牛天宮

作為一名沙嗲控，每次聞到濃郁花生香氣就忍不住尋找源頭！今日嚟到呢間隱藏於尖沙咀的小店，正是為了可試試那碗可以自己涮牛肉的沙嗲沾麵。小店空間雖不大，但環境乾淨溫馨，服務態度親切，絕對係值得支持。手工沙嗲手切牛肉沾麵（火鍋） $68呢個餐係必點之選，最大賣點是可以親手涮牛肉！店家採用本地潮汕黃牛的牛頸脊，手切厚度恰到好處，油花分布均匀。將牛肉片放入滾熱的沙嗲湯中輕輕涮8秒，肉色由紅轉粉即可撈起入口，確實鮮嫩多汁。沙嗲湯底越煮越濃，更有花生碎增添口感，湯汁可掛在麵條上，完美演繹沾麵精髓。麻辣蔥油肥牛拌台灣幼麵 $65喜歡乾拌麵的食客可選，蔥油香氣突出，與麻辣醬汁平衡得宜，不過幼麵口感稍軟，麻辣度較溫和，嗜辣者可能需要額外添加辣醬。肥牛片軟嫩，整體調味清爽不膩。跟餐更可加多款小食：麻辣美國肥牛片 $30 醬汁濃郁，牛肉肥瘦適中，辣度輕微，屬入門級麻辣風味；炸花枝丸（4粒）$20 外皮薄脆，內裡彈牙且魷魚粒清晰可見，誠意十足；涼拌台灣百頁豆腐 $9 清爽開胃，醬油辣椒調配平衡；風沙雞翼（2隻）$14 炸蒜酥香惹味，炸功控制得宜，食落非常香口；麻辣貓耳朵 $9 麻香突出，口感爽彈，值得一試！飲品推薦清甜解渴的冬瓜茶（$7）或不加糖的白桃烏龍（$5），正好平衡濃味主食。…查看更多

今次同朋友兩個人，一口氣試咗兩款主打麵，再加埋小食，飽到上心口首先必試嘅係「沙嗲手切牛肉牛筋丸麵」。一上枱，個沙嗲湯底好濃郁，佢唔係得個鹹字，而係充滿層次感嘅香辣，仲帶住好濃郁嘅花生醬香，飲落順滑得嚟又唔會漿住個口。重點係個湯掛麵能力極強，每啖麵都沾滿濃湯！手切牛肉果然名不虛傳，油脂分布靚，淥得剛好微微粉嫩，入口軟淋得嚟仲有咬口，牛味香濃。牛筋丸絕對係驚喜位，彈牙多汁配料都絕唔馬虎，麻辣雲耳爽脆酸辣好過癮，溏心蛋流心效果完美，蛋黃香滑帶酒香，涼拌大豆芽清新解膩。飲品配咗杯冬瓜茶，清甜冰涼，正好平衡返個濃味。另一碗「鮮蕃茄湯手切牛肉麵」就係清新之選！個湯一飲就知落足料，用新鮮蕃茄熬製而成，天然酸甜開胃，仲飲到微微嘅果肉蓉，絕對唔係茄膏開出嚟嘅假味道。手切牛肉吸晒番茄精華，味道更鮮。配嘅台灣幼麵比較幼身，口感軟滑，同濃稠嘅番茄湯好夾。小食方面，「蔥油厚切香茅豬扒」係必叫之選！豬扒真係厚切，煎得外皮香脆，內裡肉質鬆化唔乾柴。香茅味醃得好入味，加上爆香嘅蔥油，非常惹味「台式鹽酥雞」即叫即炸，熱辣辣上枱，外皮酥脆到不得了，入面肉汁鎖得住，醃味鹹香帶微微椒鹽辣…查看更多

