牛極 (譚公道)

先從門口的自助下單機選好自己想吃的買好坐好可以再到裡面的自助區盛沙律﹑飯﹑湯﹑檸檬水和醬汁，都是隨便添量的喔，正合我意🙈上菜的速度非常快，牛排都是一成熟上桌，隨自己喜好烹調合適的熟成度準備好即棄圍裙就開動囉～～★★★牛肩排 180G $80店裡最便宜划算的選擇$80就有厚厚一大塊的牛肩排！切開是超粉嫩的顏色油脂分布也很均勻肉感比較實在，牛味重我自己不喜歡太熟所以不會全切開再燒這樣也不會影響肉質，中間會更軟腍★★★★牛柳 200G $110油脂比牛肩排更香濃！🤩一切開粉嫩的顏色顯得更為飽滿和有肉汁吃起來肉質嫩滑juicy，牛味更濃點一點醬汁，更加惹味那油香撈進飯裡攪拌再吃簡直享受😻😻雖說份量很足但還是意猶未盡呢🤣…查看更多

呢間又係我經常食嘅餐廳，牛極！牛極係連鎖店，喺香港各區都有唔少分店。大家應該唔陌生，係食石燒牛扒嘅！🐂🐄首先講吓牛🐄🐂, 對自己好啲，我每一次都會揀300g牛肩扒，大大份啖啖肉😳，絕對會滿足😋。牛肩扒肉質厚實，但係口感軟嫩，而油花細緻。 脂肪含量適中，油花分佈均勻，牛肉味又夠。牛極嘅牛肩扒目測都有一吋厚，口感相當夠！😝自助吧就任食嘅，有白飯🍚、沙律同湯。個湯通常都係蕃茄蘿蔔牛肉湯，有時裏面都好足料有唔少牛肉。醬汁方面就日式醬油同埋韓式辣醬，最重要嘅係有蒜蓉！juicy嘅牛肉加埋醬汁同蒜蓉😈，搞到我每次都會食兩碗飯！百幾蚊熱石牛扒絕對係可以食到好開心好滿足！美中不足係呢一間舖頭冇酒牌，飲埋杯啤酒就超正！🤠…查看更多

就在今天夜晚八點半，我想喺出面食而唔想喺屋企煮，於是我落到樓下去食牛極，入到去等待住我嘅都係蕃茄牛肉湯嘅香味。仲有兩個阿嬸服務員，一個紅髮，一個黑馬尾。於是我隨便起手就叫左個牛舌尖（$70）然後起手就攞起第一個碗裝住牛肉湯。一開始食食下都冇咩大問題，直到食到九點半嘅時候，紅髮阿姨突然趕我走，話我過咗用餐時間。我好疑惑用餐時間唔係90分鐘咩？我不嬲都唔係第一次幫襯，我都知道老規矩：繁忙時間60分鐘用餐時間。以前我去牛極食嘢過左60分鐘，出面多人排隊，阿姨都會趕我走。但係今次就唔係好make sense，夜晚時間無人，成個牛極得返我一個，點會係繁忙時間？重點係個阿姨好冇禮貌咁趕我走，好似邪靈入咗屋咁，我感覺不被尊重，但係我都出去指住個牌好有禮貌咁話：「小姐，上面寫住用餐時間90分鐘喎。」佢回敬返一句：「大哥，我哋任何用餐時間不嬲都係60分鐘。」我話：「咁你點解釋出面個牌呢？」佢強硬地表示：「出面個牌係舊嘅，依加我哋係60分鐘。」「既然個牌係舊嘅，點解要放出嚟誤導人？況且你哋周圍只有寫住繁忙時間60分鐘用餐。」旁邊個黑馬尾見到紅髮鬥唔過我，於是加入一齊幫拖，我哋雙方爭左好耐，最後係我贏咗，我獲得多半個鐘頭用餐時間。但係喺呢個時候，紅髮阿嬸竟然露出本性鬧我：「每次嚟你都係咁㗎喎！次次都超過用餐時間。今日見冇客人先畀你留咁耐咋！十點你同我准時走。」我冷笑咗一下，睇嚟佢認得出我係邊個，先唔理佢個態度，呢個唔係我本身的用餐時間嚟㗎咩？點解會縮咗水嘅？於是我都廢事同佢講，拿拿啉食完佢碟沙律，飲埋碗以後都唔再香嘅牛肉湯，然後走人。事後上我上網查詢，查到嘅資訊都話牛極嘅正常用餐時間係90分鐘，而且我發現唔單止我有咁嘅經歷，我發現呢間牛極係入面所有牛極分店平分幾乎最低，只有3.2分，原因幾乎不離開於服務態度差，趕客等理由。最後，地點我都不怕話比大家聽，以免大家中伏。點解牛極位於土瓜灣譚公道16-26號長城大廈地下5號舖，佢隔離有兩間酒吧，好多煙味。其實我真係好鍾意食牛極，佢啲鐵板燒牛舌實在冇得頂，湯又好飲，又平，只不過我可能以後都唔會再去土瓜灣分店。以下幅相係我同阿姨爭拗時用餐時間嘅果張牌。…查看更多

