牛王

营业中

休息中

一個字，差！！！去到香港仔黃竹坑Southside ，行入food court睇吓有乜食，見到有鐵板牛扒，滿心歡喜諗住食過牛扒大餐，叫咗個T骨，同埋一個肉眼扒，比完錢想話牛扒要五成，点知店員話一定要十成，出到嚟塊牛扒好似十級燒傷咁，見到個樣都冇咗胃口，牛扒唔新鮮，仲要煮到十成熟，咬唔開嘅感覺，用刀叉先勉強鋸得開，羅宋湯有怪味，服務態度差，唔想做嘅感覺，好少煎牛扒都可以到咁難食，平時都好少食唔曬，今日唔得，呢個牛扒真係完全唔得！！！

等半個鐘去問話有單一直推搪話煮咁，但一直出其他一模一樣的餐，明明係miss單，店員仲態度非常惡劣，好臭串話你一係等一係退左佢囉，最後等左成個鐘，出餐份量又少又好鹹，唔好幫襯！

這個food count位置開揚舒服，內邊的幾間食肆在外邊亦比較少見，價錢合理。最後揀了這間牛王食個鐵板餐，有六款扒可選擇。$118 已經有塊鐵板西冷，賣相不錯，份量都頗大件。醬汁流瀉在熱力十足的鐵板上發出的滋滋聲，儀式感十足。西冷的生熟程度對我來說剛好，切開尚有少少紅，肉質有彈性，肉味濃，配上黑椒汁更惹味。主菜可配飯/意粉/薯條，波浪紋薯條是我最愛，還有配撘著一些三色豆及西蘭花。可另加$22 配上飲品及餐湯。羅宋湯好足料，味道微辣。

2025.6.13 7.13pm响牛王order左一碟星洲炒米20分鐘去問,未出；10分鐘後再問，答話好多外賣2025.6.13 7.55pm終於見到碟炒米。呢度又唔係特平，又唔係炒得好，要等40幾分鐘？為乜？勸大家審慎考慮為乜要去呢間！咪阻住佢出外賣!!我就唔會有下次！

落單時問可唔可以要求五成熟(收銀話一般都係七八成，你要求係可以五成)，等咗10分鐘，湯同雪碧已經預備好，個扒仲喺扒爐上面煎緊，起得塊扒店員竟然撥埋一邊算😪我已經feel到全熟有餘!然後佢哋發現冇薯條先至去炸😤但塊扒仲喺扒爐上面！我要求佢放塊扒喺隻碟上面先，薯條有排炸！佢話個爐唔熱……但係睇住塊扒仲霹靂啪嘞😂埋到枱都17分鐘，個湯梗係唔熱啦，雪碧唔夠凍啦！塊扒熟到勁難切開😪薯條又未炸透！！無下次！！！！！

今日去黃竹坑新商場THE SOUTHSIDE，連接港鐵黃竹坑站B出口，往來都非常方便。中午時間決定去3樓美食廣場搵食。美食廣場有多款不同國家美食。環境乾淨企理，仲有好多座位。揀咗其中一間牛王食午扒。多款牛扒同醬汁可供選擇。鐵板滋味套餐加$22就有湯同飲品，羅宋湯真材料實料，充滿大量蔬菜。鐵板T骨優質的安格斯牛肉，大理石花紋、嫩度和濃鬱的牛肉風味，西冷牛排和嫩菲力牛排完美平衡。厚度適中，入口即化。粗曲薯條有口感，非常香脆。配上濃郁醬汁，非常美味。咖啡味道有層次，香氣柔和。

呢塊牛扒真係失望到極點，完全咬唔郁，生嘅位係blue rare，熟嘅位又well-done，真係唔知點解可以煮成咁。最誇張嘅係，完全冇牛味，唔知係咪用咗咩牛肉，隻牛死得好慘。賣成百蚊一塊，份量又細得可憐，真係唔值呢個價錢。味道平平無奇，甚至連配嘅汁都唔如大家樂嘅好食，性價比真係低到無倫次。話晒花園嘅都比佢好，真係衰過花園。隨便去間茶記食個早餐牛扒，都比呢度嘅好食好多。你真係唔會想再嚟第二次。總結嚟講，呢度嘅牛扒完全唔值得推薦。除非你係想試下咩叫真正嘅失望，否則最好避開呢度。不如去間平民茶記，食返個正常好味嘅早餐牛扒，保證你會開心好多。呢度既牛扒質素真係差得難以置信，好難想像有人會特登嚟食。加上服務態度麻麻，環境又唔算特別舒適，真係完全冇理由再嚟第二次。希望你下次選擇餐廳時，可以避免呢度，搵返間真正有質素嘅地方，好好享受一餐。

終於有時間朝聖the southside!!!!原來呢度個food court係咁靚，仲有靚靚花花牆😍見到一間港式鐵板牛好吸引呀！即買來試下先😎.最吸引我就係鐵板T骨😍揀左跟意粉和蒜蓉汁，加$22仲有忌廉湯和飲品🥳.呢個set份量十足，相信一個女仔係唔會食得哂🤣T骨牛好大塊，鐵板上熱辣辣，口感淋身，加左好多蒜蓉汁好好味😋港式口味👍🏻忌廉湯好大碗又足料，啖啖蘑菇好滋味🥰大讚杯奶茶好好飲，茶甘奶滑.估唔到food court都可以坐得咁舒服😌嘆咁高質的鐵板牛😎來開呢邊一定要試下！

