牧羊少年咖啡館 (The LOHAS康城)

今日喺康城商場 The Alchemist Café（牧羊少年） 食午餐，叫咗一份 龍蝦汁鳳尾蝦意大利粉套餐（$134），已包餐湯同飲品。我選咗美式黑咖啡（凍，少冰），另加一份 燒汁八爪魚丸（$36）。埋單連加一共 $147。套餐嘅餐湯味道濃郁，入口順滑。主菜龍蝦汁意粉香氣四溢，醬汁帶少少海鮮鹹香但唔膩，意粉煮得啱啱好，保持彈牙口感。鳳尾蝦肉質新鮮爽口，份量適中。整體味道有水準，食落令人滿意。追加嘅燒汁八爪魚丸亦幾出色，燒汁甜鹹適中，丸身彈牙，係唔錯嘅小食選擇。至於環境方面，牧羊少年嘅裝修一向走簡約文青風，光線柔和，氣氛悠閒，非常適合放假或半日休息時嚟歎返個 brunch。服務態度親切，出餐時間大約十分鐘左右。總括而言，餐點質素穩定，價錢雖然偏中上，但以康城區嘅環境同食物質素嚟講都算合理。無論一個人輕鬆食，或者朋友小聚，都係不錯嘅選擇。…查看更多

「牧羊少年咖啡館」一貫裝修都係走文青風，呢度仲有戶外位，環境幾靚，天氣唔熱嘅時候坐出面真係幾 chill。今次試咗兩款 fusion 意粉，味道都唔錯！😋 避風塘炒蟹肉意大利粉 ~ 呢款意粉真係幾有創意，將港式避風塘風味同西式意粉結合。意粉係用橄欖油炒香，唔係 creamy 果種，口感乾身但唔會太硬。蟹肉份量唔算少，食落去有絲絲蟹肉，唔會太碎。重點係避風塘蒜香，炸蒜粒香脆，加埋少少辣椒碎，食落去香口又惹味，唔會太辣但夠醒胃。成碟意粉食落去有港式炒粉 feel，但又不失西餐格調。😋 拿破崙意式肉丸長通粉 ~ 呢款就偏向傳統意式風味，長通粉煮得啱啱好，唔會腍晒。醬汁係番茄底，酸甜平衡得好，唔會太膩。肉丸咬落去肉汁豐富，牛肉味濃郁，仲有少少香草味滲出嚟。…查看更多

抓住暑假的尾巴，才開學前最後一天來個港九新界遊。 下午剛好來到將軍澳日出康城， 又剛好見到這間cafe，劍環境舒適便試一試。 職員很nice, 說有一張卡位快埋單,叫我們等一等.下午茶餐不算便宜，但味道的確不錯。抹茶心太軟流心蛋糕配häagen-dazs雪糕 外脆內暖，配上häagen-dazs朱古力味雪糕， 味道很好。法式蘋果撻配häagen-dazs雪糕不會太甜，味道也相當不錯楊枝甘露是一個得獎作品，味道很好。 不過，由於不喜歡咖啡所以沒有喝。雖然有用餐時間限制但一小時45分算合理。 過了一個悠閒舒適的下午。 …查看更多

Lunch time係呢個平台叫外賣自取，個order status一直係準備中但係我同朋友已經等咗差唔多30分鐘 。係香港地，等30分鐘，仲要係自取 。所以走埋去問張單拎得未，門口一個操有大陸口音嘅staff即時拎轉身就拎出呢一袋一早包裝好嘅外賣出嚟 。此時此刻，係app上面仲係show緊準備中……我問佢如果已經拎得點解唔禁制話我知，我等咗好耐，完全哂時間 。我一連問咗兩三次，完全唔會係聽唔到 。但呢位有口音嘅staff選擇無視我，就咁走咗 。好有某強國特色，你兜口兜面話佢，佢都可以扮無嘢 。面皮厚度幾好 。…查看更多

趕住帶小朋友去學嘢 咁就求其喺樓下食啲嘢咁啱佢哋tea time 又無乜人我哋一行兩個大人兩個小朋友嗌咗兩個兒童餐 大人散嗌咗杯嘢飲另一位大人散嗌咗個tea set 咁都四樣嘢我哋只係坐咗半個鐘左右埋單時有位馬尾濃妝姐姐 佢應該係經理嚟話我哋下次要叫多一樣嘢先得我完全唔知佢哋有最低消費原來一人嗌咗一樣嘢都未夠其實埋單都三百幾 雖然都唔算好貴 但係tea Time嚟講三百幾，我覺得應該夠最低消費掛所以我覺得貴公司應該培訓吓員工嘅態度因為問返身邊住附近嘅朋友佢哋都話覺得每次食嘢覺得某個女Staff嘅態度真係特別差 所以導致有得選擇都唔係好想入去…查看更多

