王牌冰廳 (燒味世家)

星期六要一早去拎護照，難得早起身又落左街，拎完梗係食埋個早餐先返歸。原本想去Table的，但排哂長龍咁，屋企人唔鍾意等，於是周圍搵，經過呢間王牌冰廳，見唔太多人等就攞咗飛，好好彩咁等左唔夠五分鐘就有位了。好少出黎食早餐，清清地叫左火腿通粉配煎雙蛋同牛油多士，飲凍檸茶。火腿通都幾好食，火腿都算多，通粉軟硬適中，個湯佢餐牌寫係金寶忌廉雞湯，唔識分，但味道唔錯。杯凍檸茶係我鍾意嘅味道，夠凍，夠甜，有檸檬味👍🏼。屋企人叫左沙嗲牛肉麵同熱奶茶，佢話兩樣都ok。食品OK，但環境就有啲迫，要搭枱，好耐未試過了。唔坐得耐，對手唔可以放低，碗通粉都未食完就差啲俾阿姐收走，好彩叫得住同埋冇插到啲手指落去。…查看更多

每次黎食都好多人老實講入面環境認真麻麻 空間好細 又逼 堂食多數都要等位同搭枱不過每次見其他人叫既食物份量都好大碟黎到必食佢既叉燒！肥瘦均勻 放入口係好鬆軟配埋帶蜜糖既瑞士汁真係好正，完全入哂每件叉燒既肉入面叉燒既濃邊係亮點 唔會柴瀨粉好重胡椒粉味 正常發揮 大碗到食唔哂56蚊有交易 一定會再食…查看更多

晏晝諗唔倒食咩，咁啱行過見倒間茶餐廳，諗都唔諗就入左去我同朋友都唔太肚餓，所以叫左份西多士$30同埋鹹牛肉雞蛋三文治$24西多士有好大塊牛油喺上面，糖漿係另上，可以隨意控制份量，唔會淋晒喺上面搞到好甜，入面嘅花生醬唔會太漿口，仲有一粒粒嘅花生，好有咬口，整體感覺好balance鹹牛肉雞蛋三文治，麵包好軟熟仲切埋皮，鹹牛肉調味恰到好處，雞蛋亦唔會炒到好油膩，食落去好新鮮埋單都係$54, 如果晏晝唔想食咁飽，平平地都有選擇…查看更多

今日同同事黎到將軍澳王牌茶餐廳，聽說 這裏嘅燒味飯很地道風味！ 一入到去送兩碗湯先， 啲湯每日都有湯送的，我叫左五寶飯豐富，每款餸都各有特色燒味，入口時咸甜交錯，令人一口接一口， 果然好食XO醬蝦仁炒蛋火候剛剛好，蛋好滑而不過油，蝦仁爽口彈牙，帶來一絲微辣與濃郁海鮮香。至於凍檸茶，小冰小甜，茶香依然濃郁，檸檬清香恰到好處，飯後 飲一杯檸檬茶一啖透心涼 這餐飯真的不錯 ， 也不算貴 ， 尚算合理值得推介！🍚🍤🍳🍋✨…查看更多

很久沒有到這店，這是完全不愉快經驗，下午茶時段堂食食客不多，我們堂食點餐先，熟客遲15分鐘入場點餐， 5分鐘內有嘢飲，追問店員有沒有漏單？為什麼遲來已經有嘢飲？我們還沒有？答案係佢哋叫燒味部嘢食，所以有嘢食先，但明明餐飲與燒味部無關。最令人激氣是，我們與熟客都是點西多士，居然店員把西多士給熟客先，我們等了20分鐘也沒有東西吃，即時同店員講，他嘅回應係他們還有40幾個外賣單，我反問有外賣單為什麼同樣係堂食叫同樣嘅食物，遲叫嘅會上菜先？佢解釋唔到。結果我們足足等了30分鐘才有嘢食和飲。總之，感覺這餐廳只優先熟客，不是熟客的話，就只好等，完全不公平對待，沒有下次（熟客除外）。…查看更多

