玖子茶 (新都城中心二期)

🍽️ 超值又美味的星馬風味體驗！👍今次喺將軍澳分店試咗幾款招牌菜，真係有驚喜！✨招牌星馬雞配油飯，雞肉嫩滑入味，油飯香氣十足，配上清甜椰子雞湯，味道層次豐富🍗🍚。班蘭咖啡多士外脆內軟，咖啡同班蘭香味配合得剛剛好，作為小食一流☕🍞。招牌肉骨茶藥材味濃郁但唔會過苦，配上白飯真係暖胃又滿足🍖🍲。最驚喜係檳榔咖喱薯仔牛肋條，咖喱香濃微辣，牛肋條炆得軟腍入味，薯仔吸盡精華，撈飯食簡直一流🥘😋！飲品方面，爽爆檸檬茶凍少冰，清新解膩，甜度可以自選，好貼心🍋❄️。全單$258，價錢合理，份量足夠2-3人分享。員工服務態度友善，餐廳環境乾淨舒適，適合朋友聚餐或家庭食飯👨👩👧👦。一定會再嚟幫襯，推薦俾鍾意星馬菜嘅朋友！🌟…查看更多

屋企附近新開左一排既星馬菜餐廳,放假同細佬去試下岩唔岩食。星期六既午市時間去係需要排隊,大概5-10分鐘左右有位。叫得星馬菜餐廳,香茅類既菜式有好多。不過今次想試左星馬雞飯,即海南雞飯先。跟餐可以揀雞湯/肉骨茶,我就揀左肉骨茶,另外叫左一份咖央多士。不出意外,咖央多士係最先送黎,味道就係平常食到既咖央多士,好味但唔特別。無骨既海南雞就係正!雖然係雞胸,都唔會太柴口,配合3種醬汁同油飯一齊食,都幾好食。我會鍾意沾黑豉油多D,甜甜地。反而跟餐既個碗肉骨茶幾好味,藥材同香料味都好足,但又唔會太濃烈,排骨既肉又香,係油左少少,不過係好食既!整體黎講,以依個價錢食到既海南雞飯算係好食,但同咖央多士一樣,真係無乜特別。肉骨茶反而係高光,不過跟餐就細碗D,下次再食應該會試下香芽豬扒飯/喇沙。招牌星馬雞飯(配迷你肉骨茶) $68咖央多士 $26…查看更多

門面的「大排檔」油畫反映出店子的演變，亦不忘昔日的面貎。店子環境光猛，整齊企理，有闊落嘅卡座，坐得舒適。餐牌清晰，分別有數款晚巿小炒、晚巿二人餐、飲品及特飲。我哋兩個人就揀咗晚巿二人餐($199)，共有四道菜式，配兩碗白飯和兩杯熱飲，好抵呀!砂煲藥膳牛肋肉 超熱上枱，出晒煙，正! 湯汁濃郁，藥材味道溫和，牛肋肉燉得軟爛入味，還加配了爽口嘅針菇、非常入味嘅豆卜，又豐富又暖身滋補。酸汁檸檬海鱸魚 需時制作，很有風味，感覺清新。酸汁好開胃，海鱸魚鮮味滑嫩，搭配檸檬和蔥油，很不錯！芝麻蝦多士 即點即制，熱辣辣，賣相好吸引。外層金黃香脆，蝦膠彈牙，芝麻增添甘香，再點啲千島醬，令人忍唔到口！藥膳浸菜 都幾特別，菜心翠綠爽嫩，清甜中帶有淡淡藥材香。 百香果綠茶 少甜恰好，果香與茶味平衡，酸酸甜甜幾開胃。熱檸檬茶 茶底濃，酸酸地，飯後消滯一流。…查看更多

去開將軍澳新都城中心行街，見二期嗰邊新開咗間馬拉菜餐廳，又入去試下～📌香茅豬頸肉咖喱飯豬頸肉脂香豐富，帶有嚼勁，香茅的清香與濃郁咖喱完美融合。咖喱醬汁濃稠，微辣開胃。📌砂煲海南椰子雞湯湯底以椰子水與雞骨熬煮，清甜中帶有椰香，雞肉滑嫩，湯頭溫潤滋補。📌芝麻蝦多士蝦膠厚實彈牙，外層炸得酥脆，撒上芝麻增添香氣，不會過於油膩。📌串燒雞肉醃料入味，帶有炭火香氣，肉質鮮嫩。📌椰香紅豆冰椰香濃郁，紅豆煮得綿密，可以選擇少甜。📌柚子蜜柚子香氣自然，酸甜平衡。既可解渴，也能中和油膩感。…查看更多

