牛火火任食火鍋

呢晚約咗喺荔枝角返工嘅友人，佢話同事推介佢去一間開業半年左右嘅無限時任食火鍋🔥每位只需$298起，我哋叫咗比較高級嘅尊尚極品套餐 。鴛鴦湯底♦️清甜滋補豬骨湯味道唔會太鹹，淥海鮮、蔬菜都唔會搶味。♦️台式濃厚番茄湯幾鍾意佢嘅番茄湯，用嚟淥牛肉都幾夾。肉類呢度嘅肉類選擇都幾多，而且肉類嘅質素都唔錯，豬、牛、羊、雞都有供應。有肉味濃郁嘅極上牛小排同埋嚴選封門柳，不過個人最推介係薄切牛舌同埋濃香牛胸爽🐮 牛胸爽食落口唔會太肥膩，牛舌食落口幾爽彈👅 海鮮唔使特別加錢都可以享用海鮮任食，真係做gym人士嘅福音，可以狂食低卡，但係高蛋白質嘅海鮮🫶🏻 日本帶子、海蝦、牡蠣同埋鯛魚肉片，我哋都encore咗好多次🦐 灰蜆同黃金螺都幾鮮味，餐廳仲提供兩款手打墨魚滑同蝦滑。小食除咗火鍋之外，仲有啲即叫即食嘅小食，即炸乳鴿都幾厚肉，仲有幾款串燒，包括炭燒雞肉串、燒金菇牛肉卷同埋即燒海蝦😻 另外解膩香甜嘅燒菠蘿一定係必食推介🍍炸物嗌咗幾款香口嘅炸物，勁鍾意呢個一口芝士薯波，薯蓉嘅裏面係流心芝士嚟㗎🧀 仲有吉列炸蝦、炸池魚同埋酥炸墨魚餅🦑火鍋配料呢度嘅火鍋配料選擇真係好誇張，佢有超過100款😱 而且個area成個都係好排列整齊，每款食物都有獨立嘅name tag 真係好欣賞餐廳嘅用心。除咗有一大個區域係有丸類、芝士腸、水魷、牛柏葉等等，仲有另一個大嘅區域裝唔同嘅蔬菜，真係想食咩菜呢度都有㗎，今晚竟然仲有冰菜添呀🥬 飲品有唔同嘅罐裝汽水同埋紙包飲品，比較清熱嘅竹蔗茅根同埋韓國嘅汽水都有㗎。甜品甜品區令我好有驚喜，完全滿足到我呢啲甜品控🤪 淨係雪糕同雪條都有成20款啊，有Häagen-Dazs雪糕、甜筒、韓國嘅雪條🍦 仲有另一邊有唔同嘅蛋糕同埋乳酪，真係琳瑯滿目🍰呢餐食得好舒服，價錢同其他火鍋放題差唔多，但係就無限時，可以慢慢嘆😍 我仲登記咗做佢哋嘅會員，可以享用到優惠同賺分，下次再約friend嚟食先。…查看更多

