王子私房菜

事隔1年半，長輩要求下食反王子私房菜，所以提早到星期訂位，一行大細有13人，9位大人，4位小朋友，食後感簡直毀滅曾經既印象，水準斷崖式下降，大失所望。首先係座位安排：早一個星期同經理講座14個位，而經理係電話亦都親口應承會安排大啲嘅台但係當日經理安排咗6人位畀我哋，開口問經理兩次有無大啲既枱，佢先同我講話有，依家換畀你。下？即係有大枱但唔係比一早打電話book左位既人？問號……不過，最令人失望既食物分别係：1. 招牌黑毛豬叉燒：嗌左2碟，色澤暗啡，食落嘅口感韌之餘，完全無鬆化既感覺，味道由內到外死咸，蜜糖係後加上去，成個感覺就好似，街邊買叉燒擺咗一晚，整返熟佢就咁加啲蜜糖。2. 燒腩仔：一上菜顏色已經唔對路，焦黑色偏多，大人同小朋友分別夾兩邊，但小朋友果邊咬咗一啖即刻𖧲返出嚟咗，部份有甚至係有酸臭，酸叔嘅味道，應該係唔同嘅燒腩仔拼湊而成。同經理反映，經理表示係豬騷味。換嗰一碟比我哋，而新嘅一碟就冇以上嘅情況，顏色亦都係金黃色嘅色澤，冇酸臭味亦都冇酸宿嘅味道。3. 小籠包：一般嘅小籠包，肉汁係鮮甜，同埋餡，係應該有肉香味，皮薄餡靚嘅感覺，要食既係食材既原汁原味。但今次小籠包，一上菜，重係出緊蒸氣果時，夾左一個來食，雖然佢嘅皮都好薄，但係餡到絕對唔係一個靚餡，因爲食落第一，肉汁，係偏咸，第二，咬落肉果到，係死感，肉質鬆散，可以話係重口味，食完一個要飲反好多茶先解到咸。4. 蝦餃：最平常不過既蝦餃，夾落去肉同蝦係分開鬆散，蝦肉唔爽，皮無彈性，痴底，一般茶樓既水準之下。5. 流心奶黃包：死甜，唔流心，無香味。 其他平常不過既點心，只能夠話係中等偏下，家中既長輩們食完搖哂頭，經理出來打完場，話體諒下，比多次機會佢地，um.... 但我諗應該唔會再去，埋單2000蚊，如果相同既價錢，寧願係普通茶樓食，平過佢之餘，食物既質素同水準雖然稱唔上好好，但都一定比佢好…………定係而家普遍既質素都大為下降？？？…查看更多

入座計90分鐘，12點入座，1點3就叫你埋左已單先。1點半就話夠鐘。但我哋食得太慢掛住傾計。所以最後要拎走。最好就一次過叫晒。一加單就未必趕得切90分鐘食晒。味道唔錯的。我哋5個人飲左1200叫左12樣食物包埋茶位小食。有個女服務員幾好。係有個男部長之類嘅物體成日大叫指揮有啲嚇人。如果你想單人慢慢飲慢慢傾呢到唔適合，但如你純粹食晏，咁可以選擇呢到。必食九肚魚腸粉不過不失。炸蠔餅唔係一塊塊的，請留意。籮白糕都幾好。燒賣夠大粒。芝麻煎堆流心好正。福建炒飯都夠汁。…查看更多

兩個人大食叫左8個點心😂點心食得出比一般酒樓高質👍最鐘意公主燒賣，彈牙好香蝦味，軟糯唔霉👍個名好搞笑，仲有一個叫王子蝦餃百花釀魚肚同樣average 以上質素，灌湯餃大隻，餃入面都有湯汁，正！XO蘿蔔糕唔會淨係食粉咁，足臘味有口感好香，煎腸粉好乾身唔油膩，排骨芥菜湯飲又真係好似menu 咁寫無味精，難得！好多話冇味精都係有，呢個飲完一啲都冇頸渴👏🏻下次都有興趣試下佢dinner 叫餸食飯👌🏻👌🏻👌🏻…查看更多