依間餐廳食到我同朋友都超！滿！足！$68就有個手切牛肉配埋個單人火鍋俾你自己淥肥牛！小食都只係加$10唔使，大大碟！唔覺意嗌咗勁多嘢食！嗌到成枱賣單都只係$220！連埋加一服務費！職員親切有禮貌，忍唔住讚叔叔你哋嘅沙嗲湯底真係好正！叔叔都好proud of佢哋自家製嘅沙嗲湯底！手工沙嗲手切牛肉火鍋沾麵 $68用個日式盤裝住手切肥牛、日本拉麵、火鍋同埋前菜，$68真係好有心！手切肥牛份量亦多，沙嗲湯底香濃惹味！再落埋日本拉麵，因應自己鍾意嘅軟硬程度，煮一陣都已經吸晒沙嗲湯底！認真不得了！望吓隔籬枱，每兩人都一定會嗌一個火鍋，你就知係必食item!餐飲加$7就有自家製無糖白桃烏龍茶，食咗熱辣辣嘅火鍋再飲一啖凍嘅白桃烏龍茶，爽呀！沙嗲手切牛肉牛筋丸麵 $68原碗上嘅沙嗲湯底係同火鍋嘅沙嗲湯底一樣都咁濃味，不過火鍋就好滾熱辣辣咁食正啲，牛筋丸係勁多筋係中間，同埋好濃牛味！成碗份量又係勁多，多到食唔晒！跟餐加小食 - 炸花枝丸4大粒 $20咁大粒真係嚇親！驚食唔晒！薄薄地炸咗一層嘅花枝丸，咬入口有好足料嘅魷魚！真係好食唔想浪費，就算幾飽都好同朋友點都要食晒佢🤣跟餐加蠔油生菜 $9生菜🥬新鮮咬落脆口，唔會煮到過火淋晒👍跟餐加台灣涼拌百葉豆腐 $9涼拌百葉豆腐啱晒食火鍋個時refresh一吓口腔小食 - 金牌沙嗲蘿蔔 $12見餐牌寫住金牌又忍唔住嗌嚟試吓，大大舊蘿蔔好爽口，唔會煮得過火淋晒，但又入晒沙嗲味！見門口有下午茶餐牌，食個麵好似先$28超！只可以講係尖沙咀返工嘅打工仔有福了❤️❤️❤️📍牛天宮 (尖沙咀)🔎尖沙咀宜昌街3號地舖…查看更多

作為沙嗲控嘅我誠心推薦各位都中意沙嗲嘅人必須要嚟試下﹗﹗牛肉亦絕對對得上牛天宮嘅名外觀裝修得好靚職員都好nice已經比我mark入必須再回訪嘅餐廳手工沙嗲手切牛肉沾麵(火鍋)肉質望落勁靚又新鮮厚薄切得恰到好處落鍋度快速淥幾下變色就食得牛肉嫩滑嘅口感配上沙嗲湯係天作之合沙嗲湯足滿濃郁花生味而且湯底會越煮越濃食到中尾段變成沾麵湯厚實濃郁嘅感覺作為超中意沙嗲湯嘅我嚟講依度嘅沙嗲係超出色﹗招牌沙嗲手切牛肉麵可以自選麵底，有拉麵、出前一丁、台式麵揀揀咗拉麵麵質有咬口又掛汁牛肉同樣嫩滑台灣鹽酥雞外脆內嫩調味恰到好處細細粒果啲食落好似爆谷好開心麻辣貓耳朵超出色，中意麻辣嘅人必點麻香味好出，唔會得個辣字真係feel到麻味係舌尖上面跳舞炸花枝丸、炸花之蝦扒兩樣都好好食外面酥脆內裡好彈牙蠔油生菜食太多炸野辣野想食返小小菜清下而且因為白灼仲好健康跟餐可以加配跟餐配餐飲凍冬瓜茶、白桃烏龍(無糖)好解膩白桃烏龍無糖夠晒清新茶香…查看更多

見到呢間新開嘅小店主打沙嗲牛肉🐮 用上手切牛肉咁有誠意真係好有特色❤️一試之下牛肉果然有返咁上下水準而且CP值非常高🥹 呢個價錢識到私房菜打邊爐嘅牛肉質素真係好有驚喜呀🤩⭐️ 手工沙嗲手切牛肉沾麵 🥩不得不讚手切牛肉十分新鮮充滿濃郁肉味🤪咬落去好有口感唔會過韌🩷 沙嗲湯底嘅濃度恰到好處🌶️沙嗲味同花生香平衡🥜作為沾麵嘅食法香濃掛湯又不會太膩⭐️ 鮮蕃茄湯手切牛肉牛筋丸麵 🍅除咗沙嗲牛之外私心推薦蕃茄湯🥫用上新鮮蕃茄比一般嘅更加濃郁同鮮甜🌱同樣有手切牛肉配上彈牙嘅牛筋丸💫另外再追加滷水蛋整體好開胃🥚⭐️ 炸花枝蝦扒 🦐酥脆得來保留咗花枝Q彈的口感🦑係小食的好選擇⭐️ 台式鹽酥雞 🍗⭐️ 瑞士汁雞中翼 🐔另外點咗鹽酥雞真係好香口🇹🇼調味啱啱好有夜市風味🧂瑞士雞翼同樣入味🇨🇭⭐️ 冬瓜茶 🥤⭐️ 白桃烏龍 🍑冬瓜茶清甜啱啱好解渴🍉 白桃烏龍就不加糖充滿清新感🍵…查看更多

