牛牛台式鴛鴦火鍋

天氣轉涼，又心思思想去食火鍋今晚接完老公放工，涼涼地開始肚餓，行到旺角創興附近，想起之前睇u tube有人介紹過，創興樓上有間台式火鍋好食兼抵食又吾洗等位就上去試試～我地6pm前入到去吾洗等位，198元加一，可任食2.5小時，可選不同口味的鴛鴦湯底，牛肉、豚肉、羊肉、蝦、蜆等任點，外面亦有1排排雪櫃，有不同的丸、餃、菜蔬、菇、瓜等，飲品有冷有熱及甜品雪糕選擇都多樣化，服務員送餐快，且常有幫忙清已食完的碗碟，整體感覺良好愉快。…查看更多

火鍋食材好多樣，雞肉，牛肉夠新鮮嫩口，咬落啖啖多汁，每份海鮮好有鲜味，食材出得快，有魯肉蛋飯，多汁肉鮮還有雞蛋煮得好入味，有各式甜品，各式飲品，價錢合理，坐得舒服，讚!…查看更多

$220任食兩小時打邊爐太超值！湯底選擇多，我最鍾意芫茜皮蛋湯底，麻辣鍋越煮越入味。食材款式多，肥牛都算中級質量，蔬菜種類繁多。、甜品也不馬虎。自己加湯、人均$220左右就能暢快吃，性價比高，聚餐約會都合適！…查看更多

其實幫襯了牛牛都好一段日子, 我基本上對佢地嘅食物質素沒有任何挑剔, 睇相都已見食物種類, 甜品及飲品啤酒汽水選擇極多, 每人$200樓下都不會對提供的牛肉抱有太高的要求, 個人覺得三款可選擇的牛肉, 以下肩胛肉較為出色, 而豬肉羊肉蝦及蜆亦不過不失, 蝦尚算新鮮。若果平日行得開, 我極喜歡獨個兒在較少人的時段4點半前入座過來休閒放空一番, 飲下啤酒食下肉及出色的甜品, $158 免收加一這個價位極為吸引, 週末同時段若約到三五知己, 又可以暢談150分鐘, 比閒日收費都只係貴多 $10, 咁多啤酒選擇真係好過落 Bar 😆如果要求唔高, 想搵個地方同朋友 hea 下食下飲下, 牛牛永遠係首選 👍🏻…查看更多

今日過來吃火鍋🍲創興好多間都試過, 反而依間未食過, 就上來試下, 以為無乜人會係中伏😂, 但又出乎意料之外, 比想像中好, 望下湯底, 㨂左芫茜皮蛋同杏仁湯底😆, 另外QR code叫左蜆, 蝦🦐, 脆肉鲩, 黑毛豬梅花肉🐽, 牛梅花同牛板腱🐮, 還有好少有得叫的大魚頭😋, 蜆好大只無砂😗😗, 蝦🦐唔係太新鮮, 肉類我只試左🐽🐽, 都唔錯, 脆肉鲩就一般😅, 魚頭真係有驚喜🤩新鮮又唔腥👍, 出面有幾個雪櫃, 有不同丸類, 蔬菜🥬, 牛柏葉, 魷魚🦑🪼, 鵝腸, 麻吉湯丸, 腸, 蕃茄🍅, 薯仔🥔, 豆腐, 南瓜, 粟米🌽, 亦有不同菇類🍄‍🟫, 🥚雞蛋, 響鈴, 炸魚皮, 粉麵.....應有盡有👍, 貢丸同白魚蛋味道唔錯, 鵝腸好爽脆, 炸魚皮放雪櫃所以有濕氣, 依個唔建議食😄, 又有不同醬料比大家自行配搭, 又有沙律🥗,味道唔錯, encore二次, 手拍青瓜都encore二次, 飲品就多到數不盡, 有凍熱紙包🥛奶料, 紙包🧃茶, 可樂都有齊紅白黑, 其他罐裝飲品🥤, 支裝飲品, 又有各款啤酒🍺, 又有熱茶可加菊花同玫瑰花😋🥰, 也有即冲熱飲, 果汁, 凍飲, 也有雪糕🍧🍨雪條仙草💕😍, d cake 味道唔錯又唔係好甜🍰🍮🥧 又可以坐2個半小時, 價錢也比其他店相宜🤩, 佢個杏仁茶底, 滾起陣陣傳出杏仁味😁上來, 試左一啖😅係有咸味的杏仁茶😄, 真係幾好, 出野快收野也是😍第日想吃火鍋, 都會諗係依度😉…查看更多

以這價錢食物已無可挑剔，甜品比美五星酒店味道，工作人员也不像評論咁講咁黑口黑面，為咗甜品會再去的，可能我是甜品控，其他食物也不是其他講咁難食，丸，大腸我覺得好好味，要頂级牛就去食5.6百位的，這價錢合格了…查看更多