今日特登去元朗同屋企人飲茶，好彩一早訂左位，周圍都好多人。叫左6樣嘢，雖然賣相普通，不過勝在味道不錯，值得一試！叫左椒鹽九肚魚、叉燒酥、流沙包、紅棗糕、酥皮蛋撻、櫻花蝦炒飯。我自己推介係九肚魚同蛋撻😋…查看更多

呢間酒樓服務極之差，大部長超級冇禮貌, 黑口黑面，安排我們坐在一個完全沒有冷氣，只有兩部風扇的角落，越坐越熱，打算掉位，居然要我們出去重新排隊，有冇搞錯？仲話入去嘅時候已經問咗我哋坐唔坐，入去嘅時候一開始冇咁熱，越坐越熱唔得咩？要求同佢換位，個部長態度極之不禮貌，坐的地方冇冷氣，顧客要求轉台，有乜理由要我們重新排隊，嗰個地方如果有冷氣就唔使有兩把風扇對住，仲喺度話我哋坐咗咁耐先至話轉位，我一開始坐嘅時候都係夾硬坐入去，諗住坐坐吓會涼爽啲，結果坐咗15分鐘都仲係咁熱，咁都可以唔俾人轉枱，服務水準差到爆,態度惡劣到爆,根本就系冇資格做部長，希望能夠真係正視呢次問題,好好檢討下自己,,唔好再令客人遇到咁嘅懲罰性待遇!估唔到元朗形點可以有間服務態度咁差嘅酒樓，叫我哋重新排隊, 好似係犯賤咁樣。要是往後再有這樣的經歷,我恐怕會三緘其口,離開這間酒樓,不再光顧。對於這種惡劣的服務態度,我實在受不了,實在是太令人氣憤了。大家來這裡用膳,無非是想要享受一個愉快的用餐體驗,誰知最後卻淪為了受罰般的待遇,這實在是太不應該了。作為一家正常的餐飲店,理應以客為尊,給予每一位顧客最好的對待和服務。我真心希望這間酒樓能夠好好反省自己,切實改善服務質素,令客人有一個舒適愉快的用餐環境。否則的話,恐怕再有這樣的情況發生,他們的生意只會每況愈下。估唔到元朗形點可以有間服務態度咁差嘅酒樓，叫你地重新排隊, 好似你地係幾犯賤咁樣。…查看更多

山長水遠入元朗探朋友，我對元朗就完全唔熟，由於朋友有大有細，朋友就話不如落樓飲茶啦。跟住朋友落樓下，帶到我去酒樓門口，望一望，點解咁熟口面嘅？原來係王子飯店嘅分支，王子飯店尖沙嘴分店就食過，食物質素就唔錯嘅，今日先知原來開到入嚟元朗，希望掛住王子個牌頭啲質素都有返咁上下啦。由於朋友有小朋友，於是就交俾佢發辦啦，費事叫咗啲小朋友唔食嘅嘢嘛。朋友簡簡單單都係叫咗啲點心，都係志在慢慢飲杯茶吹下水。都係奶皇包(小朋友鍾意食)，腸粉，菜苗餃嗰啲點心啦。因為大家都唔係太餓就冇叫咁多嘢費事食唔晒。味道都算唔錯，有返尖沙咀嘅水準。菜苗餃皮薄尤其出色。食下坐下傾下，好快食咗個幾鐘就散場，雖然啲嘢食唔錯，不過如果唔係探朋友都好難會特登入元朗食飯了。…查看更多

上個月 25 號，一家人去咗元朗形點「王子私房菜」飲茶。門口唔算太多人等位，但係企係門口個肥經理好似好緊張咁，經常大聲責罵員工，大聲呼喝員工。連對客人都極大聲，極冇禮貌。D 蝦🦐「死死實實」，完全冇蝦味，好明顯係「雪藏蝦」。成碟野味道好淡，冇咩味道。份量極少，收人咁嘅價錢，完全係搵笨。味道係咁多樣稍為最好嘅，啲蝦食得出係「新鮮蝦」，而腸粉皮都還可以。個皮太薄冇乜口感，其餘菜同蝦都還可以。叫得陳皮牛肉球，就應該要有「陳皮」香味，但係佢係完全冇嘅。P.S. 【溫馨提示】一入到去，職員會比碟小食客人，係一碟番石榴，如果唔想要嘅話，記得同職員講，並且叫佢拎走。如果唔係就會收小食費 $18/碟。同埋埋單果時記得 Check 多次職員有冇減番。（因為本人之前試過職員想照收）…查看更多

