牧羊少年咖啡館 (Fashion Walk)

今天在铜锣湾约了朋友聚会，环境不错，上层卡座私隐性更高，聊天方便✨餐牌有很多选择▫️芒果牛油果鸡排沙拉鸡排蛮好吃的，菜也很fresh▫️小食拼盘份量很足，有些炸物和蕃薯条，还有三款酱可以选择▫️小啡菇很juicy，不过不失▫️海鲜pizzapizza很脆口，海鲜份量也足够▫️炖牛颊肉肉很嫩，很多骨胶原。薯蓉拌菜也很好吃▫️tiramisu比想像中大杯，跟传统tiramisu不太一样，里面有咬口的朱古力碎一天前提前订位，当日餐厅会打电话确认booking。整体不错～…查看更多

唔同分店嘅牧羊少年都有唔同嘅主题，铜锣湾 Fashion Walk 嘅牧羊少年分店，就以「光影约会圣地」作为卖点。店内最吸睛嘅竹林剪影墙🎋，光线透过石材拼接嘅墙面，好特别好啱影相📷呢到环境舒适、装修设计有艺术感、灯光柔和，好适合静静地倾下计，喺闹市中一个好治愈嘅角落。相比同区其他餐厅，呢度人均百多蚊就可以食到高质餐品，绝对喺性价比之王。👉🏻自由自在1人套餐💰264（包4样嘢！）我点咗香煎西班牙伊比利亚黑毛猪 Legado 猪鞍🐖肉质嫩滑，完全唔嚡口，好有惊喜👍🏻配上扒蕃茄、烤西兰花同苹果泥玉，味道层次好平衡～之后我选配咗松露蜜糖鸡翼，外皮微脆，咬落去好 juicy😋松露香同蜜糖甜味加埋一齐好夹，跟餐有3只，太好味觉得有啲唔够喉，下次要再叫多份🤤再点咗一杯气泡凤梨 Lemonade，味道清爽，凤梨香气突出，带少少酸甜感，配肉类菜式好解腻🍍🍋我跟餐加配咗一件朱古力合桃蛋糕，朱古力味浓郁，蛋糕口感 creamy，合桃增加咗蛋糕嘅香脆感，甜度适中，作为餐后甜品好满足😌👉🏻奶油柠檬鸡肉菠菜意大利粉💰118酱汁带柠檬清香，配上菠菜，即使喺奶油意粉都唔会太 heavy，鸡肉都好嫩滑～👉🏻草莓蛋白饼奶油霜配 Haagen-Dazs雪糕💰68我选配咗夏威夷果仁雪糕，同奶油味道都好夹，蛋白饼好酥脆，夹埋一齐食口感丰富，呢个甜品嘅外观都好靓，粉红色嘅甜品真喺好啱女仔打卡💗呢度仲好有文艺氛围👩🏻‍🎨🔖📖除咗餐食，店内仲有旅行书籍同艺文元素，有漂书、寄明信片嘅活动，食饭之余同时可以感受到文化气息👍🏻…查看更多

寻日朝去开铜锣湾，整完野先十点几周围好多餐厅都未开，见牧羊少年开咗，以前系葵芳食过几好，咁就一于过去食啦。行到埋去无职员系门口，咁咪行入两步望下有无人，突然有个职员行出嚟，块面系黑到好似争佢钱咁问几位呀，我答佢两位，佢无出声净系拧转面系近门口有张卡位收起两只碟，然后一轮咀系度讲咩用餐时间105分钟blablabla，跟住摆低个餐牌同个QR code就行咗去。之后摆低啲餐同收碟都系黑口黑面唔出声。睇返一朝早另外有个职员都系黑口黑面咁，后来晏少少多咗其他员工返工，先见到有个正常啲。讲真唔需要你恭恭敬敬咁，但至少都要正常态度先啦。一入到去见到个店员黑口黑面咁款，自助落单全程无服务可言，咁嘅款仲够胆收加一，真系无下次！…查看更多

有一晚约咗朋友，总共两位，得我自己一个到咗，朋友未嚟，店员告用餐时间只有105分钟，礼貌询问我朋友未嚟，我都系唔入嚟住，可否book定位，职员态度奇差说我哋Booking其实今晚都full晒，跟住我话唔紧要，咁我喺门口等埋我朋友先至入去，再礼貌询问大概会几时满座，我可以催促朋友快点来，职员态度又系串，答我好难讲，点解态度会咁差！即刻走拜拜唔想食…查看更多

如果想揾个方便嘅地方，饮个下午茶，唔需要华丽嘅打卡位，呢度系一个几好嘅地方。Weekdays tea menu 都算多选择，最低由$58起，包嘢饮，有啲要加钱，例如加$12可以饮latte，都唔系贵。我哋叫咗两个set，分别系Tiramisu，同埋today's pastry，当日有两款选择，包括斑兰椰子，同埋Passion food Mango🍰，而我哋就拣咗后者。我本人就食咗Tiramisu，我觉得好好味，味道浓郁，又唔系好甜，食落去嘅质感好适中，绝对系性价比高。至于个咖啡就Standard，冇乜特别。地方嚟讲，佢啲枱就比较密嘅，不过好彩大部份嘅食客都好有质素，都唔系大声讲嘢𠮶啲，所以都几舒服。一坐低服务员讲咗系有105分钟嘅限时，当我哋饮完咖啡，佢哋仲会不停帮我哋斟水，亦冇话成日赶我哋走嘅，到最后我哋坐到5:30佢哋先至叫我哋埋单。Overall 我觉得抵食，都值得推介。…查看更多