牛角日本燒肉專門店 (德福廣場2期)

牛角燒肉部份分店出左個超破格值燒肉定食，德福廣場就係其中一間。定食包括是日前菜、沙律同埋昆布湯，仲可以免費無限追加牛角飯同飲品，都幾多選擇，有汽水、梳打水、蘋果汁、橙汁、烏龍茶、柚子蜜、茉莉花茶。而且仲可以用好優惠嘅價錢追加食物，例如加$3有兩片豬頸肉、加$6有兩片牛舌、加$9有兩片牛板腱。我哋就叫咗一個B餐定番日本國產牛、豚、雞四品燒肉定食，一個C餐燒肉&海之幸定食。………………………………………………B餐：定番日本國產牛、豚、雞四品燒肉定食 ⭐️⭐️⭐️⭐️⭐️有四款肉類，包括日本國產牛肩脊肉、牛頸脊、豚肉燒、日本雞爽肉。國產牛肩隻肉肉味濃郁，豚肉燒肥美香口。牛頸脊同雞爽肉就正正常常啦。C餐：燒肉&海之幸定食 ⭐️⭐️⭐️⭐️⭐️有五款食物，包括牛頸脊、牛五花、北海道豚梅肉、牛油廣島蠔、花虎蝦。北海道豚梅肉幾肥美，廣島蠔同埋虎蝦雖然係冰鮮貨，但係品質係唔錯嘅。牛五花就類似豬嘅五花肉，睇到明顯一層瘦肉一層肥肉。是日前菜、昆布湯、沙律⭐️⭐️⭐️是日前菜係中華沙律，同昆布湯、沙律一樣味道普通。鹽味北海道帆立貝⭐️⭐️⭐️⭐️另外都有用優惠價追加咗一啲牛頸脊啊豬頸肉啊等等。比較推薦嘅就係牛頸脊同埋鹽味北海道帆立貝。牛角飯 ⭐️⭐️⭐️⭐️正常發揮咁好食。牛角提供多款醬汁點燒肉，包括鹽醬、牛角燒肉汁、秘製燒肉醬、特製檸檬汁、辛味醬汁。………………………………………………今次牛角推出呢個定食其實真係幾抵食，不過就只有部份分店同埋部份時間供應。但係就成功令到牛角嘅晚市生意好咗。我哋嗰晚平日星期三 7:00pm鬆啲，都等咗大概10分鐘先有枱。…查看更多

咁啱喺附近睇戲~睇完戲見到原來牛角有宵夜餐牌🤣🤣🤣((唔知係最近先有 定係一直都有haha))真係平好多👍🏻👍🏻味道質素服務，當然同其他分店一樣~必食嘅牛角飯 自己加燒汁鹽醬🌟厚切牛舌 豬頸肉 雞腿肉咁夜先食，雖然真係好邪惡~但係可能下次都會再考慮呢個時間先過嚟，平時兩個人600幾左右埋單~今次就400左右(其實個厚切牛舌已經佔咗$98 因為佢冇特價，淨係可以用正價叫)🤣🤣🤣私心推薦明太子櫻花蝦豆腐 超鍾意🙆🏻‍♀️🙆🏻‍♀️…查看更多

 一日之內，兩餐日本和牛，真是我倆的歷史創舉！話說午市和牛定食之行，意猶未盡。數小時之後，我們又置身於此商場中，並經過此人氣一直居高不下的燒肉連鎖店。為時尚早，不用取籌就可以入座，於是我們二話不說，來個early dinner。非放題的消費方式，打開單點餐牌，的確有點不知所措。幸好此時店員介紹套餐，當中就有配搭日本和牛的，份量雖不算多，但可淺嘗一下，也是上選。細看之下，發覺套餐的前菜非常「洋式」，不知是否能吸引大量年輕捧場客的其中一個原因？就說凱撒沙律前的三個英文字 "BLT" 吧，除了是結業一段時間 (在此商場也曾有分店，更有令我十分感動的服務體驗……) 的西餐廳名稱外，原來是三種材料 (煙肉、生菜、蕃茄) 的首個字母組合，又學到嘢！在「動手」之前，細看一下餐牌，原來附有「燒肉指南」，說明燒肉時只翻一次！所有以往鄙人怕生怕燶，把肉翻好幾次的方法是錯了！至於甚麼是翻肉的最佳時間、兩邊要各燒多久，則要多交「學費」，也視乎爐的火力、肉的種類和厚薄大小、喜歡的生熟度等而定。所以真的是有得食，有得「反/翻」！看完燒肉教學，迎接這塊近江和牛，信心會大一些，冇咁淆底！應該整塊燒完才剪件享用、還是先剪生肉才下爐，鄙人還是琢磨了一陣子。為了方便翻動、容易控制生熟度 (同伴喜歡較熟的 - 要「知埞」！)，也因為尾端幾乎全是脂油、易燶，所以為安全計，我採用了「先剪後燒」。這跟在韓燒DA扒、和牛任食燒扒時的方法，就完全不同了！燒生肉，要執「生」嘛！不能不提的是附餐的飯。識得食，您一定不會選白飯吧！我們的心水是牛角飯：除了溫泉蛋一隻，飯面還鋪滿了脆脆的紫菜碎，撈埋一起超好食！記住問店員，多拿一些這坊間有售的「牛角紫菜」呀！今餐原來還有彩蛋：套餐加一盛惠$825，加上午餐的賬單就可再換商場現金券；加上是日週二，現金券雙倍！又可用來再食過喇！…查看更多

