牛屋餐廳

牛屋喺佐敦已經屹立幾十年，一入到去已經充滿復古氣息，木牆裝潢同昏黃燈光，瞬間將我哋帶返70、80年代嘅香港。招牌英國威靈頓牛柳外層酥皮烤到金黃鬆化，配上野菌蓉同火腿，香氣四溢，輕輕一刀切落去，熱氣同香味即刻爆出來。牛柳叫咗五成熟，牛肉係粉紅色，色澤均勻，咬落去juicy得嚟又嫩，牛味超濃！配埋酥皮一齊食，食落去仲帶住牛油香，夾埋底層滲出嚟嘅肉汁同醬汁，每啖都係享受，絕對係我食過最好食嘅Wellington！配菜係意粉，佢哋嘅特製蕃茄汁都係超好食，有濃厚嘅肉味。深海比目魚配原隻大蝦比目魚厚肉煎到外脆內嫩，魚味鮮甜，加埋頭大身肥嘅原隻深海大蝦，蝦膏爆滿，一剝開已經聞到濃濃蝦香。頭盤酥皮湯同羅宋湯都係經典，酥皮湯一撳即碎，入面係白湯，係傳統香港扒房必有嘅味道；羅宋湯酸甜適中，蔬菜都煲到軟腍，而且仲有唔少份量嘅牛肉。牛油餐包外脆內軟，已經有滿滿嘅牛油，真係好香，令人回味。店員服務親切得似屋企人，坐低食飯氣氛輕鬆。真心覺得係一間值得去嘅懷舊餐廳，下次一定帶屋企人同朋友一齊再來。推介晒俾鍾意正宗香港西餐嘅你哋！…查看更多

喺佐敦嘅「牛屋餐廳」，裝潢充滿懷舊氣息，濃厚嘅歐陸風格令人一入門就被吸引。今次我點咗兩款經典主菜，分別係 **招牌英國威靈頓牛柳** 同 **英式雞扒餐**，每一樣都係用心之作，帶嚟超級滿足嘅味蕾享受！😋---🍽️ 招牌英國威靈頓牛柳呢個威靈頓牛柳真係不得不讚！外層酥皮係香脆鬆化，焗得啱啱好，金黃色嘅表皮仲滲出淡淡牛油香味。一刀切開，粉嫩嘅五成熟牛柳即刻呈現眼前，肉汁隨即流出，每一口都係濃郁嘅牛肉香氣。牛柳內嘅蘑菇醬層次感豐富，帶少少鹹香同菌類嘅清香，完全提升咗整個菜式嘅質感！ 配菜有意粉，醬汁均勻地裹住每條意粉，煙韌又唔會過熟，味道濃淡適中，完美平衡咗牛柳嘅濃郁感覺。仲有一碗羅宋湯，酸甜開胃，裡面有蕃茄、洋蔥同多種蔬菜粒，飲完令人覺得好暖心。成個菜式嘅味道層層遞進，真係值得專誠嚟試！💯 ---🍗 英式雞扒餐英式雞扒餐係另一款令我印象深刻嘅菜式。雞扒煎得啱啱好，外層微微焦香，內裡依然嫩滑多汁，咬落去仲帶少少雞肉嘅自然甜味，食完唔會覺得膩口。 配菜有薯菜，薯仔口感綿密，味道簡單但好清新，啱晒平衡雞扒嘅濃香。同餐仲配咗酥皮忌廉湯，呢一碗湯真係成個餐嘅亮點之一！酥皮焗到香脆鬆化，輕輕用匙羹撕開，底下係香濃嘅忌廉湯，湯底奶香濃郁但唔會過膩，飲落好舒服。每一啖都充滿溫暖嘅感覺，簡直係英式鄉村嘅味道！😋 ---🏠 餐廳氣氛與服務呢度唔單止食物出色，環境仲好有Feel！裝潢懷舊又充滿情調，啱晒鐘意影相嘅打卡控！餐廳唔算大，但坐得舒服，燈光柔和，感覺好放鬆。最重要係，侍應服務好貼心，細心問候又笑容滿面，令整體用餐體驗更加分！👍 #懷舊餐館 #歐洲小酒館氛圍---總評：🌟🌟🌟🌟🌟牛屋餐廳係一間充滿歐式懷舊氣氛嘅小店，無論你係鍾情牛肉嘅朋友，定係想搵個地方同另一半度過一晚浪漫晚餐，呢度都係唔錯嘅選擇！下次經過佐敦，記得嚟呢度一試佢嘅威靈頓牛柳同其他出色菜式，保證滿足你嘅味蕾！🥂❤️ …查看更多