呢個位於尖沙咀嘅店鋪嘅一人沙嗲牛肉火鍋真係讚到爆，適合一個人食得飽飽又開心！湯底係沙嗲味，顏色濃郁，熱氣騰騰冒煙，啖啖花生同香料香氣扑鼻，超有東南亞風情 🔥。牛肉軟熟，紅得發亮，涮一涮煮熟肯定嫩滑多汁，味道正到飛起 🥩。旁邊嘅黃麵條份量超大，煮得軟硬啱啱好，吸滿湯汁後真係入味到不得了 🍜。配菜有生菜同小番茄，清新甜酸味同湯底一搭，平衡咗油膩感，食落好舒服 🥗🍅。仲有滷蛋，口感層次超豐富，唔會覺得悶 😄🥚。整體嚟講，份量夠晒，味道豐富，唔食連鎖店可以試下係尖沙咀一個人晚餐嘅超正選擇！👍…查看更多

位於尖沙咀的牛天宮，雖是小店，卻藏著濃濃花生香的驚喜。環境乾淨溫馨，服務親切，令人倍感舒適，絕對值得一遊。必點招牌！選用潮汕黃牛頸脊，手切牛肉厚薄適中，油花均勻，涮煮後入口嫩滑。沙嗲湯底濃郁，花生香氣撲鼻，煮後更濃，湯汁掛麵，入口滿是沾麵精髓，令人回味無窮。湯底用新鮮蕃茄熬製，酸甜開胃，帶微果肉蓉，鮮味十足。牛筋丸彈牙，搭配牛肉，口感豐富，令人滿足。冬瓜茶清甜解渴，或試無糖白桃烏龍，果香清新，完美平衡濃味主食。牛天宮以用心食材和獨特沙嗲風味，成功俘虜味蕾，無論主菜小食，皆令人滿足，沙嗲控必試！…查看更多

不過不失食牛餐廳🐮難得假日梗係周圍搵餐廳試下，今次咁岩要出尖沙咀，就揀左呢間牛天宮試試。本人都幾鍾意食牛，實在要試試呢間牛牛d質素。入店後，店員服務唔錯，不用等位馬上可以安排入座。雖然座位偏窄，但坐落去都還可以，仲有貼心位係枱底下有個掛勾，可以用嚟掛背囊等行裝。而點餐是自助形式，手機落單。而上餐速度還可以，等一陣就有野食。而我點左個手切牛肉泡飯，食落牛肉都新鮮，湯底都夠味，份量正常可以接受。埋單人圴都係80蚊左右，係旺區黎講算可以。…查看更多

呢到嘅蔥油厚切香茅豬扒，切得夠厚實，內裡豬肉鬆化帶汁，香茅醃製嘅味道輕輕滲入，唔會太重口，配埋熱辣辣嘅蔥油一淋，食落層次分明，豬肉嘅鮮甜同香茅嘅清新咬合得好好，咬落去有少少彈性，唔會覺得油膩。🍖招牌沙嗲手切牛肉麵加台灣幼麵，呢碗麵湯底係自家製沙嗲，煮得出花生香同辣味層層疊加，唔會太漿口，手切牛肉片片薄薄地，油花分佈勻，淥過之後粉嫩嫩，咬落多汁有嚼勁，牛筋丸彈牙得嚟內裡軟滑，幼麵吸飽湯汁，軟滑掛得緊，食到尾段湯底仲越嚟越濃郁，整體平衡得嚟唔會悶。🍜風沙雞翼，炸得外皮金黃脆口，內裡雞肉嫩滑，蒜蓉灑得勻，食落蒜香同雞汁混埋一鑊，兩隻份量啱晒當小食，餘韻留低少少鹹香，配飯或麵都唔錯。🐔瑞士汁雞中翼兩隻，醃製入味，瑞士汁同雞肉融合，煮得皮脆肉嫩，汁水鎖住唔外洩，食落濃郁但唔膩。🧀溏心蛋，蛋黃煮到半熟流心，滷汁滲入蛋身，食落蛋黃香滑帶酒香，蛋白彈牙唔散，配濃湯或麵解膩得緊要，簡單一咬，蛋黃流出，增添滑溜口感，份量單顆但夠晒誠意。🥚桂花茶，茶香清淡，桂花味輕輕飄出，飲落順喉唔澀，帶少少花香餘韻，配重口菜式中和辣度，簡單但啱晒日常，唔會太甜膩。🍵蕃茄鳳尾蠳湯麵加蕃茄烏冬，湯底用鮮蕃茄熬製，酸甜自然帶果肉蓉，鳳尾蠳切片吸湯精華，鮮嫩彈牙，配牛筋丸增添Q彈，蕃茄烏冬煮得軟滑，掛汁能力強，食落開胃清新，湯汁濃郁但唔油，烏冬粗幼適中，咬落有嚼頭，整體輕盈得嚟有滿足。🍅炸花枝丸四粒，大粒實在，外皮炸得薄脆金黃，內裡魷魚粒清晰足料，彈牙得嚟唔柴，食落海鮮鮮甜突出，四粒份量啱晒分享，咬一口脆響內軟，簡單小食但做得出色。🦑白桃烏龍，茶底烏龍清香，配白桃汁輕輕混入，飲落果香同茶味平衡，無糖版清甜唔膩，冰涼解渴，配濃味主菜沖淡辣度，感覺清新。🍑…查看更多

