牧羊少年咖啡館 (The LOHAS康城)

今日喺康城商场 The Alchemist Café（牧羊少年） 食午餐，叫咗一份 龙虾汁凤尾虾意大利粉套餐（$134），已包餐汤同饮品。我选咗美式黑咖啡（冻，少冰），另加一份 烧汁八爪鱼丸（$36）。埋单连加一共 $147。套餐嘅餐汤味道浓郁，入口顺滑。主菜龙虾汁意粉香气四溢，酱汁带少少海鲜咸香但唔腻，意粉煮得啱啱好，保持弹牙口感。凤尾虾肉质新鲜爽口，份量适中。整体味道有水准，食落令人满意。追加嘅烧汁八爪鱼丸亦几出色，烧汁甜咸适中，丸身弹牙，系唔错嘅小食选择。至于环境方面，牧羊少年嘅装修一向走简约文青风，光线柔和，气氛悠闲，非常适合放假或半日休息时嚟叹返个 brunch。服务态度亲切，出餐时间大约十分钟左右。总括而言，餐点质素稳定，价钱虽然偏中上，但以康城区嘅环境同食物质素嚟讲都算合理。无论一个人轻松食，或者朋友小聚，都系不错嘅选择。…查看更多

「牧羊少年咖啡馆」一贯装修都系走文青风，呢度仲有户外位，环境几靓，天气唔热嘅时候坐出面真系几 chill。今次试咗两款 fusion 意粉，味道都唔错！😋 避风塘炒蟹肉意大利粉 ~ 呢款意粉真系几有创意，将港式避风塘风味同西式意粉结合。意粉系用橄榄油炒香，唔系 creamy 果种，口感干身但唔会太硬。蟹肉份量唔算少，食落去有丝丝蟹肉，唔会太碎。重点系避风塘蒜香，炸蒜粒香脆，加埋少少辣椒碎，食落去香口又惹味，唔会太辣但够醒胃。成碟意粉食落去有港式炒粉 feel，但又不失西餐格调。😋 拿破仑意式肉丸长通粉 ~ 呢款就偏向传统意式风味，长通粉煮得啱啱好，唔会腍晒。酱汁系番茄底，酸甜平衡得好，唔会太腻。肉丸咬落去肉汁丰富，牛肉味浓郁，仲有少少香草味渗出嚟。…查看更多

抓住暑假的尾巴，才开学前最后一天来个港九新界游。 下午刚好来到将军澳日出康城， 又刚好见到这间cafe，剑环境舒适便试一试。 职员很nice, 说有一张卡位快埋单,叫我们等一等.下午茶餐不算便宜，但味道的确不错。抹茶心太软流心蛋糕配häagen-dazs雪糕 外脆内暖，配上häagen-dazs朱古力味雪糕， 味道很好。法式苹果挞配häagen-dazs雪糕不会太甜，味道也相当不错杨枝甘露是一个得奖作品，味道很好。 不过，由于不喜欢咖啡所以没有喝。虽然有用餐时间限制但一小时45分算合理。 过了一个悠闲舒适的下午。 …查看更多

Lunch time系呢个平台叫外卖自取，个order status一直系准备中但系我同朋友已经等咗差唔多30分钟 。系香港地，等30分钟，仲要系自取 。所以走埋去问张单拎得未，门口一个操有大陆口音嘅staff即时拎转身就拎出呢一袋一早包装好嘅外卖出嚟 。此时此刻，系app上面仲系show紧准备中……我问佢如果已经拎得点解唔禁制话我知，我等咗好耐，完全哂时间 。我一连问咗两三次，完全唔会系听唔到 。但呢位有口音嘅staff选择无视我，就咁走咗 。好有某强国特色，你兜口兜面话佢，佢都可以扮无嘢 。面皮厚度几好 。…查看更多

赶住带小朋友去学嘢 咁就求其喺楼下食啲嘢咁啱佢哋tea time 又无乜人我哋一行两个大人两个小朋友嗌咗两个儿童餐 大人散嗌咗杯嘢饮另一位大人散嗌咗个tea set 咁都四样嘢我哋只系坐咗半个钟左右埋单时有位马尾浓妆姐姐 佢应该系经理嚟话我哋下次要叫多一样嘢先得我完全唔知佢哋有最低消费原来一人嗌咗一样嘢都未够其实埋单都三百几 虽然都唔算好贵 但系tea Time嚟讲三百几，我觉得应该够最低消费挂所以我觉得贵公司应该培训吓员工嘅态度因为问返身边住附近嘅朋友佢哋都话觉得每次食嘢觉得某个女Staff嘅态度真系特别差 所以导致有得选择都唔系好想入去…查看更多