今天中午和朋友去吃火鍋，朋友推介這間餐廳，中午時間$158任食2.5小時，不用加一服務費，非常划算。鴛鴦湯底不用加錢，我們點了麻辣鴨血湯和芫茜皮蛋湯，不過麻辣湯內沒有鴨血，要自己出去取，由於這間餐廳是台式火鍋，所以所謂的麻辣湯都只是微辣而已，適合不能吃辣的人士。至於皮蛋芫茜湯則是正常味道，當然不會太濃郁。任食2.5小時分別可以任食豬，牛，羊，海鮮，大量丸類和蔬菜等等，當然以$158的價錢，質素自然不會太優質，所有肉類都好似紙咁薄，豬肉太肥，牛肉的質素還可以，羊肉則膻味濃郁，我很喜歡。海鮮方面則有海蝦，蜆類和青口，海蝦完全不爽口彈牙，而且沒有什麼鮮味，蜆和青口亦淡而無味，不吃亦不可惜。至於丸類的味道都不錯，飲品亦有很多選擇，唯一失色的是甜品，甜品櫃的款式完全不吸引，至於雪糕除了牛奶公司，其他都只是一些不知名牌子，而且不美味。價錢方面，午餐時間$158不用加一，可以任食2.5小時。總結來說，這個價錢性價比相當高，當然你不要對食材有要求，純粹可以慢慢和朋友聚餐，填飽肚子，又可以任飲任食。…查看更多

凍冰冰天氣最岩打邊爐今次食台式鴛鴦鍋，每台可選兩種湯底，唔洗額外加錢湯底種類多有：海底撈麻辣鴨血鍋（推介👍🏻）臭臭鍋（小辣）蕃茄鍋杏仁汁鍋胡椒咸菜豬肚鍋芫茜皮蛋鍋馬拉沙爹鍋酸菜白肉鍋有素食鴛鴦鍋：麻辣素鍋，生磨杏汁素鍋，磨菰素鍋，雜錦素食拼盆，我簡左臭臭鍋，芫荽皮蛋鍋臭臭鍋好入味主食Prime頂級牛梅花，殼飼牛板腱，安格斯（下肩用），黑毛豬五花肉，黑毛豬梅花肉，羊肉片海鮮有：海蝦新鮮彈牙👍🏻我食左好多份🤤🤤脆肉鯇，大魚頭，蜆，紐西蘭青口，我點左3份以上，魚頭好大件好新鮮，啖啖肉🤤🤤🤤蜆點煮都係咁大粒😍😍😍😍😍，青口煮耐左都好嫩😋😋😋😋😋#hongkongfood#台式火鍋#旺角美食#羊肉火鍋#打邊爐#牛肉#抵食火鍋#臭臭鍋#鴛鴦火鍋#素鴛鴦火鍋#eateverywhere1314…查看更多

午市（12:00-16:29 以入座計），每位$158，午市免收加一服務費。湯底有八款可以選，而且可揀兩款，不用另外加錢，要咗芫茜皮蛋 + 馬拉沙嗲。肉類有三款牛、兩款豬、一款羊。・Prime 頂級牛梅花，少肥，肉質軟身，無咩肉味・穀飼牛板腱，極少量肥膏，肉質有咬口，少少肉味・安格斯牛肩胛，接近無肥膏，肉積偏嚡，少少肉味・黑毛豬五花肉，肥瘦適中，頗爽口・黑毛豬梅花肉，肥瘦適中，無咩口感・羊肉片，少許羊騷味，肉質有咬口所有肉類都切得好薄，所以食落無咩口感。海鮮有五款，海蝦、蜆、脆肉鲩、紐西蘭青口、大魚頭。大魚頭不錯，頗新鮮，有魚雲。以上肉類及海鮮都係抄剔紙仔入單，其他火鍋配料係出面自助區拎。火鍋配料基本嘅丸、腸、菜、菇、麵、等等。另外有啲比較少有嘅牛骨髓、雞子、鵝腸、牛柏葉、水鱿魚、豬皮、八爪魚仔、獨立包裝麻吉燒。有少量餐前熟食，肉燥飯、子薑皮蛋、凍豆腐。飲料有不少選擇，罐裝汽水啤酒、盒裝荳奶、盒裝茶、即沖咖啡機、即斟飲料、沙冰。甜品亦都有好多款式，多款雪糕雪條、一口蛋糕、小杯甜品、台式芋圓、豆腐花。總括嚟講，午市十分抵食，雖然食物唔係咩高級嘢，但款式多，質素合格，收費合理，用餐時間充裕，座位及空間舒適，出菜收碟服務滿意，我應該會再次幫襯。…查看更多

今晚同女朋友過嚟食，食到一半，佢臨時有事先走，留我自己一個食，我送佢搭𨋢，袋都仲擺系位，擔心位旁嘅店員收走野食，離遠示意唔好收走，門口店員以為我哋係要落樓走人，即刻衝去位問單呢，到我回頭講清楚後，女朋友亦搭𨋢走，我坐番位繼續食，店員即刻遞埋單簿過嚟，但離我食完時間仲有成個鐘頭，咁樣嘅做法，明顯係驚我會偷走唔埋單，本身得番自己食，心情已經麻麻，仲要比人咁樣去睇！系呢間已經食過好多次，就算係宵夜時段嚟食，最早都係提早半個鐘嚟埋單簿，今次完全係覺得我會走數先一早就收我單要我埋數，好過份！第一次比人咁樣去睇！😡😡😡…查看更多

