牛陣HANARE Platinum Label

第二次去世貿中心 11樓的牛陣。上次經驗很好，無論環境，食物及服務都有水準。二百元樓下的午餐，簡直超值😊。今次想提一點意見。因為點的是 Shabu Shabu，其實上菜好簡單。前菜是細細件的，有三款，做得精緻又好吃。上前菜時，好似同時有三個侍應一齊出現，放醬汁、湯底、點的肉類，不消30秒，全部放齊枱上。問題來了。這種速度，令人眼花撩亂。好像自己坐都未坐定，想同友人講多兩句都來不及，就滿枱食物。這間牛陣，裝修格調很清雅，空間感強，令人覺得很療癒。服務又貼心有禮。食品質素高。如果上食物速度可以稍慢一點，等客人食完前菜，再逐一放上醬汁，湯底及肉類，感覺會輕鬆些。因為即使這樣，前後只會相差兩分鐘，但會更像高級餐廳的服務。今次是善意提出。因為喜歡，其實下星期又再來😀…查看更多

第一次到訪，以為自己訂了枱，原來忘記撳掣😅，但服務員說冇問題呀，我地有位。為好友午飯做生日，大家叫了日本牛肉套餐。每件肉大大件，而且蔬菜配料都很足夠。因為是閒日，又在世貿 11 樓，不很滿，傾計很舒服。淺色的設計，感覺很悠閒，而且景觀開陽，每張枱都較一般餐廳大，即使坐滿，也不會有壓迫感。我們坐到三點員工落場先走。如果要找舒適又抵食的午餐，這裡比世貿樓下那幾間餐廳質素及環境都好好多。兩人連加一 $372，值得推介👍一定會再去。…查看更多

俾一個價錢食壽喜燒點知嚟到發現又有刺身食 又有天婦羅食？！刺身一啲都唔馬虎 選擇都好多天婦羅都好多 但係我冇每樣都食晒因為要留肚食今餐嘅主角 牛😆壽喜燒醬汁用嚟煮和牛 提升到和牛嘅肥美香氣雖然和牛睇落去好多脂肪，但係食落去其實肥而不膩😆煮完牛肉醬汁，用嚟煮蔬菜 蔬菜吸晒壽喜燒嘅醬汁，雖然係幾鹹，但係其實好好味🫣食厭咗壽喜燒嘅味道可以叫職員落湯打邊爐咁就可以將唔同嘅蔬菜一次過淥熟🙂‍↕️坐得都好舒服 環境唔會好嘈同朋友傾吓傾吓，咁就過咗四個鐘頭…查看更多

第一次寫食評，因為我想繼續食！一流呀～入座後職員殷勤地介紹壽喜燒的餐牌及煮食流程，最後選擇鹿兒島野崎牛放題套餐及任飲啤酒。牛肉的質素不會因為任食的名義打拆扣，每一份都係有質素，有肉香。天婦羅的炸衣超級薄、新鮮熱辣。男經理連我跌筷子都知道，確實一眼關七，的確好有服務。一定會推介肉食性朋友來一品嚐。好耐未食過返尋味的餐廳。…查看更多

以$189哩個價錢食到哩個質素嘅和牛壽喜燒，性價比真心高湯底都有好幾款，我就揀番壽喜燒，唔好嘥咗啲靚牛🥩 可能因為價錢問題，唔係用壽喜歡慣用嘅煎烤盤，只係火煱上，不過味道都好好👍🏻午市定食套餐除咗自選主食肉類之外，仲跟前菜小食、蔬菜、飯/麵，餐飲+甜品。睇落份量好似偏少，但食下食下覺得好飽😋😋主角終於出場，鹿兒島黑毛和牛油脂紋理分明，非常吸引😍😍😍 目測每份三/四片應該有有100克😋😋牛肉片厚薄適中，拖幾秒就食得、口感嫩滑，超好食😋😋😋午市定食可任點任食雪糕🍧不過今日只有綠茶蛋糕一款，就一杯好了🫶🏻另外一提就係服務，今日客人唔多，服務人員態度超好，真係有向日本用餐嘅感覺👍🏻👍🏻讚…查看更多

