牛角烧肉部份分店出左个超破格值烧肉定食，德福广场就系其中一间。定食包括是日前菜、沙律同埋昆布汤，仲可以免费无限追加牛角饭同饮品，都几多选择，有汽水、梳打水、苹果汁、橙汁、乌龙茶、柚子蜜、茉莉花茶。而且仲可以用好优惠嘅价钱追加食物，例如加$3有两片猪颈肉、加$6有两片牛舌、加$9有两片牛板腱。我哋就叫咗一个B餐定番日本国产牛、豚、鸡四品烧肉定食，一个C餐烧肉&海之幸定食。………………………………………………B餐：定番日本国产牛、豚、鸡四品烧肉定食 ⭐️⭐️⭐️⭐️⭐️有四款肉类，包括日本国产牛肩脊肉、牛颈脊、豚肉烧、日本鸡爽肉。国产牛肩只肉肉味浓郁，豚肉烧肥美香口。牛颈脊同鸡爽肉就正正常常啦。C餐：烧肉&海之幸定食 ⭐️⭐️⭐️⭐️⭐️有五款食物，包括牛颈脊、牛五花、北海道豚梅肉、牛油广岛蚝、花虎虾。北海道豚梅肉几肥美，广岛蚝同埋虎虾虽然系冰鲜货，但系品质系唔错嘅。牛五花就类似猪嘅五花肉，睇到明显一层瘦肉一层肥肉。是日前菜、昆布汤、沙律⭐️⭐️⭐️是日前菜系中华沙律，同昆布汤、沙律一样味道普通。盐味北海道帆立贝⭐️⭐️⭐️⭐️另外都有用优惠价追加咗一啲牛颈脊啊猪颈肉啊等等。比较推荐嘅就系牛颈脊同埋盐味北海道帆立贝。牛角饭 ⭐️⭐️⭐️⭐️正常发挥咁好食。牛角提供多款酱汁点烧肉，包括盐酱、牛角烧肉汁、秘制烧肉酱、特制柠檬汁、辛味酱汁。………………………………………………今次牛角推出呢个定食其实真系几抵食，不过就只有部份分店同埋部份时间供应。但系就成功令到牛角嘅晚市生意好咗。我哋𠮶晚平日星期三 7:00pm松啲，都等咗大概10分钟先有枱。…查看更多