今晚到佐敦這間以懷舊裝潢為主題的西餐廳吃晚飯，推門瞬間便感受到強烈反差——復古桌椅與琺瑯吊燈下，竟是一群年輕廚師在開放式廚房專注料理。這種新舊交融的氛圍非常特別。餐前麵包及湯隨套餐奉上的牛油餐包堪稱「溫柔的邪惡」，大大個的圓麵包烘得微溫，撕開時能聽見表皮細碎的脆響。師傅預先將冰涼牛油夾入麵包孔隙，上桌時已融化，出奇地好吃。搭配的羅宋湯以番茄酸甜為基底，清甜的菜與牛肉粒的醇厚相當夾。酥皮忌廉湯的酥皮焗得香脆，蘑菇與粟米的濃香隨熱氣蒸騰，脆皮蘸著綿密湯簡直是一種享受。招牌法式田螺螺肉飽滿彈嫩，以香草蒜油焗至表面微焦，底下墊著的薯蓉更好味！忌廉與薯蓉很輕盈柔滑中，還有焦香的邊緣，十分出色的田螺！德國蜜糖芥末燒豬手份量驚人！刀叉輕觸便發出清脆裂響。膠質層在唇間黏糯纏綿，瘦肉部位竟保持粉嫩多汁，秘製蜜糖芥末醬巧妙地以甜味引出發酵芥籽的辛香，化解油膩之餘更提鮮。 香煎比目魚配大蝦魚皮煎出金黃紋理，魚肉很滑。原隻開背虎蝦爽脆鮮甜，佐以酸度明亮的油醋沙律，非常好味！驚喜的是，年輕團隊對傳統西餐的重新演繹。味道口感令人眼前一亮。…查看更多

今日去左佐敦一間舊式西餐廳. 單係個招牌門面嗰種懷舊味. 就令我諗起 細個老豆帶我去鋸扒. 超開心. 宜家呢類低調又平實嘅小店真係越來越少了. 英式雜扒配飯  -   羊架, 牛柳, 豬扒, , 腸仔, 煙肉, 太陽蛋. 份量超巨 !  羊架  一D都唔膻, 肉超嫩火喉剛好, 好入味.  牛柳  - 有牛味. 唔鞋好軟淋 豬扒,腸仔, 煙肉   - 正常發揮.好食.  煙肉微焦香口, 成個雜扒都好高水準,  最驚喜係有羊架！羊架真係好好食.  下次我會單點羊架，。配埋個羅宋湯，完全係80-90年代港式西餐回憶！招牌英國威靈頓牛柳+薯菜  本身呢個威靈頓牛柳唔係間間餐廳會做.  因為工序多,難處理 . 有做的都要預先訂.   但牛屋呢到竟然隨時可以order, 可見佢地廚師幾有料有信心.  香脆既酥皮，內裡包住呢件超juicy 既牛柳. 熟度剛好，嫩滑多汁. 真係一路食一路讚.配咗沙律菜及大量既粗炸薯條，好大滿足  沙律菜仲加左D 醋，薯條香脆, 好正! 每個套餐都跟埋餐包餐湯個餐包好鬆軟， 微熱 ， 內裡夾左牛油非常好唔使自己搽。羅宋湯好足料， 少少酸微辣開胃 。 朋友加錢要酥皮忌廉湯，好靚仔，酥皮好香脆， 內裡係粟米蘑菇忌廉湯 好creamy! 牛屋真係佐敦隱世餐廳！威靈頓牛柳高水準, 親民價錢, 我應該會定時光顧. 支持本土小店 !牛屋餐廳地址:佐敦吳松街143號地舖…查看更多

