牛大爺清湯腩

首先最想講嘅係地下好跣，真係好跣好跣好跣，每次出去拎嘢食都要好小心咁行。同職員反映過都無動於衷🤷🏻座位安排好差，櫈又唔好坐。食物方面，菜款好少，仲成日無貨，補貨速度太慢。湯底幾乎無味，只可以話係有少少色嘅清水，而且選擇好少。牛肉切到好碎，好多都係靭，完全咬唔開，真係好失望。其他食材都唔新鮮，可以話係基本都未做好。仲要落單落3碟cut淨2碟....無言・落單等上菜又好慢，2小時，時間就變得有d趕。…查看更多

一開張食過一次一般對上一次叫崩沙腩有少少進步，諗住俾多次機會支持下d新舖今日叫左碗牛爽腩河，黎到同湯渣無分別，完全無筋膜無肥,求其一間粉麵店幾十蚊都好過佢，呢碗仲要$68叫佢拎返廚房換師父仲話爽腩係咁，以後都唔會再黎…查看更多

睇佢社交平台好似好正所以今晚就同屋企人嚟試下打電話得九點可以book妹夫七點到咗就行過去問下有冇得wall in服務員就話有位call返我哋 點知七點半真係有枱可以畀我哋提早入服務員個態度非常好 真係要畀個like入座後 就送咗海鮮拼盤上嚟 海鮮睇落都好新鮮 即食鮑魚仔好好味台山蠔好鮮甜 啲蝦都非常新鮮彈口我哋所有牛都有點 質素唔差好有牛味崩沙腩同牛腸都好正 佢仲有好多款嘅配菜任拎任食飲品有好多選擇一啲都唔馬虎 唔鍾意飲罐裝樽裝嘢仲可以叫水吧嘅咖啡奶茶甜品雪糕竟然有小時候既脆皮樂同旺寶 完全暴露咗我哋嘅年齡秘密😆六個人食到超飽埋單連加一要二千零幾我覺得真係好抵食…查看更多

牛肉新鮮，有茶餐廳嘢飲選擇唔算話好多，但勝在每一樣都好高質素上牛肉速度仲要好快，雪花吊龍同胸口油都好出色今日打電話book位話full左，最後好在Walk in成功有位職員仲好好，咁送咗海鮮拼盤俾我哋食同兄弟黎食性價比超高，絕對會再嚟…查看更多

今晚同朋友諗住試呢間，6點9到話冇訂位3人要等到8點半，即管試下等下有人冇嚟頂上，點知好彩真係有！試完，由頭食到尾都驚喜！湯底正牛骨熬到夠香夠濃，飲得多都唔會太鹹，超正！牛肉質素好好有唔同部位，每碟仲貼心貼張小卡：「吊龍，淥8秒」「胸口油，淥1分鐘」新手都唔怕淥過龍，讚！老闆超友善 新開張仲送三文魚刺身同磯煮鮑魚價錢超抵食任食2小時，包飲品+雪糕，食到撐住走都覺得賺晒！總結五個字：湯正、肉靚、老闆好人、超抵、下次再嚟！💡 Tips：7點已經開始多人，記得訂位！#牛肉火鍋 #任食放題 #老闆送刺身 #抵食推介…查看更多

昨晚朋友聚會，天氣涼涼哋，朋友上星期已訂位，提意嚟新開呢間牛肉火鍋放題。平時返大陸食牛肉火鍋都係陪朋友，但大陸啲牛其實無咩味，由於先入為主，感覺香港食牛肉火鍋都係差唔多，其實唔大興趣🥹但估唔到牛同深圳食嘅幾間唔同，真係好有牛味（日本牛會分級數，原來大陸牛都有分😂），當然要加多個我最愛食嘅崩沙腩(後期叫無影相)，油脂香口，軟淋度啱啱好🤩。仲有海鮮拼盤，之前睇相麻麻，原來好新鮮👍。下次有其他朋友話食牛肉火鍋都會推介呢間，好過返大陸車錢都成舊水，來回時間冇三個鐘都兩個半鐘，打邊爐我覺得始終都係香港食最好，淨係講蝦滑，大陸假到真係唔夠膽食😅…查看更多

碎牛打邊爐真係第一次食你D牛幾新鮮幾靚都無用除咗牛舌, 咩部位都係俾碎牛你大佬你係唔捨得俾人食定係個師傅唔夠班一係你收貴少少 俾返正常一片片人哋一係你正正經經上大陸搵外勞 請個潮汕師傅幫你切牛肉所以真係唔好怪人北上消費我屋企人以前都做飲食你咁樣新開張俾咁嘅質素 真係搞臭自己個朵你係都要玩碎牛打邊爐呃客 都做起咗個朵先cut cost啦聰明仔…查看更多

我剛剛食完我覺得平靚正， 地方雖然唔大但係環境乾淨光猛， 如果鐘意食牛嘅人一定鍾意。 同套戲一樣要自己親身睇過食過 先知道好唔好(個人觀感) 唔好淨係睇食評 影響自己嘅決定。 同老闆傾計， 老闆好有誠意去做生意， 下個月會去荃灣再開多一間更加大 ，如果啲嘢食唔得點夠膽再開多間。…查看更多

4位朋友聚會，又飲又食，$300真係抵！禽日去食完，都唔係食評講到咁差啫，又或者可能改善咗啦！d牛真係新鮮好食😋眼見收銀位不斷接聽電話，難怪電話成日打唔通。我哋現場即時再約下個禮拜👌…查看更多