喺新都城$199晚市二人餐有齊四道菜真心抵，仲要唔係求其上碟嘅頹飯😍滷水拼盤擺到成座山咁高，鵝片嫩過BB皮膚，豬耳朵爽到彈牙，個滷水汁仲香噴噴😋馬拉燜倉魚用足料馬拉盞，魚肉吸盡精華，鋪滿肉碎同豆角燜煮，魚肉每絲都滲透南洋風味，微辣鹹香超送飯！串燒牛肉即燒即上，炭火香撲鼻，肉汁鎖到實一實～藥膳浸菜清甜得嚟帶淡淡當歸香，食完成個人都暖笠笠！人均$100有找食到咁高質，仲要坐得舒服，餐廳裝修又有特色…查看更多

見到新都城呢間茶室新開，同埋店舖都好多客人，就心思思去食吓。原來二人晚餐，只需要$199，而且選擇亦都好多，又有兩個主菜，兩個小食，兩杯嘢飲，兩碗白飯。性價比真的是超高。主菜一，揀咗霸王雞。雞的份量比想像中多，而且薑蔥蒜亦都好入味，整體感覺不錯。主菜二，檸檬汁蒸鱸魚，呢碟蒸魚見好多人都嗌，所以都想試吓。食落去條魚好滑，而且酸酸地又入味。好好送飯。小食叫咗牛肉串燒同埋咖央多士，味道都非常唔錯。飲品方面佢都好多類型可以選擇，今次叫咗兩杯美祿👍🏻這間茶室整體性價比很高，美味又飽肚👍🏻…查看更多

今日諗住係新都城試新嘢～玖子茶，見佢餐牌賣相都唔錯，所以就決定食呢間 ，諗住叫個蝦多士～點知一口咬落去 全口都係油 用手一 撳 仲撳到勁油出嚟。。。其他嘢食 配飯 真係都比較清淡 椰子雞份量唔多 得幾舊。。。豬頸肉炒四季豆 好似烚出嚟咁，鯖魚正常只不過畀咗個酸辣汁我見樓面已經 問隔離枱兩位啲嘢食要唔要兩位話未食完 隔咗幾分鐘就問我哋碟上嘢食未食曬， 樓面已經有人吹收枱三人叫完餐到停一下筷子半個鐘左右就已經出聲收我哋啲餐 。。。望望門口無人等…… 飲品都未飲完我哋就走仲聽到隔離枱位小姐大叫個雞凍嘅 點食呀叫人點會有下次呢。。。…查看更多

Felt like a hearty & warm dinner while we are facing this sinister winter. This hot sizzling claypot braised beef and eggplants with holy basil gave me strength. Beef was hugely sliced, eggplants were succulent, underneath them were bean sprouts, assorted mushrooms, capsicums, and holy basil scented sauce to go with a steaming bowl of rice. Cucumber salad was fully dressed in a gingery garlicky spicy sauce, every bite cheered me up. Pork collar was served in thick cut and came with Thai sweet chili sauce. Iced Malay milk tea was a much needed quencher. Seats were very spacious; dinner sets were reasonably priced; interior was extra brightly lit. …查看更多

已叫過2次外賣平台外賣，2次都選了喇沙。第1次餐廳送錯清湯，當時並沒有反映，以為是個別事件。第2次打算比多次機會，想嘗試喇沙，結果都是送錯餐。忍不住向餐廳反映，要求申請退款，餐廳同事態度欠佳，直指配菜是對的，個餐74蚊，只能退3蚊湯底。呢間餐廳簡直離譜，清湯同喇沙湯的分別係成個食物嘅分別，唔係清湯同個湯辣唔辣嘅分別，仲要唔止一次，利申未試過堂食，但餐廳態度我相信堂食嘅體驗唔會好得去邊，建議大家唔使去食。…查看更多

