而且老闆炒得好有獲氣 叫多杯凍檸茶佢仲有無限添飲 呢D就係老闆的人情味 就連我住係屯門的妹妹都要朝聖呢間店, 試過之前叫外賣, 係大盒到個發泡膠飯盒係"屹實" D飯 平時得我一個女人仔食, 我真係要分3餐先食得晒 又係另一間無限encore的人情小店…查看更多

以前成日幫襯，早午餐都唔錯，近排行過食碟椒鹽雞扒飯，依然多蔥多椒絲，大大碟飯加杯凍檸茶，已經食唔晒。個老闆依然親自任加檸茶，街坊生意，頗有特色又抵食，值得支持。整體4/5味道3.5/5服務4/5…查看更多

住係元朗咁多年都冇機會試到呢間玻璃屋，因為佢６點就收工😱趁住今朝仲係街度即刻諗起想試下佢，諗住買外賣返去食早餐都算多選擇， 一個餐40蚊左右但份量出奇地大份真係好抵食雪菜米絲用個大size外賣碗裝住，真係食極都仲有配埋腸仔同火腿奄列大大份蓋過晒個碗好味，咸淡適中另外沙牛麵個碗就細少少，不過份量都算夠，味道都OK，不過就一定唔夠永順咁濃啦菠蘿包唔錯，表皮香脆攞返嚟仲暖至於牛油多士就麻麻地，兩塊麵包夾住勁少牛油，食落好乾又冇乜味聽講午餐d份量仲誇張，又大份又有得任添茶希望再搵到機會一定要再試！…查看更多

下午路過喺元朗教育路，見到玻璃屋，一睇就知係老舖，一向都避免啲集團式茶餐廳，Lunchtime好多學生，見到外賣自帶食品容器可以減4蚊(學生/長者減10蚊!)，我身上又有個飯盒，一於試吓！叫咗京都排骨飯，少飯但係啲餸都裝滿哂個飯盒！排骨多肉少骨，炸過所以keep到肉汁，好軟腍，口味偏甜唔太酸。份量真係超大，食完呢碟飯已經好飽啦…查看更多

「玻璃屋」大大份椒鹽雜扒飯炒底店面姐姐好好禮貌，雖然裝修就比較舊啲，但無損我想食好西的心情。店主小本經營，人手有限，要等姐姐得閒行出嚟先落到單，但姐姐都幾好人，今日我選擇外賣拎走，雖然有少少扣分，但係趕住返去湊仔所以無辦法啦。次次嚟都係必叫呢個椒鹽雜扒飯炒底，上面有大量嘅蔥花，好香！入面有火腿、腸仔、雞扒同埋豬扒，同埋充滿鑊氣既炒飯底，足料至極，而且份量好多，食量如非超乎常人，正常可以分開2餐食，非常抵食呀！炸過既豬扒、雞扒好軟身，最怕太硬嘅扒類。外脆內軟，覺得都算入味，仲配搭埋腸仔火腿，好邪惡，飯面仲有少少辣椒吊味，真係絕配呀！ 而嗰個炒飯底，好乾身，感覺係似用隔夜飯去炒，粒粒分明，每粒都包滿蛋。好欣賞小店嘅服務態度，下次必定會再嚟！…查看更多

☀️🥵今日行經元朗，想食個快飯，路過一間，可以說是，不太起眼的食店，裝潢有點懷舊，類似港式茶餐廳般，但店名並不是乜乜冰室，茶餐廳之類，他叫「玻璃屋」🤩，有點出乎意料啊，忽然聯想起跟童話故事般的意境🔮及其相關的故事🏰🎠店內全是卡位🛋，分別為2人，4人及6人，牆上面貼滿餐牌，典型的懷舊餐廳🍴，樓面只有一位姐姐，廚房就只有一位叔叔👨‍🍳主理，小店經營模式！ 雖然如此，我哋點咗既 ～ 椒鹽雞扒公仔麵、🍍菠蘿雞粒炒飯，都不用等太耐，一會兒，🔥熱騰騰的炒麵炒飯就到枱，份量好大碟啊，CP值高，味道倒也不錯👍🏻。 還奉送咖啡☕️或茶，凍飲🥤只需要加$2，好抵啊🤑這些小店風味，真的是越來越少了🙂。 …查看更多