今次去佐敦吳松街嘅「牛屋餐廳」食晚餐，呢間街坊小店竟然有超正宗嘅威靈頓牛柳，仲有好多懷舊西餐選擇，價錢仲要好貼地！🥩 招牌英國威靈頓牛柳套餐 ($256)酥皮一cut開就知有料到！入面塊牛柳仲係perfect粉紅色，肉汁夠肉味重。個酥皮焗到金黃色，層次豐富而且份量大大舊好好食～值得一提，佢個燒汁超有水準！✨ 套餐包括：✔️ 酥皮忌廉湯酥皮浸落湯仲惹味！✔️ 薯菜薯條量多而且即炸外脆內軟！🍖 英式雜扒配飯 ($178)懷舊感爆燈！雜扒種類多：-羊架好入味同嫩滑，而且唔膻- 牛柳肉質唔會鞋有肉味- 豬扒有驚喜醃得夠入味- 腸仔夠香口，仲要有兩條- 太陽蛋同煙肉兩樣同樣微焦夠香口配埋個羅宋湯，完全係80-90年代港式西餐回憶！必食小食：招牌焗法式田螺 ($68/半打)每隻都塞滿蒜香牛油同香草味。最正係個薯蓉，索晒啲牛油精華，冇得輸！☕ 飲品- 凍咖啡：茶記級濃郁，唔會水汪汪- 凍檸茶：正常發揮，甜度剛好牛屋絕對係佐敦隱世寶藏！威靈頓牛柳水準拍得住高級餐廳，但價錢親民到笑。特別推薦俾想食西餐但又唔想捱貴價嘅朋友！🐮✨（P.S. 餐廳小店座位有限，想食威靈頓牛柳記得預早打去留定啊！）…查看更多

未食主菜，先嚟個餐湯！我哋揀咗羅宋湯，酸甜度平衡得好好，蔬菜燉得夠軟熟，飲落超開胃。🍲 另一碗酥皮忌廉湯 更加係港式西餐嘅浪漫！脹卜卜嘅金黃酥皮一切落去就散晒，浸埋香滑忌廉湯一齊食，係童年嘅味道！💯招牌英國威靈頓牛柳 果然名不虛傳！酥皮焗得金黃鬆化，輕輕一切，五成熟嘅牛柳呈現粉嫩色，肉汁鎖得好好，牛脂香氣十足，真係港式威靈頓嘅代表作！🥩 隔離份 深海比目魚配原隻大蝦 都好高質，比目魚外皮煎得微脆，大蝦爽口彈牙配意粉！呢度食物質素對得住價錢，而且充滿懷舊氣氛，想「鋸扒」又想回味舊時，牛屋係唔錯嘅選擇！👍…查看更多

上星期經過佐敦吳松街，見到一間小店門口已經排緊隊，黃昏六點，已經有人排緊隊等開門？好奇心作祟，決定同朋友一齊試下…點知一試真係出奇地好食！試左兩款招牌主菜：1. 🥩✨【英國威靈頓牛柳 $238】 (3成熟)酥皮烤得金黃香脆，一刀切下去，粉紅色牛柳瞬間流出肉汁，嫩到溶口！牛肉味道超濃郁，酥皮又香又薄，完全唔搶戲，食完即刻明白點解咁多人專程來食！🥹2. 🐑🔥【法國香草燒羊架 $168】（黑椒汁）羊架燒得外焦內嫩，肉質多汁，完全無騷味！香草味滲得啱啱好，黑椒汁濃而不鹹！冇諗過一間普通小店可以煮到咁正，讚到停唔到口！🙌整體環境係典型西餐風格，地方細但執枱快，服務員態度有善～下次絕對再返去試其他牛肉菜式！💪強烈推薦給愛牛肉嘅朋友，記得早少少去排隊/book定位呀！⏰…查看更多

餐廳名 : 牛屋餐廳地址:佐敦吳松街143號地舖呢間都是食舊風味香港式鐵板餐，充滿情懷，吃的是回憶哦！門口那感覺令我有返到去小時90s 及00s 架feel 牛油甜餐包好味羅宋湯同酥皮白汁湯,湯入面有粒粒粟米粒架比目魚蝦伴薯條，魚塊好香皮脆卜卜，魚油入口就有魚架油脂香！雞扒單子飯！大大塊連皮雞扒油香十足，個茄汁好濃，撈飯一流，真係可以靠個汁食曬d飯人均百來元，推薦哦！ #牛屋餐廳 #佐敦 #steak #dinner …查看更多