燒菠蘿 $35菠蘿加咗焦糖係面 所以燒個時會好香焦糖味 食落菠蘿都幾多汁 加上焦糖更加清甜 整體黎講都算唔錯😆評分: 9/10🌟 牛角飯 $17食牛角必叫既牛角飯係有蔥+紫菜同飯加埋一齊既組合 其實紫菜加飯都唔會差得去邊 最好既係可以要少飯/多飯、少醬汁/多醬汁 成個自由度好大 呢點值得加分✨評分: 10/10🌟 原味牛舌 (6片) $69個個話去牛角都必食既牛舌講真就覺得一般般😹 想講咁耐以黎都好少食燒肉 所以係第一次食牛角🥵 牛舌食落都偏油 雖然店家俾咗檸檬汁去解油 但都仲係好重油膩感 而且唔算太淋 整體一般喇🥺評分: 7/10🌟 牛角十品燒肉盛合 $538呢十品分別係日本佐賀產A5極上和牛牛肋肉、牛角上級牛肋肉、美國SRF安格斯和牛牛板腱、日本佐賀產A5極上一口和牛、美國SRF安格斯一口和牛、日本佐賀產A5極上和牛西冷、日本佐賀產A5極上和牛肉眼、肩脊肉、厚燒牛舌、美國上級牛頸脊每塊牛既上面都有牌子寫住係邊個部位 當中最好食係和牛肉眼 食落入口即溶 而且好重牛味 加埋鹽食就更加滋味😋評分: 8/10🌟 牛角特飲 $22呢杯係玫瑰加西柚梳打 飲落有淡淡玫瑰香味 又唔會太甜 整體黎講幾清新 值得一試😚評分: 10/10🌟 巨峰活乳酸梳打 $18呢杯飲落都幾重提子味🍇 難得地唔會太似飲緊藥水😹 不過不失喇😌評分: 8/10🌟 芒果活乳酸梳打 $18呢杯就好重芒果味🥭 不過整體有少少偏甜 好彩係梳打平衡返 唔係會好膩 整體都算正常既🤣評分: 8/10🌟——————————————————————牛角日本燒肉專門店 (德福廣場) (九龍灣)九龍灣偉業街33號德福廣場二期4樓425號舖…查看更多

以往一向吃燒肉都會選擇韓式燒肉放題這次友人帶我到牛角品嚐日式燒肉定食怎料一試難忘對比燒肉放題燒肉定食雖然肉量不多但所有肉品的肉質確實較高油脂分佈均勻吃起來不會有太大的負擔任但絕對給你飽肚感這次選擇在午後時段享用午餐剛好碰上「午後割引」（14:30-17:00）可以7折優惠享用午市定食午市定食包括🥩燒肉盛合🍵昆布湯🥗沙律🍚牛角飯🍻自選飲品相當划算十分推介於午後時段來享用午市定食…查看更多

睇完戲 就黎食牛角食燒肉醫肚點了海蜇柚子醋沙律超好吃又新鮮牛角飯 配 滿滿紫菜牛肉燒完有少許溶化口感最愛既巨峰soda，好有提子味主食燒了肩脊肉少許豚肉 醃料有味均勻:無雪藏味道切出份量容易放入口牛油金菇-好好食上菜時間唔耐 都快既服務員態度幾好叫既份量唔算多 但兩人食剛填飽個肚埋單$368.5 下次可以去試下其他分店食牛角放題~…查看更多

