牛奶冰室 (長沙灣廣場)

返半日學嘅奢侈今日囡囡返半日，放學食呢間「牛奶冰室」醫肚。叫左兩個午餐① 酸菜魚湯米線｜走辣阿女專登叫走辣，個湯底居然冇變淡！酸菜夠爽，魚片都算滑，唔會得個鹹字。米線索晒湯汁，啱晒鍾意飲湯嘅細路女。② 黃金鹽味醬油炒飯炒飯乾身唔油，阿女話「啲飯一粒粒好好味口」！③ 加左香脆牛奶卷 (5條) + 紅糖冰粉牛奶卷外皮真係脆到「咔嚓」聲，入面流心牛奶餡唔會太甜。點埋紅糖冰粉叫咗兩杯朱古力味濃又唔死甜$156 食到兩個主食 + 小食 + 兩杯嘢飲，喺而家呢個時勢算係合理。…查看更多

這冰室的特價早餐性價比真的很高，今天就點了星期一供應的五香肉丁湯米粉，早餐還包括丹麥酥包和熱飲，我選了熱鴛鴦，價錢是$29。湯米粉的五香肉丁頗多，以這價錢來說，算是很不錯，湯頭雖然比較一般，但因為有五香肉丁的醬汁，味道提升了，米粉爽口，份量也不少。丹麥酥包酥脆，不算太油膩。熱鴛鴦兼的茶味和咖啡味平衡得不錯，算是好喝。朋友點的早餐包括珍珠雞一隻，輕量火腿絲濃湯通粉，包熱飲，他選了熱啡走，價錢是$29.9。火腿絲通粉就是一般的水準，湯更濃一點會更好吃，珍珠雞好吃，熱啡走的咖啡夠香，好喝。…查看更多

晨早流流出到長沙灣，第一時間梗係揾energy啦經過見到有牛奶冰室，炸炸淋入去食個早餐先。嘩！牛奶冰室竟然出咗個29蚊...大家冇聽錯，真係29蚊嘅麪食配丹麥多士連飲品☕加五蚊雞有隻流心焗蛋🍳食物唔使講，都係保持一貫嘅水準，不過不失。環境整齊清潔，坐得舒舒服服，服務員態度都友善，加上食咗個咁抵嘅早餐，突然之間覺得自己煥然一身😂價錢真係可以話係全城最抵，食完有曬energy💪，醒醒目目做嘢喇喂！Lets go!…查看更多

如果想要選擇健康餐，這一間的選擇不是很多。本來想簡單選個健康一點的下午茶，但下午茶大部份選擇都是油炸的😶‍🌫️看了看午餐，大部份都是以蔥油為主打的飯類。少油的可能就只剩米線那些，最後選了這個蒜香蜜汁叉燒煎半焗流心雙蛋飯。蒜香蜜汁叉燒煎半焗流心雙蛋飯，叉燒上桌和圖片的也差太多😂完全是在醬汁游過泳的狀態。有一說一，雖然重口味，但還是好吃的。另外有次來下午茶，第一次下午茶用手機下單看見奶醬多可以選要2片或3片，我以為2片是厚多士，3片是圖中的薄多士，結果2片純粹是給少一厚😂笑左出嚟，之後再來就沒再點2片了，有點攪笑。…查看更多

在荔枝角辦完事已經過了午餐時間，見到在巴士站旁邊有牛奶冰室，太好了！立刻進去吃個午餐加下午茶。有迷你炒粉麵餐，非常好！點了雪菜肉絲炆米$42，迷你的份量也頗大份，炒得比較乾身的質感，似炒米粉多點，味道還不錯，有芽菜、青紅椒一起炒，增加爽口感覺。加倍燉湯猴頭菇響螺湯，所有材料都能吃，而且燉湯清潤無油份，感覺健康滋補。加配醬爆流心菠蘿包當甜品，這裏的包，熱吃非常美味，芝士拉絲，鹹香味道配菠蘿包香甜，口感鬆軟，非常好吃！是牛奶冰室的推薦食品。職員非常好，提醒我茶餐送熱飲，不用加錢，下了一杯熱咖啡，暖暖的，醒神又舒適。…查看更多