事情是咁的 今日食嘢用售賣機買 牛扒餐時 在找續時睇到找少了十蚊，然後店員見完叫我再找，我就講係見得到沒有，然後她就搵到十蚊給我，就好大大力地把10蚊拍在枱上，這種不禮貌的行為令我很嬲我就是有禮貌地跟她說，她就對我不禮貌她對我的不禮貌！ 我自問頭先跟她說是正常語氣不是粗魯又不是不禮貌，我話真係搵唔到，佢就搵到，但是不需要拍在枱上，佢這麼粗魯的行為係超級燥底 好似全世界得罪咗佢咁她對我說話係抗衡喺度鬧返客人轉頭。…查看更多

「差，垃圾，唔係人食」我人生第一次寫食評，希望大家有耐性睇晒佢🙏🏻今晚叫咗個外賣，食物質素差到想像唔到，食咗一啖已經想嘔。牛扒我叫五成熟，點知返到屋企睇11成熟都有，硬過擦子膠，咬咗5分鐘都咬唔到吐返出嚟。白飯你以為最正常嘅嘢實冇事，點知都有驚喜。啲飯睇落正常，但係其實係生嘅。咬落去你會食到一粒粒的脆、未熟嘅飯。極度後悔去咗呢間嘢買外賣，本身已經好肚餓，而家仲慘過食到屎，呢世人都唔會再食牛極，亦都會阻止身邊任何一個人去食。如果你哋睇到呢個post，即刻搵第二間餐廳食啦。信我，食咗你會後悔。…查看更多

住附近咁耐，突然想食日本牛，就去呢間食下，見到佢個宣傳海報幾吸引，就叫咗呢塊牛肩扒。一開始食下沙律，個湯都幾好飲，仲要係任飲任食，呢樣係幾吸引，個白飯都好好食，蒜蓉同埋燒汁都係自己任裝，不過塊扒就搞唔掂，中間嗰條根，唔好講要食要咬，我用刀切都切左幾分鐘，切到我手都軟埋，然後舊石又差唔多開始無熱力，完全唔明白點解咁樣都可以比人食，每咬一啖啲筋都深深攝入牙罅，$130講真又唔係話特別平，去其他牛扒餐廳食個扒餐仲好，失望！…查看更多

晚上8點幾去食入邊個阿姐中年 平陰 紮起條馬尾 黑色頭髮態度差到冇比直情趕客咁款已經冇乜客 係咪想執笠😂請住啲咁嘅人都真係唔好彩間野冇人食我同朋友坐左係四人枱嚴格來講係二人枱中間有條罅拎住好多袋野放左係隔離佢就話呢張係四人枱嚟嘅唔可以坐尼度又唔可以咩咩咩唔可以依樣唔可以果樣Bee ne ba la 重點間野係冇人有人我自然會拎走㗎啦食左大半第二對情侶入嚟坐咗六人枱又喺度話人果張六人枱嚟嘅你地唔坐得心諗：冇人坐邊關你咩事嗰個男人直情爆粗鬧佢有9 人尼食咩 如果唔係入門口就俾咗錢🥲我一定會唔食直接走人絕對係趕人既舖頭啲嘢質素點樣都唔重要俾個西口西面嘅女人喺你隔離嘈喧巴閉食龍肉都無味希望老細可以炒咗嗰條友唔係有運行都變冇運行有錢賺都變蝕錢…查看更多

