牧羊少年咖啡館 (Fashion Walk)

今天在銅鑼灣約了朋友聚會，環境不錯，上層卡座私隱性更高，聊天方便✨餐牌有很多選擇▫️芒果牛油果雞排沙拉雞排蠻好吃的，菜也很fresh▫️小食拼盤份量很足，有些炸物和蕃薯條，還有三款醬可以選擇▫️小啡菇很juicy，不過不失▫️海鮮pizzapizza很脆口，海鮮份量也足夠▫️燉牛頰肉肉很嫩，很多骨膠原。薯蓉拌菜也很好吃▫️tiramisu比想像中大杯，跟傳統tiramisu不太一樣，裡面有咬口的朱古力碎一天前提前訂位，當日餐廳會打電話確認booking。整體不錯～…查看更多

唔同分店嘅牧羊少年都有唔同嘅主題，銅鑼灣 Fashion Walk 嘅牧羊少年分店，就以「光影約會聖地」作為賣點。店內最吸睛嘅竹林剪影牆🎋，光線透過石材拼接嘅牆面，好特別好啱影相📷呢到環境舒適、裝修設計有藝術感、燈光柔和，好適合靜靜地傾下計，喺鬧市中一個好治癒嘅角落。相比同區其他餐廳，呢度人均百多蚊就可以食到高質餐品，絕對喺性價比之王。👉🏻自由自在1人套餐💰264（包4樣嘢！）我點咗香煎西班牙伊比利亞黑毛豬 Legado 豬鞍🐖肉質嫩滑，完全唔嚡口，好有驚喜👍🏻配上扒蕃茄、烤西蘭花同蘋果泥玉，味道層次好平衡～之後我選配咗松露蜜糖雞翼，外皮微脆，咬落去好 juicy😋松露香同蜜糖甜味加埋一齊好夾，跟餐有3隻，太好味覺得有啲唔夠喉，下次要再叫多份🤤再點咗一杯氣泡鳳梨 Lemonade，味道清爽，鳳梨香氣突出，帶少少酸甜感，配肉類菜式好解膩🍍🍋我跟餐加配咗一件朱古力合桃蛋糕，朱古力味濃郁，蛋糕口感 creamy，合桃增加咗蛋糕嘅香脆感，甜度適中，作為餐後甜品好滿足😌👉🏻奶油檸檬雞肉菠菜意大利粉💰118醬汁帶檸檬清香，配上菠菜，即使喺奶油意粉都唔會太 heavy，雞肉都好嫩滑～👉🏻草莓蛋白餅奶油霜配 Haagen-Dazs雪糕💰68我選配咗夏威夷果仁雪糕，同奶油味道都好夾，蛋白餅好酥脆，夾埋一齊食口感豐富，呢個甜品嘅外觀都好靚，粉紅色嘅甜品真喺好啱女仔打卡💗呢度仲好有文藝氛圍👩🏻‍🎨🔖📖除咗餐食，店內仲有旅行書籍同藝文元素，有漂書、寄明信片嘅活動，食飯之餘同時可以感受到文化氣息👍🏻…查看更多

尋日朝去開銅鑼灣，整完野先十點幾周圍好多餐廳都未開，見牧羊少年開咗，以前係葵芳食過幾好，咁就一於過去食啦。行到埋去無職員係門口，咁咪行入兩步望下有無人，突然有個職員行出嚟，塊面係黑到好似爭佢錢咁問幾位呀，我答佢兩位，佢無出聲淨係擰轉面係近門口有張卡位收起兩隻碟，然後一輪咀係度講咩用餐時間105分鐘blablabla，跟住擺低個餐牌同個QR code就行咗去。之後擺低啲餐同收碟都係黑口黑面唔出聲。睇返一朝早另外有個職員都係黑口黑面咁，後來晏少少多咗其他員工返工，先見到有個正常啲。講真唔需要你恭恭敬敬咁，但至少都要正常態度先啦。一入到去見到個店員黑口黑面咁款，自助落單全程無服務可言，咁嘅款仲夠膽收加一，真係無下次！…查看更多

有一晚約咗朋友，總共兩位，得我自己一個到咗，朋友未嚟，店員告用餐時間只有105分鐘，禮貌詢問我朋友未嚟，我都係唔入嚟住，可否book定位，職員態度奇差說我哋Booking其實今晚都full晒，跟住我話唔緊要，咁我喺門口等埋我朋友先至入去，再禮貌詢問大概會幾時滿座，我可以催促朋友快點來，職員態度又係串，答我好難講，點解態度會咁差！即刻走拜拜唔想食…查看更多

