犬茶

营业中

休息中

夏天天氣熱，一下船就找間茶飲店坐坐傾下計，躲躲大太陽，因為店舖細，位不多，人氣旺，有時要排隊架。犬茶，主題設計有不少哥基公仔，茶飲杯蓋也設計成具狗頭仔，十分可愛。我同朋友各點了杯凍飲，分別是芝芝草莓、芝芝芒果，凍飲底是用鮮果打成沙冰，夠晒消暑，有濃濃的鮮果味，芝士奶蓋夠滑夠香、咸咸地甜甜地。同行朋友不飲凍的，點了熱的滿杯紅柚及芝芝靜岡抹茶，熱飲同樣足料，柚子及抹茶味濃。

好耐冇嚟幫襯，上次試過西瓜芝芝覺得好好味，今日過嚟試吓新嘢。我叫咗杯新春限定嘅柚子金芒芝芝；佢哋嘅芝士奶蓋正正係我鍾意嘅嗰種…鹹鹹地，冇奶氈味，少少杰杰地；柚子肉勁多唔孤寒；重點係所有嘅味道都唔會蓋過茶嘅香味😌如果鍾意芝士奶蓋嘅人一定鍾意飲🤭

7.1.2024好耐冇入嚟長洲啦，今次趁得閒同朋友入嚟，天氣都好好，不過行到咁上下，行到熱熱哋就想買杯嘢飲，坐低唞下(*^ω^*)其實一直都有留意呢一間飲品店，因為好多狗仔嘅裝飾，門面都好靚～加上有狗仔做招牌，今次就特登黎到試下！一去到就見到有一隻狗仔好熱情咁樣擒上嚟，店員都好好，歡迎我哋摸佢，但係當然唔可以有太大動作，以免狗仔唔舒服，不過真係完全唔怕人，路邊啲人見到佢都好開心。今次叫咗一杯水果茶同埋布蕾奶茶，因為突然之間都好想飲甜嘢，等咗冇耐之後店員就攞個木盤裝住那杯嘢飲送上嚟俾我哋。杯奶茶唔會好甜，入邊有好多布丁醬，好滑，分量都超多，感覺飲完啲茶都未食晒啲醬😂😂水果茶酸酸地，非常之清新，飲完真係好解渴(*´꒳`*)所以如果大家行到攰嘅話，可以入嚟呢度坐下，環境都幾舒服，熱飲凍飲都有，價錢都合理，仲可以同狗仔影相添！

入開長洲行到熱熱地 見到依間內裡滿日系感既茶飲店 又冇乜人 就入去買杯野飲解解渴門口有間狗屋 相信就係傳聞既哥基店長所住地 不過沒有狗狗在裡面。 但狗屋入面擺左副狗狗骷髏（當然係假） 唔知係咪指狗狗已經離世左？ 詳情冇細問老闆娘🤔茶飲店似乎主打賣生果飲品 因為都比較多係屬於生果類別既飲品。 最後簡左芝芝哈密瓜（$42） 等待期間 係內裡打卡感既裝飾先打打卡🤣 好多隻「哥基」呀等左陣 野飲到手， 單單望到杯野都感覺係真材實料。飲落去 哈密瓜味重 唔似係色素咁求其。 仲有啲果粒係入面。 因為叫左少甜 所以味道都偏真·水果甜味。 芝士奶蓋味幾重芝士味。

得閒整返杯廢水係一件賞心樂事仲有咁多隻哥基狗狗🐶陪我一齊飲實在太可愛啦呢件事😘清清地整杯芝芝桂花烏龍淡淡茶香帶微甜奶香芝士入口細滑豐富是次消費：$35 HKD 整體感覺：🌕🌕🌕🌕🌗犬茶走日系風格，整個櫻花樹佈景俾人打卡勝在撞正今日平日長洲嘅賓客人數唔太多可以靜靜地chill下幾relax！

我知依家幾出名 ，諗住飲杯嘢hea下先。原本坐近出邊個位，但因為好熱 所以就轉左位坐入啲。落完order坐低時候疑似老闆娘竟然話熄燈定還是熄冷氣，我不以為然以為冇乜特別，因為舖頭係平日計埋我地得兩枱客(隔籬枱爸爸同個女飲嘢，因為佢哋喺度自己叉電打機之後再剪指甲(普通話)。係有兩枱客嘅情況下 (佢都選擇熄冷氣趕客)未知係咪熄冷氣，只係就客觀感覺得出(舖位唔大原本我眼見風口位有冷氣出，佢撳完之後靜咗同埋冇冷氣出)我地飲完杯嘢就急着走

去過長洲咁多次，咁啱經過門口先發現呢間咁可愛既台式茶飲店。店門口有哥基店長坐陣，但店員話店長會咬人，所以盡量唔好太接近😜 茶飲店走和風日系風格，店面面積不大，室內都係以肥嘟嘟既哥基做主題佈置，走入去會見到櫻花樹佈景既打咭位，超心心眼大家可以一邊飲茶，一邊打卡！雖然係堂食，但大家搵左位就要去出面買飛拎飲品。茶飲店主打芝士奶蓋系列，今次點左芝芝桃香烏龍同芝芝四季春，芝士奶蓋部份好creamy, 四季春茶味唔算濃，整體甜度都算適中。向咁靚既環境下，飲下茶，打下咭，感覺好relax！

