牛記福來居

我同我朋友，叫左個8兩(半斤)重蒜蓉蒸開邊蝦收左$280(上碟得4隻8邊，即係$70/1隻蝦)我之後問返佢，佢講普通海蝦係呀$560斤佢同我講佢係賣$35蚊1两蝦比客🤔🤔🤔我平時出去酒樓或大排檔食海蝦咪$200蚊斤左右，我問佢話係咁貴$560蚊斤海蝦賣560蚊斤普通海蝦係度🔪客，祝你好運👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍…查看更多

收費貴6個人食左$3600叫左：燒肉（唔足一斤）半隻雞（有半副雞雜）椒鹽鮮魷蝦醬通菜魚皮蜆炸大腸蒸三刀兩支啤酒食物味道偏濃燒肉，雞同通菜都比較咸椒鹽鮮魷：厚肉，香口蜆：鮮甜炸大腸：份量不多，香口，蝦片夠脆蒸三刀：出名貴，都真係好食，魚油多但燒肉都收$500，話係永合隆買，偏咸仲要皮唔夠脆餐牌價錢只供參考 感覺唔老實坐足成晚唔會趕你走員工很好客 服務態度好但要食小炒有其他餐廳選擇價錢太貴 性價比低 不會再去…查看更多

同屋企人食飯，好耐冇出過去，所以就嚟咗呢度食啲家常小菜。.我哋叫咗生炒骨，滑蛋牛肉煎米線，椒鹽鮮魷同埋上湯蜆肉。.講真有啲耐冇食過呢啲餸都唔知點樣評價，首先講吓生炒骨，醬汁唔酸，少甜，炸豬肉又炸得好好，整體來講真係好好食.椒鹽鮮魷，炸得非常好，唯獨是本人感覺有少少鹹，不過係接受到嘅，總括嚟講都係非常唔錯.滑蛋牛肉煎米線，滑蛋汁唔會令到塊面餅林晒，牛肉亦好嫩滑，未食過煎米粉，食完有驚喜。好好食.上湯蜆肉，保持一貫水準，洗得乾淨冇沙。另一個值得推介嘅餸菜…查看更多

好耐無嚟,  再加上之前 晚市無啖好食,   早排見到佢夜晚開返已經好想食,   終於有機會了~ 坐好左師兄問飲唔飲例湯,   話係冬瓜湯,   都好吖~   不過上枱嘅應該係節瓜嚟  ,  但唔緊要,  入面仲有豬腩肉, 鳳爪等等,   足料好味嘅~! 兩個人雖然食唔到幾多野, 但係嚟牛記先嚟梗係叫蟶子先喇~   老闆娘推介我地試下 薑蔥炒 ,   果然無介紹錯喎~ 明顯無豉椒炒咁濃味同咁咸,      薑蔥炒鮮甜好多,  試過下次都應該會叫返 薑蔥炒 喇. 再嚟,   炒左個菜,  叫左西蘭花炒田雞,   都好食,  色香味有齊,  有鑊氣,  田雞又唔會太熟, 送酒的確係好~ 極~ 最後, 見到隔離枱食, 忍唔住叫埋個鹵水拼盤 ,  餐牌度又搵唔到,   呢類傳統小菜就係有呢度好,  叫,  就有喇~ 有驚喜嘅係,  佢真係「拼」下,  好多唔同款嘅野食,  豬, 大腸, 豬耳, 鵝腸, 魷魚, 腎, 乜都有啲,  勁開心先..     唯獨是,  無雞蛋囉!!!!  飲埋大啤,  完滿結束,  一定會再嚟嘅~  …查看更多

由於疫情最近也很少到牛記食飯，今日突然好掛住佢嘅蒸班頭腩同聖子皇，三個人也去試一試，太子女安排我哋坐收銀前的小枱，也覺得可以接受，自成一閣，坐低就一定先來例湯接住就是蒸班頭腩，今日極度新鮮，好有即叫即劏嘅感覺跟住蒸聖子皇，非常脆口豉召炒蜆也是十分好食涼瓜肉片好夠鑊氣這次真的好滿意價錢方面可以接受，5樣餸不用800元，海鮮計也不算太貴，另外見到D潤腸好想試，但今次太飽了，下次一定試吓，重有新鮮雞，也是想食…查看更多

我真係好驚訝原來呢間舖頭無乜人寫食評，因為呢間舖頭真係堅好食。舖頭有兩邊，不過都係同一間，一坐低就有窩湯送，又有飯後果，非常體貼。好嘞，入正題，佢基本上好多樣野都好味，生炒排骨、炸豬大腸、琵琶豆腐、黃金涼瓜、啫啫雞煲、霸王雞等，不過我自己最鍾意嘅就係佢嘅肉片煎米粉同埋豉油王炒麵，肉片煎米粉係將d米粉壓扁平至餅狀，然後煎香，再落蛋花芡汁同肉片，個芡汁不但無整淋晒個煎米粉餅，而且反而令到個粘米粉，口感煙韌非常好；至於個豉油王炒麵，由於呢間鋪頭主打做海鮮，所以鑊氣一定夠，因此個豉油王炒麵炒得好乾身好香。最後要一提嘅就係佢d炒菜，好青綠好嫩好夠鑊氣，值得推薦。…查看更多