睇多幾次有IG廣告推呢間火鍋平時每個月最少食一次放題火鍋有時食吓打邊爐真係幾解壓呢度主推無限是任食比起旺區，環境比較闊落 可能因為新開 book枱都比較容易呢度嘅放題套餐只係得兩款冇咁多花巧嘢經典套餐最平258，尊尚極品選擇更加多經理好nice 介紹埋即時做會員 會平啲另外仲有120分鐘限時套餐 性價比好高! 用QR code落單 比較方便，出得好快！湯底選擇都有10款左右麻辣, 皮蛋芫荽, 豬骨湯, 壽喜燒，蕃茄鍋我哋揀咗:川香秘製麻辣湯+壽喜燒坦白講 壽喜燒真係比較優勝 ！味道甜甜地幾開胃 但係麻辣湯就唔算特別出色-一坐低唔使點餐就會 先上一個肉類拼盤和海鮮拼盤，講重點：肉類當中，非常推薦 極上牛小排肉質比平時$500以上的套餐更好 封門柳，黑豚肉片 質素都唔錯另外特選牛板腱的肉味都出色-整體來說 都比起連鎖火鍋店 更勝一籌人均三百幾蚊來說 肉類有$500以上水平其實唔少放題 都要人均300左右但係呢度冇限時 唔使趕住食呢樣係最大優點！-海鮮方面都 幾大方選擇非常多 有牡蠣🦪 蠔夠大粒日本帶子、海蝦、即燒海蝦手打蝦滑、手打墨魚滑選擇豐富 食材比起平時的放題店更加好估唔到仲有 炸乳鴿 平時酒樓都要$60隻我哋每人都食咗兩隻 幾香口自助區唔逐樣講 選擇有各種午餐肉牛柏葉青口，豬皮水魷魚👍港式火鍋常見的雞子😆田雞肉 比較少見 豬肚 鴨血都有芝士丸，牛丸貢丸印尼撈麵烏冬刀削麵平時自助火鍋見到的菜都會有仲有少許炸物 響鈴 魚皮仲有水果西瓜，火龍果蜜瓜沙律雖然冇限時，但係都會飽當然慢慢食 體驗比較好-記得記得留肚食雪糕因為雪糕櫃就好似7-Eleven咁大唔係得嗰幾款大概有20款雪糕雪條重點中的重點就係有！Häagen-Dazs平時都要$30 杯 記得食多兩杯🥰口味都有幾款 -…查看更多

任食打邊爐香港的確有好多，但係冇限時嘅，仲要高質就難搵啲啦😏呢間牛火火特色就係有生啤同啤酒任飲🍻過百款美食啱晒一班朋友過嚟盡興！💂🏻‍♀️《尊尚極品套餐》$328+另外仲有個同樣抵食嘅經典滋味餐只係$268+ 一樣任飲任食😍兵仔今次就揀咗尊尚，試咗牛骨同泡菜湯，兩款都好推薦！牛骨湯好香醇，涮牛肉一流👍🏻泡菜湯好開胃，令到人想不斷食落去🫶🏻‍💂🏻‍♀️《自助區》出面有好長好大嘅自助區，嘢食基本上應有盡有，鵝腸青口鴨血、大蟹柳豬肚麻吉燒都有！菜款亦都係選擇眾多，比較少見嘅水蓮、雞毛菜、冰菜都好好味😘甜品區大到好似超市咁，Häagen-Dazs都係任食～香港製造嘅雪糕，芝麻味都好正🙌🏻生啤啤酒仲有好多飲品任君選擇🙆🏻‍♀️評分：92.5/100💂🏻‍♀️《下單區》牛小排同埋封門柳必食👍🏻牛嘅質地基本上都好高🐂另外好特別嘅係有乳鴿，而且係皮脆肉嫩一啲都唔馬虎！另外仲有炸池魚、各種串燒、台式美食等等都可以一試🫶🏻最正嘅係海鮮，生蠔、海蝦、沙白、帶子同螺，基本上每樣都好新鮮，不斷不斷encore🤣評分：92.5/100總結：成個環境係好舒服，如果一大班朋友嘅話都可以留位去獨立空間更加有私隱度😆無限時嘅台式火鍋呢一間真係值得推介俾大家🥰會話係物超所值～頒發軍階：元帥🎖🎖🎖🎖🎖…查看更多