去咗牧羊少食晚餐，晚餐有dinner set，加優惠價$58可以升級至套餐包Drink同甜品，升級套餐有沙律或小食揀，都好豐富，再加$18 仲可以升級是日蛋糕🍰。呢間分店以旅遊為主題，總有「以書易啡」的漂書精神，書架有唔少二手不同中、英文書籍，客人可以用優惠價買到心頭好，書款更用作文化慈善用途。🍴蝦頭油鳳尾蝦香辣肉碎意大利粉 $118鳳尾蝦幾爽口配埋肉碎炒意大利粉，意粉吸滿蒜香同辣味幾香口，意粉又彈牙唔錯。🍴是拉差醬雞翼3隻 + $58 （升級套餐）雞翼炸到金黃色，外脆內juicy 雞肉又嫩滑，有少少辣辣地又惹味。🍴紅絲絨蛋糕🍰 + $18 （升級）原來紅絲絨蛋糕有芝士，職員又沒有說，menu 又沒有詳細成份，以為普通蛋糕，唯有只吃蛋糕部份，走芝士，蛋糕未夠鬆軟，有同職員反映，佢話會同公司反映😏。🍹白桃烏龍茶淡淡桃味的烏龍茶幾fresh 。喜歡我的分享？記得like 🩷 + Follow📌我！🔸牧羊少年咖啡館 (日出康城) 🔸📍將軍澳康城路1號The LOHAS康城4樓417號舖…查看更多

夜晚喺康城食飯，一啲都唔簡單，特別係假日，周圍都排晒隊，仲要唔平。好彩而家有牧羊少年。呢度嘅二人餐只係$428，最重要嘅係佢嘅二人餐彈性好高，可以任揀意粉任揀主食，就連飲品都可以揀杯靚啲嘅。淨係呢樣嘢基本上一定係揀二人餐食。特別講講個牛柳粒非常好食，我哋小朋友一陣就食晒😅。鹹蛋黃意粉都幾唔錯。最開心嘅係甜品，可以揀Häagen-Dazs雪糕，唔使另外加錢。兩杯嘢飲都係可以喺Menu度任揀，咁當然盡量揀杯貴啲㗎啦😆。…查看更多

這次在餐廳品嚐了「金沙咸蛋黃鳳尾蝦意大利粉」、「小食拼盤」和「炙燒荷蘭汁豬肉排」，整體感覺非常滿意。金沙咸蛋黃鳳尾蝦意大利粉鹹香濃郁，咸蛋黃裹著彈牙的鳳尾蝦，每一口都充滿層次感。小食拼盤選擇豐富，無論是炸物還是小吃都炸得酥脆不油膩。炙燒荷蘭汁豬肉排外層微焦，肉質嫩滑，配上荷蘭汁提升了味道的層次。兒童餐同樣驚喜，前菜花生醬香蕉藍莓多士甜而不膩，主食芝士忌廉磨菇雞肉長通粉香濃滑順，甜品法國馬卡龍精緻可口。飲品提子汁清新解膩，草莓作為水果點綴更添新鮮感。整體用餐環境舒適，服務貼心，是值得再訪的餐廳！…查看更多

「牧羊少年」經常見門口企滿人，之前以為只可以排隊，後來先知原來可以網上預約，慳番唔少時間。上次想同朋友食好啲，專登揀咗呢間做聚餐地點。我點咗日式燒汁西班牙豚肉長通粉，豚肉煎得香口，肉質鬆軟，燒汁帶甜味又唔膩，撈埋長通粉一齊食非常入味。朋友點咗拿破崙意式肉丸長通粉，我都有試咗少少，肉丸夠實淨又多汁，配番茄醬酸甜開胃，係比較傳統嘅意式風味。餐廳環境舒適，座位唔迫，光線自然，氣氛輕鬆，啱晒朋友慢慢傾計。出品有水準，難怪長期都咁受歡迎，有機會會想再試佢哋嘅甜品或其他主菜。係一間氣氛同味道都令人滿意嘅餐廳。…查看更多