我最近去了一家名叫「石燒牛」的餐廳，真的讓我驚艷！首先，他們的食物非常美味，我們點了一份牛排，它的口感非常嫩，讓我們非常滿意。此外，這家餐廳還提供無限量的米飯、湯和沙拉，非常貼心。不僅如此，餐廳的環境也很不錯，氛圍舒適，讓人感到放鬆。份量剛好，價格也非常實惠，讓我們非常滿意。餐廳的工作人員也非常友善和樂於助人，讓我們感到非常受歡迎。整體而言，我很高興我選擇了這家餐廳，我會強烈推薦給大家！👍🏼👍🏼👍🏼…查看更多

今日突然變咗食肉獸，想食熱辣辣、啖啖肉ge牛扒❤️❤️途經牛極就入咗去食😍入到去個餐牌有好多選擇，有牛排、和牛、又有多種肉類同小食選擇😋最終我就揀咗180g ge 西冷牛排 $135，套餐跟埋湯同沙津🥰湯同沙津同飯都係可以無限refill,岩哂大胃王s🤣🤣🤣牛排生熟程度適中，牛味好濃又唔會好韌。湯同沙津就不過不失，係正常水準😜平日夜晚去唔洗等位，價錢又合理，值得一試🤣下次想試下佢ge和牛餐🤣…查看更多

再訪日式石燒牛扒店🥰 親民價錢食到高質素食物，值得一試☺️ 餐廳環境乾淨企理，座位寬敞舒適，晚市時間人流多，人氣高餐廳設有自助區任添醬料、沙律、湯及珍珠米飯🥰 食物質素不錯，價錢偏低，性價比高👍🏻 推薦最抵食牛肩排 (180g)，只需$85便可以食飽飽，質素有驚喜！牛肉好厚身，肉質軟嫩有咬口，完全不會韌，沾上自家製燒肉醬汁，口感味道一流🤤 配上任添白飯，絕對好飽肚，抵食👍🏻牛肉上菜時只有約一成熟，客人可在熱石板上煎至自己喜歡的熟度…查看更多

係呀真大件夾抵食😍😆數數手指原來呢次係我第四次食牛極😹而呢晚只做一件事 就係自私去食牛事件發生在媽媽生日當天安排左爸媽去staycation自己就好想食肉Its time to go!!!!! ┈┈┈┈┈┈┈┈┈┈┈┈┈┈┈┈一如既往大部分都以自助形式落單於去自助販賣機好自己心水就可以揀個靚位等職員送牛黎喇等待既時間當中你可以到自助任食區內自由發揮:︎ִֶָ 𖤐 沙律菜配搭了日式芝麻醬可以自由添加:︎ִֶָ 𖤐 足料牛肉湯 同白飯呢碗湯要形容大概就好似羅宋湯既味道（印象中我上次飲左三碗🫣）我超鍾意呢個牛肉湯 因為真係足料到不得了😍😍︎ִֶָ :︎ִֶָ 𖤐 珍珠米白飯任裝不在話下仲有紫菜飯素 加在飯的面頭 令成碗飯即刻生色不少 調味料有蒜蓉/燒肉汁/燒汁 任君選擇⚑⚐゛牛肩肉 180g $85非常厚既牛肩肉質鮮嫩唔洗擔心會見到脂肪但又有豐富有牛香味燒既時侯我連蒜蓉都落左一大堆落去燒夾雜住沙律菜同牛肉湯眨眨眼就KO 左件牛了😀🌟🌟Tips🌟🌟如果你想慢慢食既朋友 其實好建議拎多一隻碗仔for 裝起未ready 要燒既牛食到邊切到邊 咁就唔怕牛會愈黎愈老喇～…查看更多