[ 牛火火任食火鍋 ]香港絕大部份火鍋放題都係限時，荔枝角D2 Place呢間火鍋餐廳午市、晚市火鍋放題都係「無限時」😱！兩款火鍋套餐成人晚市最平只係$268，有超過100款食物包括小食甜品雪糕全部任食，飲品都係任飲👍。✿ 無限時尊尚極品套餐平日星期1-4 成人 午市$318/位、晚市$328-358/位小童 全日$288/位星期五至日及公眾假期成人 午市$348/位、晚市$358-388/位小童 全日$318/位火鍋湯底🍲10款湯底集合中港台日韓風味。肉類🥩牛肉有極上牛小排、嚴選封門柳、美國牛胸腹、薄切牛舌等，色澤紋理唔錯又有肉味👍。其他肉有黑豚肉片、雞腿肉等。海鮮🦐🦪款式都算多，有日本帶子、海蝦、生蠔、沙白、灰蜆、黃金螺等，另外有手打蝦滑、手打墨魚滑都係打邊爐必點食材。其他火鍋配料🥬自助區有數十款火鍋配料，例如丸類、蔬菜、麵食等，種類都幾多。燒物及炸物🔥小食推薦即燒海蝦、即炸乳鴿。飲品🧃自助櫃有超過廿款包裝飲品。甜品🍨任食Häagen-Dazs雪糕、韓國雪條等。總結🫦 火鍋店鄰近荔枝角地鐵站，地點便利。無限時火鍋可以慢慢邊食邊傾偈😋，另外火鍋店有2個獨立空間俾一大班朋友打邊爐！依家免費登記做會員全單即時減$20，仲有迎新禮品、多項優惠同埋賺積分下次使用👍。@hotfirehotpot✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿牛火火任食火鍋 地址：荔枝角長順街15號D2 Place TWO 1樓109號舖電話：4499 0120✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿…查看更多

開業半年人氣不減 連平日晚市都全場爆滿👯晚市可以任飲任食6個鐘⏰🤩午市仲抵 食足5個鐘先$258 😙自助區好大又乾淨 👍🏻食物種類豐富 有過100款火鍋配料、肉類🥩、海鮮🐟、蔬菜🥒、小食🍟、甜品🍰、雪糕🍦同飲品🥤連田雞、牛柏葉、水魷、鵝腸同雞子都有😝。有10款湯底選擇 🍲鴛鴦湯需另加 $38食物質素全部都幾唔錯🐮推介嫩滑牛小排🥩同肉味濃既封門柳🥩仲有海鮮任食😚海蝦、鯛魚、蠔、日本帶子都好新鮮 鮮甜爽彈🐟仲有超多款雪糕雪條🍨 點都要食返杯Häagen-Dazs雪糕😋。依家免費登記入會仲可以即時減 $20💸、免費升級升級鴛鴦湯底 🍲仲有牛火火摺疊扇送🪭。無限時尊尚極品套餐星期一至四 午市$318 晚市$358 (19:30前離座$328；21:00後入座$338)…查看更多

自己食評前好少可會“提醒”下大家睇評語時有時都諗一諗，係好唔好食好個人，但有時候去到食物係要由你自己處理時，即係好似打甂爐，就算個食材幾好，唔識處理，你就唔好話質素差，好似明知牛脊里，脂肪含量極少，係冇錯佢係嫩滑，就算煎都係建議3成，你打甂爐你預咗淥兩下好食，而唔係唔識處理就話人哋靭到食唔到！正題：友人約飯局，約牛火火打甂爐，都聽咗一排依度無限時，水準都唔錯，今次終於一試，今次揀咗壽喜燒湯底，通常任食一嚟大多數都會放低一個肉盤，今日係 牛板腱，牛小排，封門柳，同豬肉，三款牛都不錯，我就喜好脂肪相對較少嘅牛板腱，但如果想牛味濃真心推薦封門柳，我家小牛魔真心推薦。羊片！愛羊者必必必叫，羊味超濃，如果係一人煲唔好講咁多盡叫，大鍋嘅⋯⋯建議用鴛鴦鍋，食羊者你明白嘅有叫其他海鮮 ，蝦新鮮嘅雖不至於跳跳紮，但蝦肉紮實無霉，今日有兩款蜆，沙白同灰蜆，兩款都無沙，咬落去爆開有鮮咸味，新鮮魚片好食淥完唔散，蝦滑墨魚滑，比較差一點，雪都未溶。有驚喜嘅係炸野，乳鴿真係首推🤤🤤🤤，上檯熱焫焫，皮脆肉嫩，炸竹夾魚 又係好味🤤其他配料：鴨血 正常 雞子🤢我不喜愛但同檯表示好鮮🤦🏻‍♂️，墨魚仔可以，水蓮可以，丸類正常雪糕多款選擇，我都食咗四款今日食牛火火 ，佢嘅質量，招呼都好好，款式繁多真係一次試唔晒。戴返頭盔先，我覺得好唔好食≠你覺得好唔好食，好唔好食因人而異。…查看更多