【深水埗區】【牛奶冰室】本身同真正哥一齊去荔枝角出 job，點知無啦啦個 job 喺毫無預警之下 cancel 咗。咁我哋餓住個肚都要搵嘢食嘅，行返出大路見到呢間牛奶冰室，好好醜醜都入去食啲嘢啦。我哋都知佢係集團式經營，不過嗰下真係佢最近，同埋佢又有位，所以先食佢。佢哋係用 QR Code 落單嘅，嗰一刻好似有下午茶，真正哥叫咗個 $43 嘅「五香肉丁蔥油撈麵」，餐飲就加 $3 飲牛奶冰室最出名嘅「新鮮冷壓檸檬茶」少甜，點解咁出名係因為個檸檬茶係冇檸檬嘅。不過佢食完就話味道都正常，冇乜唔合理嘅地方，就算喇。我就食 $41 嘅「黑糖漿雪糕西多士」，再加 $13 要埋三隻「五香脆雞翼」。咁個甜品就穩穩陣陣，唔係好差，雞翼亦都熱辣辣，唔錯嘅。嘢飲方面我就加 $3 飲「凍奶茶」，都係正常嘅味道，冇特別。埋單 $103，極度平庸嘅一餐，態度亦都一般，冇下次。。。（地址：荔枝角長沙灣道833號長沙灣廣場地下G08號舖及閣樓M07-08號舖）呢間餐廳我寫過其他分店嘅用餐體驗以及食物，如果想睇，可以打以下 hashtag 搜尋返嗰次嘅用餐體驗記錄：荃灣區分店：1am0482沙田區分店：1am1026#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am深水埗區 #荔枝角 #牛奶冰室 #五香肉丁蔥油撈麵 #新鮮冷壓檸檬茶少甜 #黑糖漿雪糕西多士 #五香脆雞翼 #凍奶茶 #1am1546 #1ambackup…查看更多

荔枝角長沙灣廣場店的設計是兩層的，在樓上用餐到中途，想買點麵包回家，見到枱上的上菜單寫着「憑此收據購買任何麵包可作$2使用」，於是帶著單據落樓下買麵包，在購買之前已查詢職員是否可用，說是可以，就選好麵包。但到付款的時候才說要埋單後那張收據才能減$2。於是又跑回樓上，朋友未食完都先埋左張單，再落去買過，仲要收左我張單以免我重覆再用，真是大恩大德！幫襯堂食再買麵包有$2優惠，本來係好事。但係搞到規矩多多，指示又唔清晰，向其職員反映「憑此收據購買任何麵包可作$2使用」應寫在正式收據上，以免客人誤會，但遭職員冷待零回應。負評如此多的一間餐廳，如果不是荔枝角區午飯地方唔夠，一定做唔住！在香港現今這個市道，唔該幫下忙，比少少理由港人留港消費！…查看更多

牛奶餐廳已經開到成行城市，當然有他的個人之處。食品質素都算不過不失，比較一些傳統冰室，他的菜式尚算創新，比較配合時代轉變。可是作為一間茶餐廳，的奶茶就是不合格了， 沒有傳統的香濃，更沒有絲滑的感覺。 但今次吃早餐，竟然有新發。如果你們吃過兒時的廚師腸，便知道現在的太鹹了。 就在這裏，你能找回消失的廚師腸。…查看更多

本來叫奶油多早餐為堂食，結果等左15分鐘仲未到，趕時間，唯有轉外賣。回去之後發現焗都無焗，激死！正常的奶油多會去焗，現在白麵包幾片，塗得牛油又少，煉奶又不多，簡直浪費金錢！…查看更多

第一次試食牛奶冰室，下午茶點咗五香肉丁撈即食麵同豬扒炒即食伊面，兩份上到餐枱都唔夠熱，味道好一般。另外想買餐旦治一定要跟餐都算，等咗十五分鐘追單話無咁快有，即係一個外賣要等廿幾三十分鐘，但凍飲一早出咗…員工態度老奉，其實已經自助落單，你哋嘅存在意義…極不建議幫襯，無下次。…查看更多