晚市雙人餐食評：星馬風味大滿足昨晚同朋友試咗呢間餐廳嘅晚市2人餐，只需$199，性價比超高！招牌星馬雞（例牌）係亮點，雞肉嫩滑入味，星馬咖哩香辣濃郁，配飯一流，食得出正宗風味。蝦醬豆卜蒸豬頸肉新鮮彈牙，豬頸肉蒸得軟腍，蝦醬鹹香撲鼻，豆卜吸滿汁水，簡單卻回味無窮。甜品部份，鮮油咖哩多士（4件）脆口誘人，咖哩醬濃郁不膩；芝麻蝦多士外脆內嫩，蝦仁彈牙，芝麻香氣四溢，絕對係下酒神器。椰香紅豆冰清涼解渴，紅豆軟糯，椰奶香濃，少冰剛好唔會太甜；龍鳳檸樂酸甜開胃，檸檬味鮮活，配餐完美。整體嚟講，菜式多樣，融合星馬元素，份量足夠兩人飽足。環境舒適，服務親切，適合約會或小聚。下次一定再嚟！…查看更多

同朋友去咗將軍澳新都城中心二期新開嘅玖子茶坐低食飯～😆 青衣同荃灣都有分店，今次專登嚟試吓佢哋嘅馬拉菜！ 價錢真係好抵食，仲要超級高質，環境夠大，座位又闊落，坐得幾舒服👍 〰️〰️〰️〰️〰️〰️〰️〰️〰️ 🍖 砂煲招牌肉骨茶（配白飯）$66 熱辣辣用砂煲上，藥材味好出，飲落好暖胃～排骨煮到好淋，一啖肉一啖湯，再撈埋白飯真係冇得頂！😋 🍚 招牌星馬雞飯（配時令雞湯）$65 雞油飯香噴噴，雞肉滑溜得嚟唔會韌，仲有嗰三色醬汁點吓點吓，好有南洋風味～旁邊碗雞湯都唔馬虎，清甜得嚟無味精感～ 🍞 金磚西多士配三隻燒雞翼 $39 西多士炸到金黃色，外脆內軟，加埋牛油同果醬好好食～燒雞翼香口惹味，醃得夠入味，咬落去仲有肉汁㗎！ 🥤 椰香紅豆冰 +$6 紅豆煮得啱啱好，椰奶味好香，甜度適中，飲完成個人都涼爽晒～❄️ 🥤 龍鳳檸樂 +$6 鹹檸檬加新鮮檸檬，撞埋可樂好解渴，飲完成個人醒神返！😎 ☕️ 美綠-熱 熱飲免費送，美綠香濃順口，凍飲先加$3，特飲+$6，真係好抵～ …查看更多

 第一次去食 見到一位員工 對其他員工好冇禮貌唔知係唔係老細嚟 但係嗰次水準都ok 所以畀多次機會佢 呢兩日去食嗌咗個豬扒麵個麵煮到淋pat pat 連麵都唔識煮 唔知請咗啲咩廚師 下次唔會去食…查看更多

叫咗一個蔥油豬扒飯，同埋一個黑豉油肉燥脆雞扒飯。等餐等咗超過半個鐘，食到成肚氣。蔥油豬扒飯都好難唔好食，但係，蔥油有油膱味，黑豉油肉燥，即係肉燥，冇乜味。難食。大陸人經營，不會再食。…查看更多

大伏‼️😡見新開就試吓滿心歡喜以為有拉茶飲但杯茶一到就覺得似普通奶茶飲咗一啖發現！真係！但睇返落單又無錯呀忍唔住問侍應，竟然話佢哋嘅奶茶係咁，即係普通港式奶茶無誤😨😨如果落單顯示係「奶茶」而唔係「拉茶」呢個選擇係無問題的，但最大問題係貨不對辦至於其他食物……試完呢次後，我就應該唔會再幫襯蝦多士 個包油浸咁招牌雞飯 油飯真係油㗎喎椰子雞湯 唔知佢想煲糖水定湯，甜到入唔到口馬拉盞四季豆炒豬頸肉 只有九層塔同辣味 …查看更多

蔥油豬排飯d 豬排好硬。咖喱炸雞飯d 咖哩好甜，炸雞亦唔熟。最攪笑係張枱已經唔大,將個落單code 放埋一邊，個樓面話唔可以擺埋，會阻住佢做野。然後望下我個位，大大隻寫住枱號。要個code 黎做咩？黑人問號。無興趣再食第2次。…查看更多