🥩 食評：iSquare 牛陣 —— 一般一般，細節待改善上星期晚上約 7:30，我和朋友兩人來到 iSquare 的牛陣用餐。每位收費 $240 加一，以這個價位來說，期望自然不低。入座後被安排在角落位置，環境尚有點熱。作為一個特別喜歡吃菜的人，看到自助區有不少蔬菜選擇，心情一度雀躍。但可惜，試了幾款後卻感到失望——菜雖然新鮮，卻缺乏應有的菜味，口感清脆但味道淡薄，甚至有種「空洞」的感覺，是我第一次遇到這種情況。至於其他食物，包括肉類和熟食，整體表現只能說是「一般」。不是難吃，但也談不上有驚喜。尤其是熟食區的小食，選擇不算多，而且補貨速是零，部分食物甚至在我們用餐期間都沒有再補上。💡 建議：- 熟食區應考慮定時補充，尤其是熱門小食，避免客人感到「食完就冇」的失落。- 蔬菜方面或可調整烹調方式或選材，提升味道層次。- 以 $240 加一的價位，客人自然期望有更穩定的質素和服務。總結而言，牛陣的環境不錯，食物質素只有基本水準，但在細節上仍有進步空間。若能在熟食補給和菜式味道上作出改善，相信會令整體用餐體驗提升不少。…Read More
The above review is the personal opinion of a user which does not represent OpenRice's point of view.
Like
Dining Method
堂食
因為唔係繁忙時段，侍應都冇趕我地走，不過實在太飽都食唔落，坐多左5分鐘要走人行下消化下先得啦
呢間侍應有禮，環境舒適，係國內遊客多比較嘈，下次都會再黎呢間食
好彩但馬屋集團一直以來都對食品安全非常重視，佢地持續有同供應商合作，仔細監控食品來源，確保所使用的食材都符合政府既要求同標準，將客人既安全同健康放係最重要既考量，所以之前中秋節後去尖沙嘴拍拖，都放心同女朋友喺牛陣補食中秋節大餐
岩岩過左中秋節所以黎食牛陣Shabu Shabu慶祝既人唔太多，唔洗等位就入得去啦！
餐廳以日系裝潢，環境幾舒服。自助調味料區有18款醬汁自由調配，個人特別推介有6款日式醬汁 : 本枯乾冬菇醬油﹑特調柑橘醋﹑紀洲練梅芝麻醬﹑甘甜橘子醬油﹑自家製濃香味噌芝麻醬﹑烤長崎飛魚醬油。自助配料區仲有好多蔬菜任食，包括冬瓜、蘿蔔、金菇菜、萵筍、蟲草花等等，選擇多到食唔哂
我同女朋友都好鍾意食和牛，90分鐘放題任食緊係揀個好食D既啦，我地推介日本產特選黑毛和牛及日本產豚肉放題套餐，肉類包括日本產特選黑毛和牛﹑日本產黑毛和牛﹑澳洲產特上長期穀飼牛﹑澳洲產長期穀飼牛﹑嚴選牛肉﹑上級牛肉﹑美洲產豚肉﹑日本產豚肉﹑牛舌。特選黑毛和牛切得勁薄，色澤紅潤，油花均勻，入口軟綿細滑，口感柔嫩！食完包大家想再食 ! 
套餐仲有魷魚、青口、帶子、大蝦、蝦滑、蟹柳、海螺，都係任食唔嬲架 ! 
飲品有13種罐裝有糖及無糖飲品俾大家揀，甜品方面有Haagen Dazs雪糕任食，怕肥既我都要食夠2杯雪糕先肯走人
