王子私房菜

估唔到小笼包几好味！陪阿妈入嚟探阿姨，行过见呢间个样唔错就入左！ 3个人叫左几个点心，可以坐得舒舒服服等阿妈同阿姨倾下计👍最估唔到系个小笼包，呢度唔系食上海野，但小笼包皮薄又多汁，绝对唔差，系会想再去食😆👍仲有个天下第一包，本身唔知系咩，但睇个名应该系招牌，睇埋英名就知系叉烧包，就叫来试下系味真系天一第一🤨卖相一拎过来个时好吸睛，拎上手仲好够热，叉烧馅好香，唔肥唔瘦刚刚好，好味好味！ 其他点心就不过不失，正正常常。呢间野第一次食，search Openrice原来都有分店，下次经过都会试下d 小菜…查看更多

事隔1年半，长辈要求下食反王子私房菜，所以提早到星期订位，一行大细有13人，9位大人，4位小朋友，食后感简直毁灭曾经既印象，水准断崖式下降，大失所望。首先系座位安排：早一个星期同经理讲座14个位，而经理系电话亦都亲口应承会安排大啲嘅台但系当日经理安排咗6人位畀我哋，开口问经理两次有无大啲既枱，佢先同我讲话有，依家换畀你。下？即系有大枱但唔系比一早打电话book左位既人？问号……不过，最令人失望既食物分别系：1. 招牌黑毛猪叉烧：嗌左2碟，色泽暗啡，食落嘅口感韧之余，完全无松化既感觉，味道由内到外死咸，蜜糖系后加上去，成个感觉就好似，街边买叉烧摆咗一晚，整返熟佢就咁加啲蜜糖。2. 烧腩仔：一上菜颜色已经唔对路，焦黑色偏多，大人同小朋友分别夹两边，但小朋友果边咬咗一啖即刻𖧲返出嚟咗，部份有甚至系有酸臭，酸叔嘅味道，应该系唔同嘅烧腩仔拼凑而成。同经理反映，经理表示系猪骚味。换𠮶一碟比我哋，而新嘅一碟就冇以上嘅情况，颜色亦都系金黄色嘅色泽，冇酸臭味亦都冇酸宿嘅味道。3. 小笼包：一般嘅小笼包，肉汁系鲜甜，同埋馅，系应该有肉香味，皮薄馅靓嘅感觉，要食既系食材既原汁原味。但今次小笼包，一上菜，重系出紧蒸气果时，夹左一个来食，虽然佢嘅皮都好薄，但系馅到绝对唔系一个靓馅，因为食落第一，肉汁，系偏咸，第二，咬落肉果到，系死感，肉质松散，可以话系重口味，食完一个要饮反好多茶先解到咸。4. 虾饺：最平常不过既虾饺，夹落去肉同虾系分开松散，虾肉唔爽，皮无弹性，痴底，一般茶楼既水准之下。5. 流心奶黄包：死甜，唔流心，无香味。 其他平常不过既点心，只能够话系中等偏下，家中既长辈们食完摇哂头，经理出来打完场，话体谅下，比多次机会佢地，um.... 但我谂应该唔会再去，埋单2000蚊，如果相同既价钱，宁愿系普通茶楼食，平过佢之余，食物既质素同水准虽然称唔上好好，但都一定比佢好…………定系而家普遍既质素都大为下降？？？…查看更多

入座计90分钟，12点入座，1点3就叫你埋左已单先。1点半就话够钟。但我哋食得太慢挂住倾计。所以最后要拎走。最好就一次过叫晒。一加单就未必赶得切90分钟食晒。味道唔错的。我哋5个人饮左1200叫左12样食物包埋茶位小食。有个女服务员几好。系有个男部长之类嘅物体成日大叫指挥有啲吓人。如果你想单人慢慢饮慢慢倾呢到唔适合，但如你纯粹食晏，咁可以选择呢到。必食九肚鱼肠粉不过不失。炸蚝饼唔系一块块的，请留意。箩白糕都几好。烧卖够大粒。芝麻煎堆流心好正。福建炒饭都够汁。…查看更多

两个人大食叫左8个点心😂点心食得出比一般酒楼高质👍最钟意公主烧卖，弹牙好香虾味，软糯唔霉👍个名好搞笑，仲有一个叫王子虾饺百花酿鱼肚同样average 以上质素，灌汤饺大只，饺入面都有汤汁，正！XO萝卜糕唔会净系食粉咁，足腊味有口感好香，煎肠粉好干身唔油腻，排骨芥菜汤饮又真系好似menu 咁写无味精，难得！好多话冇味精都系有，呢个饮完一啲都冇颈渴👏🏻下次都有兴趣试下佢dinner 叫𩠌食饭👌🏻👌🏻👌🏻…查看更多

今日特登去元朗同屋企人饮茶，好彩一早订左位，周围都好多人。叫左6样嘢，虽然卖相普通，不过胜在味道不错，值得一试！叫左椒盐九肚鱼、叉烧酥、流沙包、红枣糕、酥皮蛋挞、樱花虾炒饭。我自己推介系九肚鱼同蛋挞😋…查看更多