年尾家人飲返個下午茶 真心YOHO真係無乜選擇好多都厭左 又唔想去美🖤 就揀左依間 佢價位都算正常 四人千三有找*手撕雞涼拌粉皮？好似係咁叫正常嘢⋯咁簡單都唔會難食得去邊*蠔餅👁️👁️我睇人地上枱好吸引 所以我又叫但⋯一放入口又唔係我想要嘅嘢嚟🥹🥹🥹🥹係脆呀 粉漿薄 但我係想要潮式果種 有咬口厚身少少果啲🥹🥹*灌湯餃 個湯幾甜 唔係有化學味😂 似係自己煲出嚟唔係現成嗌貨返嚟開水煲*小炒皇幾香口 無咩特別但佢成間餐廳最好食係xo醬😂😂😂😂😂另外有二位男經理服務幾好 👍🏿 對得住收加一 有禮貌 開頭早到左 佢地見我拎好多嘢係咁叫我入去坐左先 仲話幫我拎 （咁當然我唔洗啦( ´▽｀)）…查看更多

與伴侶多次路經這間餐廳，看過它的餐單，菜式構思感覺像老式的中菜館，價錢算中間，想著應該會有老式中菜館的穩定而可靠的品質，所以在BOXING DAY進去試試。由於當日胃口也不算好，只點了叉燒跟烤鴨兩食。黑毛豬叉燒：很油膩，調味很淡，不甜，不脆，肉質軟，有被開水浸過的出塵味道，我吃了一塊，不禁笑言：「像叉蒸，不像叉燒。」北京烤鴨，片皮：餅皮質感不錯，軟韌不失彈性，肉不算滑，但也不差，有鴨油香，配上醬汁與蜜瓜、青瓜絲、洋蔥等，能中和油膩感，不差北京烤鴨，醬爆：這一道鑊氣透鴨肉，很香，芹菜口感也很嫩（我把叉燒扔進去，試圖趁熱吸一點鑊氣，急救一下，可惜失敗）陳皮紅豆沙：附送糖水，有鮮明陳皮香，甜度與酸度適中，不錯總結：叉蒸讓人失望，可以說是近一年來吃過最難吃的叉燒，難以想像在這個價位，這個地段的餐廳能吃到這種水平的叉蒸，但鴨的烹調不錯，卻不算令人很驚豔，吃過不傷心，但沒有意欲再來（附註：比較有趣的一點是在餐館內要紙巾，需要５元，但濕紙巾卻是免費）…查看更多

次次行過都見到好多人排隊咁就即管試下啦一入到去呢已經見到嗰啲櫈極污糟仲要唔係一張兩張，係張張都係咁污糟勁多食物殘渣咁嘅價錢之後畀啲咁嘅質素服務又差真係幾離譜囉我覺得呢間嘢之後waiter擺低啲碗碟求其揼到亂糟糟叫咗黑毛豬叉燒但係有幾舊係完全係肥嚟嘅成碟都油浸住,係食都食唔到呀嗰啲蠔餅先古怪囉，個師傅知唔知乜嘢係蠔餅呀極多炸粉去包住啲蠔超級大舊炸粉就咁攞去炸成狗都係炸粉嚟嘅成碟都係咬出嚟啲肥呀嗰啲炸粉呀唔食得嘅啲粉皮蒸到超級勁林滋滋…查看更多