差唔多個個星期weekend幫襯早餐，比高少少價錢，買一個舒適的環境，其實有能力的都唔介意。雖然早餐種類都較為單一，但合自己口味。好可惜，同大部份香港食市一樣，後場點樣努力，都會比一兩個樓面搞衰。餐廳政策可以係用餐1小時45分鐘，但主管可以在未到一小時，用行動來話比你聽佢想你交枱。問你d野到齊未啦，需唔需要加單啦，收晒你枱面d餐具啦。作為一個本地人，如餐廳大大方方講因多人等候，想預早執拾，我哋係唔會介意同"識做"基本上康城分店大部份員工都好好態度，今次不知道是否主管心情不佳或受出面等位的人壓力，其態度同面口都差勁。令我依個顧客假日一早都心情不佳。作為食客，真係替廚房及其他員工不值。為免自己受到影響，唯有以後減少光顧或到其它分店一試…查看更多

🌟🍴 【將軍澳 • 牧羊少年】 🍴🌟 牧羊少年咖啡館 (The LOHAS康城) (將軍澳)將軍澳康城路1號The LOHAS康城4樓417號舖 📍 🍖🥟🍟🥚🍰🍲🍇 • 🥪🍓🍤🍪🍜🍡🍹 🍗 紫蘇香蒜蔥鹽醬烤雞扒雞扒烤得外脆內嫩，紫蘇和香蒜的清香完美融合，蔥鹽醬提鮮又不搶味，口感層次豐富，讓人一口接一口！😋🍤 金沙咸蛋黃鳳尾蝦意大利粉咸蛋黃的濃郁香氣包裹著彈牙大蝦，意大利粉吸滿醬汁，滑順又帶點微鹹的誘惑，每一口都是滿足的享受！🦐✨🥩 紅酒燴牛面肉 伴薯蓉，烤澳洲西蘭花牛面肉燴得軟嫩入味，紅酒醬汁濃郁微甜，搭配綿滑薯蓉和清脆烤西蘭花，平衡又和諧，絕對是肉食愛好者的最愛！🍷🥔🧀 紅桑子乳酸忌廉芝士奶蓋（凍）紅桑子的酸甜與乳酸忌廉的濃滑碰撞，奶蓋細膩如雲，入口清新不膩，完美為餐點畫上句號！🍓🥤🥭 芒果熱情果茉莉乳酪奶蓋（凍）芒果的甜美與熱情果的酸爽交織，茉莉香氣清雅，乳酪奶蓋輕盈順滑，喝一口就像置身熱帶假期！🌴😍🍦 Haagen-Dazs 雪糕杯經典雪糕，濃郁絲滑，無論單吃還是搭配甜點都超滿足，品質保證的甜蜜享受！🍨🎂 焙茶心太軟蛋糕 配雪糕焙茶香氣濃郁，心太軟蛋糕溫熱流心，搭配冰涼雪糕，溫冷交錯的口感太驚艳！製作雖需15分鐘，但絕對值得等待！🍵❄️🍇 罧酒提子提子浸透罧酒，甜中帶微醺的果香，作為小點清新解膩，令人回味無窮！😊整體體驗：菜式創意十足，味道與賣相兼具，甜品飲品更是驚喜連連，值得一試再試！🌟🍙🥤 餐廳評分🥤🍙 🔥 餐廳環境：🔥🔥🔥🔥🔥 ⛄ 服務質素：⛄⛄⛄⛄⛄ 🍾 食物味道：🍾🍾🍾🍾🍾 🎟️ 性價比：🎟️🎟️🎟️🎟️🎟️ 💰 消費：HKD 800✨🥢🍣🍕🍜🍴🍰✨ #將軍澳美食 #牧羊少年 #web3將軍澳…查看更多

今次去康城探朋友，夜晚時就落左喺佢留下《牧羊少年》食晚餐，呢度有設室外座位。夜觀康城，望住萬家燈火，斑斕璀璨，氛圍一流。呢度有咩食？✨️慢煮BBQ醬美國豬肋骨 醬汁半cm 厚, 慢煮令肉質鎖水，啖啖都非常 juice。伴有蕃薯條 和普羅旺斯燉菜，十分豐富。✨️金沙咸蛋黃鳳尾蝦意大利粉 $118鳳尾蝦鹹香四溢，意大利粉幼滑易吞。✨️照燒汁煎乾蒜美國牛柳粒牛柳煎到爐邊香口，已切成細粒，一啖一口，非常方便。✨️杞子木瓜牛奶見到個名都覺係很健康有益嘅飲料，木瓜牛奶飲落很順滑香濃。✨️冰水果茶果茶杯上放有半片橙和半片柚子，美觀又好味。✨️橙汁 ~ 大大杯, 果味鮮甜。…查看更多