在荔枝角D2 Place TWO的牛火火，地點便利，鄰近地鐵站，用餐環境舒適，這裏的無限時尊尚極品套餐無疑是火鍋愛好者的夢幻選擇。每位食客都有一個獨立的鍋子，選擇了豬骨湯底和壽喜燒汁湯底。牛肉的選擇可謂琳瑯滿目，極上牛小排與封門柳的搭配，讓肉質的鮮嫩充分展現。美國牛胸腹的油花分佈均勻。而薄切牛舌肉質爽脆幼滑，讓我回味無窮。除了牛肉，黑豚肉片嫩滑彈牙，實在不容錯過。海鮮方面，日本帶子、牡蠣、鯛魚片和海蝦新鮮無比，簡直是海鮮愛好者的天堂。燒物及炸物的選擇也非常豐富，炸米網蝦春卷和吉列炸蝦讓我大快朵頤，脆皮外層包裹著鮮美的餡料，即炸乳鴿皮脆肉嫩，令人忍不住一口接一口。燒菠蘿與燒金菇牛肉卷的搭配更是意想不到的美味。生果如西瓜與哈蜜瓜不僅清甜可口，還能平衡火鍋的油膩感。生菜、西洋菜、娃娃菜等新鮮蔬菜，提供了健康的選擇。最後，甜品與雪糕雪條，為這頓豐盛的火鍋畫上完美的句號。總的來說，無論是與朋友聚會還是家庭聚餐，牛火火任食火鍋都能讓你享受到無限的火鍋樂趣！…查看更多

牛火火喺荔枝角D2 Place二期，交通超方便，地鐵站D2出口行1分鐘就到。餐廳環境寬敞明亮，坐得舒服唔擠迫，裝潢走簡約日系風格。店內乾淨衛生，座位多，氣氛輕鬆牛火火嘅火鍋肉盤，好整齊分開四款唔同牛肉部位，牌仔清楚標示。除咗有新鮮嘅肉片、仲有雞肉、蜆同好多青菜等……擺盤好整齊衛生，食材好新鮮，份量亦夠。個標籤清楚寫住每款肉嘅種類，好方便揀，整體感覺係一次高質火鍋體驗！每款肉片色澤鮮紅，帶適量肥瘦分布，睇落好新鮮又多汁，加咗啲生菜絲襯托添。旁邊有配菜同豆皮，整體食材豐富又有層次，非常吸引！🍲…查看更多