今日去元朗揾食，見到呢間睇落好似唔錯，就入左去食，星期六下就去到都唔洗等好耐蛋撻仔，睇親呢啲都忍唔住試，佢既酥皮屬於正常發揮，而餡既顏色偏白，味道上都偏向奶味多過蛋味芝士條，大家想像中既味道，但係不得不說佢既攞盤真係唔多靚😂黑松露餃，佢係有啲似水晶餃既皮，唔會太厚同埋有啲煙韌，餡就有淡淡既黑松露味，唔會好濃天下第一包，本身以為係好似叉燒餐包，但係佢個皮係好軟既，同埋個餡好似無調過味既叉燒咁，同想像中好唔同，覺得一般最後係脆皮牛坑腩，第一次試呢樣野，牛腩外面包住脆皮，口感唔錯，不過牛腩偏瘦…查看更多

元朗近年名店食店一一進駐，形點王子私房菜還是第一次，中高檔， 預咗每人300蚊落樓，既然太太生那就要一試。王子飯店保留了高質的服務，雖然地方不大 ，仍顯高貴。晚上可以選擇的款式也差不多， 每枱所吃的都很相像。幾個例牌包括蟹皇伊麵，蒜香肉排， 半隻脆皮雞，海參海鮮煲， 鹹蛋黃脆炸明蝦球， 王子炒飯。 落樓埋單一千三百幾其實都算係咁。個人覺得最有特色的是明蝦球，加了少少鹹蛋黃脆炸，蝦肉爽翠， 外脆甘香 ， 有點點像鹹蛋黃魚皮表層的鹹香感覺， 入口 並不油膩，值得推介。脆皮雞雖然烹調都不錯，皮薄香脆，肉質鮮嫩，但可惜隻雞實在太瘦，欠缺口感，份量不足，性價較低。地點在西鐵站旁的形點， 尚算方便，但記住要訂位。交通味道 質素 環境 回頭 服務 性價 份量 …查看更多

想吃個簡單生日飯，因為近排吃得多西餐，今晚都想與老公食番餐中式菜:)嚟到「王子私房菜」希望舒舒服服歎番一下，打開菜牌選擇唔多！普普通通嘅菜式價錢都比較貴所以是旦叫咗幾個菜就算了侍應服務態度okay嘅！不過可能平日無什麼人氣！入到去都感覺環境比當年悄為暗暗沉沉咗好多，而且無什麼酒樓氣氛食物亦好快上枱，但每款菜都好似襯托返個大環境一樣「無什麼色彩」味道都係普普通通不是太特別！而且仲有退步績象添希望下次再嚟會有突破性進步吧加油！…查看更多

一年一度，食蟹季節。選了王子飯店，因為食物質素高，價錢合理，服務又好。食物絕對是正，蟹粉小籠蟹味濃，充滿湯汁。蟹粉魚湯魚翅伴金華火腿汁，魚翅在香港已經唔多地方有得食了，湯十分鮮味。前菜有少量燒味，包括叉燒燒肉素鵝，雖不是重點，但味道也是好的。鮑魚中規中距，可以接受。餐單設計有心思，尾段有薑粒肉餅蒸飯和黃薑茶驅寒。甜品芝麻糕，水準之作，像在吃濃厚芝麻糊。服務5星級，讚。美中不足，晚上無此店至尊甜品芝麻煎堆供應，唯有午市時再去吧。…查看更多

我成日都話元朗人好有錢，咁差嘅服務質素，食物完全跟唔上尖沙咀嘅Standard，收費一流。叫點心要自己畫，但係連支筆都要三催四請。完全冇見過擺枱咁求奇嘅阿姐，全部嘢放低晒叫我自己搞，屋村酒樓都識得擺好個位比客人啊。坐張凳又污糟到嚇死人，坐落去直程郁嘅？係咪爛咗呢？一邊飲茶一邊小心唔敢郁。點心比較慢，炸嘢比較快，要讚一下係熱辣辣同埋好鬆脆。鹹水角，餡料一般貨色。蛋撻仔好食，蘿蔔絲酥餅唔得👎🏻蝦餃燒賣食咗先講，一樣係一般酒樓貨色。價錢偏貴，服務欠佳，坐近窗邊位置唔夠冷氣，熱到出汗。…查看更多