如果想搵個方便嘅地方，飲個下午茶，唔需要華麗嘅打卡位，呢度係一個幾好嘅地方。Weekdays tea menu 都算多選擇，最低由$58起，包嘢飲，有啲要加錢，例如加$12可以飲latte，都唔係貴。我哋叫咗兩個set，分別係Tiramisu，同埋today's pastry，當日有兩款選擇，包括斑蘭椰子，同埋Passion food Mango🍰，而我哋就揀咗後者。我本人就食咗Tiramisu，我覺得好好味，味道濃郁，又唔係好甜，食落去嘅質感好適中，絕對係性價比高。至於個咖啡就Standard，冇乜特別。地方嚟講，佢啲枱就比較密嘅，不過好彩大部份嘅食客都好有質素，都唔係大聲講嘢嗰啲，所以都幾舒服。一坐低服務員講咗係有105分鐘嘅限時，當我哋飲完咖啡，佢哋仲會不停幫我哋斟水，亦冇話成日趕我哋走嘅，到最後我哋坐到5:30佢哋先至叫我哋埋單。Overall 我覺得抵食，都值得推介。…查看更多

星期三晚大約8:00去到唔使等位，太幸運了👍🏻我哋點左黑椒香蒜煙鴨胸意大利粉🍝，加套餐$58有小食，飲品，同埋雪糕，雪糕如果轉蛋糕再加$18 ，都好抵食🤭另外我哋再叫多咗個意大利風乾火腿蜜糖柚子薄餅✨意粉辣辣地好好食😋，兩個人食一個小食一個意粉一個pizza啱啱好💘小食我哋揀咗燒汁焗八爪魚丸（4粒），本來想點雞翼但係因為得三隻我哋怕太禮讓，所以揀咗墨魚丸，墨魚丸好香好味道，初初睇個名以為係章魚燒，原來嚟都係有少少似魚蛋咁樣⭐️我哋加咗嗰個蛋糕🍰真係最美好嘅決定好彩冇揀雪糕，好正，朱古力味好濃不過美中不足就係我哋其實諗住食飯傾吓偈，但係因為同隔籬枱實在癡得太埋，直頭好似坐埋一齊咁樣，所以完全講唔到嘢，等咗好耐等隔籬枱走咗我哋先可以開始傾偈🙂‍↔️整體嚟講食物質素好好，會再次光顧✨…查看更多

今日趁週末又去銅鑼灣行街 shopping，行經 Fashion Walk ，醒起好耐冇幫襯過「牧羊」喇！見佢環境都幾舒服，就同屋企人一齊入去食個悠閒晏晝，回味一下。一坐低就必點我至愛嘅 **是拉差雞翼**！外皮炸得金黃香脆，咬落去熱辣辣，肉質依然嫩滑多汁，個甜辣醬汁調得恰到好處，酸酸甜甜帶微辣，真係百吃不厭，今日水準完全冇跌 Watt，絕對係信心之選！主菜試咗個 **漢堡包**，跟餐嘅 **番薯薯條** 真心出色！薯條切得粗幼適中，炸得外皮超級酥脆，入面嘅番薯蓉軟糯香甜，天然嘅甜味好突出，點少少茄汁或者就咁食都咁惹味，食到停唔到口。漢堡扒厚身多汁，配埋新鮮蔬菜同醬汁，整體好滿足。另一個驚喜係 **鹹蛋黃炒意粉**！上枱已經聞到陣陣鹹香，每條意粉都均勻沾滿金黃色嘅鹹蛋黃醬，炒得夠乾身又夠鑊氣。鹹蛋黃嘅濃郁風味真係「爆滿」，鹹香帶微沙嘅口感好過癮，仲有少少蛋白碎增添口感，食落邪惡但好難抗拒，風味真係好獨特！飲品方面，我杯 **伯爵茶咖啡** 絕對係驚喜！估唔到伯爵茶嘅佛手柑清香同咖啡嘅醇厚可以咁夾，茶香非常突出，入口順滑，咖啡味冇被蓋過，反而多咗份優雅嘅茶韻，好有層次，係我鍾意嘅伯爵茶味無誤！屋企人嗰杯 **芒果熱情果凍飲** 都大受好評，芒果香甜混合熱情果嘅微酸，好清新解膩，最正係咬到粒粒爽脆嘅熱情果籽，口感十足，冰涼又醒神。總結今餐，由小食、主菜到飲品都保持高水準，尤其係佢哋嘅創意配搭同特色風味真係好吸引。食物質素穩定，環境舒適，絕對係銅鑼灣區想食好嘢嘅穩陣之選，我同屋企人都食得好滿意，下次行開一定會再嚟！…查看更多

一向覺得食物質素，非常一般！間中因為要用商場優惠券食吓！芝士厚切豬扒包，用上千年疆屍肉，冇味加霉的感覺！最後因分單問題，職員態度極差！都幸好食物夠差，唔去都唔會可惜！這市道，大把更好的選擇喔！…查看更多

偶然與友人入去食個dinner , 隔籬枱嗌咗個沙律，外貌都幾吸引我，所以都都order 1客，地方舒適，服務人員非常友善，品質味道亦唔錯😋，可以再試，不過用餐時間只有100分鐘，如果多一點時間，可能會比較好🙂…查看更多