見葵芳開咗間潮式牛肉火鍋，決定試佢一試，估唔到喺香港真係可以食到咁多唔同牛肉嘅部位，仲要係任食，再加埋佢送嘅海鮮頭盤，一個人幾舊水就可以買到單，真係冇乜嘢好講，慳返北上來回嘅時間都抵返晒。👍🏻不得不提，佢嘅甜品竟然有笨nana，回憶返晒嚟，真係要加分😂差啲漏咗，點完菜上菜都算快，連我哋呢種狂風掃落葉食法都食得飽飽，唔錯唔錯。當然食嘢時間可以長啲就更加好（唔係用嚟食，因為真係已經好飽，係用嚟吹水😝），不過喺香港地都明白。約緊下次再去過。…查看更多

牛肉新鮮又有牛肉香味，而且款式多，有不同嘅部位可以選擇，每個部位有唔同口感，有嫩滑及爽口的😋個人喜歡爽口，所以食咗好多牛胸爽😋。唯湯底較遜色，未夠濃郁；飲品利賓納味道不似預期！整體唔錯👍🏻…查看更多

睇IG 廣告好靚仔，點知一試就伏伏伏伏伏，伏過直升機.除左牛舌 胸爽係完整一片其他部位全部經過碎紙機， 廚房員工（因稱不上廚師 唯有用員工二字稱呼）手法極度入門 所有牛順紋去 引致所有牛都係咬唔開。牛冇牛味 湯頭冇味。 唯一要讚係跟餐限量鮮蝦 鮮爽甜彈 高質 不過一人一隻自己諗其他非牛類正常發揮 睇完招牌為牛以去可以放棄。希望牛大爺會正視呢個食評 非惡意抹黑， 呢個位之前好多間都做唔耐 做唔起， 難得有間打邊爐希望做到落去。老人村 呢個價真係極進取 希望你啲食物可以對得住你個價錢啦…查看更多

📍牛大爺清湯腩 (葵芳)葵芳興芳路177號葵芳廣場地下19號舖睇到社交平台推介，於是想今晚收工同朋友嚟試試，打咗四次電話過嚟先打得通。當時時間係20:36，我問今晚仲有冇位，個男職員同我講，叫我21:15過嚟有位，我話OK冇問題我兩位，男職員冇問過我任何資料或者留位就cut咗我線。我同朋友行到身水身汗嚟到嚟到個女職員同我講冇位，話我無book位，成件事真係好黐線囉，其實你冇位就唔好叫我21:15過嚟啦！完全覺得俾人整蠱囉，成個體驗都好差，我發誓我唔會再嚟呢間餐廳！————————————————————整體用餐體驗✨味道(0/5)✨環境(1/5)✨服務(0/5)✨性價比(0/5) …查看更多

阿師傅大哥，啲牛切好啲好喎🐑佢嘅牛肉來貨本身係靚嘅，絕對新鮮，絕對油潤，可惜切牛嘅師傅大哥，唔知係太忙太多嘢做定係新手入行，牛肉全部Hea切。首先，好多都切到碎濕濕細細塊，完全失去打邊爐食牛嘅意義；第二，切牛肉時懶理佢三七二十一，橫紋直紋亂切一通，搞到原本有質素嘅牛淥完之後，仲使10秒內淥完，咬落去都好鬼死靭。用心切啲牛，唔係就好浪費其他配料反而唔錯：🐑崩沙腩夠肥，肉質夠滑唔嚡口，非常出色🐑海鮮拼盤，蝦、蠔、蜆、龍躉片，全部新鮮🐑白鱔咪睇佢切條切到衰衰咁，入口好彈牙，肉質雪白🐑水餃夠足料，筍夠爽，蝦大大隻，肉碎肥瘦均稱，好滿足🐑牛丸新鮮手打，調味足，好彈牙🐑豬潤冇刻意啤水，保留豬潤原味，係好耐冇喺出面食過咁好食嘅黃沙豬潤🐑環境方面店方真係要注意下，地板超跣腳，咁多客人出出入入攞醬料、火鍋配菜、飲品等，地下咁滑遲早出事，就算跣親客人或員工都唔係咁好啦😌…查看更多

之前食過兩次Lunch 食物同服務都OK 的 原本Book 咗夜晚火鍋for 中秋 第一次Book 咗時間係6:00後來佢哋打電話來話叫我改5:30 當時都冇問題 但到臨Booking 當日 竟然下午時間先打來話佢地修改咗時段 叫我改5:00-7:00 我話時間唔得 個店員重係噤同我講話其實打邊爐個零鐘都夠 又話其他枱枱都改到之類說話 但我想問下打電話來個位~~阿姐 係咪枱枱得就等如我哋一定得？ 我哋唔係全日坐係度等時間去食飯㗎 有冇諗過人哋有其他野做？ 最好笑係話佢地D時段已經改咗幾日 但點解佢哋改個幾日唔打黎講先？ 係咪你D就係時間 人哋個D就乜都唔係？當然我哋亦明白做生意係想做多幾輪 但如果明知時段已經改左幾日 點解唔幾日前先通知客人呢？ 最後佢好勉強話照比返5:30-7:30 時間我哋.. 不過我哋最後都決定唔去 Cancel 了 主要原因係因為佢哋嘅處理手法好有問題😝😝😝😝…查看更多