第二次嚟食，上一次係聖誕今次係慶祝生日。服務質素態度點係5星，不過牛肉質素今次真係有啲接受唔到，比到盡3星。就因為啲牛肉質素影響到我對成餐嘅觀感同食慾。牛肉係壽喜燒嘅重點，希望貴公司著重返啲牛肉質素，同埋廚房出菜之前都檢視吓是否合乎標準。我哋嗌咗8百幾個set，第一輪啲牛真係好靚。到第二輪係斷開一節節，第三輪係脂肪多過肉。之後都冇乜心機同信心再嗌多轉牛。本身都係做餐飲都知道costing問題，但係消費者角度咁樣八舊幾水食脂肪就覺得唔係太值。不過其他食物係完全冇問題，刺身好新鮮啲蔬菜都好食。最後都有個小surprise，staff好突然拎個員工砌嘅dessert platter當係生日甜品。Overall，成個dining experience 就敗筆於最重點嘅牛肉，希望下次嚟食呢個issue解決到，唔係都好難留到客再食。…查看更多

幾百抆可以實施和牛自由，頭盤，刺身，小食，無酒精飲品，日本啤酒都係無限任添，絕對感受到被和牛填滿心靈既滋味，就連甜品都唔隨便，期間限定既卷蛋，芝麻雪糕，飽到捧住肚腩走都仲想食…查看更多

呢排香港無啦啦多咗勁多間$200有找sukiyaki set所以都搵番間試下先😂🤣呢間又係bookmark 咗好耐，之前見到晚市有無限時既和牛放題好吸引，可惜有少少貴。好彩晏晝有lunch set, 而且唔貴就訂枱黎試一試。叫咗鹿兒島縣黑毛和牛$189同日本國產牛$169 各一個黎試，last order 係2:30。個set包咗前菜、蔬菜、飯/烏冬、飲品，重點係雪糕任食！！！之前睇食評見到好多時都係芝麻味所以一心想試，點知去到嗰日係抹茶味。抹茶控既我同朋友每人食咗4-5 杯😂😍牛質素始終和牛係好食好多，國產牛就食落無咁濟。下次再食我肯定會全部叫曬和牛。但係見到佢晏晝都有放題，無問食幾耐，但下次會想試埋。因為個價加埋一都係$430 有找，只係俾多$200，感覺食多2碟就回本咁。-值得一讚既係所有staff都勁好禮貌，而且環境好大又坐得舒服，所以一定會再encore🤩…查看更多

無意中見到呢間餐廳 (高級版)，都想食好耐，有幾次都訂唔到，可能每日只有一輪 (6pm - 10pm)。 今次早兩星期訂，終於訂到 👏🏻👏🏻👏🏻訂咗 7 點，早到，但都見到有人食緊，因為晚餐只有一輪，基本上係 6 點開始。 打開餐牌，有 3 個選擇，$5xx，$6xx，$8xx。 選擇咗中價嘅放題套餐。放題套餐包前菜、刺身 及 天婦羅，三樣都唔錯，當然最好係刺身啦 😋😋。 另外就係飲品 (無酒精) 係任飲嘅 刺身前菜牛食完，正餐嚟啦 (壽喜燒)，啲牛好靚，好嫩滑，正 👍🏻👍🏻👍🏻，食咗三輪壽喜燒，後加昆布湯再變火鍋，食蔬菜及牛肉火鍋，又係正 👍🏻👍🏻甜品：其中有個期間限定雪糕，薑味雪糕，有驚喜 👍🏻👍🏻👍🏻👍🏻另外值得一讚嘅係啲服務好好，個個都好 nice，起初唔識開窩，啲侍應姐姐好有耐性教導同埋幫我哋 👍🏻👍🏻👍🏻有喜慶日子都會再幫襯 …查看更多