第一次光顧，就是最後一次。跟其他任食火鍋一樣，選湯底，肉類任叫，其他食物和甜品自助形式。酸菜白肉鍋，味道淡。麻辣鍋，不知道落了什麼材料，過了一陣，湯底接近黑色，即叫朋友不要再用這湯底。幾盤牛肉、豬肉片放下後，我在想食唔食好，豬肉好少少，牛肉片已變色，又超級薄，完全唔新鮮。丸類像擦膠，似存放了很久，我咬了少少已吐出來。最後只吃了少量豬肉和蔬菜，加了一杯雪糕，雪糕選了牛奶公司牌子，因為朋友選了一杯不知名的綠茶雪糕，話難食！午餐價錢$158一位，不加一，但假期每位加$10，想問問星期五返工日子為什麼是假期？ 其實已經算是加一!!質素差是最大問題，價錢貴。不知道為什麼還有很多好評價！…查看更多

位於旺角嘅牛牛台式鴛鴦火鍋有4款素食火鍋湯底同素食火鍋料 (如素丸、素腸) 提供，午市火鍋放題可以食2.5小時，有足夠時間慢慢食、慢慢打卡。素食拼盆同其他自助區嘅食物都係任食，素食拼盆可以用手機或填紙仔落單。呢到嘅甜品選擇算多，有3個甜品櫃，分別擺放蛋糕、雪糕同雪條，仲可以食芋圓同仙草。午市150分鐘火鍋放題 ($158/ 位)素食鴛鴦鍋 (自選2款湯底)磨菰素鍋蕃茄素鍋磨菰素鍋味道似清湯，配料有雞髀菇、金菇、粟米等。蕃茄素鍋味道酸酸甜甜，比較惹味。雜錦素食拼盆有素芝士腸、芋頭丸、素海參、素貢丸、素肉片等。自助區蔬菜類生菜、娃娃菜、冬瓜、南瓜、芋頭、蕃茄、豆腐、粟米、白蘿蔔、雞髀菇、秀珍菇、冬菇、金菇、豆卜、響鈴.....麵食類烏冬、韓國公仔麵甜品芋圓、仙草、雪糕、雪條、芝士蛋糕、抹茶蛋糕、朱古力蛋糕、桂花糕、啫喱、布丁...飲品羅漢果茶、酸梅湯、橙汁、玫瑰綠茶、沙冰、各款紙包飲品 (如維他奶、檸檬茶) 及罐裝飲品 有熱櫃熱住部分嘅紙包飲品。調味料豉油、芫茜醬、蔥花、辣椒...…查看更多

可以講係食過嘅最優惠嘅放題，午市可以長時間食，成日見到有好多學生同埋附近嘅返工人士都嚟呢間食。前一排同朋友慶祝生日嚟咗呢間中午食火鍋放題，啲牛肉質素都OK服務態度又好補課又快同埋好積極幫收空碟。呢一間店嘅甜品都好多有埋榴槤蛋糕芝士蛋糕同埋一堆布丁，雪糕都有好多放題㗎，同埋可以自己DIY奶茶添！比較鍾意呢一間嘅配料有好多配料，蓮藕骨髓都有埋，真係喺其他餐廳好少見。同埋呢間餐廳有埋滷肉飯添！自己打想食幾多就拎幾多。得閒都可以嚟試吓嘅。…查看更多

食材新鮮，種類多，飲品及雪糕雪條選擇豐富。最重要服務態度有禮及敏捷。今日叫了麻辣湯底巳接近尾聲仍加汁料！😘😘佢地的麻辣湯底！今個星期巳第二次去！第一次朋友介紹！今日帶屋企人試！一眾好評會再黎！…查看更多

同老公同個仔喺旺角度搵嘢食，去咗創興廣場，本來老公係諗住去有間泰式火鍋嘅，不過佢上到去問嘢嘅時候覺得人哋無禮貌，之後我哋就去咗一間叫牛牛台式火鍋度食，其實我哋都係第一次去。前幾日我同人哋去完牛大人，嘢食都好味嘅，不過就貴, 同埋都坐得好迫。我哋揀咗個杏汁湯底同埋個臭臭鍋，杏汁湯底都幾有杏仁味，臭臭湯底我老公話幾好。百零蚊任食火鍋，見佢個雪櫃裏面啲嘢都新鮮，d菜係OK嘅，坐卡位又舒服，都算幾多嘢食，佢又有個自助滷肉飯，同埋有個自助台式甜品，都幾好味，個仔都食咗支雪條。啲服務都幾好，啲人幾有禮貌，我呢啲盲舂舂上去，覺得間嘢算係咁，又收得唔貴。總括而言佢百幾蚊個質素我覺得幾OK。希望多啲香港人幫襯返多啲香港嘅店舖，等啲食肆做得住。…查看更多