牛陣HANARE Platinum Label

第一次到访，以为自己订了枱，原来忘记揿掣😅，但服务员说冇问题呀，我地有位。为好友午饭做生日，大家叫了日本牛肉套餐。每件肉大大件，而且蔬菜配料都很足够。因为是闲日，又在世贸 11 楼，不很满，倾计很舒服。浅色的设计，感觉很悠闲，而且景观开阳，每张枱都较一般餐厅大，即使坐满，也不会有压迫感。我们坐到三点员工落场先走。如果要找舒适又抵食的午餐，这里比世贸楼下那几间餐厅质素及环境都好好多。两人连加一 $372，值得推介👍一定会再去。…查看更多

俾一个价钱食寿喜烧点知嚟到发现又有刺身食 又有天妇罗食？！刺身一啲都唔马虎 选择都好多天妇罗都好多 但系我冇每样都食晒因为要留肚食今餐嘅主角 牛😆寿喜烧酱汁用嚟煮和牛 提升到和牛嘅肥美香气虽然和牛睇落去好多脂肪，但系食落去其实肥而不腻😆煮完牛肉酱汁，用嚟煮蔬菜 蔬菜吸晒寿喜烧嘅酱汁，虽然系几咸，但系其实好好味🫣食厌咗寿喜烧嘅味道可以叫职员落汤打边炉咁就可以将唔同嘅蔬菜一次过渌熟🙂‍↕️坐得都好舒服 环境唔会好嘈同朋友倾吓倾吓，咁就过咗四个钟头…查看更多

第一次写食评，因为我想继续食！一流呀～入座后职员殷勤地介绍寿喜烧的餐牌及煮食流程，最后选择鹿儿岛野崎牛放题套餐及任饮啤酒。牛肉的质素不会因为任食的名义打拆扣，每一份都系有质素，有肉香。天妇罗的炸衣超级薄、新鲜热辣。男经理连我跌筷子都知道，确实一眼关七，的确好有服务。一定会推介肉食性朋友来一品尝。好耐未食过返寻味的餐厅。…查看更多

以$189哩个价钱食到哩个质素嘅和牛寿喜烧，性价比真心高汤底都有好几款，我就拣番寿喜烧，唔好嘥咗啲靓牛🥩 可能因为价钱问题，唔系用寿喜欢惯用嘅煎烤盘，只系火㶽上，不过味道都好好👍🏻午市定食套餐除咗自选主食肉类之外，仲跟前菜小食、蔬菜、饭/面，餐饮+甜品。睇落份量好似偏少，但食下食下觉得好饱😋😋主角终于出场，鹿儿岛黑毛和牛油脂纹理分明，非常吸引😍😍😍 目测每份三/四片应该有有100克😋😋牛肉片厚薄适中，拖几秒就食得、口感嫩滑，超好食😋😋😋午市定食可任点任食雪糕🍧不过今日只有绿茶蛋糕一款，就一杯好了🫶🏻另外一提就系服务，今日客人唔多，服务人员态度超好，真系有向日本用餐嘅感觉👍🏻👍🏻赞…查看更多

第二次嚟食，上一次系圣诞今次系庆祝生日。服务质素态度点系5星，不过牛肉质素今次真系有啲接受唔到，比到尽3星。就因为啲牛肉质素影响到我对成餐嘅观感同食欲。牛肉系寿喜烧嘅重点，希望贵公司著重返啲牛肉质素，同埋厨房出菜之前都检视吓是否合乎标准。我哋嗌咗8百几个set，第一轮啲牛真系好靓。到第二轮系断开一节节，第三轮系脂肪多过肉。之后都冇乜心机同信心再嗌多转牛。本身都系做餐饮都知道costing问题，但系消费者角度咁样八旧几水食脂肪就觉得唔系太值。不过其他食物系完全冇问题，刺身好新鲜啲蔬菜都好食。最后都有个小surprise，staff好突然拎个员工砌嘅dessert platter当系生日甜品。Overall，成个dining experience 就败笔于最重点嘅牛肉，希望下次嚟食呢个issue解决到，唔系都好难留到客再食。…查看更多