牛角至抵食時段係平日下午茶(3pm-5pm)，係午市餐牌套餐價錢再7折，最平五十幾蚊一個人埋到單，重點係食到好飽。食物:我每次都叫［燒肉定食］，有沙律、湯、飯、二類肉、飲品。最平叫二類肉都係豬雞，推薦豚肉同雞腿肉保證無伏，一碟係4件豚肉4件雞腿肉。個餐包既飯係白飯，但我多數加18蚊轉牛角飯，個飯會多左汁、紫菜、蔥花、芝麻，鐘意食咸既人記住加白色瓶果個，係日本既鹽撈飯一流，重點係個飯任食，食完一碗就叫侍應追加多一碗，食到餓為止。服務:主要用平板點餐，係{需要服務}個制都有得簡d甚本野，多數都係舉手叫人快d。服務真係好睇運氣，多數好快就送餐黎，但追加飯就一時快一時慢拉，有時肉都燒曬飯都未黎。…查看更多

今日屋企冇煮飯！難得有人問我食咩！梗係選好耐冇食既牛角啦！放工去到九龍灣仲成堆人捉精靈嚇親 🤣🤣 澎澎聲上去拎位！唔知係咪我好耐冇黎食過...依家竟然唔駛等位咁慘慘豬！去到門口諗住拎飛，點知俾個三人家庭入左去先...但姐姐叫我等佢睇下...我仲心諗...咁滿！唔通要等...入面得半滿咋...入座後姐姐話匯豐餐，但睇唔岩！就散叫算！我地兩個人叫左兩個小食+3個牛+2個飯！量份都算岩岩好！臨尾想叫多個...但又好似多左！最後放棄！三味牛肋肉，太多蒜溶！第一個味就係蒜味...係一堆...第二個就加左辣油...但都一堆蒜...第三個就係蔥！除左對佢蒜太多有少少唔 like 外！牛都係好食既 🤣🤣牛角飯係最愛 😘二人份量都可以！厚切牛舌！勁正 😋王樣！味噌牛胸腹！味噌勁正！兩塊雖然唔大！但我剪開左4細塊 🤣🤣…查看更多

9月1日去咗中大感受一下開學既氣氛，好青春啊！之後相約咗朋友仔去九龍灣打算睇戲，考慮到今日係禮拜五，夜晚一定好多人食飯，為咗唔想同人爭位，而朋友琴晚通完頂啱啱起身未食野，而且下午茶應該會更便宜，所以我地決定改睇下一場次，填飽咗個肚先！於是乎，我地就行去德福二期睇下有咩好食！見到有牛角，諗起燒肉，突然間好想走去食！點知朋友唔食牛，即刻以為要改去第二間，但係牛角除咗可以燒牛肉之外，仲有雞同埋豚肉既，所以朋友話冇問題既時候，我地就行入呢間餐廳啦！地方好闊落，好明顯唔係晚飯時間，入面冇咩人！係出面見唔到有下午茶MENU，所以入到去問店員有冇下午茶既時候，店員好緊張咁答︰「我地五點截單，宜家仲有五分鐘，所以要即刻落單！」佢即刻帶咗我地入座，然後就俾咗份LUNCH MENU俾我地，我地諗都冇時間諗，即刻點咗燒肉餐。一點完餐，店員又好緊張咁問駛唔駛追加牛角飯，要就宜家落埋，會後上，見佢地為我地緊張埋一份，好好啊，所以我地即刻落埋每人加多一碗。好快就黎咗迷你沙律，撈匀D醬、粟米同埋沙律菜，清新開胃。昆布湯就一般啦！朋友唔食牛，所以點咗雞腿肉＋豚肉，燒雞腿肉既時候，D雞皮燒到出哂雞油，好搶火。朋友話雖然唔係牛，但係好好味！我自己就點咗腹胸肉＋豬頸肉，各有四件。有兩個夾，一人一個，非常好！望見個爐就彷彿聽到燒肉既滋滋聲。因為朋友唔食牛，我要清楚咁劃分個爐一人一半～XD雖然自己平時整野食唔叻，但係我今次燒得好好！豬頸肉燒到外表好脆，肉質又好爽口，得四舊真係少得制，不過下午茶算係咁啦！而腹胸肉唔需要燒到全熟，外表燒到有網紋，內𥚃有少許微紅，食落去唔會太韌，而且好有牛味，好正！牛角飯（+$18）就係普通白飯，加醬汁，再係上面有紫菜鋪面，撈匀黎食好好味！追加既牛肉飯冇後上，一次過黎咗兩碗，不過都冇所謂，張四人枱有位擺。平時唔鍾意食飯既我，今次食到兩碗！最後可以飲杯餐茶，解一解口中燒肉帶黎既油膩既感覺。朋友因為係嗰幾日，所以叫咗杯熱檸水。我就叫咗杯凍檸茶，甜度可以由自己控制。呢餐真係好正，仲要下午茶個價錢係午餐價打個七折（再加一），真係抵到喊！我地食完走出餐廳就見到商場開始多人搵食啦！即刻覺得我地今次醒目咗，唔駛等之餘，仲要食平咗！^^…查看更多