好耐無寫食評了！今次不得不寫。門面一點也不起眼，入到去似一般舊式茶餐廳格局。店主小本經營，人手有限，入到去座底要等姐姐出嚟先落到單。但意想不到姐姐都幾好人，街坊小店服務的確不同，有街坊入嚟叫外賣，叔叔叫人客坐係到等得啦！👍我一坐低，諗都唔諗，好快就落咗個招牌飯 “雜扒飯炒底”，凍檸茶。等咗幾分鐘，一碟鍋氣十足嘅炒飯送上，分量大得嚇人，兩個女人食一碟飯都夠呀！炸過既豬扒雞扒好軟身，外脆內軟，不會太咸，仲配搭埋腸仔火腿，好邪惡，飯面灑滿蔥花及少許辣椒，一絕配😋 ，最正係個炒飯底，真係好似用隔夜飯去炒架！一粒粒架😍好好味。叔叔仲好好人主動幫我refill 凍茶，而加無乜茶餐廳會仼fill 。好欣賞小店呀姐呀叔服務，下次必定會再黎…查看更多

距離上班時間 倘有一個多小時立即搜尋附近餐廳享受一個慢活早餐 再回公司扮工沒想到竟然找到這間 充滿人情味的茶餐廳餐廳舖位偏細 有幾張卡位早上時份 只有叔叔 獨力在樓面、廚房一腳踢一份$34的早餐C這個價錢竟然有碎上的豬扒而且份量大 到下午 也未開始餓跟餐熱奶茶 用了凍飲杯裝住 比平時的熱飲大杯 是茶濃的那種👍🏻老實說 食物質素 不是特別出色令我寫這篇食評的原因是來自叔叔的人情味剛剛提到 只有叔叔一人主理但他仍能留意及滿足到食客的需要 用餐途中 我被冷氣、風扇吹得有點冷自己穿上冷衫 繼續享受早餐而叔叔則叫風扇附近的食客 幫忙關風扇我們之間 沒有交流 叔叔卻默默的幫忙了試想一下 有幾多間茶餐廳有這般的人情味？當下真的買少見少 要好好珍惜呀 香港人💪🏻💪🏻餐牌如下：…查看更多

店面簡漏,完全係冰室風格,銀底紅字既招牌十分搶眼,而且店面姐姐好好禮貌椒鹽什扒飯炒底火腿,腸仔,雞扒,豬扒右止充滿鑊氣既炒飯底,而且份量好多,正常可以分開2餐食,非常抵…查看更多

我們一家四口，諗住叫兩碟椒鹽雜扒飯，跟兩杯飲品，沒想到他們還主動送給一杯凍檸檬及一杯凍利賓納，檸檬茶還有得添飲！服務冇得頂！真心他們炒的飯我們一家四口真的食不下兩碟，因為這碟飯真的太多餸，本人也覺得很浪費，此小店給我的感覺真的沒有其他餐廳一般，沒想到令我們感覺真的賓至如歸。我想也沒想給了150元，他還追出來找錢給我。希望大家繼續支持如此有良心的小店，雖然餐廳比較落伍但他們是很用心去照顧每一位客人。…查看更多

今日約左個兼職同事食晏，佢介紹呢間玻璃屋，自問元朗嘅食肆都食唔少，但呢間玻璃屋我真係未食過，聽個名都估唔到，呢間係茶記12點半左右到，疫情關係，兩人一枱。間野都唔多人，我叫左椒鹽豬扒飯炒底，朋友叫左椒鹽雞扒飯西炒飯底其實餐牌好多款揀，自由搭配得架喇朋友叫嘅椒鹽雞扒飯西炒飯底，份量就好誇張，朋友話大份係呢間野特色黎，佢以前中學已經喺度食我食左啖，炒飯唔濕，炒得好乾身，粒粒飯都有色水，好均勻茄汁味剛剛好我碟豬扒飯炒底，都係份量好大，其實一碟飯，兩個人食都夠飽啲蔥好多，好香，炒飯底一啲都唔馬虎大發現係呢度凍檸茶係任fill，係得凍檸茶嘅啫，最緊要係好飲，又唔會太甜，茶味又夠…查看更多

