牛大人台灣火鍋吃到飽

营业中

休息中

最近在將軍澳站附近，牛大人終於在popcorn商場開業啦。牛大人的打邊爐鍋選擇多樣，我選了台灣香濃蕃茄鍋。這道湯底以台灣特有的蕃茄為基礎，濃郁而香甜。打邊爐醬油則有特製豬肉醬、台灣酸辣醬、腐乳醬、手切辣椒和蔥花等多種選擇，能夠滿足各種口味的需要。在食材方面，牛大人提供了多種選擇。可以選擇白飯和滷牛肉，打邊爐食材有粟米、金菇、冬菇、冬瓜、蕃茄、海膽包和芝士腸等豐富的配料。這些配料的搭配使得每一口都充滿了層次感和豐富的口味。在飲品方面，牛大人提供了多種自家製茶的選擇，包括桂花烏龍、燒仙草爽、烏龍茶、汽水和白桃烏龍等。這些飲品清爽可口，是打邊爐時的理想選擇。肉類我們選擇了最貴的餐，可以無限吃高質牛肉和海鮮。澳洲M9和牛牛丸和鴨屎香檸檬茶都是店內的特色菜品。而澳洲和牛M5牛肩卷、安格斯牛小排、豬雪花肉片和各種海鮮如蜆和蝦等也是不容錯過的美味選擇。最後還有雪糕或仙草做甜品。

牛大人應該大家都識🤪今次終於第一次去食😆第一次去到當試吓最貴嘅澳洲極上和牛🥩$328每位仲附送澳洲M9和牛牛丸兩粒～湯底都有10款可以選擇，我哋今次就揀咗牛大人秘方麻辣鍋，飲落幾香唔會太辣🌶️呢個set係包晒所有肉任嗌，當中一定要試嘅當然係澳洲和牛M5牛肩卷、安格斯牛小排、安格斯一口牛肉粒、手切封門柳等等，而我自己最鍾意嘅一定係佢嘅澳洲和牛M5牛肩卷，識落牛味濃郁，而且好腍，幾乎入口即溶🥰另外仲有好多台式小食可以嗌，有鹽酥雞、台灣腸、甘酥脆薯，仲有好多款水餃同埋海鮮漿可以揀，自助區亦有多款醬料、蔬菜、丸類同埋飲品，真係超級多嘢食～ 佢哋嘅台式小食，尤其係鹽酥雞真係幾好食，炸得香脆，入面嘅雞肉多汁，完全好似係返咗台灣咁🤤最後甜品仲有每人一杯movenpick雪糕，食完真係非常滿足🤰🏼

牛大人終於開到將軍澳😆！！今次2個人叫咗澳洲極上和牛餐 分時段收費最平$288已經可以食到佢地最高級嘅和牛套餐😙 實不相瞞我都係第一次食牛大人 估唔到任食嘅牛肉質素都咁好！仲高質過好多大型火鍋店單點牛肉片！！選擇困難症嘅我叫咗店員推介湯底 今次就叫咗期間限定嘅剝皮辣椒雞湯🫑 推薦大家一定要試呢隻湯底 烚菜嘅時候可以食到微微辣 正！肉類方面可以主攻牛肉🐂！中意油感重啲嘅可以叫澳洲和牛M5牛肩卷 送嘅每人兩粒澳洲M9和牛牛丸好juicy 食落爆牛油💥 另外安格斯牛小排 同手切封門柳都好掂 但講到最中意都係期間限定嘅牛胸爽！如果見到一定要嗌！！我地encore咗3 4次 超正👅除咗手機落單嘅items 都仲有得自己拎唔同嘅菜、丸、麵、飲品 特別中意佢地有唔同無糖茶選擇 打邊爐飲茶清清地 罪惡感都冇咁大 😈！仲要記得試佢地嘅台灣水蓮 好少見香港打邊爐有 口感好脆 好特別架😜

見大家都話派飛姐姐唔掂，我又無呢個問題😂可能我哋好早到，暫時無人排隊，全程service都非常好👌啲牛肉質素算唔錯，以任食來講，呢間真係超值，不枉我山長水遠走入來食～😂😂😂佢哋個牛肉醬汁好好味，建議大家都試一試。同啲牛肉真係好夾，但我自己就另外加咗少少醋，酸酸甜甜更好味～😚😚仲有個火鍋寬粉都好正，同個湯底好夾，再加牛肉汁一齊食真係一流 😂😂btw…商場個指示都幾唔清晰，我哋非將軍澳居民揾咗好耐先揾到個位上去 😅😅😅

有冇人同我一樣🤣每逢新開分店牛大人🦬點都要去食哩晚約咗勁鐘意食牛嘅好姊妹去popcorn分店吃到飽新店空間寬敞乾淨企理，倆邊座位枱中間走路都好闊落，自助區食物及飲品擺放都很整潔。極上和牛吃到飽120分鐘$288另外like&follow 牛大人社交平台可每人即送一杯🦆鴨屎香檸檬茶🍋🥃哩杯味道唔算好甜🌿幾清新又解膩湯底點咗個清清地阿嬤養生濃湯鍋材料有桃膠、紅棗、娃娃菜、 桂圓、有豬骨味道清甜。牛肉推薦必吃手切封門柳🦬澳洲A5和牛肩卷🐮安格斯牛板腱，牛味十足😋另外餐廳每人2粒M9和牛牛丸，一咬爆汁超濃牛味雖然係放題，但海鮮方便質素都唔錯，食咗2轉蝦肉質都係彈口🦐沙白係冇沙的👍其他食物墨魚滑、蝦滑及台灣直送蔬菜都新鮮唔錯👍自助區每次見到白飯及鹵肉燥🍚🥘都好想食，但係真係飽到冇機會食🫢不過甜品係另一個胃🤣一定要食埋台灣仙草先夠圓滿😋不過都要讚吓popcorn分店入面各店員都幾有禮貌，哩晚就見不到食評中提及門外派飛個阿姐了🤭

除咗門口阿姐，其他侍應服務態度都超級有禮貌 抵讚！但唔明白coupon問題係好難答？即刻黑面、唔耐煩，我諗呢種服務態度好多人見到都即走。。。。「想問今日可以用storellet coupon？」跟住就即刻唔耐煩 話「淨係可以用鑽石級會員coupon」問係咪淨係今日唔可以用又重複上句後尾先話冇得同88折共用 你直接講咪得🫡🫡呢啲態度 好心同入面啲侍應同事學下嘢😆😅4分唔係俾你的

最差服務態度，座位安排十分差，3個人排緊3-4人臺，櫃面啊姐話最多只可以比2-3人臺，但係入到去發現其實只係二人臺，三個大男人點坐。係櫃檯出面個選項明明就冇2-3人呢張可以攞，但係入到去話宜家啲座位緊張，唔可以比4人臺。之後話可以補返張臺比我地，但係結果又只可以補2-3人臺。座位安排極差，唔建議大家過黎食，費時等位嘥時間。

遇過最差的帶位，安排坐位及服務態度差，新開已經唔多人，明明大把位，但限人入！！ 而且帶位的阿姐講野無禮貌，任食限兩個人先可以入座，呢個規矩我冇話要破壞，但服務員的態度勁似歧視一個人嚟食飯，，所以我咪等定量，但明明先嚟，門口帶位阿姐忘記按飛，無記低，就俾後來的人先入，明明一開始話叫你等幾分鐘，結果等咗20分鐘，比後來先上這入，再繼續要你等另一個20分鐘⋯⋯請問這服務態度是公司訓練出來的嗎？這樣對客戶？？