🌟🍴 【佐敦• 牛屋餐廳】 💥💥✨📍 牛屋餐廳 (佐敦)佐敦吳松街143號地舖🍖🥟🍟🥚🍰🍲🍇 • 🥪🍓🍤🍪🍜🍡🍹 招牌英國威靈頓牛柳 $261（七成熟）一刀切落「咔」一聲，酥皮碎屑亂飛！金黃千層酥皮薄到透光，包裹住粉紅七成熟牛柳，中心仍然流出玫瑰色肉汁，蘑菇鴻禧菇醬＋火腿片＋鵝肝醬三重奢華夾層，牛味、菇香、鴉肝油香一次過爆發！外脆內嫩多汁，汁水多到要用飯兜住，每一口都像在唐寧街10號食國宴，$261完全值得跪著食！配酥皮忌廉湯：湯面浮住一塊酥皮，一咬「喀啦」＋熱辣辣野菌忌廉湯滑入口，解膩神器！凍檸檬水走甜版酸到齜牙，瞬間洗走牛油感，完美！英式雜扒 $178經典英倫三寶同場：厚切西冷牛扒：煎至外焦內粉紅，牛味濃到爆！豬扒：老派豉油王醃製，甜鹹香脆！羊扒：迷迭香＋蒜頭提味，肉香帶野性！三大扒配黑椒汁＋英式芥末，意粉吸滿肉汁變成肉醬意粉，羅宋湯酸甜開胃，一餐把英國酒館搬到你面前！凍檸檬水一樣走甜，解油一流！兩客主菜一貴一平，一個貴氣爆棚一個親民夠喉，$400左右兩個人吃到超撐，威靈頓完勝但雜扒都完全唔輸！下次要試全熟威靈頓對比，再配紅酒就完美！🍙🥤 餐廳評分🥤🍙 🔥 餐廳環境：🔥🔥🔥🔥🔥 ⛄ 服務質素：⛄⛄⛄⛄⛄ 🍾 食物味道：🍾🍾🍾🍾🍾 🎟️ 性價比：🎟️🎟️🎟️🎟️🎟️ 💰 消費：HKD 450✨🥢🍣🍕🍜🍴🍰✨ …查看更多

聽聞這間舊式扒屋不錯，於是中午來試試。我叫了安格斯牛扒，要7成熟，蒜蓉汁。但來到上枱，唔見有汁，於是我問服務員這碟是否我的要求落蒜蓉汁，他說是，我只好開始食。我要求7成熟，但覺得好似5成，甚至牛扒在厚的部位只有3成熟。牛扒是份量大，但無牛肉味，加上煮得太生，不合我這顧客的要求，感到人們有吹大咗的感覺。另外，如果我無去這餐廳的洗手間還可能會印象分高些，但我無法接受環境的衛生情況，更無法想像處理食物意粉的地方只在很近的地方！餐廳環境都不理想，位置很窄可以接受，但有不少地方都見到有塵埃，唔知有無打掃。絕對不會再幫親！…查看更多

這次造訪太子佐敦的懷舊扒房，彷彿打開了一扇時光的門扉，帶我回到了八九十年代的歐洲餐廳。店內空間設計充滿復古情懷，經典的歐式元素與懷舊氛圍交織而成，營造出一個令人心馳神往的用餐環境。值得一提的是，開放式廚房的設計展現了廚房的透明與真實，但也帶來一絲油煙味的挑戰，提醒我們在享受美味的同時，也要留意細節。點餐流程中，首先送上熱騰騰的餐包，內塗牛油，香氣撲鼻，令人期待。隨後升級的酥皮忌廉湯，酥皮外層酥脆，內裡細膩，但湯的味道略顯平淡，未能完全激發味蕾的驚喜，或許是溫和的味道較為普通，但這並未影響整體的用餐體驗。主菜方面，我選擇了五成熟的威靈頓牛柳。牛柳的脂肪部分也佔了一些，但口感不錯，搭配店家的醬汁，層層豐富了味覺的層次感。配菜則是金黃酥脆的薯條與清新爽口的沙律。總體而言，此次用餐經驗令人滿意。餐廳最大的魅力在於，以較為親民的價格，呈現出高級餐廳的經典佳肴，為食客帶來價值與體驗的雙重享受。從現場觀察，這裡也深受學生群體喜愛，成為一個平價又具品味的用餐選擇。若你也渴望一場穿越時空的味覺之旅，不妨來這裡尋找那份屬於過去的經典與溫暖。⌛️ Vintage European Style and Affordable Gourmet Food for a Time-Traveling Dining ExperienceMy visit to the nostalgic steakhouse on Prince Edward Road transported me back to the European restaurants of the 1980s and 90s. The interior design is full of vintage charm, with classic European elements creating a cosy, nostalgic atmosphere. The open kitchen shows the cooking process clearly, which is interesting but also brings a bit of oil smoke, so be prepared for that.When the meal started, I was served a hot bread roll with butter — it smelt great and was a good start. Then I tried the upgraded cream puff soup. The pastry was crispy and tasty, but the soup itself was a bit bland and lacked a strong flavour. Still, it didn’t ruin the overall experience.For the main dish, I ordered the Wellington beef fillet cooked to medium rare. The beef had some fat but was tender and tasty. Pairing it with their special sauce made the flavour even better. I also had crispy French fries and a fresh salad to go with it, which balanced the meal nicely.Overall, I had a pleasant dining experience. The best part about this restaurant is that it offers classic, high-quality dishes at a reasonable price. It’s especially popular with students because it’s affordable but still tasty.If you want a meal that feels like a trip back in time, this place is a wonderful choice. Every dish seems to tell a story, waiting for you to enjoy.…查看更多