作為牛陣嘅premium line 呢間壽喜燒放題絕對唔失禮 餐廳裝修簡約高級 一入到餐廳已經聞到超香嘅壽喜燒味😭$6️⃣2️⃣9️⃣pp可以無限時任食高質和牛+刺身+前菜+天婦羅+蔬菜+主食仲包埋任飲果汁汽水同啤酒前菜有鮟鱇魚肝 北寄貝沙律同埋蟹黃豆腐刺身方面有甜蝦 帶子 三文魚 吞拿魚蓉同油甘魚新鮮肥美 放題質素嚟講算係咁$629嘅套餐可以揀 特撰肉或者赤身特撰肉 油花非常之靚 入口即溶 每一啖都好滿足！赤身 肉味較出 相對冇咁油仲有日本米同埋蘭黃蛋任嗌最尾仲有唔同嘅甜品選擇推介芝麻雪糕！─ ⊹ ⊱ tldr ⊰ ⊹ ─每人平均食3-4碟+不停叫sapporo beer/ sake其實已經值回票價 高質素嘅放題🙏🏻味道: 4.5 / 5價錢: $ 700 pp服務: 4.5 / 5 環境: 4.5 / 5cp value: 4.5 / 5re-visit: yess…查看更多

晚市由5:30食到10:00好滿足🤩坐低就有人講解枱上嘅用具同埋餐牌店內嘅服務質素都好好🤍環境好大好靚坐得都好舒服～前菜有豆腐、鮟鱇魚同蘿蔔 都係任食全部都整得好精緻💖和牛今次叫嘅係第二貴嘅野崎牛食落去肉質好柔軟🥹沾咗蘭王雞蛋令到和牛入口更加順滑另外要一讚壽喜燒汁調味好適中👍🏻唔會太鹹或者太甜 食得多都唔會好口渴雖然條片冇講到但係仲有啤酒任飲🍺其他飲品選擇都好多 有一款提子梳打好好飲特別推薦!至於其他食物 刺身係肉眼見到嘅厚 而且每一轉都係咁厚食落好新鮮肥美👍🏻天婦羅就有魚、番薯、蝦 全部粉漿都好薄 全部都有調味唔會淡茂茂～蔬菜都有好多款式可以order🥗好似番茄、豆苗、各種菌類 好新鮮🌱仲有幾鐘意有腐皮烏冬嗰隻油豆腐！佢哋個烏冬都好柔軟 索曬壽喜燒和牛嘅油脂好正🤤…查看更多

今次我哋兩人利嚟到銅鑼灣世貿中心嘅牛陣HANARE，呢間餐廳專注於壽喜燒同涮涮鍋，環境設計得相當舒適，木質裝潢令到整個地方充滿日式風情，適合朋友聚餐或者情侶約會。我哋今日食咗兩個午市套餐，一個係鹿兒島黑毛和牛壽喜燒，另一個係本日海鮮推薦既shabu shabu首先講下壽喜燒，牛肉質感好柔嫩，真係入口即化，加上攪拌後嘅生雞蛋蛋液及壽喜燒甜醬汁同新鮮蔬菜，口味十分地道。至於shabu shabu，大蝦、蠔同魚片都非常新鮮，高湯清爽，煮好之後搭配上調味醬，海鮮嘅鮮味完全被保留，好食到唔想停口音樂啊，飲品方面，我哋選咗柑橘檸檬梳打同埋荔枝紅茶，清新又解膩，特別適合搭配火鍋嘅餐點。最興奮係餐廳仲提供芝麻味雪糕任食，濃郁嘅芝麻香味就算好飽都可以食到兩碗…查看更多