生活壓力大，去一個能夠令自己放鬆嘅地方好重要。今次第一次到訪康城店，餐廳佈置以米白木色作主調，充滿chill vibes💚<慢煮BBQ美國豬肋骨伴蕃薯條、普羅旺斯燉菜>每次必點item，豬肋骨大大份，肉質軟腍，每次黎都保持到水準，蕃薯條炸到外層香脆，口感綿密🫶🏻<魚湯輕炒西蘭花>西蘭花軟硬適中，鮮甜魚湯夠入味。<希臘沙律伴初榨欖油意式黑醋汁>份量十足，有我最中意嘅火箭菜、車厘茄、芝士，配開胃黑醋汁，好refreshing🌿<東京醋汁雞翼>推介！酸甜醋汁同雞翼好夾，食完一隻又一隻🥰<紅火龍果香蕉乳酪奶蓋>每次都會點咖啡，不過今次太夜黎食🫢為免訓唔到都係試下呢杯期間限定特飲。香蕉、紅火龍果配乳酪，唔會太甜，blend得好滑身，仲有邪惡嘅奶蓋🫢下次想試埋另一杯特飲😍甜品係HD雪糕，happy ending🫶🏻…查看更多

康城開左牧羊少年之後，次次weekend 行過都好多人，今次平日晚上去終於都食到😃晚上氛圍幾好，燈光暗暗，好舒服安靜嘅感覺🥗紅石榴大蝦菲達芝士沙律配紅莓油醋汁沙律賣相吸引，味道仲好食！大蝦鮮嫩，菲達芝士嘅鹹香加上紅石榴嘅果香，口感層次非常豐富。再加上清新嘅紅莓油醋汁，非常清新，係完美嘅夏日選擇🍝日式燒汁西班牙豚肉長通粉長通粉味道好似大板燒嘅味道，好特別！豚肉片肥瘦適中，燒汁味道濃郁唔油膩，同長通粉嘅搭配真係絕配🌮牛油果莎莎墨西哥脆片配酸忌廉每次去餐廳我都會叫Nachos 😃 呢個墨西哥脆片香脆可口，牛油果醬係用真牛油果整，絕對唔係一般餐廳用現成嘅牛油果醬，真係非常欣賞佢哋呢一點嘅認真，加上酸忌廉，令整個味道更加昇華🍹蘋果蜜桃鮮打紅茶充滿蘋果同蜜桃果肉嘅紅茶，飲得出真係新鮮打嘅，清爽又冰涼，果香四溢🥞日落巴黎每次黎都必食窩夫😁窩夫厚厚的，但外脆內軟，真係整得好好，比好多餐廳都好食，配上香甜嘅香蕉、濃郁嘅朱古力漿，仲比利時朱古力雪糕、冧酒提子雪糕，超級豐富又好食…查看更多

高質☕Cafe連鎖店🌟牧羊少年咖啡館🌟，將軍澳區有2️⃣間分店，其中一間位於康城商場！🌟與你分享2人套餐 $428套餐包含小食、Pasta、主食、飲品及甜品，幾乎全Menu嘅選項都可以揀，份量豐盛又夠Flexible！🥬牛油烤椰菜花配金槍魚蘸醬烤至香口嘅椰菜花，撈埋調味粉，變得惹味！金槍魚蘸醬帶來鮮香，的確唔錯！🍝日式燒汁西班牙豚肉長通粉將大阪燒嘅元素加入Pasta，醬汁香郁，椰菜爽脆，長通粉彈牙，正！🍖慢煮BBQ醬美國豬肋骨伴蕃薯條、普羅旺斯燉菜慢煮嘅豬肋骨有勁多肉，醬汁濃郁！蕃薯條香甜，燉菜美味！🍵抹茶牛奶｜🍹氣泡鳳梨Lemonade香滑嘅抹茶Latte有靚靚海馬拉花！鳳梨Lemonade酸爽開胃！🍨Haagen Dazs雪糕杯套餐包埋名廠雪糕，讚！…查看更多