牛奶冰室不嬲都有麵包賣，亦試過坐低食食下買左麵包返位食，有店員仲提我地下次可以拎收據減$2, 埋左單先買麵包。點知今次我只買麵包，諗住坐低食啦，一坐低已經有個男店員望實我地，望左一陣就同我地講，你地要喺餐廳消費架喎！我O晒咀話個包喺你地度買架喎？個店員好串咁答我，餐廳同麵包鋪分開架！真心無奈，同一間鋪頭，竟然可以話2邊係分開，如果係咁麻煩加一個牌，大大隻字寫住，麵包嗰邊買嘅麵包不準在店內進食。同埋個店員如果好聲好氣d都無咁嬲！真係唔會再幫襯！！…查看更多

長沙灣廣場行過見佢改裝上下兩層一段時間，終於開幕，開張時候較多人，所以沒有幫襯，今日和幾位朋友路過過去一試，本身呢個集團香港都有不同品牌營運當中，所以大家都應該有一定認識同埋對食物有出品有自己嘅觀感，集團少用咗百分百改用用咗牛奶冰室烘焙部份加強咗好多遠遠都聞到香味，簡單食咗個中午lunch麻婆豆腐飯味道不錯，謝謝嘅服務態度亦都快手快腳不過現今香港都係服務剛剛好熱情欠奉，但簡簡單單食個午餐亦唔應該太高要求，不過呢個集團檸檬茶冇使用真正檸檬，改用檸檬汁就需要客人自己考慮清楚不過最令人失望就係冇咗真香港茶餐廳，靈活應變有彈性嘅精神，話說我想個餐多飯，都話因為系統冇set到，所以做唔到，其實小飯係值得支持，因為減少浪費，但係調轉頭加飯咁簡單都做唔到，其實唔使諸多理由 …..我諗諗係，集團本身，有冇心造嘅分別同10多年前香港一個經典茶餐廳品牌上市之後咖喱薯仔冇得加薯仔同一個道理，香港餐飲業競爭激烈去弱留強 …查看更多

基本上我返工嘅話，每朝都會喺出邊食早餐⋯⋯但係無諗過會撞到呢個情況：平時上錯野飲都無咩問題嘅，有時換返就得⋯⋯但今次真係無奈啊😮‍💨一上枱就到好生好紅嘅扒，同職員講話生，即刻幫我拎左走去換，態度都可以，但係無諗過唔夠2分鐘左右就拎返比我⋯⋯我初頭望哂兩邊都覺無左啲紅色生嘅啦⋯⋯點知吃完炒蛋同餐肉之後，吃件扒到一半，再入口係有陣血水味，即刻吐返出嚟，再切第二邊啦⋯⋯點知仲衰過，紅色嘅囉⋯⋯我無再出聲，亦無再吃⋯⋯諗住飲埋杯嘢就走，點知差唔多就走時個職員想收野走見到，即刻同出面個收銀講，我諗應該係經理，佢哋就話換返比我或者唔計數，我話唔洗啦⋯⋯出去自助埋單，個似經理嘅搶咗我張單，之後話淨計野飲⋯⋯我原本都唔想講嘢，但真忍唔住講左句，吃咁耐，今次真係太差啦⋯⋯…查看更多

呢間野真係好hit，好多人都話好食。雖然我媽話好難食，不過返工真係冇太多選擇就試咗。本來覺得不過不失啦，價錢唔平但都唔算太貴算係而家茶餐廳嘅價錢咁啦。所以間中都會過黎食飯，佢呢間舖都算坐得舒服嘅。不過今日再食，叫咗都食過幾次嘅星洲炒貴刁。嘩！咁難食嘅！完全覺得自己將成罐雞粉食落肚嘅感覺。用呢個價錢食啲咁難食嘅野，我諗真係冇下次了。不過平心而論，佢杯熱朱古力都依然係好飲嘅。故事未完，本來冇諗住打評論。食完拎張收據落下面bakery買葡撻，應該係會減$2嘅。個店員講完價錢，我問佢係唔係個優惠做完啦？佢勁串咁話你想要咩優惠。我話收據減$2，佢又勁串咁話咪減咗囉！最後係佢面前計一次數佢先話自己睇錯價錢，唔好意思都冇句，買完多謝又冇句，咁嘅服務態度唔好怪啲人點解唔留港消費。…查看更多

👍好既地方： 奶黃菠蘿包？ 幾好食，不過好膩，女士要留意👎唔好既地方：身為連鎖店，檸茶無檸檬，影衰香港既茶餐廳👎普通既地方：咖哩，焗豬一般，好過文華，百份百，差過翠華。…查看更多