牡蠣不如帰

话说𠮶日落雨我又冇带遮揼湿咗，想称赞返当日一个戴眼镜嘅侍应好细心咁招呼我，佢专登揾咗一个唔对住风口嘅位俾我坐👍🏻👍🏻👍🏻佢又主动介绍咗，都几啱我口味嘅食物，鱿鱼沙律，同埋豚骨蚝拉面。豚骨热辣辣汤底非常鲜甜，但系又唔系𠮶种好杰身好油腻好滞嘅感觉，蚝𠮶个口感啱啱好咬落去唔会太熟好有汁𠮶种，而且竟然同猪骨汤底非常之合拍！鱿鱼沙律嘅鱿鱼又系做得酸味味，又唔会盖过咗鱿鱼本身𠮶种鲜味，系会不停食几碗都可以再食落去嘅感觉🤣食完饭记得去厕所参观吓😝打开门入边有惊喜都整得几靓㗎!路过百德新街又唔知食咩好嘅话不妨入去试吓啦…查看更多

呢几日天气转凉，个人好自然想食碗热辣辣嘅拉面暖下身。寻日先试完个蚝汤拉面，点知今日行过见到呢间舖头，门口贴满奖状连米芝莲都有，心谂横掂记忆犹新，不如即刻比较下。点知一入门，心已经凉一截。伙计零笑容、零招呼、零介绍，成间舖好似我打扰佢哋咁。谂住有咁多奖，服务应该唔差，点知连基本礼貌都无。抱住「可能食物搭救」嘅心态叫咗碗蚝拉面，一上枱真系得啖笑。汤底淡茂茂，饮落同连锁店嘅急冻汤包无分别。最离谱系面头𠮶只熟蚝，冻冰冰兼缩晒水，口感好似食紧擦胶咁。老实讲，寻日喺普通小店食𠮶碗，汤浓蚝鲜，赢呢间所谓得奖名店九条街。真系唔明点解攞到咁多奖，可能我唔好彩啦。但第一印象已经决定一切，以后行过都系直接去返连锁店好过，至少唔会贴钱买难受。…查看更多

之前喺机场食过金色不如帰，食落有惊喜！！🤯本身以为小店嚟，后来问店员先知原来仲有几间分店！🤩仲有一间专食蚝拉面架！🦪所以放假就专程去咗试啦！😝晏昼去成间餐厅一个客都无，但又唔系落场时间啵😳➢ 🍜🦪牡蛎白汤拉面 $𝟷𝟹𝟾汤底用大量牡蛎同鸡汤慢火熬制，食落好浓郁好香蚝味🦪汤中加咗块柠檬片令饮落唔会觉得太腻🍋同埋我本身唔系一个食拉面会饮晒啲汤嘅人嚟，但都将呢碗汤底饮到见碗底🤤可惜牡蛎得一只，就真系少咗啲😭➢ 🥟黄金牡蛎煎饺 $𝟽𝟻味道可以，但唔太食得出有蚝味，同埋得四只，性价比太低❗️美味：★★★★★（👈🏻系俾个拉面🍜架😋）扺食：★★★★服务：★★★★📍牡蛎不如帰铜锣湾百德新街57号Fashion Walk地下A号舖#拉面 #牡蛎拉面 #牡蛎不如帰 #铜锣湾美食 #namkam铜锣湾…查看更多

𠮶日想食拉面，就谂住同男朋友试吓呢间以蚝白汤闻名嘅舖头，饭钟时间入到去已经冇乜人，服务态度都一般。个蚝汤得个咸字，得𠮶个一蚊银大小的蚝酱叫做有啲蚝味，性价比低，试过就算，冇下次…查看更多

本身谂住叫𠮶啲饭食嘅 问过啲饭净系得100g所以我就同个frd都系叫咗白豚骨拉面🍜以为份量都应该系正常 结果其实都未食饱本人食得比较少 都可以话系饱饱地 但系按正常嚟讲完全唔够食（my frd)净系得两片肉 之后其实食几啖啲面就已经冇晒但系啲面系几好食嘅 啲汤汁都好好饮 搭配得唔错环境其实几唔错下 环境整洁 都算系半开放式厨房 我同frd一坐落嚟啲姨姨就已经拎左两杯水过嚟（啲水都几好饮）但其实性价比唔系好高 因为一碗已经115仲要+1服务费 所以可以有其他更好嘅选择…查看更多