犀牛犀牛 (京瑞廣場1期) (已結業)

鮭魚吃粟米🌽$42我揀咗蛋餅 蛋餅入面有青瓜絲 粟米 同吞拿魚🐟入面有充滿黑椒味嘅蛋黃醬 所以成個蛋餅都好夠味🥹芋泥肉鬆蛋🥚$47作為芋泥控嘅我點可以唔加$12大甲芋泥😝呢個我都揀咗蛋餅 蛋餅入面有芋泥同肉鬆芋泥有淡淡的甜味 份量都唔算少肉鬆份量都好多個人認為芋泥配肉鬆係冇得輸嘅配搭♥️總結：份量好多👍🏻全部都係即叫即整 所以每次食都熱辣辣♨️個人認為配蛋餅好味過手抓餅🫓…查看更多

買了兩杯，用八達通付款，拍卡時有少少失靈，男職員態度極差，晦氣，都算，職員做好飲品猛力掉在枱上給我們。光顧給你們添麻煩，下次一定不會再來，飲品亦都難飲，石門有另外太多好選擇。貼錢買難受。…查看更多

沒留意到此食店開11:30，我11:29到，同店內女職員講唔該(想買野食)~點知佢黑哂面話我地都未開舖，等多陣得唔得呀？！嘩。。咩料？得罪你？之後我唔食啦~即走！…查看更多

嗌泡菜豬肉卷餅，一打開見到冇乜餡都心知不妙，冇諗過過份到差唔多食到底先見到嗰少少泡菜同一塊肉仔，全程就好似齋食塊皮咁😂咁都好意思賣成50幾蚊嚿，好少會打差評，唔會再幫襯。…查看更多

在午餐時段買了薯泥培根蔬菜蛋餅和熱伯爵奶茶，八達通機失靈，唯有用現金付款。之後check單看到店員打錯單，寫了「涷」伯爵奶茶，我向店員查詢，但他不耐煩地說：「我知啦，打錯單之嘛。」即是他一早知道自己打錯單，但沒有吿訴客人，對客人查詢亦表示不滿，沒有歉意，態度十分差。我知道當天的外賣單比較多，但這不是態度差，沒禮貌的原因。是次食物味道及飲品都ok，店員即時整，所以夠熱。但店員態度其差，有得選擇不會再到此店購買外賣。…查看更多

伏伏伏！！！上次我係觀塘店飲左一杯芒果綠茶覺得唔錯，仲見係良心小店諗住多d支持下，今次行過石門買多次，叫左杯同上次一樣甜度既芒果綠茶，仲買多左杯俾屋企人。落單個陣店員態度已經麻麻，結果當我拎到杯野飲第一啖，杯野竟然完全無芒果味，飲多兩啖連少少芒果蓉都無，剩係得茶同糖水味，兩杯都一樣，好難飲。$32杯既芒果綠茶完全無芒果味，剩係得淡既茶同糖水，完全接受唔到。最後大半杯倒左，入面真係少少果蓉都無。好失望，唔會再有下次。…查看更多

之前係犀牛犀牛買過幾次黑珍珠岩鹽厚鮮奶，一直都覺得係我飲過咁多間最好飲既岩鹽珍奶，仲要向身邊人推薦佢，但今次真係好唔掂！好失望！🤮我買完之後冇即場開黎飲，係返屋企先開黎飲，點知一飲落發現中伏，鹹到苦🤮！之前飲過幾次明明都唔會樣。本身諗會唔會因為啲調味沉哂底部未攪拌先會咁，想比多次機會佢，點知都係唔掂😩 應該係店員落錯左鹽既份量😑落得重手左好多😑 完全飲唔落，最後成杯掉咗😭 咁就浪費左$38😔 以後唔會再買佢地既野飲…查看更多

由香香的、淡淡的伯爵茶加上滑滑的奶，一杯伯爵奶茶味道剛好，奶茶不會太濃茶味，也不會給奶沖淡了。一杯$28的伯爵奶茶，幫助了那位要返中更的小女孩。在冷冷的冬天裡，喝著冷冷的伯爵奶茶。…查看更多

