牛奶冰室 (啟鑽商場)

营业中

休息中

呢间铺头嘅葱油饭真系有惊喜！先讲个蒜香蜜汁叉烧葱油饭，绝对值得五星推荐！可以免费升级成三蛋，我就拣咗两个流心同埋一个太阳蛋，切开嗰下蛋液冚住成碗饭，粒粒分明嘅米饭吸晒啲汁，加埋甜甜地嘅蜜汁，一口落去香到痹！不过要提一句，钟意清淡嘅朋友可能会觉得略甜，食多咗亦都有少少腻，呢个时候点返杯佢哋嘅冷压柠檬茶，就啱啱好解腻啦。​至于巨人鸡扒劲香葱油饭，都算唔错，但对比起叉烧款就稍逊一筹。鸡扒系一整块好大份，不过要自己用刀叉切开，食起身有啲麻烦。最紧要系葱真系多到离谱，唔食葱嘅朋友千祈唔好乱试，惊住你一口都顶唔顺！整体嚟讲，两款都各有特色，钟意浓味同埋蛋嘅，拣叉烧款实冇错啦！​

之前也光顧過牛奶冰室，但這次是第一次光顧此分店兼寫食評～此店為新式冰室，可以自助掃碼下單，此乃I人福音！點了份全日常餐（瑞士雞翼撈蔥油即食伊麵配牛乳炒滑蛋、丹麥酥包），雞翼甜甜的，二度大致OK！餐飲選了熱齋啡，是即磨咖啡，與檀島咖啡相比更易入口但失了香港特色......

飲品挺好，很大杯，大約二十元，在街買手搖都差不多這個價錢，味道亦不比手搖店差，很不錯，有驚喜。我點了濃朱古力，可以自選再濃味一點，挺有趣的。結果論的確濃味，跟意樂餐廳的差不多，但這裡比較大杯。少冰都合理，否則整杯就暖暖的，就不是凍飲了還點了牛乳妹妹，味道稍甜，建議可點減少許甜度。我個人比較喜歡濃朱古力那杯多一點，但這杯都尚可，茶餐廳價錢，有手搖店水準，又那麼大杯，算是今天一大亮點，值得一點，跟餐的話更抵

魚卷可以，沒有腥味，但亦沒有很出色或很驚喜。有咬口，但面皺皮，沒有很漂亮魚蛋則一般般。咖哩味和魚蛋質感都尚可。像街邊檔，可改善的就是不夠煙韌和入味。希望侍應可再提高服務質素，人手夠，但清枱慢，怠慢不要緊，但態度麻麻，希望只是個別例子。店內座位太擠，不便打卡，這方面樂天冰室比較出色，但跟樂天冰室一樣，櫃筒內裡餐具很齊全，可自給自足不用找人幫忙還想反映有些客人點了菜後店家安排調位，結果送餐出現混亂，這點店家要注意一下

點了拼盤套餐，還好，38元的份量挺足，有兩隻雞翼，炸牛奶卷，魚餅和魚蛋，款式算多，味道一般般，可以的。雞翼炸到皺皮，不是涱卜卜，感覺不是新鮮炸的，有少少扣分，熱度還可，味道一般，沒有驚喜，就是你想像中的味道和質感。炸牛奶卷不錯，鬆脆有咬口，外鬆脆卜卜，內餡嫩滑，有醬爆效果，比炸鮮奶更軟嫩，很不俗。可當飯後甜品食，而且味道不會太膩，吃完有甜甜的滿足感覺，還好沒有強烈的奶羶味，水準不錯，跟點心店的有得比

點了鐵板雞扒意粉，雞皮好吃，嫩滑又香，脂肪就是好吃，雞肉則比較平凡，比較乾和嚡，只是好在啖啖肉，但份量並不多，配菜例如菇和洋蔥都比較淡味，煎炒得不夠香，沒顏色就沒香味，這方面可再改善。醬汁的份量可以，算是足夠拌勻意粉，味道亦足，表現可以，比樂天冰室的白汁明顯好吃。意粉咬口可以，當然不期望會很好吃，就是茶餐廳廳的應有水準，不會過份的腍便可以。吃完算是飽肚的，份量足，但沒有鐵板效果，保溫還好，可以更熱，鐵板只是裝飾，這方面美心做得更好

算是幾好生意，午餐時間去幾乎爆滿，水準平平，正常發揮，沒有很大驚喜。慘的是一個人去可能要搭枱，或在被要求調位，而露出不悅表情， 明白脲務員難做，但都很合理，所以一個人去的要留意這點，不會像深圳座位那麼舒服，搭枱幾乎必然，見到有些食客面露不悅，或者餐廳應該自己寫清楚人多時會安排搭枱，這樣就可避免爭執，但座位的確是比較擠迫。食物價錢尚可，不特別貴，但質素亦沒有特別好，就是一般大眾的味道，沒期望，亦沒驚喜。