牛角這間餐廳真的不錯了～吃了好幾年最近一次去發現價錢好像貴了，但是份量就比以前多，而且賣相更精緻～是日星期日去，大約晚上七點鐘在門口等位嘅人不少，我們兩個人大約等左半個鐘至九個字，入到去安排坐係二人枱，面積比較少當上菜嘅時候都冇乜位擺，比較逼，閒日嘅話兩個人可以坐大枱就會食得更暢快更舒服～Order了以下嘅食品：包括燒肉五品盛合、四品野菌盛合、牛角飯、雞翼、廣島蠔、骨付牛肋肉、鰻魚同雪糕銅鑼燒抹茶味:)不要小看這個四品野菌盛合:)有冬菇、雞髀菇、大啡菇同白蘑菇，放係爐邊慢慢烤等火力將佢嘅菇汁鎖死 平日都好鍾意食菇類～因為蘑菇充滿鐵、蛋白質同氨基酸，味道好之餘又有食用價值～牛角飯係一碗日本米淋上日式甜醬油再加上紫菜，如果就咁食一碗牛角飯，其實唔需要任何餸都可以好好食 因為佢實在太好味，當然我會用燒肉來作陪襯啦哈哈廣島蠔係用一個錫紙兜載着，佢上面有一舊牛油～店員教就咁將個錫紙兜擺係爐邊燒，直至收水⋯⋯過一陣就差唔多縮晒水，散發住一陣好香嘅牛油味:)食得唔好嘥，我哋將配菜粟米都浸一浸牛油燒落更加香哈哈燒肉五品盛合嘅內容都好豐富，入面有雞肉、薄切牛舌、豬頸肉、牛角上級牛肋肉同腹胸肉～最鍾意嘅就係牛舌，將兩邊燒大約30秒然後點一點檸檬汁或者加小小鹽就好好味，我個人來講唔係咁鍾意食厚切，因為口感無咁爽，而雞肉燒到皮脆一脆先食，但小心燒焦～鰻魚的價錢比較貴，分量亦較少，但自己好鍾意食所以冇所謂啦～將四邊燒一燒令到表皮香脆，達到外脆內軟嘅口感，再點一點甜醬油食～雪糕銅鑼燒有抹茶同雲呢拿味，簡左抹茶，店員好好服務咁幫我地換左個爐面同碗碟，放係爐度燒30秒左右，令到個銅鑼熱熱地而雪糕又keep到凍，又凍又熱食落好過癮:)…查看更多

聽聞"牛角"大名已久, 但一直未有機會! 今日要到德褔商埸買些東西, 剛巧見牛角門口未有人等位, 所以就借此機會一試!環境格調跟前身"和民"差不多, 只不過主題變做烤肉為主!看到餐牌, 每種烤肉平均價錢為$50左右, 一開始就叫一個椰菜, 看看有什麼出色之處???新鮮的椰菜配上麻油, 再加些芝麻, 就這樣而已, 賣點係咩???接著烤肉點了3款: 豬頸肉, 牛舌及牛肉, 全部份量都不多. 個人認為如果係男生在肚餓時, 可能需要叫多回才能滿足! 肉質新鮮好食, 但這裡的爐火太接近網位了, 食物很快會燒焦!!! 到最後, 確實不太飽, 但又唔想無止境叫烤肉, 因為烤肉需時, 份量不多, 變得慢食唔會這麼快有飽肚感, 所以索性點一個此店很出名的"牛角飯". 就係在飯上舖上一屠紫菜, 另外飯裡面亦混有特製醬汁, 味道就是這樣了! 二人埋單約$200, 這價錢真的可以有更好的選擇.  …查看更多