想不到自己冬天了，還會喝凍的奶茶。最近愛上了喝奶茶。這次來了犀牛犀牛喝伯爵奶茶，淡淡的伯爵茶香加上滑滑的奶，是上班族的救命星啊😋😋下次一定要在冬天嘗試一下熱的…查看更多

公司請食下午茶諗唔到食咩好，就同同事商量吓有咩好食🤣，佢提議左不如就食犀牛犀牛呀，佢嘅台式小食唔差架，如是者決左好就呢間啦😎，好彩同事有呢間小店嘅電話，可以即時WhatsApp落單唔洗等🤓。芋泥肉鬆蛋三文治 $40芋泥餡唔會過甜啱啱好，而且芋泥好綿密，夾埋肉鬆一齊食口感，裏面仲有煎蛋，配料好豐富。美式炸連皮薯仔 $20薯條好夠味，炸到外脆內軟食唔停😋。芙香蘋果 $25飲落唔會太甜好清新，凍飲透心涼。…查看更多

每逢星期六都會同個女去隔離室內遊樂場玩，跟住就會買杯朱古力珍珠，已經成為我們的習慣，女兒自小就系朱古力珍珠迷，我哋會去不同地方試飲朱古力珍珠，而個女就最鐘意呢間，話D珍珠好軟熟彈牙，而我亦都鐘意朱古力夠香濃…查看更多

叫咗個海陸綜合toast 冇切開！食左禁多次 第1次冇切開 仲諗住同人share 食下次係咪要自備刀？3杯野 叫微甜少冰結果 全甜走冰店員坐係入面㩒電話 叫極冇反應叮個叮叮 望一望 叫我拎走連OpenRice code 睇都唔睇啲野食放係出面 冇人睇住完全唔驚其他人拎走…查看更多

呢一間台式小食店 真係你講得出想食乜嘢都有😍超推介朱古力棉花糖厚切吐司🍞吐司烘到熱辣辣 外面脆卜卜 咬落好鬆軟🫶🏻面頭搽滿晒朱古力醬🍫再鋪滿煙靭軟綿嘅拉絲棉花糖 甜絲絲嘅感覺 真係好幸福🤤…查看更多

做完按摩，有啲口渴，見到呢間小店。本身對呢間店鋪無特別期待，因為曾經試過好多類似既店鋪既奶茶同茶飲都唔太好飲😂叫左一杯春芽綠茶加芝士奶蓋，同埋一杯白桃烏龍。春芽綠茶好有驚喜，芝士奶蓋雖然同出面其他鋪頭既差唔多，但係茶味夠濃，超級香，非常推薦！ 白桃烏龍叫左微糖，但係啲桃粒都頗甜，所以都整體偏甜左啲，建議可以叫無糖，已該就啱啱好。今次無機會試佢既小食，下次一定會試埋，經過石門又有啲口渴，就支持下呢犀牛犀牛啦！…查看更多

我今日又嚟到石門呢兩個商場搵嘢食，呢度實在太多選擇啦，喺食晚飯之前想食少少小食，所以就決定試下呢間小小嘅犀牛吐司店🤤首先係畀佢嘅精美外觀吸引咗，整體感覺好台式嘅美感，就連個包裝都係貫徹始終咁精緻💜今次我哋揀咗試嘅嘢係台式吐司最常見嘅芋泥肉鬆蛋吐司，預先切開兩份適合情侶或者朋友一人一半❤️ 開頭以為會係香脆嘅麵包，點知原來佢係行軟熟路線，同芋泥好合拍，但係再加上香口嘅豬肉鬆，就令成個吐司無論味道同口感方面都好有層次感，幾樣簡單嘅嘢加埋，竟然變成食完好有滿足感嘅吐司😁 而且即使係吐司佢都仲有好多款揀，下次我一定會試下其他👍…查看更多