「玻璃屋」這個名字讓你聯想到什麼？是充滿文藝氣息的文青Cafe，還是佈置浪漫的婚禮場地？偏偏「玻璃屋」的真身卻與文藝或浪漫無關。此乃正宗的「佬飯」餐廳是也！「佬飯」，本土獨有的名字，宗旨是簡單，只用飯匙的飯食，又稱「碟頭飯」。住在元朗的人士對這間「玻璃屋」毫不陌生，它是我中學時代的回憶，想不到已工作多年，還是有機會來這間餐廳吃午飯。玻璃屋的裝潢是傳統港式茶餐廳的韻味，一桌一椅都充滿歲月的痕跡。華麗欠奉，最重要乾淨企理餐牌設計也很簡單，食品款式不多，幾乎也不用想，每桌都必叫招牌飯：椒鹽雜扒飯這裏的碟頭飯特點是用炒飯底，飯粒分明，夠乾身，夠鑊氣。現在也很少餐廳會提供「炒底」的碟頭飯，因為「碟頭飯」的精髓在於快、簡單！雜扒飯餐的肉類，包括豬扒、雞扒、火腿、廚師腸，夾雜蛋絲，分量驚人，幾乎每一啖都吃到肉類，甚至你會覺得肉比飯還要多。基本上一個人一定吃不完一碟飯，除非你的工作屬於體力勞動型，需要大量糧食補給蔥粒、蒜粒、紅辣椒粒交錯，紅紅綠綠惹人口水直流不得不介紹買此店的檸檬茶，茶底香濃，是香港著名品牌「立頓」的茶香，檸檬份量亦是一貫地多。凍檸茶是港式茶餐廳的精髓，一杯好的凍檸茶可是餐廳的標記由於是二人食，為免一飯兩個人分吃太寒酸，便多點了餐廳的「常餐」（「常餐」是指全日供應的菜色，通常和早餐差不多）是日的常餐為沙嗲牛肉公仔麵，配午餐肉、腸仔、炒蛋，小方包。沙嗲牛肉麵亦很惹味，但始終不是此店的招牌菜式，在元朗有另一家吃沙嗲牛肉麵較為出名，此處便略過不談。…查看更多

玻璃透明易碎，但為何「玻璃屋」不一樣！每逢假期，兩餐的歸宿是外賣。印象中「玻璃屋」的主打是煎炸物與粉麵飯結合的碟頭飯，餓腸轆轆，正是需要「佬飯」的慰藉！從「食物黑白貓」接過外賣來，為何背心袋格外沉甸甸，心想可能是太餓，連氣力也欠奉！誰知打開發泡膠盒，幾乎連盒蓋也頂滿的份量，真的叫我們吃驚！椒鹽雜扒飯 HK$68 （連飲品) 仿如一頭被彩炮散落的亂髮，碎碎的紅綠黃白很歡樂與狂野，同時亂髮亦透出一股誘人的酥香。彩炮是椒鹽 —「玻璃屋」的名物，由蔥花、辣椒及蒜蓉組成。雜扒則有香腸、火腿、豬扒和雞扒，份量相當鼎盛，加上密不透光的飯底，估計要再度發育才能成功征服它！豬扒和雞扒大致很軟腍，醃味也足，可是蔥花、辣椒、蒜蓉和椒鹽提供的惹味度，未算足夠！若然要平均超多的飯量來享用的話，惹味度將再大幅下降，真的會感到異常乏味。卒之，結果如預期，未能清掉，將白飯留待平日自煮時翻熱食用，不會浪費！我不懷疑「玻璃屋」椒鹽的惹味度，不過提議「食物黑白貓」餐牌增設跟堂食一樣的炒底選項，讓「玻璃屋」椒鹽的特性可全面發揮出來 ！平日不太吃炒的粉麵飯，為了一試「玻璃屋」的鑊氣，於是要來了乾炒豬扒烏冬 HK$70（連飲品)  。份量方面也不例外，幾乎要滿瀉的狀況！看將豬扒撥到盒蓋，烏冬被鬆開後的畫面，光烏冬的份量足以填滿一個發泡膠盒，相信足夠讓我分四餐享用！豬扒也軟腍味豐，大概推斷至少有一塊半豬豬扒的用量。至於烏冬，上色的效果似乎不太理想，入口不管乾炒最重要的豉油香，或是鹹甜的豉油味道，甚而獲氣均未能打動味蕾，而且底部明顯積聚了一層厚油，跟預期的落差頗大，真的有點失望，或許我點得不對！在維基搜索，得知玻璃是無定形體！無定形體這個名詞專業，涉及固體、晶體及其他化學物體，看得我一頭冒水。但無定形體直接讓我聯想到水，水可以隨著環境改變形態、既能載舟、亦能覆舟、瞬間匯聚、快速解散、收放自如，總之大家記得 Be Water！記得極度饑餓之時，請流向元朗的「玻璃屋」，定能滿足不同的大胃王。＊以上價格是「食物黑白貓」提供的售價，跟店舖的售價不一樣！…查看更多