好少食日式燒肉嘅我，自從上次同朋友喺宮食左好好味嘅和牛之後，一直難忘和牛入口即溶，油香四射嘅風采，所以成日心思思想再重溫嗰份滋味 朋友極力推介牛角，話牛角飯好好味，鹽燒醬好特別，於是我就同男友去吃食牛角好抵嘅燒肉lunch set Lunch set 由$68起，真係唔貴 我地點左一個牛舌set 同一個和牛set 牛舌set 跟沙律同白飯；和牛set 跟抹茶雪糕同牛角飯。飯係任添嘅!!(昏暗嘅燈光, 加上爐火, 影出嚟嘅相好奇怪)首先講我最期待嘅和牛，因為佢令我真的憤怒了！和牛，我期待嘅係入口即溶嘅感覺，但係到底佢比左個咩位我？！自問好好牙力嘅我竟然咬極都咬唔開舊牛，最後我原塊吞落肚 (｀曲´）之後上嘅係牛舌。牛舌比和牛更淋更易咬 ... 到底發生左咩事 :'( 點解我要比多$60去食啲食唔落嘅所謂和牛 :'(之後講下牛角飯。牛角飯即係白飯淋上蔥油再灑上紫菜。蔥油好香好好食。初時我以為我地唔會用到添飯呢個優惠，但係好味嘅牛角飯令我地最後添左三次飯 抹茶雪糕，應該係自家製，唔知係雪得太凍定雪糕本身唔夠creamy 嘅關係，好似質感好鬆散，好似雪實左嘅沙冰咁，又有啲似綿花冰，一咬就碎開但係鹽燒醬除左咸之外我又唔覺得好特別喎同埋侍應嘅服務有啲唔上心, 或者係lunch time嘅關係掛可能因為食肉, 呢餐真係食到好飽好滯同埋我諗食日式燒肉對一般得一個鐘lunch time嘅上班人士嚟講真係會太趕Um ..... 雖然好多人讚牛角，但係我呢個和牛經歷為我蒙上左陰影-_____-短期之內, 唔會再去牛角lu, 反正市面咁多選擇…查看更多

雖然結了婚, 但都要慶祝拍拖7週年,於是去了牛角食燒肉, 本身旺角開了一間, 但九龍灣比較出名, 所以遠遠都要去!!一早經過門口, 問可否book 位, 侍應話full booking!!我地只有walk in 才可有位, 於是我地怕等位, 6:15p.m 已經再到門口取位 當然不用等位入座~~一入去, 感覺有點似和民, 侍應又大叫日文口號歡迎我地!!!第一個感覺不錯被安排坐4人枱, 好似唔覺有2人枱, 我地兩個對坐, 但侍應話可以坐埋一邊??!!我第一時間想,唔通要搭枱,哈哈哈...但後來發現張枱幾大, 對坐感覺好遠, 而且周圍幾枱都是2人燒, 枱枱都是坐梳化位一齊坐, 我當然跟風, 叫了老公坐入來,發覺張梳化好舒服 坐低點了幾樣食物,老公怕食唔落..豬大腸好味, 少有可以食內臟, 因為醃了味, 不用點醬都ok!!牛舌雖然薄, 但口感一流, 因大塊!!真的是博一博, 沾了旁邊的酸汁, 幾開胃!!仲有少少洋蔥細細碗, 食完好似陣風一樣, 牛栢葉好細條!!牛油帶子一流, 好大舊牛油, 侍應教我地成塊鐵板連帶子放落爐上, 不消一陣, 牛油與帶子相溶, 滾熱辣, 食落好重牛油香, 帶子大隻, 我覺得幾抵食!!豬頸肉, 厚切!!正!已忘了是那部份, 但很嫩口, 重牛肉味,!!今天推介, 又是忘了名字,但一碟得兩大舊, 已醃味, 燒到一半, 要用較剪剪開一舊舊, 我覺得麻麻地, 味道ok, 但肉質比較硬...牛角飯真是不能錯過,太好食了, 紫菜雖然好食,但飯內有汁, 個種汁好味程度爆燈, 不是普通豉油, 汁加飯加紫菜, 就甘食已可食完一碗飯, 但配上肉, 我仲可以食多一碗飯 , 好好味!!!全部食物水準我俾90分, 其實每樣食物有得揀味道, 我多數揀了醬汁,不是鹽燒, 而服務態度我俾100分, 不停有人加茶加水,又收碟, 而且又細心教我地點樣燒肉, 最重要是食到尾, 有個經理剛好經過, 佢俾了一個膠套我, 叫我放電話入內,免得弄污,我真是受寵若驚, 個膠套好靚, 仲可以拉埋封口, 好似防水袋, 我到現在仍keep 住個袋!!印有牛角標誌!!埋單速度快, 仲會俾一籃糖我地食..佢會放低行開, 我地任拎, 我拎左3粒, 味道唔錯!!!! 整體這餐很滿意, 雖然價錢每樣不貴, 40-50蚊都有一碟,但份量就比較少, 好適合兩個至四個人來食,可以試唔同款式!!!我一定會再來!!!…查看更多