本來想去試吓「聚興家」，但冇訂位嘅情況之下，最少要等個幾鐘頭。改變地點，走到基隆街，揀了上次經過時曾經想幫襯的「牛記福來居」。比地踎街坊小菜館還要地踎，沒有裝修可言，驟眼望過去就似是一間空置了一段時間的地舖，隨便放幾張枱、安裝冷氣及照明，只滿足了作為餐廳的基本需要就開始營運。但再細心望清楚，那台坐地式中央冷氣機非常殘舊，估計已經運行了許多年，正奇怪為什麼一間餐館的裝修會如此簡陋？望過對面馬路，又是同一個招牌「福來居」，馬上有了答案！另一間「福來居」小菜館的外觀同樣非常殘舊，但總算是一間正正常常的餐廳；至於身處的這一間「福來居」，明顯是後期增添的部位，反正主要做街坊生意，索性放棄裝修。雖然地方簡陋，但除了多款小炒菜式之外，還主力海鮮。餐牌上有多款游水海鮮，價錢天天不同，當日價格就用白油寫在牆上的兩塊大玻璃 - 街坊海鮮小館標示價錢的傳統方法。做街坊生意為主，送例湯是指定動作。冬瓜煲豬骨（老火湯）味道鮮濃，又有冬瓜清甜；雖然未至於十足材料的老火靚湯，但免費贈送，已經很好。有三款不同口味的雞隻烹調方法：霸王雞、白切雞及菜膽雞；最特別就是有兩種標價：沒有特別說明（應該就是冰鮮雞）及標明新鮮雞，而新鮮雞價錢貴50%。今晚人少，只揀了普通版本霸王雞(半隻)(冰鮮)（$120），即是沙薑雞。雖然斬雞及擺盤賣相麻麻地，但淋上了份量不少的豉油汁墊底，賣相變得稍為吸引。蔥油沒有薑蓉、蔥花切粗粒，很粗獷的街坊小店風格。雞皮爽滑、雞肉鮮嫩，沙薑粉香味亦夠濃郁；但雞肉味道偏鹹，反而秘製豉油味道帶甜，蘸一點雞肉竟然更加好食。睇份量，砵酒焗桶蠔（$188）應該有足足一桶（正常可以在街市買到的標準一個膠桶份量），價錢算合理。夠大隻、肉質爽脆、蠔汁豐富，味道實在鮮甜！只是表面的粉漿略為偏濕，每隻蠔有點黏在一起；味道偏鹹，蓋過了酒香。估唔到炒青菜都有分大小兩種份量，價錢分別唔大，勝在迎合客人需要，亦避免浪費食物，抵讚。蒜蓉腐乳炒通菜(小)（$50）味道中規中矩，略嫌腐乳的鹹香、辣味唔夠濃，通菜亦唔夠幼嫰爽脆。每款菜式的味道雖然偏鹹，但又相當好味、亦很有鑊氣。街坊小館沒有加一服務費都算係驚喜，皆因今時今日的香港，餐廳收加一幾乎是指定動作。今餐人均$200一位，唔算好貴；但只是叫了一款普通海鮮，如果食游水海斑、瀨尿蝦、龍蝦等，人均消費就會高很多，而且，海鮮價錢亦唔算便宜。講味道，值得再來幫襯，但如果食海鮮，就真係要試過至知。…查看更多

我地一行四人去到呢間野，其實佢同對面果間福來居係咩關係？Fine,唔緊要，講講服務先，係好好，姐姐同叔叔好落力服務，呢樣必須讚👍🏻唔係呢個服務，我驚我當場發爛😃講番野食，因為呢間係我地其中一個成日黎食，見佢講到咁好食，我地就交比佢叫😀瀨尿蝦-我只能夠講好一般正常既瀨尿蝦，間間食到既係呢個質素，佢炸蒜唔夠香脆，辣椒都唔夠出味，但蝦係新鮮（唯一優點）蒸扇貝-呢個連豉油都冇落，一上菜我地以為落少左，唔緊要，佢d蒜咸到呀媽都唔認得，所以一齊食都夠味炒聖子-呢個幾好食，聖子夠彈牙😃呢個咩芝士蝦米粉底就精彩，芝士淡茂茂又唔夠香，個米粉底係硬唔係脆，定係我鄉下妹唔識食？我寧願去番新記食芝士麵呢味係我叫，佢話冇咸魚，得茄子魚鬆，個茄子好紫好靚，一咬，充滿住水份？冇走油？定本身做法係咁？求指教我地白飯都冇叫，叫左3支唔過30蚊既啤酒同一支可樂，埋單$15XX, 每個人400唔使😀我問自己食左咩要西貢咁既價錢？我唔係嬲間野，其實我係嬲我有朋友咁唔識食揀呢間，仲話強烈推薦😀比中評係因為自己豬揀呢間，無人指住我地入去，加上佢地服務由頭到尾都好好😌可一不可再-完-…查看更多