牛天神 (已結業)

牛天神地址: 尖沙咀宜昌街6號地下B號舖#yauyau_尖沙咀今次去咗尖沙咀食一間日本牛肉飯咁嘅丼飯店，佢勝在價錢平，而且好大份，啱晒糧尾冇錢出街食飯。但係佢啲座位係嗰啲日式嘅吧枱，就有啲擠迫同窄，大家要體諒一下。🍖🍖溫泉蛋牛丼 $60牛肉俾得好多，而且都好重牛肉味另外啲洋蔥亦都好甜，啱晒你送飯，不過隻溫泉蛋就有啲生，我鍾意個蛋白會熟在熟多小小嘅。🐥🐥照燒雞扒丼 $60呢個就真係好抵食，大大塊雞扒，而且煎到個面好香脆，雞肉味濃但係又唔會好肥膩，同時肉身又好juicy。另外，佢仲有麵豉湯咁樣嘅，咁就普普通通啦。味道: 3.5/5服務: 3.5/5環境: 3.5/5番兜: 3.5/5#尖沙咀美食 #美食 #好吃 #instafood #foodstagram #foodphotography #yummy #foodiehk #hkfoodie #foodie #igfood #hongkong #hkfood #尖沙咀日本菜 #日本菜 #牛天神…查看更多

尖沙咀食lunch緊係想搵平靚正今次試左呢間*牛天神*餐廳位置唔多得8個，以bar枱為主 坐正電視位，一個人食lunch都唔怕以自助點餐機叫野食，點好比飛仔店員別格牛丼$50 好抵食有飯加麵豉湯牛份量好多，肉汁滿滿，如果再多D洋蔥就更好🤭，洋蔥太入味👏🏻正…查看更多

Cp值實在太高，短期內要再出post介紹🤣唔單止係附近嘅打工仔，假日黎開尖沙咀都可以黎試下！！！👍🏻因為呢度除左牛don足料又出色，另一款烤雞扒係值得一試👍🏻👍🏻👍🏻照燒雞扒don $60 有人話雞皮好邪惡又油膩而選擇走皮，但呢度嘅雞扒係 即叫即燒！咬落去脆口唔乾又嫩滑多汁，仲要燒到好靚仔，滿滿嘅焦香味，絕對可以介紹唔食雞皮嘅朋友黎呢到一試👍🏻👍🏻👍🏻麵豉湯正常味，足料每啖都有海帶食肉獸們 唔夠可以牛don追加雞扒（+30蚊） 😂再一次清碟😋店內有冰水同麥茶提供店內坐位唔多，小店唔難搵，係正六兩三對面😆牛天神 (尖沙咀)尖沙咀宜昌街6號地下B號舖…查看更多

叫左個野菜牛肉飯($55)加温泉蛋($10)，原來包埋麵豉湯，估唔到碗飯份量都幾大，我個女仔朋友食唔晒，下次可能要叫佢俾少啲飯。牛肉都多，個汁另上，但本身個牛其實都好夠味。啲菜係爽口唔係淋晒嗰種，好味。撈勻曬啲牛肉汁同溫泉蛋落碗飯度，再加啲七味粉，超!好!食! 係我暫時喺香港食過最好食嘅日式牛肉飯。舖頭唔大，得counter位，可能新開未係好多人知，唔算旺。有薑同酸瓜任夾，全部self service，店員幾nice。…查看更多

Last day先發現到新開既牛天神，唔通連個天都唔鍾意我😭天氣炎熱加上尖沙咀冇咩平靚正既餐廳，呢個月都帶飯。最後幾日同同事farewell出去食飯，先留意到六兩三對面開左牛肉丼飯🤷‍♀️❤️銅鑼灣未執既時候已經想試，可惜當年又唔近我舊公司😂自助落單好fun😂可以俾現金或信用卡👍食物只有牛同雞，選擇唔多啱曬，唔洗諗食咩。座位較少，lunch time要早d黎。擔心唔夠飽，叫左雙倍牛肉飯，送麵豉湯❤️估唔到個碗咁深，差d食唔曬🤗應該落左好多麵豉，麵豉湯勁濃味👍蘋果汁$20偏甜🍎枱面有凍水壺自己倒水😃 普通牛肉飯都係$50，質素絕對好過對面既火鍋店(menu轉黎轉去都係嗰幾味，冇鑊氣干炒牛河都冇得叫) 同隔離茶記(應該係個廚師中過covid後味覺弱左，幾次外賣都極咸，咸到食緊鹽咁) 。…查看更多

好消息～係樂道同亞士厘道之間嘅小街（宜昌街）牛天神重開啦！鋪仔仔細細，座位唔多一張細細嘅bar枱，採用自動販賣機形式，自助凍麥茶同冰水，滿滿嘅日本風格！每個飯都附上麵豉湯，係好飲嘅仲幾多海帶 ！呢度有樣好，唔洗好似某店要另外再叫多碗（嘔）汁，呢個特盛牛don ，兩倍牛肉，啱晒我地呢啲食肉獸，可以另外加配溫泉蛋就仲正，想健康啲都可以加份菜食👍🏻😌面頭果層肉夾起，望落去都係肉 正😄推薦度5/5牛天神 (尖沙咀)尖沙咀宜昌街6號地下B號舖…查看更多

以前銅鑼灣有分店，不嬲都幫襯開，不過要過海就少D食。今日經過尖沙咀見到原來已經開返啦即刻衝左入去食，店員哥哥話原來o岩o岩呢度開無幾耐，店內雖小，要既野都齊晒，食物同之前銅鑼灣店好似係一樣，味道都係咁好食，任何食物都完勝吉記，不過如果多D選擇會更加好，以呢個價錢o係尖沙咀食飯應該算係平，唔多人又想快食既好選擇，有2個覺得係幾好既位提一提，佢個菜係炒過唔係出面餐廳就咁白烚，有蒜香味，另外出餐連埋一小碗牛汁，唔洗煩店員哥哥，最後食碗牛汁落晒，好味。…查看更多