【西貢區】【王牌冰廳】本身同美女朋友喺將軍澳嗰邊想食一間茶記，點知嗰間嘢要排隊，非常誇張。所以話餐廳有心做、做得好嘅話，一樣可以門庭若市。然後佢話另一間都 okay 可以一戰，咁就一齊過去啦。呢間都幾多人食喎，不過攝吓攝吓都有位，唔使排隊，咁就坐低食啦。美女朋友食 $60 嘅「金牌燒鵝瀨粉」，加 $4 飲「熱檸水」，佢就話 okay，我食落就冇乜感覺，只係好一般水準嘅燒鵝。不過佢哋有個優點就係啲燒鵝會分開上，唔會畀啲湯浸住咁樣。同埋咁啱師傅嘅部位都幾多肉，所以喺份量上，我就覺得都幾足夠嘅。而我就食「越撈越掂」系列裏面 $56 嘅「蔥油豬扒撈公仔麵」，本身我就唔係太想食豬扒嘅，不過美女朋友話想試吓我就叫呢個啦。食落就真係好一般㗎啫，唔使特別去試。我加 $4 飲「熱檸茶」，合理茶記水準，最後埋單 $124，算係一個好正常嘅港式價錢。。。（地址：將軍澳唐德街9號將軍澳中心B1樓B09號舖）…查看更多

之前堂食過，這次想點外賣，點知出錯餐，致電商家回覆態度惡劣，申請了退款，但是商家還拒絕退款。實在是一個無賴商家。提醒各位街坊顧客注意。以後多幫襯誠信經營的食肆。…查看更多

新年時節，外買燒味飯，卑完錢先知新年時段要加一。但都算啦，外賣個切雞飯，d切雞切到luck皮luck骨！真係差呀！幫親一次,下次都唔會幫親，地點又唔就腳。N年前都幫親過d燒味加料，都ok既，但偏貴。今次個切雞真係.......差勁！…查看更多

星期日中午週圍都好多人，見到附近呢間王牌冰廳 (燒味世家)有位，一於試下有幾好食先！地方就比較細，座位唔多，不過整體乾淨整潔。點完餐店員就奉上例湯兩碗，湯夠熱，湯頭清甜，飲落似無味精，還顧店內客人，較多人點選燒味享用。我點了燒鵝五寶飯和生爆香蔥豬扒煎蛋飯。燒鵝五寶飯金牌燒鵝無乜肉，只有一層咬不動的薄皮連著骨，一啲肉都冇，基本上淨係得骨同埋皮，真係骨多肉少。燒腩仔肥瘦均勻皮又脆，不過啲雞就唔得，雞胸部分較多，有點鞋， 附送的蔥油好味，但是太少，叉燒質素味道就不差。生爆香蔥豬扒煎蛋飯另外叫左個生爆香蔥豬扒煎蛋飯感覺幾好，豬扒底和面煎出來都相當吸引令到食指大動，豬扒非常大而厚，伴碟有麻醬沙律菜，賣相好。總的來說，這家價格還算合理，服務也不錯，只係空間太小，顧客坐得太近，食物的味道普遍可以接受。燒味質數不錯，唯一是有時候燒鵝比較瘦，根本沒肉，只有皮和骨，對我來說沒有任何驚喜。…查看更多

王牌冰廳 ，位於將軍澳唐德街9號將軍澳中心B1樓B09號舖。 星期日中午週圍都好多人， 三點幾想搵間下午茶食， 就入咗王牌冰廳， 但入到去原來假日沒有下午茶的🤣。 我們點了自家XO醬滑蛋蝦仁飯$58、 金牌沙爹牛肉米 配香腸、火腿、牛乳炒滑蛋和厚多士$55、 凍咖啡$6、茶走。 🔸例湯 ～ 一坐低就送上例湯， 熱辣辣暖胃。 🔸自家XO醬滑蛋蝦仁飯$58 ～ 爽口大隻的蝦， 軟滑的蛋，拌飯好好味。 🔸金牌沙爹牛肉米配香腸、火腿、牛乳炒滑蛋和厚多士$55 ～ 香濃的沙爹牛肉， 湯底不會蓋過米粉，賣相不錯，另外有香腸、火腿、牛乳炒滑蛋和多士， 份量豐富。 🔸凍咖啡$6 ～ 咖啡味道正常。🔸茶走 ～ 茶走如果多點煉奶會更好飲。 份量多，很飽的一餐。 🏷️溫馨提示～ 整個用餐體驗均屬個人分享意見， 只作參考😊。 …查看更多