早前同朋友去咗荔枝角 D2 Place TWO 嘅新開火鍋放題餐廳——牛火火任食火鍋，真係由頭到尾都驚喜連連！餐廳主打「無限時任食」，加上超過 100 款精選食材，絕對係打邊爐控嘅夢幻之地。🪑 環境寬敞，座位貼心餐廳空間感十足，裝潢簡約有格調，坐得舒服。設有 一人一鍋 座位，衛生又自在；亦有 獨立包廂，可容納十幾人，啱晒朋友聚會或家庭聚餐。🍲 我哋揀咗- 關東壽喜燒汁湯：以醬油、味醂為基底，鹹甜濃郁，煮牛肉和蔬菜特別提味。 - 韓風泡菜辛味湯：泡菜為主角，酸辣開胃，搭配豬肉或豆腐暖身又過癮。- 皮蛋芫茜湯：香濃惹味，配上黑豚肉片同精選豬梅肉，湯汁滲入肉纖維，每啖都好滿足。🥩 極上食材，質素一流我哋試咗 Deluxe Supreme 尊尚放題（假日 $348 / 位），食材選擇超豐富，質素高得令人驚喜：- 極上牛小排：油花分佈完美，輕涮即熟，入口即化，肉香濃郁- 香嫩牛里肌：肉質細嫩，口感滑順，涮完仍保留肉汁- 特選牛板腱：帶筋位，爽口有嚼勁，牛味濃厚- 美國牛胸腹：脂香四溢，入口有層次感- 薄切牛舌：爽脆彈牙，涮幾秒就啱食，口感一流- 紐西蘭羊肉片：冇羶味，肉質細嫩，配昆布湯底特別夾- 雞腿嫩肉：肉質滑嫩，吸湯力強，啖啖肉香🦐 海鮮新鮮足料，手打滑類驚喜十足- 海蝦：蝦殼易剝，蝦肉爽甜，涮完仍保留彈性- 日本帶子：厚身飽滿，入口鮮甜，係海鮮控必試- 牡蠣：肥美多汁，涮完唔腥，湯底吸收咗鮮味更出色- 沙白、灰蛻、黃金螺：口感各異，鮮味十足，海味層次豐富- 手打蝦滑／墨魚滑：彈性十足，咬落去有啵一聲，真係好滿足- 即燒海蝦／即炸乳鴿：熟食區亮點，香氣撲鼻，外脆內嫩，打邊爐之餘仲有熟食享受🍦 自助區＋甜品任食自助區乾淨整齊，補貨快，唔會有「搶食」情況。甜品區有雪糕、奶凍、涼粉等，食完火鍋再嚟個甜品收尾，完美！🕒 無限時任食，慢慢歎最爽- 午市：11:30–16:30 - 晚市：17:00–23:00 唔使趕鐘，慢慢涮、慢慢傾，真正享受打邊爐嘅樂趣！🚗 地點便利＋泊車優惠港鐵荔枝角站出站即達，商場仲有泊車優惠，消費滿指定金額可享免費泊車，揸車都無煩惱！🎁 會員計劃有著數免費登記做會員，消費儲分換 coupon，仲有會員專屬優惠，食得多著數多！°°°°°°°°°°°°°°°°°°°°°°°°°°°°°°牛火火任食火鍋📍長順街15號D2 Place TWO 1樓109號舖#MrsLong #hk #hkbloggermama #Longs #mamablogger #香港美食 #餐廳推介 #hkfoodie #親子好去處 #假日好去處 #香港探店 #foodieshk #hkigfood #tasteofhk #hkfoodlovers…查看更多

無限時任食邊爐•唔要再聽last order📍地點：荔枝角🍽️菜式：日式火鍋💰人均消費：午餐 / 晚餐 HK$250~360🔖服務費/ 茶位：✅/ ❎🧻餐巾/ 濕紙巾：✅ / ❎🪑座位類型：方枱/ 長枱 / 卡位📝落單方式：QR code落單免費🅿️：✅在香港這座不夜城，火鍋從來不只是一頓飯，而是一場儀式、一種情感連結。最近，荔枝角 D2 Place TWO 商場迎來一位新成員——牛火火任食火鍋，以「無限時任食」為號召，重新定義港人對火鍋放題的想像。地點便利，環境舒適牛火火位於荔枝角地鐵站旁，交通極為方便。餐廳空間寬敞，裝潢走簡約日系風格，木質元素配上柔和燈光，營造出溫暖氛圍。無論是獨自享受一人一鍋，還是三五知己圍爐共聚，這裡都能提供合適的座位安排，甚至設有獨立包廂，私隱度高，聚會首選。無限時任食，慢慢淥、慢慢傾牛火火最大賣點是「無限時任食」，不設時間限制，午市由 11:30 至 16:30，晚市由 17:00 至 23:00，讓你真正享受火鍋的節奏，不再被倒數鐘聲催促。湯底總共有十款，想要鴛鴦湯底加38元即可。試了芫茜皮蛋湯、泡菜湯、關東壽喜燒，每款味道超足夠，湯料非常多。食材陣容強大，超過百款任你選牛火火的食材選擇超過 100 款，從肉類、海鮮、丸滑到熟食、甜品，一應俱全：肉類精選：- 極上牛小排、牛板腱、牛舌、羊肉片、黑豚梅肉等，油花分佈均勻，肉質鮮嫩。- 雞腿肉吸湯力強，涮後仍保留肉汁。海鮮盛宴：- 海蝦、帶子、牡蠣、沙白、黃金螺等，鮮味十足，品質上乘。丸滑及熟食：- 手打蝦滑、墨魚滑彈牙紮實；- 即炸乳鴿、燒海蝦香氣撲鼻，火候恰到好處。甜品亮點：- Häagen-Dazs 雪糕任食，口味多樣，為整個火鍋體驗劃上甜美句號。會員制度貼心，回頭客著數多免費登記會員即可儲分換券，生日優惠、專屬折扣、限定活動一應俱全，讓你每次回來都有驚喜。@ 牛火火任食火鍋🏷️ 長順街15號D2 Place TWO 1樓109號舖#foodcourt #foodxcourtx #foodxcourtxLCK#荔枝角搵食地圖 #荔枝角美食 #荔枝角 #日本菜…查看更多