抵食鐵板T骨在【牛王】，鐵板T骨配薯條蒜蓉汁，搭配一碗熱騰騰的羅宋湯仲有餐飲。鐵板T骨牛排相當吸引，厚切的牛排在鐵板上滋滋作響，散發著誘人的香氣。牛肉的熟度經過精心調整，外表焦脆，內裡則保持多汁。每一口都能感受到肉質的鮮嫩，肉味濃郁。薯條金黃酥脆，配上蒜蓉汁更是提升了整體的風味。羅宋湯，湯底清爽而不油膩，番茄的酸甜平衡得恰到好處，搭配新鮮的蔬菜，讓人感受到溫暖又滿足。除了T骨，還有肉眼、牛柳、西冷和雜扒，下次可以試吓其他鐵板餐！

原本諗住南區可以有個好地方鋸扒, 又見到openrice評分唔錯, 所以嚟試下, 點知最後好失望~牛扒非常一般, 因鐵板所以無法控制牛成熟度, 到手之後已經差唔多十成...非常建議食肉眼, 試過t back但係韌到阿媽都唔認得千祈千祈千祈唔好嗌湯, 重要嘢講三次, 白湯味道完全冇忌廉味, 從未試過呢種味道; 紅湯又酸又辣仲有黑椒汁辣得過龍...想鋸扒可以嚟, 但係唔好expect係高級嘢食環境唔錯嘅, 衛生都ok, 不過冇乜人 (唔知好定唔好喇, 見仁見智)(fyi, it's inside a food court)

喺Southside商場嘅food court點咗份西冷鐵板($118$)，點知舊肉竟然只有餐牌顯示嘅一半大小，真係呃秤又唔好食，完全唔值呢個價錢！真係令我好失望。不過，呢個food court環境真係唔錯，夠新淨整潔，令我覺得喺度食嘢好舒服。商場人流又少，唔需要排隊等位，出餐亦夠快，呢點真係幾好👍🏼。雖然環境同服務都ok，但呢份西冷鐵板真係令我失望。希望以後呢度嘅食物質素可以有所改善，唔好再出現咁差嘅情況。係個好好嘅地方食嘢，但食物質素都好重要嘅！

.👦🏻豆豆👦🏻哥哥學校今日唔使返學‼️就帶咗佢哋兩兄妹🧒🏻👧🏻去黃竹坑food court食lunch🙌🏻佢最鍾意鋸扒，所以帶咗佢去食牛王餐廳鋸扒🤤餐廳環境新穎且服務良好 ‼️估唔到呢個food court都有打卡位影相😆肉眼鐵板🥩碗飯牛排外皮香脆，內部嫩滑，搭配濃郁既羅宋湯，味道極佳‼️👍🏻📍牛王 (黃竹坑)黃竹坑香葉道11號The Southside, Oasis Food Social3樓302號舖

自從黃竹坑商場開咗，真係好方便🚆轉地鐵必經嘅地方🏬今日lunch一家大細👨‍👩‍👧‍👦又去food court食🍽️今次妹妹想食鐵板餐🥩各式各樣嘅鐵板餐真係好吸引呀✨仲可以加💲2️⃣2️⃣換購餐飲同羅宋湯或者蘑菇湯🍲鐵板滋味套餐 🍽️鐵板T骨 🥩肉質外脆內嫩，經過鐵板高溫煎烤，保留肉汁 🍝🧄意粉口感彈牙，蒜蓉汁由新鮮蒜頭、橄欖油和香草調製而成，味道香濃🌬️🍄蘑菇湯味道豐富而醇厚，口感滑順，蘑菇鮮香與奶油濃郁結合牛王📍香葉道11號THE SOUTHSIDE 3樓302號舖Oasis Food Social#GaiaGroup #OasisFoodSocial #TheSouthside #香港美食 #黃竹坑 #黃竹坑美食 #HongKongFood #WongChukHang #WongChukHangFood

香港終於入秋，吱吱聲嘅鐵板餐就最受歡迎，食咗半個鐘左右一直排隊買野😂 The South Side food court終於唔係出邊一式一樣嘅餐廳，牛王鐵板餐聯盛港式茶餐廳提供港式扒餐鐵板滋味套餐鐵板T骨 $128 一邊牛柳，一邊西冷，用鐵板上可以自己控制生熟度，肉質幾淋。個黑椒汁偏辣，落少少就好夠味。套餐可以以優惠價加配羅宋湯同汽水，羅宋湯都係好港式嘅風味少少偏辣，好足料，入面蔬菜都吸晒啲湯除咗T骨，仲有肉眼、牛柳、西冷、雜扒、全部都可以揀白飯/意粉/薯條，個food court好多位闊落，座位都好舒服，啱晒一班人食飯👍🏻

逛完新商場，到商場的美食廣場吃個價廉物美的晚餐。美食廣場有落地玻璃，晚上有另一番景色，可看到商場外的夜景。座位多，可坐在窗邊一邊看夜景，一邊吃晚餐。餐廳的鐵板滋味套餐有牛柳、肉眼、西冷和T骨選擇，可配白飯、薯條或意粉，還有黑椒汁、蒜蓉汁和咖喱汁可選。鐵板牛柳($108)，選了薯條和蒜蓉汁。鐵板牛柳上桌時燙熱，醬汁和牛柳汁令鐵板發出滋滋聲。牛柳非常軟稔，有濃郁的牛肉味，把蒜蓉汁拌牛柳吃，提升牛柳的肉香，讓人胃口大開。蒜蓉汁有很濃郁的蒜蓉香，內有不少蒜蓉。薯條外脆內軟，曲薯條更能掛上蒜蓉汁，變得更惹味，搭配牛柳吃非常適合。加$22有湯和飲品，選了忌廉湯，忌廉湯燙熱，有不少爽滑的蘑菇碎粒，忌廉香滑濃郁。吃了鐵板牛柳和薯條，喝一口忌廉湯更温和。凍奶茶(+$3)，要少冰，凍奶茶非常香滑，茶味足，不過甜，比湯更好喝。