早2日食咗餐超正既午市涮涮鍋，食物質素真係幾高質，食到我地好開心好滿足😁呢個超正嘅午市Set有6款 Shabu Shabu 選擇，價錢由$129～$199，有雞、豬、牛、海鮮揀，湯底都有5款任揀，佢哋最出名係牛肉，但係我哋今次兩個都係揀咗食豬😝北海道夢之大地豚 $139套餐包：本日前菜、旬之野菜盛合、飯/烏冬、飲品，仲有甜品🍨雪糕可無限添加。湯底選了🍅甘甜完熟蕃茄湯底蕃茄味非常香濃，喜歡蕃茄的一定要試吓呢個😉🥘新加坡風味叻沙湯底湯底帶來濃郁椰奶香味，加上辣椒、檸檬草、香茅嘅味道，好好味，最緊要佢唔係太辣😋🥗前菜配有3款小食🔸豆腐🔸鮟鰜魚肝🔸芥末響螺各有特色，細細碟，一口入口，釣下你胃口主角🐷大地豚，好鬼好味，肉質非常鮮嫩多汁，入口即化，食落仲帶有淡淡的豬肉香氣，正到不得了。🌽🥬野菜盛盒都好豐富又新鮮鮮甜😋另外我超喜歡佢哋嘅甜品🍨雪糕，今期做緊芝麻味，我想講好好好好好好好鬼好食，芝麻味+牛奶味好好好滑好好好濃郁，超級超級正，大家只要用枱面嘅QR code落單，可以任叫任食，我就食咗3球😝提提大家午市時間：12-3pm（last order大概係2:30）另外到世貿中心，記得首先要上一層，然後向右手面搵升降機再上去11樓😉…查看更多

可以喺銅鑼灣咁吋金尺土嘅商業旺區，由中午12點到3點食無限時火鍋，埋單二百蚊度其實都算係咁，仲有任食雪糕添，仲唔即衝去book位！米白色主調裝修充滿日本簡約氣息，坐落舒服ok唔錯食晏時份就點個和牛涮涮鍋烚烚吓，個set可自選湯底、主食，附上前菜三款、蔬菜盒，可配米飯或烏冬，甜品雪糕任食♧Shabu Shabu Lunch Set午市餐目・涮涮鍋♧KAGOSHIMA Japanese Wagyu鹿兒島縣產黑毛和牛▪︎從外觀睇3片牛肉色澤尚算鮮亮、雪花分佈都幾均勻幾大片厚度適中唔會紙咁薄個人覺得牛味還算濃，質地不肥膩偏向重咬口粗纖維♧Supreme Bonito Base 黃金鰹魚湯底▪︎呢個錯有錯著。開始點餐同第一位職員講及再確認要壽喜燒湯底，轉頭已見另一位職員將清湯倒入鍋，見顏色金黃清澈問係咪壽喜燒湯，答覆是鰹魚湯，咁本身對魚湯okay亦唔想麻煩人就無謂換。個湯鰹魚味重幾清香，愛嚟烚菜同烏冬係good♧Appetizer本日前菜 °白子豆腐 °鮟鱇魚肝°芥末響螺▪︎希望無聽錯啲名！個人較喜歡芥末響螺味道濃郁啲有𡁻頭♧Seasonal Vegetables Platter 旬之野菜盛合▪︎蔬菜都幾新鮮，豆腐菇類菠菜都好食，粟米爽甜，配鰹魚湯好夾♧Udon烏冬▪︎煙煙韌韌滑捋捋，瀡一聲食晒♧Mandarin Lemon Soda 柑桔檸檬梳打▪︎清爽解渴♧Unlimited Ice Cream Refills無限添加雪糕▪︎芝麻味夠濃幾香，食到中間有冰嘅口感…查看更多

🍚天氣凍午餐想食火煱，朋友推薦銅鑼灣牛陣HANARE！店內休閒高級風格餐廳可QR落單好方便⭐️午市套餐點壽喜燒及涮涮鍋套餐，套餐包前菜、野菜盛盒、飯/烏冬、飲品，加任食是日雪糕套餐飲品好快送到⭐️前菜有豆腐、鮟康魚肝、芥末裙邊，十分開胃！鹿兒島黑毛和牛壽喜燒黑毛和牛油花均勻，入口軟熟香滑，充滿濃郁牛香，烏冬配上甜甜地壽喜燒醬汁真係好好味！日本國產牛涮涮鍋湯底揀鰹魚湯底，日本國產牛肉油花相對較少，但肉味濃最後有任食雪糕粟子雪糕，為午餐畫上完美句號…查看更多