酸菜魚是我的最愛😋午餐時常常已經叫到，外賣唔知食咩好叫親牛奶冰室就會幾個同事一齊點酸菜魚😂呢個價錢性價比幾好，味道Ok，唔係太辣，有酸菜，同埋啲秀珍菇，芽菜，魚比較厚身同唔滑身

服務態度差，落單要了一碟銀芽肉丝脆麵。到了後，向侍應要求給一小碟醋，侍應回應後便處理其他工作，數分鐘後醋仍没有送來。再向另一職員要求要一小\碟醋，該職員思考幾秒後回覆，該餐廳是没有醋的。失望後繼續食炒麵。食到一半終於第一位侍應送來醋。向第二位職員詢問何故告知我没有醋呢？得來回覆，唔好意思囉！餐廳職員態度奇差，如果想受氣，可以來試試。

以前間中都會去呢間牛奶冰室度食lunch，今次嗌咗個番茄牛肉豆腐蛋花湯米線，因為呢個係lunch，嘢飲要另外加錢，而且佢個檸檬茶膽唔係用真檸檬，之前試過一次，覺得好化學味，係假嘅檸檬味咁，所以之後都冇再喺度嗌嘢飲。今次叫米線， 蕃茄湯 ，有啲豆腐，牛肉，小白菜，但係蛋花就唔係好見到，可能已經溶曬喺個蕃茄湯入面，個蕃茄湯少少酸，伴米線食其實都ok， 湯入面仲有啲薑絲， 連鎖餐廳黎講， 呢啲食物係可接受，唔會抱有太大期望，間中一次半次食下都ok。

-（全日常餐）生滾薑蔥牛肉湯伊麵 配 牛乳炒滑蛋 ＋ 熱冷壓檸檬茶  $54湯底好味伊麵口感唔錯
冷壓檸檬茶不及傳統茶記好飲- 蒜香蜜汁叉燒前火焗流心蛋飯 ＋ 熱即磨咖啡  $62呢個餐可免費升級做三蛋幾好味美中不足係叉燒較乾身，唔夠肥美 

味道雖然只係一般般但係啲姐姐全部都好友善所以總會係諗唔到食乜嘢嘅時候就選擇佢嘅分店 (有嘅話)通常都坐得舒服，唔使搭枱呢啲我係好欣賞 真係要讚佢雞扒鐵板餐叉燒煎蛋飯

呢間嘢細細間，平時夜晚好多人，所以好少去。今晚唔知點解有好多位，想去好耐，終於有機會啦。入面2人枱之間拍得都幾近，要好小心先攝到入去埋邊位。但係坐落都舒服嘅。雖然過咗6點，仲叫到個羊腩飯餐。先嚟杯熱檸水🍋，唔駛督檸檬，好方便。杯嘢夠哂熱，又唔會太酸，又唔澀口，唔錯呀。等咗十幾分鐘，碟飯先嚟。啲餸係另上嘅，熱嘞嘞，食到我出汗。餸大大碟，好足料呀。🐑羊腩好腍，啲肉好易離骨嘅，唔臊，但係好似掙啲啲花椒八角味。啲支竹蘿白都好腍好入味。🌽粟米細細件，容易食。汁夠多，唔算太鹹，送飯最好。感覺啲侍應都好好人，好有禮貌。係間嘢有少少油煙味，都可以接受。整體唔錯，都算抵食。

下午茶唔知食咩好，咁啱見到牛奶冰室，就去食吓啦Order咗炒貴刁同鮮奶紅豆冰，炒貴刁嘅味道幾好食，好香，河粉乾身，不過份量就有啲細，即使係女仔食都覺得唔係好夠雪糕鮮奶紅豆冰好有驚喜，值得推薦俾大家，飲品甜度適中，奶味香濃，但冇掩蓋紅豆嘅甜，同椰汁紅豆冰嘅感覺好唔同；飲品上面嘅雪糕好大個，仲喺牛奶雪糕，成杯滿滿牛奶味

無一次記得俾餐具，然後回應完全表現唔到任何唔好意思同埋覺得對唔住嘅態度。大佬我得一個鐘食飯，喺地盤做嘢連餐具都冇我唔通仲特登返去你度攞到匙羹叉？我就咁落樓下買完個飯，跟住佢話要同餐廳聯絡第二日回覆，然後佢第二日直接扣咗錢話退翻一蚊餐具錢咁即係咩意思啊？叫我用手食？講真大家都係做嘢，如果你第一次出現呢啲咁嘅問題我都唔會咁樣投訴，但係已經係第二第三次嘅問題每一次嘅回應都係不了了之。今時今日香港真係有你哋呢啲咁嘅服務態度所以飲食業玩完唔係冇原因。