Honey一向鍾情日式燒肉，知道又有過江龍新店，其他人貪新鮮的熱情稍為退卻之後，當然要去試一試啦。一早都已經知道牛角係人龍店。早幾日打電話訂位，已經話BOOKING去到十月（我重意為自己聽錯）。冇得訂位唯有WALK-IN，星期五一收工就飛撲去德福。下午五點八到，已經有長長的人龍等入座／拎籌。不料，頭輪入唔到，要等第二輪的第二張細檯:(，入座時已經係七時半了。終於可以坐低，見呢期用東亞信用卡有優惠，就試個二人套餐先來牛角沙律，個麻醬幾好味。幾清新。OK啦。豆腐ok，不過我唔係太接受生雞蛋作醬汁。好在隻雞蛋都幾靚，冇鯹味。我地兩公婆都係洋蔥怪，雖然服務員話洋蔥易燶，我地點了露笋及洋蔥。掃上醬汁放在爐邊慢慢燒，都幾好味。如果燒得耐，洋蔥的辛辣味退卻而變成甜甜地腍腍地，加埋醬汁燒，水份得以保存，唔錯。露笋就冇乜特別。可能我係飯筒，碗飯有少少醬汁，加些少海苔及蔥花，淨食都好好食，未有燒肉送飯就已經食哂。OK。燒完之後錫紙都係魚油，不過魚肉都唔覺嚡口。至於一眾主角燒肉，就有勞Honey炮製，不要讓我暴殄天物。 網燒一口牛香蔥牛舌，好薄，燒一燒反一反就食得豬頸肉上級牛肋肉腹胸肉 包4杯$39或以下的飲品原價$695，東亞信用卡特價$348。算係抵食。服務方面，感覺唔多夠人手，要搵好耐先見個服務員行過。總算又試完一間中高檔食肆，呢個價錢，算係物有所值冇令人失望。整體而言，和光的肉比較出色。…查看更多

同事話“牛角好好味呀，o係台灣食過覺得好正，佢o係香港開好期待呀…”就係因為佢呢句，搞到我都好想去牛角試下…但試真係要付出代價… 想唔駛等？book lunch去到3月，book dinner去到5月，有d野真係要plan beforehand...我個friend 6:03pm到，拎左張A10既飛，就等到7:45pm先有得入。入到去發現原來都幾大，坐得都好舒服，因為佢d位唔逼～ :)先黎前菜，其實我係想叫佢另一款豆腐，唔辣同有隻溫泉蛋o係上面，但待應同經理三番四次同我講話呢個辣油豆腐唔辣，但佢辣唔辣都好，我都唔係想食呢個，而且辣油加豆腐係唔好味的…燒肉系列佢d燒肉係細份d既，得5片左右…但d醬汁同醃料做得幾好味～大家食既時候記得要試佢既三款調味，分別係甜醬油，魔法鹽同辣油，每一啖都點唔同既醬，都會有不同既味道！三隻醬同d燒肉都好夾～～ 齋食肉飽既話都唔知要食成幾多錢…所以嗌左個飯同拉麵，拉麵佢用石頭鍋裝住，d湯超快乾哂！ no good… :(甜品系列咁樣食雪糕都係第一次，黃米粉＋黑糖＋雪糕既組位不錯，如果加幾粒小丸子會更好～銅鑼燒係真係要燒下佢啦～待應會幫你換個燒烤網，記得一定要燒，燒完之後個外皮會變脆，入面係紅豆再包住雪糕，所以唔駛怕雪糕會溶，燒到有網紋就o岩o岩好喇～整體黎講我覺得不錯啦，有時間的話都值得等既，因為質素ok價錢又ok～值得plan beforehand book位幫趁！…查看更多