牧羊少年咖啡館（Fashion Walk)性價比超高dinner set!!之前食過幾次都覺得呢間幾高質，而家仲出咗個dinner set好抵食，而且每一樣野都冇伏💕2人套餐 $428 加一服務費- 1️⃣小食: 牛油果莎莎墨西哥脆片伴酸忌廉- 超級開胃嘅小菜(不過其實都好大份)，醬料完全冇吝嗇！- 2️⃣意粉: 白酒香蒜大蜆意大利粉- 3️⃣主菜: 紅酒燴牛面肉伴薯蓉烤澳洲西蘭花- 肉質軟腍，入口即溶，充滿骨膠原！- 4️⃣飲品: 凍焦糖可可朱古力、冰梨無花果白桃烏龍芝士奶蓋- 兩杯都係 非 常 濃 郁，後者特別有驚喜，以為只係係白桃味嘅烏龍茶，但原來會將果肉打碎混成接近沙冰嘅質感，真心好好飲!!🍑- 5️⃣甜品: Haagen-Dazs 雪糕杯唯一缺點係張枱都幾迫😥 食嘢要就住就住好小心杯嘢飲…查看更多

最近晚餐去了銅鑼灣Fashion Walk牧羊少年咖啡，絕對是一場味蕾的享受！特別想推介他們的**窩夫配伯爵茶和冧酒雪糕**，窩夫外脆內軟，帶有淡淡的奶香；搭配伯爵茶濃郁而雅致的茶香，加上冧酒雪糕的微醺甜美，層次感十足，每一啖都讚不絕口！主菜方面，我選了**羊架配薯蓉**，令人驚喜的是薯蓉的奶香非常濃郁而順滑，簡直融化於口中；仲有超級好味嘅**是拉差醬雞翼**，辣辣地，要食一啖再點一下醬，絕對會上癮仲有**墨西哥Nachos**都超級好味㗎！…查看更多

牧羊係一間我喜歡嘅餐廳食物，服務，環境都保持水準穩定通常我都會order牛油果煙三文魚炒滑蛋配酸種無花果合桃包或 日式大板燒風味煙三文魚薄餅食材新鮮，麵包類有誠意，配搭有心思今次試左汁燒八爪魚丸有驚喜，熱辣辣，爽彈有八爪魚肉不得不提我好喜歡的美式，味道偏酸澀中晒我口味，搵到一隻啱口味嘅啡係好難得#dcb食在香港 #dcb吃喝玩樂 #dcb銅鑼灣 #食在香港 #香港美食 #美食 #銅鑼灣 #銅鑼灣美食 #cafe…查看更多

今日純粹搵野食，經過銅鑼灣牧羊少年，今日兩個人食兩款下午茶，1）日式大阪燒風味煙三文魚薄餅+朱古力牛奶咖啡 (凍)2）厚切芝士雞扒蕃茄沙律菜奶油漢堡包+紅莓奶酪 (凍)薄餅勁香口，個汁同三文魚勁夾個皮底，仲要鬆脆唔韌，好易切開，咖啡唔太甜，好好飲！Burger個包煎得勁香，個雞勁嫩！！！！！！超好食😭😭😭😭食得出唔係梳打粉😭個奶酪好香真係奶酪味🫶🏻🫶🏻🫶🏻服務好好，有限時但唔會眼望望吹你走，環境舒服乾淨。…查看更多

第一次食牧羊 平時都見好多人排隊 今日見有tea set又唔算太多人試下先～蝦頭油鳳尾蝦香辣肉碎意大利粉$118呢個係lunch set既意粉 蝦好大隻 意粉少少辣有啲肉碎食落好開胃 份量都好多香芒雞肉pizza 🍕Tea Set 都係$58 有兩件 中間夾住千島醬好好食燒汁焗八爪魚丸 (4粒)下載咗牧羊個app 迎新優惠就送八爪魚丸食物種類都好多 下次再嚟試吓夜晚先👍🏻📍牧羊少年咖啡館 (Fashion Walk) (銅鑼灣)銅鑼灣記利佐治街11-19號Fashion Walk地下17號舖…查看更多

牧羊少年咖啡館是我去銅鑼灣經常光顧的餐廳，最初在太子的店铺經常有很多人排隊，其後在各區開設分店，也有很多人幫襯，連老公平時不喜歡食西式食物，也説它的質素不錯，份量很足夠，性價比高，小食及主食也好好味，每款食物都是熱腾腾上菜，例如雞翼小食是即炸的，可見餐廰是用心經盈，餐廳甜品及素食類也有好幾款選擇，我喜歡日落巴黎，是一款厚窩芙加兩球H字頭雪糕、香蕉、朱古力醬组成，最後值得一贊是它的服務質素，每一位服務員工作都很勤快及主動，眼見客人的水杯没有水，也很快幫忙加滿，食甜品時也幫忙换碟及餐具，不是當睇不見，可見餐廰在培訓方面下了不少功夫…查看更多