這間餐廳的食物美味又份量充足，性價比極高。招牌的法式焗田螺經典又美味，外層酥脆的酥皮添增了口感，搭配醇厚的湯底，令人回味無窮。而紐西蘭肉眼扒的五成熟狀態恰到好處，肉質軟嫩多汁，讓人一口接一口。每道菜品都展現了廚師的用心，以合理的價格享受到如此美味的餐點，絕對是值得推薦的選擇！…查看更多

今晚我同老公去咗佐敦一間好有懷舊感嘅牛扒餐廳，叫做牛屋餐廳，聽講佢喺1970年開業，至今已經有超過50年歷史，真係好厲害！一入到去就感覺返到以前，牆壁上既燈飾同掛畫都好有味道，俾人一種懷舊嘅感覺。首先我點咗蒜蓉帶子雞扒，老公就叫咗個豬手。我仲選咗羅宋湯，因為懷舊餐廳嘅羅宋湯通常都特別好飲，而老公則加咗少少錢要咗酥皮忌廉湯。蒜蓉帶子雞扒就上咗枱，一上枱就聞到一陣香味！帶子同雞扒煎得恰到好處，唔會乾入面仲好Juicy，每一口都充滿咗蒜蓉嘅香氣。仲有薯條同埋菜加起嚟份量好多，一份餐就已經好滿足！老公叫嘅豬手就更加吸引。上到枱嗰陣，驚訝尺寸好大隻好抵食！外皮脆卜卜，入面嘅肉又嫩又多汁，搭配埋職員送上嚟嘅甜甜地既汁真係一流！整體今晚嘅晚餐真係好好食，我同老公都覺得冇得輸！有機會我地一定要再返嚟試埋佢哋嘅牛扒，聽講都係非常好味。記得如果想去嘅朋友，最好提前打電話去訂位，因為呢間餐廳真係太受歡迎客人好多。總之，牛屋餐廳好有懷舊特色，食物質素高又有驚喜，真係值得一試！希望下次再去，期待能享受到更多嘅美味！@santgria_kitchen…查看更多

叫咗個招牌英國威靈頓牛柳揀咗五成熟，切開見到粉嫩肉色，外面層酥皮焗得金黃香脆，入面個層有鵝肝醬，牛柳肉質超軟腍，仲keep到肉汁，超高質👏🏻👏🏻跟餐嘅酥皮忌廉湯都好正，😆上枱時熱辣辣，個酥皮焗到金黃色，脹卜卜好似頂帽仔咁蓋住個湯碗。湯底濃郁，酥皮酥脆👍🏼酥皮嘅牛油香同忌廉湯嘅滑溜一齊爆發，簡直係絕配！浸一浸湯食更加正！如果鍾意飲西湯嘅朋友，呢個酥皮忌廉湯絕對係必點之選✨德國蜜糖芥末燒豬手，份量十足！豬手外皮燒到脆卜卜，咬落去「咔」一聲，入面嘅肉卻係嫩滑多汁，蜜糖芥末醬甜甜地😋飲品方面，叫左凍檸檬茶同凍檸檬水，用蜜糖調味真係好正🥰。以呢個質素同份量嚟講，真係十分之好！下次再黎🤗…查看更多

羅宋湯及酥皮忌廉湯暖胃開頭。羅宋湯濃稠酸甜微辣，足料鮮美不膩；酥皮忌廉湯奶香脆鬆，滑順解膩，兩款各有風味，午市必選。餐包熱辣辣，已經均勻地查好牛油，超級好味！英國威靈頓牛柳配薯菜奢華經典。牛柳裹酥皮七成熟，外脆內嫩juicy，配黑椒汁香濃，薯條脆卜卜，薯菜鬆軟均衡，厚實大大份。雜扒意粉牛扒豬扒雞扒羊架香腸齊哂。意粉Q彈吸汁，牛豬雞羊扒多汁鮮嫩，腸仔彈牙，綜合烤香不油，份量爆棚滿足全家，完全食唔哂，超級大份。…查看更多