散步時看到廣告板，被狗狗照片吸引，上openrice 看到裝修清雅，菜單竟然有臺灣消失已久的椰香奶茶，決定一試。12點一開舖就光顧，服務不錯，店舖很乾淨，裝修滿有心思，有櫻花樹打卡位。椰香奶茶跟臺灣的味道不同，但感覺比臺灣的椰子粉健康，是削片椰糖，椰香味夠，脆脆椰香片增加口感層次。杯子很可愛，有柯基大頭跟屁屁。可惜因為太早光顧，當天又陰陰的飄小雨，柯基大老闆沒出場，與狗狗緣慳一面～～價格比一般臺式飲料店高一咪咪，但提供舒適座位、可愛杯子、又在遊客區，可接受的

態度差食物又唔好食，你冇乜特別嘢可以揀位置偏遠，不值得一去廁，廁所寫住維修，但係只可以員工，連顧客都唔可以去！收銀落單，嗰個男仔態度惡劣，以為自己店好到好多人排隊咁

自己好中意飲茶類飲品，嚟到長洲梗係要試吓本島特產☺️ 犬茶得長洲先有架炸🙊 平時一直飲開長洲角酪，但知道佢係市區開咗分店，佢就未必會列入我嘅必飲環節了🤔佢都有好多唔同種類嘅飲品，不過最令我覺得有趣應該係成人系列‼️ 佢居然有酒買‼️仲有omakase😂😂 中意試新嘢又中意飲酒真係可以試下😛 我今次叫咗芝芝芒果🥭$42，首先要讚下佢嗰杯，真係幾可愛😛 我想留返佢添😂 仲要佢呢到係有得堂食🤔 行到累，傾吓偈都真係好chill🤭 到味道，我覺得幾好飲💗 面頭有芝士奶蓋，可以打開嗰蓋飲咗先，可能會有驚喜😛 插飲筒就咁飲就飲到佢嘅茶味，又唔會覺得甜(我嗌咗少甜)，仲有少少果肉真係唔錯👍🏻 雖然佢唔係特別好飲，但如果係長洲限定加埋嗰環境又真係可以列入必試範圍😂

在長洲行完山，回程臨走前去了一間之前 Bookmark 想去的茶飲店，主要是奔著哥基去！在店門口有看到哥基的身影，但我忘了拍照 (哭)這裡設有堂食，最低消費會是每人一杯飲品。不過我見不少人都是外賣。雖然是堂食，但下單還是要回到收銀處付款，然後再回到座位等。犬茶的Logo就是哥基+茶飲的結合，在木盤上也有看到喔！熱飲杯子會是白底燙金的Logo，凍飲的磨砂杯都幾硬淨，蓋子也吸得很實。我點的是 芝芝靜岡抹茶 ($42/Large)打開蓋子就發現肉球！很可愛耶~先喝一下芝士奶蓋的部份，很Creamy。抹茶味不算很濃，偏奶味多點，但整體甜度是適中的。

行到攰攰地就入去買兩杯野飲，店內有幾張枱可以比人坐低慢慢嘆休息下～店長湯圓做生招牌，吸引唔少人幫襯😚🥤楊枝芒芒($42) 🥤芝芝芒果($42)整體呢兩杯嘅芒果味都偏淡。楊枝芒芒有落奶，飲落都幾飽肚，不過柚肉同芒果肉就得好少，唔夠過癮😂😂 另外一杯芝士奶蓋幾濃厚，幾好味～

位置相對闊落，有日式櫻花打卡位，門口有柯基迎接，行到攰過嚟坐低飲吓嘢真係幾正我哋叫咗杯芝士味抹茶（芝芝靜崗抺茶），都幾滯，不過係好飲嘅，下次會再嚟話時話，啲人成日以為門口嗰隻係柴犬但其實係個corgie 黎架

今次係第三次入長洲行。之前二次都無留意到依間茶飲店。今次行入去一試，嘩，真係好有驚喜。依間店既裝修好靚，坐得好闊落好舒服。店員推薦芝芝葡萄&百香神石榴。所以我地就叫左依兩杯。左邊係芝芝葡萄，右邊係百香神石榴。芝芝葡萄有好重既奶香及芝士味。但最令我驚喜既係，佢有好清甜好粗既葡萄肉係入邊。好明顯係即場打既果肉。百香神石榴有百香果既獨特香味，再加上神石榴既紅色&果甜，飲落好清新好解渴。真係飲左甘多年果茶，依間係數一數二好飲。

呢間台式飲品店/cafe好似係比較新開嘅，入面嘅木系裝修加埋啲哥基相關嘅裝修都幾打卡～ 不過就要留意返，堂食嘅話有最低消費每人一杯飲品，同埋雖然有2個店員，但沖嘢飲同收錢都係同一個人做，所以要預返會等得比較耐😬～ 我同朋友想留肚食其他嘢，所以就叫咗一杯邊行邊飲～ 佢哋除咗有芝士奶蓋同沙冰，仲有一款甜品～呢杯其實係濃郁版嘅楊枝甘露，無論係淡奶定係芒果味都比其他飲過嘅更加濃😍 入面仲有好多芒果肉同埋柚子粒，飲完真係幾飽肚🫢