再次沿住屯馬線覓食🤣一個人嘅時候最好就食d一set set或者唔使點諗嘅嘢🤣呢間牛極分店開遍港九新界，主打石燒牛排，質素都有返咁上下👍入到餐廳就有部自助點餐機，揀選完自己想要嘅牛之後就可以坐低，等左一陣職員已將牛送上😆今次我揀左CP值超高嘅牛肩排180g ($85), 呢個價錢已經包左任食日式牛肉湯、沙律同埋白飯😁沙律菜新鮮，點胡麻醬好match，白飯係珍珠米好有咬口，我將啲燒汁撈落飯度食更好味😆最讚嘅係牛肉湯，味道好似羅宋湯，入面用料豐富(見圖😆) 牛肉好稔，我飲咗兩大碗好正😋😋餐廳好細心，牛肩排黎嘅時候用張紙擒住唔會比油彈親，如果仲係怕的話餐廳有圍裙提供。牛肩排都幾厚身，原先都驚打完卡後會熟曬唔好食（因為我平時鍾意rare😆）但竟然一切開入面仲係生架👍鍾意食熟啲嘅朋友可以慢慢燒都唔怕過熟👍雖然有一少部份有少少筋，整體仍然出色，牛味重，肉質鮮嫩有肉汁，佢本身有少少咸味，所以唔需要點太多調味料，比較特別嘅BBQ調味粉原來都幾夾，大家可以試吓😆總括而言，真心好味過花x餐廳，而且CP值高，店舖雖小但坐得舒服，裝修東瀛feel，仲有少少打卡位，今餐食得好滿足呀❤️美味指數🍽：8.5/10 環境指數📸：8.5/10整體表現💜：8.5/10CP值指數😎：8.5/10…查看更多

本身一家三口坐四人枱，坐得好地地，食到一半，出面來左8個客，阿姨逼我地用一張二人枱，要搬走一張枱俾佢地嗰8位未俾錢嘅客。我地解釋三個人好難用二人枱，我話我拒絕，佢竟然閙我地，又話我地叫左2個餐，唔應坐三個位，咁三四歲就唔應該入來食？奉勸各位有小朋友嘅家長千祈唔好入來食，會俾人歧視。成間野都好油，周圍都係油，啲櫈又爛爛地。地下好滑，行路都要小心啲。…查看更多

已經係第N次黎食呢間石燒牛喇～ 因為真係好抵食而且又好食！😝 80幾蚊一個餐，🥩牛肩排都幾大塊，沙律菜、餐湯同白飯全部都係任食，仲可以多菜少飯，食得更健康～😚石燒牛肩排即燒即食熱辣辣，好好味～ 塊牛好厚肉，燒完仍然有肉汁，點上燒肉醬同辣醬食就更惹味喇～😋🔥沙律菜亦好新鮮爽口🥗，牛肉紅湯好足料，入面食到好多洋蔥、蘿蔔仲有牛肉添～ 湯料全部都煲到好腍好入味～ 最後食完飯再添多一碗湯，真係好滿足！🐽…查看更多

平時鐵板牛就食得多，今晚一個人試咗牛極嘅石燒牛真係覺得幾驚喜，熟度可以自己拿揑，中意食三成熟、 五成熟甚至well done都得😂 我食呢塊牛肩排口感十足，少少淋但又幾好咬唔，基本上唔加調味料都好夠味，舖頭每張枱都有提供岩鹽同黑椒等調味料。另外值得一讚係飯同牛肉湯係無限任添，牛肉湯有好多牛腩，就咁送飯都夠飽哈哈😂 飯係用珍珠米煮，食落柔軟香甜，咬一啖牛再食啖飯，然後飲啖牛肉湯，個種好味嘅感覺簡直升咗兩個層次😋 我揀咗180g牛肩排同食咗一碗飯，飲咗兩碗湯都好飽，如果大食嘅朋友唔洗擔心幫襯呢間會唔飽😂 仲有餐廳冷氣唔大，唔會話將啲牛吹到涷哂，食咗大半個鐘塊石仲好熱，塊牛一早已經唔見咗，落咗個胃到😋…查看更多