－兩年前我已經食過兩次，兩次嘅燒味飯嘅味道都很好。今天突然想起這間餐廳，去之前打開OpenRice望吓評論，見到有些人這間餐廳嘅燒味唔好食。我也猶豫了一陣去唔去這間餐廳。今天我叫了叉燒燒肉飯加鹹蛋味道很好食。不像評論說的這麼差。推薦這間用心做燒味的餐廳。…查看更多

Lunch 去左將軍澳中心食燒味飯，叫左個叉燒油雞瀨，$60連例湯喺將軍澳中心嚟講，都算幾抵食午市時段都幾多人，要等一陣先入到叉燒油雞瀨粉$60午市套餐大概$60-$70左右連例湯，餐飲要另外加錢個例湯大大碗、清清地，都幾好飲叉燒油雞雙拼個份量都幾Ok，每樣都有成六塊左右叉燒幾鬆化唔會鞋口，叉燒汁甜甜地幾好送飯油雞都幾滑嫩，又唔多骨，質素幾好另外加左隻咸蛋就正常貨式喇唔想食飯仲可以轉米粉同埋瀨粉，不過個瀨粉麻麻哋，好硬身…查看更多

以前是街坊 腦海留有昔日美味回憶。今天專程去食個燒味飯，沒有想到失望到一個點。本來沒有想過寫食評，但最後真係食唔到D燒肉同叉燒😓服務員也幫不了忙，掛住同D街坊打牙教🙄叫了一個5寶飯，看見時已經沉一沉，只見燒肉和叉燒賣樣都「白晒晒」「實的的」一睇就知「諧霎霎」，雞仲要無肉嘅雞翼尖加雞轉彎。想像中嘅燒腩仔係似隔夜燒肉，個皮係淋嘅，咬落去啲肉質似隔夜的。當然叉燒也不例外，硬到根本吞唔到。呢個叉燒佬真係好唔掂，成碗嘢大半係食唔到完全冇諗過客人感受！值得讚的是個例湯，蟲草花雞腳湯，足料。加飲品（熱）需要加$4，其實可以慳返專心飲湯👍🏽 午餐需要$82，但就食到一肚氣。…查看更多

位於將軍澳中心地舖嘅燒味舖: 王牌冰廳呢間燒味舖係我經常都會Encore!每次必嗌雙拼飯: 燒鵝髀, 油雞, 燒腩仔, 叉燒 飯燒鵝髀: 啖啖肉 唔會太多肥膏 超多肉汁! 好Juicy 燒鵝髀皮有燒鵝油香 一個字 - 正!叉燒: 半肥瘦 肉嫩 唔會乾唔會鞋燒腩仔: 皮卜卜脆 腩仔肥瘦適中油雞: 正常操作 雞肉嫩滑 雞肉熟度剛剛好 冇碎骨 配埋薑蔥蓉超好味每一樣燒味都好出色~贊！佢嘅白飯粒粒分明 加埋豉油 淨食飯都好味仲會有碗中湯飲 一啖飯一啖湯 好滿足…查看更多

之前都有買過呢度外賣燒味，加上朋友讚過叉燒好食，見有款下午茶餐蜜糖叉燒豬仔包幾特別就入去試下啦。今日初三下午茶時間都多人，要搭枱，但原來今日冇下午茶餐，由於一心入嚟試個包，於是散叫一客。等待送餐時人潮開始散去，我就問准後由4人枱轉到2人枱了。食物送到，賣相似餐廳的漢堡包，有支籤拮住，件叉燒都有啲厚度。因為見D蜜糖都豐富，我又唔想食完成手蜜糖，就唯有扮下高貴用刀叉吧。未落刀前都擔心切落去D料吱晒出嚟，但一切落包，好鬆軟，好輕鬆地去到叉燒，雖然有厚度但冇難道好快落到生菜蕃茄同底層包，反而包底要用有少少力至切開。第一次食呢個配搭，估唔到咁夾，叉燒好juicy又林(美中不足其中一口有DD筋)加上蜜糖...yummmy…查看更多