尖沙咀牛天宮主打沙嗲料理，將港式風味與創新手法融合，打造出一系列令人驚喜的餐點。除了沙嗲湯麵及沾麵，餐廳亦提供番茄湯麵、湯飯、特色大碗飯、特色便當、涼菜、炸物、小食，選擇豐富，適合不同客人既口味。「手工沙嗲手切牛肉沾麵(火鍋)」牛肉切得厚薄適中，肉質鮮嫩，沙嗲湯底香濃不膩，配上追加的牛丸更添口感層次；炸花枝丸外脆內彈牙；溏心蛋蛋白滑嫩、蛋黃呈半凝狀，鹹香濃郁，是點綴味蕾的小巧驚喜。另一款「鮮蕃茄湯厚切香茅豬扒麵」則展現出餐廳的多元風格，蕃茄湯底酸甜平衡，香茅豬扒厚切多汁，香氣撲鼻；蠔油生菜爽口不過鹹；瑞士汁雞中翼甜中帶鹹，肉質嫩滑。冬瓜茶清涼解渴，與主菜相得益彰；無糖白桃烏龍茶，清新解膩。總結，餐廳不僅食材新鮮，味道出眾，更在細節上見心思，是值得品嚐的本地特色餐廳。…查看更多

人均百元也可以吃到品质超高的现切鲜牛肉啦，周末爱去尖沙咀逛街的宝宝们可以顺路试下～✨吱吱亲试必点推荐✨▪️沙嗲大满贯汤面 💰88谁能想到料超足的海鲜全家福只有八十蚊！汤底浓郁可以直接喝日本拉面挂满金黄汤汁 Q弹有韧性▪️手工沙嗲手切牛肉沾面🔥 ➕麻辣美国肥牛片 💰30 ➕蚝油生菜 💰9 ➕瑞士汁鸡中翼（2只） 💰14 ➕风沙鸡翼（2只） 💰14牛肉堆成小山丘！肉质鲜嫩到咬下去会爆汁蘸着沙嗲火锅汤底吃超香生菜甜嫩大盘 好久没吃到这么脆的了🤤瑞士汁鸡翼甜咸交织 风沙鸡翼酥到掉渣人均💰：60➕📍尖沙咀宜昌街3號地舖（🚇尖沙咀/尖東站 L5 出口, 步行2分钟）…查看更多

尖沙咀旺區呢間小店真係唔錯，價錢平又抵食，店員仲超級熱情親切～😍 環境細細間但好有人情味，感覺好舒服！🌟.食物方面：鮮茄湯手切牛肉牛筋丸烏冬湯酸甜夠味，牛肉新鮮嫩滑，好開胃！🍅🥩 牛筋丸彈牙湯底濃郁，烏冬滑溜，食得好滿足！🍜 .沙嗲蘿蔔牛面肉湯麵+出前一丁 呢個真係茶餐廳高級版沙嗲牛麵！沙嗲醬香濃郁，牛面肉軟熟，出前一丁彈牙超搭！🥢 .瑞士汁雞中翼（2隻） 甜鹹滋味令人上癮，雞中翼多汁好食！🍗 .涼拌台灣百頁豆腐 清新解膩，平衡一餐重口味！🥗 .溏心蛋 蛋黃滑溜，超級加分！🥚 .整體CP值超高，仲有熱情嘅店員陪你係旺區都食到平靚正，好難得！👍…查看更多