 有唔同牛嘅部位 任食海鮮  可以一人一鍋或者一整鍋 推薦壽喜燒鍋 一百多款火鍋配料 飲品雪糕任食 食物質素幾高☺️地方闊落超級衛生 ，食到超級滿足！啱曬同朋友同事去吹水食下嘢！…查看更多

繼8月頭同爸爸媽媽食過之後覺得不錯，所以同月帶幾位朋友再去。 今次1730 已經開始入座，誇張到我們2230 先離開。那當然開始兩小時真係不停食🤣，之後我們都是邊食邊傾吓計。朋友們都大讃食物性價比高，火鍋配料選擇多，連田雞腿少見得嚟乾淨又大隻； 而且牛的質素也很好，我們食經典套餐已經好滿足👍🏻。 今次結帳仲可以有九折（因為第一次食時已經即時做會員，有張九折卷下次可以用）。 地方大及舒適，職員態度又好，尤其短髮姐姐已經認得我🤣。…查看更多

今日同朋友一行七人去食，安排咗八人枱俾我哋，開爐無耐其中兩個爐都壞咗，侍應林家謙非常盡力地幫我哋解決問題 (因全部位都已訂滿，所以冇得轉枱)，最後換咗個新爐，雖然都係有一個爐係壞，但嗰個侍應非常積極幫我哋解決問題，態度值得一讚 👍👍👍 食物及甜品方面好多選擇，無論飲品、蔬菜類 、肉類、都唔錯，蠔同蝦都好味，只係會有漏單嘅情況，冷氣不足亦需要改善…查看更多

約阿爸阿媽食飯同阿爸補祝生日🎂🎉，荔枝D2 place 新開左「牛火火」 於是同佢地試吓。$298 可以由1700 食到2300 (6小時🤣，$268 就1700食到1930 (2小時半)，結果我哋1730 食到2045 😍👍🏻。地方舒服 ，食物款式多，高質，乾淨，職員服務又好，連阿爸阿媽都大讚話下次再食。火鍋可以揀一人一爐選擇自己喜愛湯底，又或者可以一齊用一個大爐👍🏻😗。 我哋4個人一人一個不同湯底。就算再order 第二次肉依然好靚。少有的田雞腿及雞子比較少有都任食； 下次再帶好友去先得。 做左會員即刻全單減2 0元👍🏻…查看更多

坦白講，坊間放題好多都係食個量，不過呢間質素幾唔錯，任食嚟講好難得🫶🏻仲要無限時任食，唔使比人趕真係幾好🥺 但要留意截單時間係10pm, 無限時就坐到11pm🫰🏻❝ 肉類：牛豬雞羊都魚都有，最推薦極上牛小排、黑豚肉片🔥 店員話係即叫即切，高質！❝ 海鮮：最平嘅套餐有蜆、沙白、螺等等，貴少少就有埋海蝦、生蠔、日本帶子等🫰🏻 個人幾鍾意生蠔，好鮮甜幾好食！❝ 熟食：有串燒、炸蝦、金菇牛卷等，炸物食得出係即叫即炸，上菜幾快而且好新鮮🙌🏻❝ 火鍋配料：自取區款式多到嚇親人🤣 魚皮餃、鴨血、青口、丸類等全部自取任食，同埋refill得幾快～❝ 甜品/飲品：好震撼！！甜品、飲品分別有20幾款，雪櫃睇到眼花撩亂😂😂 P.S. 要回本一定係食Häagen Dazs雪糕🤪…查看更多