今日喺尖沙咀附近行街，下午茶時間嚟到牛天宮沙嗲手切牛肉牛筋丸出前一丁手切牛肉感覺好新鮮，入口非常嫩, 配合埋濃郁沙嗲味道很不錯沙嗲味比較偏甜香，微微辣，配合出前一丁食唔錯牛筋丸牛味濃郁，爽口彈牙炸花枝丸 感覺啱啱炸好，非常熱。花枝丸大大粒，外層炸衣薄薄鹹香，裏面有花枝粒，彈牙好味沙嗲蘿蔔白蘿蔔非常之林！好入味😊（下午茶）蕃茄豬扒拉面蕃茄湯底味道香甜濃郁，配合埋拉麵感覺不錯😊豬扒煎得好香，配合埋香蔥一齊食更惹味薑母茶甜度辣度適中，溫熱嘅感覺很養生白桃烏龍 無糖感覺清香，消暑。淡淡的白桃味非常不錯，味道感覺很有層次整體嚟講，呢間小店不錯，我哋食嘅期間都有源源不絕嘅客人希望下次再試吓佢哋嘅肥牛及鳳尾蝦好唔好味😊…查看更多

今日朋友話想食牛，我地便來了這餐廳吃飯。沙嗲手切牛肉，牛筋丸拉麵（$68）：沙嗲味的湯底帶有濃郁的香料味，讓人感覺到獨特的東南亞風味。湯頭濃厚卻不油膩，適合喜愛濃味的食客。手切牛肉口感非常優秀，肉質鮮嫩，牛肉的鮮美與沙嗲的香氣相融合，令人回味。牛筋丸的口感彈牙，咬下去時會有些許的彈性，搭配湯頭十分合適。牛筋的味道不會壓過其他食材，反而增加了整體的層次感。跟餐加了個麻辣美國肥牛片（$30）：麻辣美國肥牛片使用新鮮的美國牛肉，肉質鮮嫩，配以麻辣的醬汁，使其在口感上既有牛肉的鮮美，又有香辣的刺激。手工沙嗲手切牛肉沾麵（$68）：手切牛肉選用上等部位，烹調後保持了肉質的鮮嫩，咀嚼時汁液充盈，讓人感受到每一口的滿足感。沙嗲醬由花生、香料和椰漿等製成的醬料，其獨特的香氣和味道為牛肉增添了層次感，讓整道菜在口中形成一種濃郁的香氣。選用的麵條口感滑順，能很好地吸附沙嗲醬，讓每一口都能品味到醬汁的美味。而且，麵條與牛肉的搭配，不僅口感上互補，也讓整體的營養更加均衡。跟餐加了個醬油生菜，都幾清甜美味。還加了一個溏心蛋，都幾好食。風沙雞翼：風沙雞翼外皮脆口，咬下去會發出清脆的聲音，裡面的雞肉則鮮嫩多汁，保持了良好的水分和肉質。這種對比使得每一口都令人滿足。炸花枝丸都不錯，幾好食。…查看更多

今次我去咗一間位於尖沙咀嘅餐廳，聽講佢哋嘅手工沙嗲手切牛肉沾麵（火鍋）係招牌，所以我好期待。手工沙嗲手切牛肉沾麵（火鍋）首先，呢個牛肉真係一流！佢哋用新鮮嘅牛肉，切得好薄，入口即溶，肉質嫩滑。沙嗲醬味道濃郁，帶有一啲微辣，令牛肉更加出味，配搭啲手工沾麵，真係一流！再加埋火鍋嘅熱氣，整個人都暖暖地，食完真係心滿意足。番茄大滿貫湯麵跟住我試咗番茄大滿貫湯麵，湯底好特別，酸酸甜甜，番茄味超濃，飲落去好開胃。麵條滑順，吸收咗湯汁，食落去非常滿足。呢個湯麵好適合炎熱嘅天氣，飲完之後心情都好好。鹵水蛋再講講鹵水蛋，呢個簡單但好味。蛋白緊實，而蛋黃就剛好流心，鹵水味道入味，唔會太鹹，食嘅時候可以搭配啲飯或者麵，味道更佳。每一口都好享受。桂花茶飲品方面，我選擇咗桂花茶，茶香撲鼻，味道清新，唔會太甜，飲落去特別舒服，仲可以消暑，真係一個好選擇。涼拌台灣百頁豆腐涼拌台灣百頁豆腐都好正，豆腐爽口，配合啲醬油同香油，味道恰到好處，食落去好清爽，係開胃菜嘅最佳選擇。台式鹽酥雞最後，台式鹽酥雞真係唔可以錯過！外脆內嫩，炸得金黃，配上特製醬汁，真係好入味。每一口都充滿香脆感，特別係搭配一啲蒜蓉醬，味道更加提升，令人一口接一口，停唔到手！…查看更多